خيالي المغرم الشارد

[اسلام فرح]

احبك في خيالي المغرم الشارد

بحبك وانتي في جواي وصف مجنون و متصاعد

اصلو حرارة اشواقي كبيره وربنا الشاهد

قدر ما اوصفك و ابدا بقول لسه الوصف بارد

حبك موقد النيران و وهجا ما في ليو راصد

بقول انغامي و احلى كلام قصيدة شوق و حب صامد

تزيد اشجاني والتحنان و حبك فيني متزايد

معاكي الدنيا تتغير تصير افراح امل واعد

و من غيرك تصير دنياي وههم و جنون و خوف مارد

بريدك مهما يحصل لي اكيد حبك معاي صامد

عشان قلبك عرفت الريد اريد غيرك اصلو ما وارد

اسامحك و انتي اغفري لي زعلتي كتير و ما قاصد

بخاف الدنيا تقسى علي افارقك وابقى ليك فاقد