واتس اب .... الحاصل شنو ...

[عبدالله محمد العقاد]

هل تدري يا نعسان انا طرفي ساهر و هل تدري عزيزي المشاهد ان كلمة واتس اب اللي شغل الناس معناها في شنو او الحاصل شنو او بلهجتنا العامية الشمار شنو ..
اظرف شي عرفته انه كلمة التلفون باللغة الارديه اسمه ( شماره ) مرة مرت علي فاتورة باللغة الارديه مكتوب عليها ( شماره نمبر)
نحاول ان نتشمر و نعرف الحاصل شنو في منتديات ودمدني دوت كوم التي كانت علمن على راسه نار و اصبحت يقدل فيها ما يسمى بوردة زهر الزمان .
حال منتديات ودمدني دوت كوم من حال السودان فالشان العام يؤثر على المشهد و يسحب بريك و يخلي الناس كلها تتكسر و تخت اللوم على الجقور
فمن هم جقور المنتدى الذين قرضوه حتى اصبح اثرا بعد عين و علمن يخلو من النار و كانما الخنساء واقفه و متحمنه على هذا العلم الذي اصبح حاله يغني عن سؤاله ....
نواصل ....

[عبدالله محمد العقاد]

نشوف الجقر الاول المستبب في حالة المنتدى هذه هههههههه

[عبدالله محمد العقاد]

الأخ هيثم عبدالعال هل كان هو السبب في هذه الحاله ام كان أداة لهذا الحاله مع تقديري له و لا كان شريك في هذه الحاله و لا كان في الزمان الخطا و لا كان شي من هذا و قليلا من ذاك ....

الاخ هيثم هو قائد ثورة التغيير الاخيره في المنتدى التي اطاحت بمجلس الاستاذ عصام حسين و منها تم تكوين فريق من القانونيين و المهتمين و لكن برز الاخ هيثم على راس هذه اللجنة القانونيه التي وضعت النظام الاساسي و القوانين للمنتدى ..
القوانين تكلمت عنها كتير و قلت ان اللجنة تجاوزت التفويض الممنوح لها و اضافت الفقرة الخاصة بالاشتراكات و ربط صلاحية الانتخاب والترشح للعضو بسداد الاشتراكات و اذكر كتبت بعدها بوست اسمه ( منتديات ودمدني و نادي اصحاب اللمبرجيني ) وقلت فيه انه المنتدى سوف يتحول لنادي خاص باشتراكات سنويه و ليس للعوام
شي تاني الاخ هيثم اضاف فقره لقبول عضوية الاعضاء شروط فيها شي من الغرض مثل لازم معرفين و لازم العضو يكون شخصيه معروفه بين الناس و ان يكون العضو معروف باسمه الحقيقي ... حقيقة شعرت ان الاخ هيثم قاصدني و ذكرني ود المامون ههههه
ايضا اضافة الاخ هيثم ما يسمى باللجنة الاستشاريه و يبدو لي ايضا هذه اللجنة زادت التعقيدات الاداريه و زادت الطين بله مع تقديري للاخ هيثم و اعضاء هذه اللجنة .
يبدو لي لو اعتبرنا هذه الاسباب ممكن نعتبر الاخ هيثم عبدالعال هو سبب من الاسباب التي ادت لهذه الحالة في المنتدى


نواصل انشاءالله

[ياسر عمر الامين]

الجقور كتااااااار ياعقاد...هههههه...كدى تعال نقدل فى المنتدى ونجقر برانا يمكن الحال ينعدل...

[نزار حسن محمد]

السلام عليكم ياشباب...

[ياسر عمر الامين]

السلام عليكم ياشباب...

وعليكم السلاااااام نيزو منوووور...

[عبدالله محمد العقاد]

الجقور كتااااااار ياعقاد...هههههه...كدى تعال نقدل فى المنتدى ونجقر برانا يمكن الحال ينعدل...

يا زعيم اخباركم انشاءالله تمام
نقدل طوالي يا زول و نجيب معانا علي السقيد يغني : جينا نخت ايدنا الخضراء فوقك يا ارض الطيبين هههه

الحال لن ينصلح مالما تعود الجزيرة خضراء و يرجع الذهب الابيض يتلالا عاليا خفاقا و لن يتلالا الذهب مالم تعود الجزيرة لاهلها
و لن تعود الجزيرة لاهلها و عمنا طالع في الشجره
و حقو نغني ليه يا طالع الشجره حرام عليك خلاص كفايه الشجرة اشتكت لطوب الارض و تريد ان تثمر و ان تكون مثلما باقي الشجيرات
و لا انا قاصد ياتو حال يا زعيم ههههههههه

[عبدالله محمد العقاد]

السلام عليكم ياشباب...


ابوسفروق عليكم السلام و الرحمة ابوسفروق الرجل الذوق
ابوسفروق نرى رؤسنا قد يبست و لا بد لها من السفروق هههههههه

[عبدالله محمد العقاد]

هل الاخ ابوبكر المبارك ماسوره ههههههههه
ح نخلي الاخ هيثم عبدالعال شويه و نشوف الجقر الكبير ههههه
مع تقديري للاخ ابوبكر المبارك و هنا انا باتحدث عن ابوبكر المبارك الشخصية العامة او الشخصية الاعتباريه التي يحق لنا انتقادها و مناقشتها