مواصفاااااااااااااااات فتى احلام بنات الجامعة

[اللمسة الساحرة]

مواصفات فتى احلام بنات الجامعه

تم عمل استطلاع رأي شمل مجموعه من بنات احدى الجامعات عن مواصفات زوج المستقبل ..
كانت شروطهم كا الاتي :


1- يقدر المراه
2- ما يكون من النوع الكذاب .. ماعايزين لا ابيض ولا الوان كل انواع الكذب ممنوعه
3- يكون صررررريح وعفوي ..
4- رومانسسسسسسسسسسسسسي
5- يحبها لشخصيتها ..
6- ملتزم .. بس بدون تشدد .. يعني يصلي ويصوم
7- مثقف .. بس بدون فلسفه زاااااايده
8- يحب السفر مع العائله ( زوجته بس ) شباب لااااااااااااااااااااا
9- انيق .. .. مقبول الشكل .. <<< زي كذا يعني
10- حالته الماديه مرتفعه .. ( وارث ورث كبير ) .. ولد عز .. وظيفته محترمه ..
11- يحب القعده بالبيت ..
12- له حضور .. يعني ماجالس مع الناس ولا كأنه معهم
13- مايحب التليفزيون وقنواته المفضله السودان واليمن
14- مايكون بخييييل .. اعوذ بالله الجنيه يبكي بجيبه مايطلع
15- متحضر ..
16- مايحب السهر مع الشباب بالرحلات والقعدات ولا غيره
17- شخصيته قويه برا البيت فقط
18- يكون عنده سكن مستقل تمامااا عن عائلته
19- قلبه طييييييييييييييييييييييب .. بس مش اهبل
20- يساعد في امور المنزل ..
21- ماعنده اصدقاء كثار عشان مايكون 24 ساعه برا البيت
22- يكون جسمه رياضي .. مماعايزين كروش
23- مايكون من انصار الحاج متولي
24- ولد عائله طيبه ومعروفه .

اي شخص تتوفر فيه الشروط دي ممكن اقدم اوراقه وانا موافقة عليهو,
عشانكم تلاتة ارباع الشروط
ههههههههههههه

مع تحياتي:
اللمسة الساحـــــــــــــــــــــــــــــــــــــــــــــ ـــــــــــــــــــــــــــــــــرة

[ابراهيم]

ماشاء الله لكن مواصفات ألف لكن

انا غايتو اول ما القى زول بالمواصفات دي بجيك جاري جري

تدفعي كم؟

والله بالغوا ناس الجامعة ديل يعني شنو

انا غايتو بعرس من الثانوي

وانتو موتو مغص يالعزابة؟

وليك الف شكر يا اللمسة الساحرة على هذه اللمسة

وتحياتي ليك

[الزبير محمد عبدالفضيل]

صراحه دي مواصفات غريبه يعني اي بنت عايزه الزوج علي كيفها




نقول الله يسترنا في الدنيا والاخره ولاحولا ولاقوة الابالله العلي العظيم


مشكور علي الموضوع

[اللمسة الساحرة]

الاخ ابراهيم يعني عايزين تبورونا بتلفو وتجونا راجعين تاني
واديك الف عافية

[اللمسة الساحرة]

الاخ السفير بتشكرك على مرورك
لكن دي برضو في النهاية احلام
واديك الف عافية

[مصباحيه]

يعنى الفهمتوا انوا بنات الجامعه عايزين دمى يلعبوا بيهم ما عايزين رجال يمسكوا البيوت وده ما صاح ممكن جزء من الاشياء دى ولكن ما كلها ليه كده ؟؟؟؟؟؟؟؟؟؟؟
دى اهانه لبنات الجامعة
الرساله بمعنى تانى انهم سطحيات

نرفض رفض بات
ولا شنو يابنات انتو معاى ولا الحاصل شنو مالكم لابدين كده
قولوا حاجه

[قطر الندى]

السلام عليكم ورحمة الله وبركاته

دي احلام البنات اللي ما عايزين الا اعيشوا وبس
لكن احلام البنات الدايرات واحد ما ببتضمن كل المواصفات دي

حبيت اشارك معاكم وكدا ودي مشاركة جميلة منك .........

شكراً.

[نيازى كشك]

هههههههههههههههههههههههههههههها
هههههههههههههههههههههههههههههها

واللة حيرتونا
معاكم
اانا شخصيا المواصفات دة منطبقة معاى
بس وين اقدم الا وراق بتاعتى
وانا موافق
بجد

[Du3ash]

ياسلام عليك يا لمسة يا ساحرة ... كدة فتى الاحلام ولا بلاش
لكن ما شايفة انو في شروط ما مهمة شديد ... على قولك تلاتة ارباع الشروط تكفي ...

السفير

صراحة دي مواصفات غريبة يعني أي بت عاوزة تتزوج على كيفها

أمال على كيف منو يعني .... بت جيرانم مثلا ..:D .. بهظر طبعا .. لكن قصدي هي من حقها
تختار الشخص اللي ح تعيش معاه حياتها .. ولا ما كدة ..

دمتم

[اللمسة الساحرة]

الاخوات نهلة وقطر الندى اديكم الف عافية على المرور بس الكلام بتاع المثقفين دةهو المودينا نحن البنات في دهية... بتقولو عايزين راجل يمسك البيت وبعدين يبقى هو المسيطر ويمشي كلمتو... انا شايفة انو الراجل المسكين احسن..
واديكم الف عافية.




الاخ نيازي: قلت لي كل الشرووووووووووووووووووووط اكيييييييييد
اكيييييييييييييييد؟؟؟؟


واخوي\ اختي:
دعاش
اديك الف عافية على المرور وتسلم على الاتفاق معاي في الراي

[قمر الزمان]

اختي اللمسة الساحرة تسلمي على الموضوع
في النهاية الراجل بمشي كلمتو الا يكون ماعنده شخصية وده
ما بنفع ..
اهم شي الاتفاااااااااااااااااااااااق ..

تحياتي
آلاء

[مزوني]

أختي روان بعد التحية والسلام
لكن دي ما مبالغات عديييييييييييييييييييييييييييييييييييييييييييييييي يييييييييييل
لكن أقول ليك حاجة؟
بتلقي فيني التلات ارباع الشروط
والربع الما فيني على ما أظنهم أصعب شروووووووووووووط
أول حاجة المعارف عييييييييييييييييييييييييييييييييييييك أكتر من هبل
ومادام انك في الإعدادية حتلاحظيها براك"طبعا انا زاتي بقرا هناك"
تاني حاجة أكره ما أكره أمور المنزل وبالذات المطبخ
يعني ما في حاجة اسمها انا تعبانة جهز اكلك براك
أكره ما أكره حاجة اسمها قنوات السودان واليمن لكن عشان الزوجة ممكن نتابع بس LBC
وباقي الشروط مع انو فيها حبة صعوبة لكن ممكن نتنازل
وربنا يديك الصحة والعافية

[ابراهيم]

ما بين

كاتب الرسالة الأصلية اللمسة الساحرة
بتقولو عايزين راجل يمسك البيت وبعدين يبقى هو المسيطر ويمشي كلمتو... انا شايفة انو الراجل المسكين احسن..


وبين

كاتب الرسالة الأصلية قمر الزمان
في النهاية الراجل بمشي كلمتو الا يكون ماعنده شخصية وده
ما بنفع ..

التوافق والاتفاق يا جماعة اهم شي زي ما قالت قمر الزمان .. مع العلم بأن الرجال قوامون على النساء .. لكن دا ما معناه السيطرة والسادية .. والله يا اللمسة الساحرة الراجل المسكين دا يوديك في ستين داهية اوعك تقعي ليك في راجل مسكين نصيحة ، وفي النهاية الحياة بتمشي اذا التزم الراجل بحقوق المرأة وأدت المرأة واجبها تجاه الرجل وكدا الدنيا تحلا .. ولا رايكم شنو ...

اها يا اللمسة الساحرة بالنسبة للمواصفات الفوق دي مافى مجاملة يعني:D

[اللمسة الساحرة]

الاخوة الاعزاء بتشكركم على الرد على الموضوع



مع تحياتي:

اللمســـــــــــــــــــــــــــــــــــــــــــــ ــــــــــــــــــــــــــــــــة الساحرة

[ruby]

هههههههههههههههههههه
لكن صراحه بالغتي
ههههههههههههههههههههههههههههههه

[ودأبكرش]

كلامكم ده معناتو شنو دايرين تبورونا
اي بت دايره العريس على كيفه
ما مشكله نحنه برضو دايرين بمواصفات معينه
نبور كلنا
ههههههههههههههههههههههههههههههههههههه
يديك العافي على التنبه

[هناد]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه

دايره الصراحه انا والله المواصفات دي كلها فيني عدا السهر مع اصحابي لاني ما بقدر اخليها وووووووووووووو...................و

يلا قدمي اوراقك
نحن جاهزين من كلو







ههههههههههههههههههههههههههههههههههههه

مشكوره والله الظاهر عليك ظريفه شديد

[السنيوره]

يااللمسه الساحره انا بنت زيك لكن المواصفات القلتيها دي نادر جدا في الزمن ده الشباب كلهم بقوا طايشين غذرا يا عزابه لكن احتمال تلقيها في رجال كانو مزوجين قبل كده يعني راجل مرأه

[قمر الزمان]

مالك علينا يا سنيورة دايرة تعرسي لينا رجال
معرسين او كانو ؟؟
والعزابة ماكلهم طايشين ولا شنو يا عزابة
ما تخلوني ادافع عنكم براي ....

[اللمسة الساحرة]

روبي
ود ابكرش
هناد
السنيورة
قمر الزمان
شاكرة جدا على مروركم
بس يااختي السنيورة :
ليه لا
ليه ماتتوفر الشروط دي في فتى الاحلام هل فيها حاجة صعبة او مستحيلة؟
انا شايفة انو ماطالبنا الا بالشروط البتضمن حقنا ولا شنو؟
وشكرا،،،




مع تحياتي:
اللمســـــــــــــــــــــــــــــــــــــــــــــ ـــــــــــــــــــــــــــــــــة الساحرة

[فادي الماحي]

كاتب الرسالة الأصلية اللمسة الساحرة
الاخ السفير بتشكرك على مرورك
لكن دي برضو في النهاية احلام
واديك الف عافية

كما قالت

دي برضو في النهايه أحلام
ولك الشكر

[السنيوره]

اول جاجه بقول لي كل شاب عازب في المنتدى انو ما يضايق من كلامي لأننا مطلوب مننا الصراحه اول حاجه وشئ واضح في الجامعه انو الشاب مايكون كمل ليه 23سنه ويقول داير يزوج زي ده لسه ما حاسي بالمسؤليه لأنو طايش وماحيقدر المرأه ولا حيكون فيه حاجه من ربع المواصفات انا ما بسيئ لي اي شاب انا بقصد الي ماقامو من الواطه لسه وعذرا ياشباب

[اللمسة الساحرة]

في الخقيقة يالاخت السنيورة كلامك صح في شباب الزمن دة كلهم طايشين,,,
لكن برضو انتي معاي في انو الشوط منطقية مش كدة؟

[madaniboy]

المسه الساحره انا برضووو الصفات دي كلها فيني بس انا ولد نقر عرافه يعي شنوو يعني بحب الزنززج الامريكان كتير بالذات في الاغاني حقتهم الاجنبيه
ولوو ما عاوزانيي اطلع من البيت بس جيبي لي نت في البيت وافتحي لي موووقع ود مدني ومعاه الماسنجر
هههههههههههههههههههههههههههههههههههههههه
بس المشكله انا صغيررررررررر
يمه قاعد ابكي
خخخخخخخخخخخخخخخخ
بتوافقي علي
عمر 19-20 سنه

[اللمسة الساحرة]

الاخ فاقد انا برضو ماعندي مانع انا برضو صغيرة يعني :
19_20 سنة بس اهم شي عندي تكون عندك فلوس لو ماعندك فلوس مابتنفع معاي شوف ليك واحدة تانية


مع تحياتي:
اللمســـــــــــــــــــــــــــــــــــــــــــــ ــــــــــــــــــــــــــــــــــــــة الساحرة

[madaniboy]

ههههههههههههههههههههههههههه
لا من ناحية الفلوووس ما تخافي بغرقك فلوووس<-------------- مسوي فيها انه شبعان
لا كان كدا خلاص قدري بالضبط خلاص انا 20 وانتي 19
هههههههههههههههههههههه

[مزوني]

كاتب الرسالة الأصلية فاقد حنان
المسه الساحره انا برضووو الصفات دي كلها فيني بس انا ولد نقر عرافه يعي شنوو يعني بحب فرقة ميامي كتير
ولوو ما عاوزانيي اطلع من البيت بس جيبي لي نت في البيت وافتحي لي موووقع ود مدني ومعاه الماسنجر
هههههههههههههههههههههههههههههههههههههههه

خخخخخخخخخخخخخخخخ
بتوافقي علي
عمر 22 سنه
وبعدين يا اختي السنيورة ما كل شاب طايش
وا شنو انا ابوي عرس وعمرو 17 سنة
لكن حتقولو لي في فلاق بين جيل زمان والجيل الحسه
لكن انا تربية جيييييييييييل زمان وما خد من جيل حسه
وحأسرق من جيل بكرة
ههههههههههههههههههههههههههههههههههههههههههه
وربنا يديكم العافية

[اللمسة الساحرة]

الاخ مزوني المسالة مافي جيل زمان وانو جيل زمان كانت اخلاقو احسن من جيل اسي بالعكس في شباب في الجيل دة من احسن ما يكون - مع قلتهم يعني- لكن المشكلة في انو المتطلبات بتاعت العرس والمعيشة نفسها زادت اليومين ديل...

واديكم الف عافية،،،،
الاخ فاقد انا موافقة بس هاك
عندي كم شرط عايزاك توافق لي عليهم
1- عمارة في الرياض

2- عربية ملكي انا يكون موديلا مااقل من 2000

3- رصيد بااسمي في البنك مايكون اقل من 2000000000 جنيه


ومبروك علينا

[وجود (السعوديه)]

موضوعك رائع اختي المسه الساحره
والشروط من حق أي فتاه وانا ارى انها معقوله
لكن اشوف إن لو فيه حب الفتاه راح تتنازل عن هذه الشروط
وترضى فيه بعيوبه ...................
لكن اعتقد إن هذه الشروط اصبحت نادره إن تتوفر في شخص واحد
والمال ليس كل شيء
ومبروك مقدما ياعروسه فرحينا فيك هههههههههههه

[اللمسة الساحرة]

تسلمي اخت وجود على الرد وعقبالك

[ودأبكرش]

تعرفي بورتك ما بالساهل
لكن صعب تجدي الماصفات كلها
بس تكمليها انتي
فيهو
(وراء كل رجل عظيم امرائه عظيمه)
اتمنى لك التوفيق

[بوتشى]

بى صراحه لو انتى خاتو ليك المواصفات دى انشاء الله لحدى ماتموت محتعرس
غيتو فى البلد دى البنات لو جابو ليها واحد بتحبو وبتموت فيه وجابو ليها مغترب
بتفضل المغترب لانو عندو قروشششششششششششششششششششششش
ومع الاعتزار للبنات المشتركات معنا لكن دى الحقيقه

[nehro]

انا لقيت ليكم واحد بنفس المواصفات دي بس.........
عنده كرش كبيرة تقبلوا بيه....هاهاهاهاهاهاها
بتكلم معاكم يابنات بجد ... أرسل ليكم صورته
والله مشكلة..... يرسلوها ليكم كيف دي كمان

[اللمسة الساحرة]

thanx everybody for our pass

[زيكو منيب]

كاتب الرسالة الأصلية السنيوره
اول جاجه بقول لي كل شاب عازب في المنتدى انو ما يضايق من كلامي لأننا مطلوب مننا الصراحه اول حاجه وشئ واضح في الجامعه انو الشاب مايكون كمل ليه 23سنه ويقول داير يزوج زي ده لسه ما حاسي بالمسؤليه لأنو طايش وماحيقدر المرأه ولا حيكون فيه حاجه من ربع المواصفات انا ما بسيئ لي اي شاب انا بقصد الي ماقامو من الواطه لسه وعذرا ياشباب

خشي علينا شوية شوية يا السنيورة داخلة على الشباب طوالي كده