المساعد الشخصي الرقمي

مشاهدة النسخة كاملة : الناسُ فى مدنى يصنعون الحُب


أبوبكرحامد
10-04-2005, 12:09 AM
طالعتُ بكل الحب التواصل الحميم من أعضاء المنتدى الذين تدافعوا عبر منتدى الإقتراحات ليباركوا لى زواجى ، وسعدت أيما سعادة بهذه الحميمية رغم تعارفنا عن طريق الأنترنت وربما الشخص الوحيد الذى أعرفه قبل هذا هو الأخ أبوبكر محمد المبارك ، ، وزادنى سروراً الأتصال الهاتفى الذى تلقيته من الأنسان النبيل " نبيل حمدتو " كبير المشرفين ، وقد غالبنى الدمع حينها لهذه العلائق الرائعة التى جمعتنا بخيرة شباب الوطن ، وأجدنى مديناً لكم أحبتى وليتنى اوفيكم بعض ماحملتمونى من مودة وتقدير .
anwar12545545
11-04-2005, 05:43 AM
الأخ / أبوبكر حامد
لك التحية وألف مبروك
والناس في مدني لا يصنعون الحب
لأن الحب أصلا بيجري في دمهم
ونحن بنحب مدني وناس مدني
وأنا تزوجت من مدني الشهر الماضي

ولك فائق تحياتي
أخوك / أنور محمد عبد رب الرسول
مدني / عووضة
تحرير في يوم 11/4/2005
HAMADTO
11-04-2005, 07:37 AM
تسلم اخي ودالمأذون وربنا يديم المحبة بين كل اعضاء المنتدى وجعل الله حياتك كلها فرح انشاء الله

ألف ألف مبروووك يا أنور و بيت مال وعيال انشاء الله تعالى
خالد هاشم علي
11-04-2005, 09:55 AM
الغالي أبوبكر ( العريس )
والله صدقت في كلمة قلتها ، الواحد بحس بي إلفه غريبة تجاه كل الاخوان ، وأنا عندما كتبت عن هذا الموضوع ( أخوتي في المنتدي أحبكم لوجه الله تعالي ) كنت صادق في كل كلمة قلتها ومتأكد إنو ده إحساس كل واحد مننا تجاه الآخرين.
يلا ياشباب إتحركوا معانا في تكوين رابطة منتديات ودمدني عشان نؤسس لعلاقات تمتد بنا لآفاق أوسع وتضمنا في كيان واحد ونقدر نتشاوف ونتقابل ونعرف الكتير عن بعضنا ، وأنا والله نفسي أدخل بيت كل واحد منكم وأتعرف عليه وعلي أهله ونبقي :
روح واحدة في جسدين.....
لأني بستغرب ؟؟؟:
أجسامنا ليه جسمين؟؟؟ روحنا واحدة وكيف إتقسمت قسمين ؟؟؟
شيء عجيب في غرامك يافريع ياسمين..
أخوتي أحبكم حتي النخاع...



ودمتم...
الزمن المريح
11-04-2005, 08:44 PM
الف مبروك يا المبروك ...

و بيت مال و عيال كان بودنا ان نطوى الاميال و نشاركك افراحك لكن الزمن غلاب ......

تعجز الكمات ان تعبر عن ما نحس به تجاهكم اهل مدنى و اهل المنتدى قاطبة ،،
روبش
12-04-2005, 01:04 AM
اخي .. ابوبكر ..
لك تحياتي وأشواقي ..
( ومن قلبي عقبالك يا راسي يا زين )
الف الف مبروك .. وعقبال بيت مال وعيال
بس والله ماعارف بزواجك ... واسفين إن كنا تأخرنا على التهاني
وعبرك اطلق صوت عتاب للاخوة القائمين على هذا المنتدى الرائع بأن يبلغوا جميع الاعضاء بمثل هذه المناسبة الجميلة .. حتى يتسنى لهم المشاركة عبر هذا المنتدى ..
أبوريلان
12-04-2005, 01:04 AM
كلكم رائعون وكلكم مبدعون وهذا الحب الذى جمعكم هو حب مدنى وهو حال ناس مدنى يعشقون مدنى حتى النخاع فكان لابد أن يحب الأخ أخوه فى الله ربنا يجمعكم فى الله ويكفينا شر عين الحسود . وتسلموا ومشكور أخى أبوبكر حامد وألف ألف مبروووووووووووووووك العريس / أنور محمد عبد رب الرسول وبيت مال وعيال وياريت لو كنا قريبن يوم فرحك عشان تكتمل الفرحة وربنا يهنيك .
أبوبكرحامد
12-04-2005, 04:42 AM
الغالى أبو النور ........تسلم على مرورك ومبروك الزواج ونرجو أن تبلغ تهانينا للمدام متمنين لكما دوام المحبة والهناء .
أبوبكرحامد
12-04-2005, 04:44 AM
كاتب الرسالة الأصلية HAMADTO
تسلم اخي ودالمأذون وربنا يديم المحبة بين كل اعضاء المنتدى وجعل الله حياتك كلها فرح انشاء الله

ألف ألف مبروووك يا أنور و بيت مال وعيال انشاء الله تعالى

شكراً يانبيل وصحى كبير فى الإشراف وكبير فى مواقفك ، أدعو الله أن يحفظك ذخراً لنا ولمدنى .
أبوبكرحامد
12-04-2005, 04:48 AM
كاتب الرسالة الأصلية خالد هاشم علي
الغالي أبوبكر ( العريس )
والله صدقت في كلمة قلتها ، الواحد بحس بي إلفه غريبة تجاه كل الاخوان ، وأنا عندما كتبت عن هذا الموضوع ( أخوتي في المنتدي أحبكم لوجه الله تعالي ) كنت صادق في كل كلمة قلتها ومتأكد إنو ده إحساس كل واحد مننا تجاه الآخرين.
يلا ياشباب إتحركوا معانا في تكوين رابطة منتديات ودمدني عشان نؤسس لعلاقات تمتد بنا لآفاق أوسع وتضمنا في كيان واحد ونقدر نتشاوف ونتقابل ونعرف الكتير عن بعضنا ، وأنا والله نفسي أدخل بيت كل واحد منكم وأتعرف عليه وعلي أهله ونبقي :
روح واحدة في جسدين.....
لأني بستغرب ؟؟؟:
أجسامنا ليه جسمين؟؟؟ روحنا واحدة وكيف إتقسمت قسمين ؟؟؟
شيء عجيب في غرامك يافريع ياسمين..
أخوتي أحبكم حتي النخاع...



ودمتم...

مشكور يا أبوهاشم ومنتدانا أروع بأهله ، وكم هى صادقة كلماتك وكم نحن سعداء بهذه الإلفة والحميمية التى يندر أن تجدها فى المنتديات الأخرى ، وفى كل حين ندعو بالتوفيق لمؤسس الموقع أبوبكر محمد المبارك.
أبوبكرحامد
12-04-2005, 04:51 AM
كاتب الرسالة الأصلية الزمن المريح
الف مبروك يا المبروك ...

و بيت مال و عيال كان بودنا ان نطوى الاميال و نشاركك افراحك لكن الزمن غلاب ......

تعجز الكمات ان تعبر عن ما نحس به تجاهكم اهل مدنى و اهل المنتدى قاطبة ،،

يكفينى منك يازمن يامريح هذا المرور المريح وانشاء الله تكون أيامنا كلها أفراح .
أبوبكرحامد
12-04-2005, 05:05 AM
كاتب الرسالة الأصلية روبش
اخي .. ابوبكر ..
لك تحياتي وأشواقي ..
( ومن قلبي عقبالك يا راسي يا زين )
الف الف مبروك .. وعقبال بيت مال وعيال
بس والله ماعارف بزواجك ... واسفين إن كنا تأخرنا على التهاني
وعبرك اطلق صوت عتاب للاخوة القائمين على هذا المنتدى الرائع بأن يبلغوا جميع الاعضاء بمثل هذه المناسبة الجميلة .. حتى يتسنى لهم المشاركة عبر هذا المنتدى ..

الزول الدفعة اسامة مهدى ..........مشكور على التهنئة ومافى تأخير وانشاء الله خيمة الفرح منصوبة للحول ، فقط أنوه أن القائمين على المنتدى نزلوا تهنئة بمنتدى الإقتراحات والمناسبات وهو منتدى على أهميته غير معروف للكثيرين ، فأرجو من كل الأعضاء المرور أولاً على منتدى الإقتراحات والمناسبات لأن هنالك الكثير من الوفيات حدثت فى الفترة الماضية وهنالك تعازى لبعض أعضاء المنتدى ، فليتنا نتصفح المنتدى المشار إليه أولاً .
أبوبكرحامد
12-04-2005, 05:08 AM
كاتب الرسالة الأصلية myrelan
كلكم رائعون وكلكم مبدعون وهذا الحب الذى جمعكم هو حب مدنى وهو حال ناس مدنى يعشقون مدنى حتى النخاع فكان لابد أن يحب الأخ أخوه فى الله ربنا يجمعكم فى الله ويكفينا شر عين الحسود . وتسلموا ومشكور أخى أبوبكر حامد وألف ألف مبروووووووووووووووك العريس / أنور محمد عبد رب الرسول وبيت مال وعيال وياريت لو كنا قريبن يوم فرحك عشان تكتمل الفرحة وربنا يهنيك .

مشكور ياسر على المرور ، وربنا يديم المحبة والإلفة بين ناس المنتدى
عزيز عيسى
12-04-2005, 06:06 AM
ود المأذون العريس الحبيب،

أولا ألف ألف مبروك.. وانشاء الله بيت مال وعيال..

ثانيا: الظاهر اني دقست شوية لاني ما كنت عارف انك اتجوزت.. وحتي انه ما لاحظت أي خبر
في المنتدي بيقول انك حتتجوز أو اتجوزت..

على العموم تهانينا لكم انت والمدام.. وربنا يسعدكم.

عزيز
ابراهيم
12-04-2005, 08:16 PM
الأخ العزيز الغالي ...... ود المأذون ...

تشكر لهذه الكلمات الرقيقة ... وإنى ارى هذه التبريكات قليلة في حقك بحكم الحميمية التي جمعت بيننا .... جعل الله كل أيامك أفراحاً ...

بقدر ما امتلأت مساحتنا سعداً ورقصت أحسيسنا فرحاً وطرباً لزواجك الميمون بقدر ما نشعر بحزن عميق لعدم حضورنا المادي وعزانا ان نشارك من على البعد فلن يكون حضورنا غائباً بإذن الله ..... وعقبال افراح أخرى تجمعنا جميعاً بإذن الله ...

وابشر يا عريس
أبوبكرحامد
13-04-2005, 12:42 AM
كاتب الرسالة الأصلية azizeisa
ود المأذون العريس الحبيب،

أولا ألف ألف مبروك.. وانشاء الله بيت مال وعيال..

ثانيا: الظاهر اني دقست شوية لاني ما كنت عارف انك اتجوزت.. وحتي انه ما لاحظت أي خبر
في المنتدي بيقول انك حتتجوز أو اتجوزت..

على العموم تهانينا لكم انت والمدام.. وربنا يسعدكم.

عزيز

عزيز دنيانا ............... لك كل الحب والموده ، وانشاء الله نبارك ليك السمح ، ومافى دقسه يافرده بس الظاهر ماعملت استديو الشواف لى منتدى الإقتراحات والمناسبات .
أبوبكرحامد
13-04-2005, 12:47 AM
كاتب الرسالة الأصلية ابراهيم
الأخ العزيز الغالي ...... ود المأذون ...

تشكر لهذه الكلمات الرقيقة ... وإنى ارى هذه التبريكات قليلة في حقك بحكم الحميمية التي جمعت بيننا .... جعل الله كل أيامك أفراحاً ...

بقدر ما امتلأت مساحتنا سعداً ورقصت أحسيسنا فرحاً وطرباً لزواجك الميمون بقدر ما نشعر بحزن عميق لعدم حضورنا المادي وعزانا ان نشارك من على البعد فلن يكون حضورنا غائباً بإذن الله ..... وعقبال افراح أخرى تجمعنا جميعاً بإذن الله ...

وابشر يا عريس

المتميز أبو خليل .........تشكر على مشاعرك النبيله ، تكفينى منك هذه المشاركة الوجدانية ، وسنلتقى بإذنه تعالى فى سوح أرحب وسنغنى كما غنى "الخليل"، مثلما غنت[/SIZE] " مهيره " تلهب الفرسان واعضاء المنتدى جيلاً بعد جيل
نيازى كشك
14-04-2005, 11:35 AM
الاخ الاستاز ابوبكر حامد
احمد اللة الزى جمعنا على الخير اخوة
احبة لك كل اشكر
وبيت مال وعيال انشاء اللة
صالح ابوشوارب
16-04-2005, 12:18 AM
الاخ بكور

الف الف مبروك (( اوله وآخره ))

ربنا يهنيك بهذا الزواج المبارك و يسعدك و يجعلها قدوم سعد عليك

و بيت مال حلال و عيال وزوجة صالحون وراحة بال

الف الف مبروك ابوبكر

_______________________

اخوك ابو شوارب
أبوبكرحامد
16-04-2005, 10:40 PM
الغالى ود كشك ................. مشكور يالحبيب على مرورك الزاهى وربنا يديم الأفراح على مدنى والسودان.

ود الماذون
أبوبكرحامد
16-04-2005, 10:47 PM
الحبيب أبوشوارب ...... بى زيارتك بيتنا نور ، ودعواتك سمحة ، ربنا اجمعنا بيك فى ساعات خير وبركه.

ود الماذون
rasheed
19-04-2005, 03:56 AM
زينة البنات يا السمحة أنا جايك عريس لكتب الكتاب يا الغالية مهرك ما رخيص ألف مبروك يا بكري يا حبيب بس الأيام جرت بينا ونحن معاك من أعلنت وكان الموضوع أنك تعملوا في شهري سبعة لكن قلت لمهيرة شهر سبعة المطرة ومن ديك نحن منتظرين وحياتك منتظرين عشان نهنيك ونبارك ليك وللأخوان عمر وكواره والأهل عموم بمدني وخاصة ناس بانت ،، على العموم ألف مبروك ومع أنها جات متأخرة لكن نعمل شنو المهم أنت قبضت ونحنا فرحنا وإن شاء الله يا رب تدوم الفرح علينا جميعاً وبيت مال وعيال وتغلبك بالعيال وتغلبا بالبحريني الريال ،، ألف ألف مبروك ولينا كلنا يا زينة شباب المنتدى ،، وكان عرفنا كنا رسلنا الأولاد للمشاركة نيابة عنا ،، ما نيابة مدني شرق وبشار ،، هاههاههه
أبوبكرحامد
19-04-2005, 11:40 PM
الزول القيافة رشيد .............تحياتى العطرة وتشكر على التهنئه وعقبال نبارك ليك زواج عزيز الرشيد ، وشايفك دعيت لى تغلبنى بالعيال ودى مافيها مشكلة أما أنا أغلبا فلابد من الإستعانة بنادى المحرق البحرينى