ناس البيت

[ماجدولين]

كو كو كو ....

ناس البيت....

ازيكم وكبف حالكم...

هي البيت ده ما فيهو ناس وﻻ شنو؟؟؟

اهﻻ اتفضلي بجو بعد شوية..

والله يا اختي فقدتهم واشتقت لي لمتهم وونستهم الحلوة ديك...

وبالذات لي ست النسوان ام رغد عليك الله قولي ليها مشتاقة ليك شديد.

اها يابت امي ودعتك الله ولمن يجو بجيهم صادة.

[أبا إيثار]

سلام ناس البيت ياحروم إتحشمن
أخباركن وكيف حالكن وكيف العقاب
جيتكم متقريف للجبنة لو ماعندكم بن
خلينا نديكم عرض كتافينا ونتخارج ونشوف
لينا أقرب ست جبنة من هنا ..
مسعولين من الخير المرة النضامة ديييك جاتكم
بي هنا قبل شوية ,, أها شمارا شنو الليلة .
وخبر العواطلية المجنون ورفقاتو وأبو عضلات داك
الجنو يلبس أحمر خبرم شنو ؟؟
وخالتي خبرا شنو مايكون جاها الزهايمر وطشت
وماعرفت المحل ؟؟؟

يااااخ جبنتكم دي شكلها متأخرة

فتكم بعافية .

[ahmed algam]

هم لسة ماجوا
خبارهم

كدي النفقدهم
افقدوهم معانا ياناس

[ماجدولين]

سلام ناس البيت ياحروم إتحشمن
أخباركن وكيف حالكن وكيف العقاب
جيتكم متقريف للجبنة لو ماعندكم بن
خلينا نديكم عرض كتافينا ونتخارج ونشوف
لينا أقرب ست جبنة من هنا ..
مسعولين من الخير المرة النضامة ديييك جاتكم
بي هنا قبل شوية ,, أها شمارا شنو الليلة .
وخبر العواطلية المجنون ورفقاتو وأبو عضلات داك
الجنو يلبس أحمر خبرم شنو ؟؟
وخالتي خبرا شنو مايكون جاها الزهايمر وطشت
وماعرفت المحل ؟؟؟



يااااخ جبنتكم دي شكلها متأخرة

فتكم بعافية .




اتفضل اتفضل ...

لكن اقيف ياود امي النلفح لي توب ..

والله الشمار حارقني وعاوزة اعرف اهل البيت ديل مشو وين ..

جيت تاني تاوقت لقيت البيت فاضي..

لكن الله يبارك فيك ادخل ادخل...

الجبنة جهزت خلاص..

اريتها جبنة حبيبك جبنة بي بخورها كمان...

بس فاقدة اللمة والونسة الحلوة.

[ماجدولين]

هم لسة ماجوا
خبارهم

كدي النفقدهم
افقدوهم معانا ياناس



مايفقدوك في شينة يا اخوي...

عليك الله كان لقيت خبر منهم كلمني .

[أبا إيثار]

صباحكم خير ياناس البيت
مالكم صانين لقيتو ليكم شمارات جديدة
ومشيتو تشوفو آخرا ,,,

أخير نمشي نقضي باقي شغلاتنا ونجي
يمكن يكونو جو ؟؟

[ماجدولين]

صباحكم خير ياناس البيت
مالكم صانين لقيتو ليكم شمارات جديدة
ومشيتو تشوفو آخرا ,,,

أخير نمشي نقضي باقي شغلاتنا ونجي
يمكن يكونو جو ؟؟

مساء الخير اخي ابا ايثار

الجماعة ديل شكلهم لقو ليهم بيت تاني ورحلو عليهو.

غايتو نحن ناس ولوفين عشان كده كل شوية بنجي نتاوق

عسى ولعل يرجعو من تاني.

[عاشق الترحال]

تووووووووولبوك
مشغلين التلفزيون بي صوت علي واقف لي ساعه بدق في الباب زول داير يفتح مافي إلا تلبت بالحيطة..
كدي في التبادي السلام عليكم ورحمة الله وكيف اخباركم وصحتكم ..
متعشي الحمدلله بس داير لي كباية شاي زااااااااابطة بالهبهان ولو سمحتو ناولوني الرموت عندي فلم كااااااارب لجيمس بوند زمنو كبس مسلسلكم ده بعيدو ليكم بكره..

[حسام التنين]

ياخ ماننوم مع كواريكك دي ...