دعوة سمحه [الأرشيف] - منتديات ودمدني

مشاهدة النسخة كاملة : دعوة سمحه

مصباحيه

14-04-2005, 12:43 AM

فى دعاء بقولوه اهلنا يقولوا ليك (ببركة التسعه وتسعين بنيه وابو عائشه القداميه ) يحصل كذا وكذا

هل تعلم انو البنايا ليست تسعه وتسعين وانما الاولياء المدفونيين بها هم التسعه وتسعين

معلومه جديده ولا قديمه

أبوبكرحامد

14-04-2005, 12:53 AM

مرحب حبابك نهلة حيدر ........ المعلومة جديدة بالنسبة لى وأشكرك عليها ، ولى تساؤل عن أبو عائشة القدامية ، ومبدئياً تقبلى منى مليون تحية .

ود الماذون

114

14-04-2005, 02:50 AM

أهلا بيك وسهلا نهله ومرحب حبابك عشره بلا كشره

مصباحيه

15-04-2005, 08:57 PM

ياسر فقيري

16-04-2005, 02:54 AM

مرحبتين ونص نهلة والله معلومتك جديدة .. لكن دعوتك حلوة عديل كدا نقول آمين .. ومنتظرين منك بقية الكرام أهل الكرام في العدد القادم ..

مصباحيه

18-04-2005, 09:36 PM

مشكور ياسر على الرد الحلو ده وهاك مجموعه اخرى هاك افتح يدك مالك ما فتحتها ما عايز ولا شنو هاك جزء اخر من رجال ابو حراز

الشيخ دفع الله ود الناجى ، الشيخ احمد الريح السجاد ، الشيخ حمد النيل احفيان ، الشخ ابو عاقله ابو مسك ، الشيخ الطريفى ابو ناموس ، الشيخ محمد ابو نفلين ، الشيخ حمد الزنادى ، لشيخ عبد الله الراشدى ، الشيخ ابراهيم المخفى ، الشيخ عبد الرحيم بن الشيخ عبد الله العركى ، الشيخ عبد الرحمن بن الشيخ عبد الله العركى ، الشيخ عبد الباقى بن الشيخ عبد الله العركى ، الشيخ ابو عاقله الشيخ احمد الريح ، الشيخ عبد لباقى بن الشيخ عبد الله العركى ، الشيخ حمد النيل بن الشيخ عبد الباقى ، الشيخ احمد الريح بن الشيخ عبد الباقى ، الشيخ عبد الباقى بن الشيخ حمد النيل

الشيخ عبد الله بن الشيخ احمد الريح موجود حاليا بطيبه الشيخ عبد الباقى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،
تعبت والله الباقى العدد القادم

ياسر فقيري

20-04-2005, 01:08 PM

مدد يا أهل الله مدد

rasheed

23-04-2005, 01:06 AM

يا سلام يا نهله حيدر ،، والله من مكاواتك لينا بحلاوة المولد 00 عرفنا أنك عندك حلاوة خاصة وحلاوتك صوفية ومدد يا أهل الله مدد ، وبالله أوغلي لينا في أب حراز دي وسوقينا في رحلة من نبدأ نقطع نهر الرهد ولحدي من نجي راجعين تاني لمدني وكبري حنتوب ،، أرجوك رجاء خاص الإعداد إلى هذه الرحلة لأني في شوق شديد إليها ،، وحتى نلتقي في رحلتك هذه أظن بأننا كلنا إنتظار ولا كيف يا شباب والخروف علي ،،

ابراهيم

24-04-2005, 06:02 PM

نهلة ليك الف تحايا لهذا الموضوع الفريد والجديد علينا

ونحن منتظرين لسا المدد زي ما قال اخونا ياسر

وليك خالص تحياتي

مصباحيه

28-04-2005, 12:07 AM

شكر ليكم ياشباب وزى ما قال اخونا الرشيد يله نمشى رحله كل زول يجيب معاه حاجه من البيت زائداً 10000 فقط لزوم ايجار العربيه والبارد
نعزم اخوانا ياسر فقيرى - ابراهيم - الزمن المريح - ابو المهتدى - جماده واخواته - مزودنى- الشاعر الفز ابو روان- فاقد حنان وصباح مبارك ومجموعه من البنات طبعاً لازم تكون فيها بنات علشان تكون حلوه والرشيد وعلى رأس المجموعه الأساتذه الأجلاء ابو بكر محمد المبارك وابو بكر حامد وكل اعضاء المنتدى بدون فرز .
اتلمينا جوار قبة ود مدنى السنى تحركت الحافله الى ابو حراز ارض المشايخ تبعد حوالى سبعه كيلو من مدنى اولاص كبرى حاجه عاشه- الدباغه- كبرى حنتوب -المربعات -الغنوماب- وجناين تفصل بين القنوماب وابو حراز رايكم شنو نقعد فى الجنايين دى ولا نواصل ابو حراز خلاص ما تشاكلوا نمشى ابو حراز طوالى وصلن ابو حراز ونزلنا بجوار البحر وزرنا مجموعه من الشيوخ ووجدنا احد الدراويش وبدأنا بالسؤال عن ابو حراز فقال : اولاً هى سميت بهذا الإسم لكثرة شجر الحراز بها كانت عباره عن غابه للتعبد اول من سكن بها العركيين وناس طيبه الشيخ عبد الباقى هم نفسهم ناس ابوحراز يعنى الشيوخ الان متمركزين فى طيبه كانوا فى ابوحراز وذكر لنا اشياء اخرى عن المشايخ وناس ابوحراز وشكرناه على هذه اللفته الجميله منه اتفسحنا شويه على البحر ووسط الجناين . جاء وقت الفطور فطرنا وبعد ذلك قام الشباب بالالعاب والفوازير والنكات وقد اتحفونا بالغناء صدقوا ياسر فقيرى طلع صوته حلو شديد وغنى للفنان زيدان ابراهيم واخونا ابو روان انشد قصيده جميله جداً وعجبتنى ارجو منه كتابتها ليه وطلبنا من الاستاذ ابو بكر محمد اغنيه وحقق طلبنا وما بخل علينا ربنا يديه العافيه اتكلمنا فى عدة مواضيع واتونسنا ونسه شديده وبعد ذلك جاءت العربه تمام الساعه السادسه طبعاً البلد بعيده شويه وعلشان الظلام ركبنا فى العربيه واتحركنا ووصلن مكان التلاقى (قبة ود مدنى ) واتفرقنا كل على منزله واثناء مانحن ماشين طرشق لستك وفجاه صحيت من النوم خساره لسه ما وصلت البيت كانت تكون رحله حقيقيه رايكم شنو ( ولا عثمان اليمنى موشكده )

rasheed

01-05-2005, 03:30 AM

ابو عائشه اسمه ابو بكر لكن ابو بكر منو والله ماعارفه لكن مكتوبه الشيخ ابو بكرالمعروف بابو عائشه . الشيخ عبد الله العركى -
الشيخ ابو عاقله الكشيف - الشيخ دفع الله المصوبن -
الشيخ محمد القنديل ود الطريفى - الشيخ يوسف ابو شراء-
الشيخ عبد الرحيم ود يونس - الشيخ عبد الرحيم بياع المطر(بياع ماها في سماها )
الشيخ ابو تلال - الشيخ احمد ود يونس بقباق -
الشيخ عبد الرحمن ود يونس - الشيخ عبد الله ود يونس -
الشيخ احمد الشيخ حمد النيل - الشيخ العليش .

البقيه فى العدد القادم كاتب الرسالة الأصلية nhlahydr
[B]جزء اخر من رجال ابو حراز

الشيخ دفع الله ود الناجى ، الشيخ احمد الريح السجاد ،
الشيخ حمد النيل الحفيان ، الشيخ ابو عاقله ابو مسك ،
الشيخ الطريفى ابو ناموس ، الشيخ محمد ابو نفلين ،
الشيخ حمد الزنادى ، الشيخ عبد الله الراشدى ،
الشيخ ابراهيم المخفى ،
الشيخ عبد الرحيم بن الشيخ عبد الله العركى ،
الشيخ عبد الرحمن بن الشيخ عبد الله العركى ،
الشيخ عبد الباقى بن الشيخ عبد الله العركى ،
الشيخ ابو عاقله الشيخ احمد الريح ، الشيخ حمد النيل بن الشيخ عبد الباقى
الشيخ احمد الريح بن الشيخ عبدالباقى الشيخ عبدالباقى بن الشيخ حمدالنيل
الشيخ عبد الله بن الشيخ احمد الريح موجود حاليا بطيبه الشيخ عبد الباقى (أزرق طيبة ) ،،،، تعبت والله الباقى العدد القادم ،،

يا نهلة ليه كدة والله دي ما رحلة ولا حاجة كوجنتينا ساااااااااااي ونحن ما راضين كدة ،، يعني تقولي لينا الشيوخ ديل كلهم وبعدين تجي تقولي لينا الفقير قال أنها أسمها أم حراز عشان شجر ،، نحن عاوزين الشيوخ ديل وقاصدين زيارتهم ، يعني لا تودينا لأبونا الشيخ يوسف أبو شراء ولا أي واحد فيهم وتقعدي تعملي لينا برنامج فوازير ،، الرحلة دي كان أنا أستاذ كنت كتبت ليك أعد أعد أعد كرر كرر كرر ،، وكان ألفا في الفصل كنت كتب قدامك مئة عاصي وطلعتك برة ولحدي هنا بس ،، حا نديك فرصة تعملي لينا رحلة تاني عشان تزورينا الشيوخ ديل ،، وبعدين عاوزين بركات أكتر ونسيتي قبة سعدابي ومفروض نمشي نستأذن أبونا سعداني الفوقو الشجر مابي ونحن برضك منتظرين وما تزوغي أوعك لأنو كان جيت مدني ما بخليك ،،،

ضياء الدين احمد

01-05-2005, 04:59 AM

اولا ليك كل التحايا العطره يا اختنا وزميلتنا نهله حيدر والتي شرُفت بها كثيرا وشكرا علي الرساله وانشاء الله ارد عليها في رساله خاصه

الزمن المريح

01-05-2005, 09:06 PM

لك الشكر اخت نهلة حيدر

و ابو حراز ما فى عيد مر علىّ فى مدنى ما مشينا ابو حراز ،،

و الان كلما تذكرتها اتألم شديد لا ننى اتذكر حادث مؤثر جدا ،،

عموما الف تحية لكم جميعا ،، و مشكورة نهلة على الرحلة ،، و ما فى مشكلة نصلح عجل العربية عند الزنجى قدام كبرى حاجة عشة و نواصل ،،
و المرة الجاية انا عازمكم رحلة ام سنط ،، او اختاروا المكان

لك جميعا خالص ودى و تقديرى ،،،،

مصباحيه

13-05-2006, 07:54 PM

ليكم على ياشباب لما اول زياره لابو حراز ازور احد الشيوخ واقعد معاه وكل مره اعرف حاجه عن شيخ نجى ونقعد مع بعض ونكلم عنه وحاعمل كده مع كل الشيوخ وربنا يقدرنى على ذلك بس دعواتكم