المساعد الشخصي الرقمي

مشاهدة النسخة كاملة : قصيدة ( بت حلتنا ) شعر محمد ابوالسعود يوسف سوريبه



ابوالسعود سوريبه
28-12-2014, 11:36 PM
بِت حلتنا
بِت حلتنا
يا قمرا ...
ويا سمرا ...
شقشق نورك الباهى ...
حتى الكون
بقالو عيون
ولون الليل
بقالك لون
يا قمرا ...
شِنو البدل ملامحك
لى ...
إتغيرتى ... !
إتبدلتى ... !
طبعاً لا ...
وعيتى الدنيا ... ؟
ما ممكن ...
نقول جايز
وليه ما نقول ...؟
ما دام الريد
صِبح سِلعه
وعذاب الناس
بقى المتعه
مجرد قول
إبدل زول
كان الماضى والحاضر
ترجم حبو بالإخلاص
وعاش الدنيا بى حِسك
بقى إحبك ...
عِشق ذاتك
وراد شخصك
وشم نفسك
بقالو الروح
وبرضو حياتو
يا قمرا ...
ويا سمرا
شنو البدل ملامحك
لىّ ...
وخلاك صوره
من ذكره
ولى بكره
يوم الليله
إصبح حال
عديله عليك
بشارة فال
وتبقى الماضى
في جواى ...
تجينى خيال
مجرد طيف
إكون مرسال
عقاب تِرحال
وشوق نجمه
خايفه عليك ما طِلى
وإكون غطاك
سحاباً شال
منيل ذى سواد الليل
وهدّ الحيل
وطعم الويل
تكونى خسوف
ونتعب نحن
يوم ما ندور
نعاين ليك
ونلقى ضياك
بقى العتمه
يا قمرا ...
ويا سمرا ...
يا بت حلتنا
يا قمرا ...
****
ابوالسعود سوريبه