المساعد الشخصي الرقمي

مشاهدة النسخة كاملة : قصيدة ( ميعاد ) شعر محمد ابوالسعود يوسف سوريبه


ابوالسعود سوريبه
28-12-2014, 11:32 PM
ميعاد
ليه تهرب بعيد منى ليه تخلف مواعيدك
لا مرسال يطمنى لا عذراً يشيل قيدك
كيف بتقول مسامحني وبلاي قضيت صباح عيدك
****
قبلك كنت خالي البال عايش ذي فراش رحال
لا انسان بيخـدعني ولا 0000 رمال
قلت هواك يسعدني اصبح حالي اصعب حال

****
ليه تحرمني من لقياك وصورتك عني تخفيها
تعال وريني ايه نساك ظروفك لي احكيهـا
حـرام تبعدني عن دنياك وقصة ريدي تطويها
****
ليه تنساهو ميعادك وتبخل بالمحنه علي
تشمت فيني عزالك وتتعب بالسهر عيني
حرام يبقي الغرور ذادك وتبقي حياتي ميت وحي
*****
ابوالسعود سوريبه
اسلام فرح
02-01-2015, 12:16 PM
حكايتك ماغريب علي
وكل الناس بتخفيها

الم وفراق وحب رحال
وما ليك الا تمشيها

دروب الريده والاهوال
قصة مخيفه بالفيها

تسلم يديك
ابوالسعود سوريبه
03-01-2015, 04:02 AM
شكرا اسلام علي هذا الاطراء الجميل
مع فائق تقديري واحترامي ومودتي