مشاهدة النسخة كاملة : ضيفة هذا الاسبوع الاخت nana
aborawan
22-04-2005, 10:16 PM
سجلت وشاركت معنا منذ فترة طويلة ولكن بسبب ظروف الاجازة انقطعت عن المنتدى طول فترة الاجازة وهاهي تعود الان من جديد لتعطر منتدانا من جديد فلك كل والود والتحية اختي صباح وانشاء الله الكرسي يكون برد وسلام عليك
البطاقة الشخصية
http://www.wadmadani.com/up/pic/baby_1.jpg
البطاقة الشخصية
الاسم : صباح مبارك
العمر : الأعمار بيدالله
خريجة جامعة الجزيرة كلية الاقتصاد قسم المحاسبة
اعمل بكلية الطب جامعة الجزيرة
السكن : مدني – جزيرة الفيل
marfa
22-04-2005, 11:33 PM
اهلا بيك بينا في منتدى ود مدني
ومن وصفك دا انتي ساكنه في جزيرة الفيل
انا ساكنه في محطة 18 في دردق
يعني انشاء الله ممكن نتلاقى
ويالله شدي حيلك معانا في المنتدى
والى الامام
صالح ابوشوارب
22-04-2005, 11:50 PM
اهلا بيك ضيفة عزيزة علي قلوبنا
ونتمني ان تكون الاسئلة علي مستوي جامعة الجزيرة
----------------------------------------------------
ابو شوارب
شكرا للاخت مرفا وانشاء الله نتلاقي ويكون يوم السعد لي واشكر الاخ ابوالشوارب واتمني ان لا يكون ساخن ويكون بردا علي
امير عبدالباقي
23-04-2005, 12:20 AM
مرحب بصباح
نتمني ان يكون الكرسي بردا وسلاما عليك واناعارفك مابتقصري يقصر الملح
سوالي الاول ماهو ارطباطك بفداسي ومامدي ارطباتك بها ؟
2/ بماانك خريجه اقتصاد اعرف انكي تعملي في مجال الكمبيوتر فما العلاقه بينهما ؟
3/ اعرف انك قدمتي للعمل في مجالك لكن ماتوفقتي هل العمل في السودان محتاج لواسطه حتي تعملي في مجالك
يوجد الكثير نكتفي بهذه الاسئله ثم نعاود
اهلا بالاخ العزيز امير
سوالك عن ارتباطي بفداسي فهي مسقط راس الوالده والجده (ام الوالد) وارتباطاتي بها وثيقه لاني احبها وارتاح في وجودها فهناك اجد الطيبة والمحنة .
اما عن علاقة الكمبيوتر بمجالي فالكمبيوتر له علاقه بكل المجالات فانا هنا مسئوله عن برنامج التحليل الاحصائي .
اما عن الواسطه فدخلت في كل شي يعني لو ما عندك واسطه شغلك ما بيمشي سريع وفي تقدمينا الاخير كانت الواسطه تلعب دور كبير
aborawan
23-04-2005, 12:35 AM
الاخت صباح سلام من الله عليك
ما هو رايك في عمل المرأة وهل تواجهين مضايقات من الاهل او الاقارب حول عملك ؟؟؟
رؤيتك المستقبلية للسودان في ظل الظروف التي نعايشها اليوم ؟؟
كيف سمعتي عن المنتدى ؟؟؟
رأيك في المنتدى وبصراحة شديد (( السلبيات والايجابيات ))
صالح ابوشوارب
23-04-2005, 01:00 AM
الاخت صباح
عندي قريبتي تقدم ليها عريسين من الاهل
واحد غير متعلم ولكن ماشاء الله عمارتين في مدني
ومحلات تجارية وسيارة فاخرة ووسيم
والثاني خريج جامعة ولكن ماشاء الله ماشي كدر وبيت ايجار
وشغال في الحكومة وشكله مقبول
هي حيرانة وعايزنك تساعديها وتكوني انت في هذا الموقف
وهي في انتظارك (( للمعلومية جد مش كلام ))
-------------------------------------------------------
ابو شوارب والبخت ضارب
اهلا بي ابو روان
اكيد من انصار عمل المراه لاني من العاملات لانو في العمل بتكسب خبرات زياده بتزيد معرفتها وتستطيع تطبيق ما درسته عملياً لكني ليس من انصار عمل المراه المتزوجه بالذات اذا كانت ام ولها اطفال لانو بعتقد انو البيت يحتاج لها اكثر من العمل .
الحمدالله لم اواجه أي اعتراض من اهلي بل ساعدوني حتي وجدت هذه الوظيفه
الله يستر من مصير السودان واخاف ان يحدث له ما حدث للعراق وربنا يعين
من خلال تصفحي في موقع ودمدني
المنتدي رائع بروعه اهله ويناقش ويعرض مواضيع مفيده ورائعه واكثر ما اعجبني فيه ترابط اهله كالجسد الواحد . وذي ما بيقولو الكمال لله وحده لكني لم ألاحظ حتى الان أي سلبيات ودوما الي الامام
اهلا بالاخ ابو الشوارب
قال الرسول صلى الله علية وسلم اذا اتاكم من ترضون دينه فزوجوه
من وجه نظري اعمل بما قاله الرسول انظر إلي دينه وأخلاقه ومقدرته على تحمل المسئولية لأني اعتبرهم من أهم الأشياء عندي لان المال والوجاهة كلها زايله لذلك تنظر لهذه المقاييس بغض النظر عن تعليمهم ومالهم وجمالهم ومن تتوفر فيه هذه الشروط ترضى به .
لأنو الارازق بيد الله فاليوم عندك وبكره ما عندك فدوام الحال من المحال واطلب منها ان تستخير الله .
وان تستشير أهلها الكبار لانهم ادرى بها ولا خاب من استخار واستشار . وفي النهايه كلو شي قسمة ونصيب
والله يوفقها .
aborawan
23-04-2005, 08:43 AM
اها جيناك تاني
1 / ما سر التسمية ( نانا ) في حين انو اسمك صباح يعني مافي اى وجه شبه ما بين نانا وصباح ؟؟؟؟
2 / يلا الالقاب التحت دي قصاد كل لقب اكتبي لينا اسم عضو يستاهل اللقب ؟
كنج المنتدي
برنس المنتدي
عمدة المنتدي
الرومانسي
امبراطورة المنتدي
الرومانسية
اميرة المنتدي
امورة المنتدي
3 / رأيك في هؤلاء بكل صراحة من خلال متابعتك للمنتدى
ابوبكر الادمن
امير عبدالباقي
ابوريلان
بابكر
مهيرة
عشوشة
لنا عودة والقادم احلى انشاء الله
ابو المهتــدي
23-04-2005, 12:03 PM
بسم الله الرحمن الرحيم
الغالية بت الاخ نانا او صباح 000
اين انت في الثوب التقليدي 00 ام تلك الموضة بين فتياتنا مع الحشمة
elshaigi
23-04-2005, 02:28 PM
تحية لصباح ولابوروان لكل من له علاقة بفداسي أحد الفداسيين
وبالمناسبة انا من مواليد فداسي العامراب ..
مع تحياتي الشايقي
عصافير الخريف
23-04-2005, 04:26 PM
تسجيل حضووور يا عسل ولي عوده انتظريني جاهزة كدا وشوفي ليك ثلاجة شاي وقهوة علشان الاسئلة شكلها حطوووول والف مرحب بيك في كرسي الاعتراف ياغالية
عشوشه
23-04-2005, 08:43 PM
الاخت نانا ان شاءالله الكرسى يكون برداً وسلاماً عليك
المهم الجماعه ديل متعودين يصعبوها لكن لحدى اسى ماشاء الله عليك صنديده
عايزة اسالك وضع البت فى المنتدى هنا رايك فيه شنوا ؟
بس هو سؤال واحد
الاخ ابوروان
لك التحية
سر تسميتي بي نانا لانه اسم محبب لي شديد وهو لقب بنت عمي الصغيرة وبحبها شديد لذلك ظهرت في المنتدي باكثر اسم محبب لي لان اهل المنتدى يستاهلون هذا .
كنج المنتدى : ابوبكر الادمن
برنس المنتدي : امير عبدالباقي
عمدة المنتدى : بابكر
الرومانسي ك الرومنسي
امبراطورة المنتدى : عشوشة
اميرة المنتدى : مهيرة
امورة المنتدى : حلوه واموره
جميع اهل المنتدى رائعون واخوه ممتازون
ابوبكر الادمن : كما ذكرت كنج المنتدى
امير عبدالباقي : انسان جاد واخ رائع مبدع في تقديم المواضيع الجاده ومناقشتها
ابوريلان : صديق لاهل المنتدى كل اشتراكاته رائعه وفنانه
بابكر : اب حنين في تقديم النصح والنصائح المفيده لاهل المنتدى
مهيره : موسوعة من المعرفة
عشوشة : انسانة رائعة وذات عقل واسع وكبير
عمنا ابو المهتدي لك خالص التحايا
انا بين الاثنين يا عمي فانا كسودانية احب الثوب السوداني جدا واشعر براحه وانا ارتديه . وارتدي الموضه مع الحشمة لانها مريحه في الحركه بالذات في العمل .
اختي عشوشة
لك مني كل الود والتقدير
وضع البنت في المنتدى وضع طبيعي وفي كل مجال اصبحت مشاركاتها فعاله وبدونها لا يكتمل المنتدى وجميع مشاركاتها فعاله ومفيده ورائعة
الاخ الشايقي
اهلا بيك وبناس فداسي العامراب وبلساني ونيابة عن ابو روان نهديك اعطر التحايا
الاخ عصافير الخريف
لك خالص التحايا وانا جاهزه والشاي والقهوه عليك
الزمن المريح
23-04-2005, 10:44 PM
السلام عليكم اخت صباح
و الشكر كل الشكر للاخ ابو روان على تعريفنا بنانا (صباح )
اتمنى ان تصمدى فى الكرسى ،، صمود الافيال ،،
لك الشكر على صراحتك ،، فيما سبق من اسئلة ،، و نتمنى ان تواصلى على نفس الوتيرة ،،،
درستى بجامعة الجزيرة فى أىّ سنة ،،
سجلتى فى المنتدى منذ فترة طويلة قبل سنة تقريبا و لكن مشاركتك ضعيفة جدا بالمنتدى فما المانع ،،،،
ُسؤلتى مرتين عن فداسى و لم تجيبى ،، فلماذا الهرب ،،
رائك بصراحة فى القرار 1593،، الخاص بمحاكمة من ارتكب جرائم حرب بحق اهلنا بدارفور ،،
اعلم ان اسئلتى ملتهبة ،، اتمنى لك التوفيق و لك حق التجاهل ،،
وافر الشكر مع اكيد الاحترام ،،
اخي الزمن المريح
لك من خالص التحايا والاحترام
انا درست بجامعة الجزيرة الدفعة 19 سنة 1997 .
اما عن عدم مشاركاتي في المنتدى الفترة السابقة نسبة لظروف عملي لانو بدخل على الانترنت من موقع عملي ولفترة كان مقطوع وبعدها كنتها في اجازة
لا يوجد سبب يدعني اهرب من اجابة علاقتي بفداسي فهم اهلى وعزوتي ورديت على سوال امير ووضحت ارتباطي بفداسي
اختصر لك في السوال الاخير لاني لا احب التحدث في السياسة فانا اتمني محاكمة كل شخص خرب او دمر او اذى اهل دارفور ولكن ان تتم محاكمتهم داخل البلاد
admin
23-04-2005, 11:46 PM
اهلا بيك نانا في الكرسي الساخن .. وشايفك مسيطرة على الكرسي تمام ماشاءالله عليك
جامعة الجزيرة صرح شامخ تميزت به مدينة ودمدني كما تميزت الجامعة بالكثير من الدكاترة الافذاذ امثال دكتور تاج الاصفياء ودكتور محمد عوض الكريم ودكتور ابوسفيان والمقلي سابقا في كلية الاقتصاد ودكتور نبيل بشير ودكتور على الامين في الزراعة ولا ننسي احد اعضاء منتدانا وهو الدكتور محمد المختار.
ولكن حسب احتكاكي مع الجامعة اعتقد انها تعاني الان من ضعف من الناحية الادارية والتنظيمية وعدم توافق في الاهداف واختلافات بين ادارة الجامعة والشئون العلمية وعمداء الكليات..
فبحكم عملك ودراستك في الجامعة ما رايك فيما قلت؟
وماذا تقصدين ببرنامج التحليل الاحصائي؟
وماهو ارتباط ذلك بتخصصك الجامعي؟
وما هي البيانات التي يتم تحليلها؟
هل(البيانات) تخص الجامعة ام مجتمع مدني ام السودان ام العالم اجمع؟
وكيف يتم الحصول على هذه البيانات وماهي طرق جمعها؟
وماهي البرامج الكمبيوترية المستخدمة في اجراء التحليل؟ هل هي متخصصة ام عامة؟ هل صنعت بايدي سودانية ام مستوردة؟
معليش اسئلتي كثيرة شوية:D
ابومرام
23-04-2005, 11:54 PM
اخت صباح (نانا ) لك التحية وانتي بين اهلك وفي منتداك وبعد غيبة طويلة نقول الف حمد لله على السلامة
[COLOR=darkblue] دائما في البداية نخلي الاسلة خفيفة خايفين من الشرة نقول بسم الله 00
[1- تم تسجيلك منز فترة في المنتدى ما هو الفرق الايجابي او السلبي ما بين الفترتين السابقة والحالية وذي مابقولوا الشخص لو مابعد عنك مابتعرف التغيرات عليه 0
2- تم تعين صباح من قبل المشرف العام على المنتدى ادرة المنتدى لفترة شهر ماهي التغيرات التي تقومين بتحديثها 000لينا عودة لو ربنا مده في الايام 000
الزبير محمد عبدالفضيل
24-04-2005, 01:28 AM
حبااااااااااااااااابك عشششششششره واهلين بيك في المنتدي
سؤالي كيف تنظرين الي الجيل الحالي وارتباطه بالعادات السودانيه ؟
ماهي الفائده التي جنيتيها من الوظيفه ؟
ماهي احلامك وامنياتك الرئيسيه ؟
كيف تقيمي حالة السودان الاقتصاديه ؟
كلمه عن المنتدي ؟
((((( ولاتخزني يوم يبعثون يوم لاينفع مال ولابنون الا من اتي الله بقلب
سليم ))))))
أستغفر الله وأتوب اليه
ولكي مني الف تحيه والي الامام
الاخ ابوبكر الادمن لك مني خالص التحايا
حتي هذه اللحظه لا اري مشاكل ادارية او تنظيمية بين ادارت الجامعة والعمداء الحمدالله فالجامعه ماشه كويس وتمام لو كان في ضعف من أي ناحية لسقطت الجامعة .
وكما ذكرت الدكاترة الافذاذ موجودين ويمثلون اعلي قمم في الجامعة وبوجودهم الجامعة متقدمه نحو الامام
برنامج التحليل الاحصائي هو برنامج يسمى spss
هو من صميم تخصصنا الجامعي لاننا ندرس هذا البرنامج بصوره عامه وللمتخصصين في الاحصاء بصوره اوسع والبيانات هي بيانات رقمية خاصه بالجامعة عباره عن استمارات توزع للطلبة بعد نهاية الكورس واخذ رايهم في المقرر وطريقة التدريس واللغه التي تدرس بها ورائهم في الاساتذة من ناحية الحضور والاداء والالتزام بالمواعيد وننزل الاراء لكل صفه درجه بعد ذلك بتطلع في شكل نسب وتناقش في مجلس الاساتذة وبنستخدم برنامج spss
الاخ ابو مرام
لك التحية والتجلة
اكيد في اختلاف بين الفترتين والفترة السابقة لا استطيع الحكم عليها لاني كنت غير متواجده في هذه الفترة لكن اري تزايد كبير في عدد الاعضاء مما يدل على روعته وافائدته ومناقشته الجاده للمواضيع .
اما اذا تم تعيني الاخوه الذين سبقوني لم يتركو لي شي لاضيفه وبالعامية كده كتر خيرهم وبارك الله فيهم ما قصروا .
أبوريلان
24-04-2005, 04:49 AM
صباح الخير
سلالالالالام
1/ أهل جزيرة الفيل أسرة واحدة وتربطهم أواصر علاقات وثيقة مع بعضهم البعض ومن خلال مرورى على الردود علمت أنك من فداسى ماسبب أخياركم للسكن بجزيرة الفيل وهل الوالد من سكان جزيرة الفيل القدامى ؟
2/ ماهو التطور الذى تشهده مدينة ود مدنى فى نظر صباح من خلال هذه الفترة ؟
3/ كم ترتيب جامعة الجزيرة من بين جامعات ؟
# السودان .
# الوطن العربى .
# أفريقيا .
# العالم .
4/ إذا تقدم لصباح عريس ذا خلق ودين ووضعه المادى متواضع وله زوجة هل توافقين عليه ؟ إذا كانت إجابتك بلا لماذا ؟
5/ البنت أو المرأة العاملة توظف راتبها فى زينتها الشخصية هل صباح ينطبق عليها هذا الشىء ؟
6/ ماذا أضاف منتدى مدنى لصباح ؟
آسف لو أطلت عليك الأسئلة . وشكرا ليك .
اللمسة الساحرة
24-04-2005, 05:19 AM
الاخت نانا
بعد التحية والسلام
ان شاالله الكرسي يكون بارد عليك...
وانا ماحاسالك بس حبيت ةاسلم عليك
واسالتي:
منتدى ود مدني في كلمات؟؟؟
شخصيةاستهوتك كتاباته في المنتدى؟؟؟؟
موضووع اعجبك جدا
مع تحياتي:
اختك ": اللمســـــــــــــــــــــــــــــــــــــــــــــ ــــــــــــــــــــــــــــــــة الساحرة
موض
[SIZE=4]الاخ السفير لك منى خالص التحايا اني ارى الجيل الحالى بعيد كل البعد من العادات السودانية متاثر بعادات خارجية لدرجة انو عندما ننظر لتصرفاتهم كاننا خارج السودان واذا نصحتهم يعتبروك متخلف غير متطور والله يهديهم.جنيت منها الكتير اكتسبت خبرات اضافيه وخاصه في مجال الحاسوب واتعلمت الكثير من خلالي احتكاكي باشخاص باجناس مختلفه وعادات وتقاليدهم وافكارهم مختلفه اضافة الي الفائدة المادية .
احلامي وامنياتي الرئيسية ان اتقدم في دراستي واحصل على درجة الماجستير وان اكون اسرة سعيدة .
حالة مستقره لم يطراء فيها جديد .
المنتدى يعجز تعبيري عن وصفه فهو الروعه مجسده فيها اهله كالجسد الواحد مواضيعه ذات فائده اضاف لي معلومات جديده والى الامام دوماً.
admin
24-04-2005, 08:59 PM
شكرا نانا على ردك .. ونتمني لك التوفيق في كافة نواحي الحياة
الاخ ابوريلان
ارسل لك خالص التحايا والاحترام
اصلاً الوالد من جزيرة الفيل من الاسر القديمة بها من اسرة شقدي وامه من فداسي ووالدتي من فداسي لذلك استقرينا بجزيرة الفيل .
اصبح في مدني تطور عمراني ملحوظ واهتمام بالنشاطات الثقافية والبنية التحتية لمدينة ودمدني .
جامعة الجزيرة في السودان الاولى والوطن العربي وافريقيا لكن ترتيبها في العالم غير متاكده منو لكن على ما اعتقد 76.
اوافق اذا كانت الاسباب التى دعت الى زواجه للمرة الثانية مقنعة لانه لايمكن ان ابني سعادتي على حساب اسرة اخرى .
يوجد بعض العاملات لكن والحمدالله وليس هذا شكر لنفسي لكن كل راتبي يدخل في صيانة المنزل وشراء الجديد له الا اذا دعت الضروره اخصص جزء بسيط .
منتدى ودمدني اضاف لي الكثير بمعرفه معلومات جديده ومعرفتي باهل المنتدى الذين اصبحو لي اسرة ثانية .
اختي اللمسة الساحره
لك من اعطر واندى التحايا القلبية
جميع اهل المنتدى رائعون في كتابتهم واستهوتني جميعها واكثر ما استهوتني كتاباته العم بابكر .
واكثر موضوع اعجبني هل هناك انسان سعيد حقاً
الاخ ابوبكر
تحية عطره كعطر اهل المنتدي
ولا شكر على واجب واتمني التوفيق للجميع
بابكر
25-04-2005, 12:24 PM
الغاليه صباح لك التحيه
سؤالى صغنونى
هل تعرفين الفاتح الصول وخالد الصول
شكرا لك
الاخ بابكر
لك اعطر واندى التحايا
عز المعرفه فهم اخواني الكبار الفاتح مديرنا الادراي في مركز تطوير التعليم الطبي .
وخالد في كلية الطب - الدراسات العليا
فهم بالف خير
tahaa
25-04-2005, 10:03 PM
الأخت صباح أو كما تحبي نانا nana
السلام عليكم ورحمة الله وبركاته وبعد ،
لدي بعض الأسئلة المحيره حقاً
أولاً : ما رأيك في تعدد الزوجات ؟
ثانياً : ما هي الحلول في رأيك عن الزواج العرفي وإذا كنت في ورطة حب وبقيتي بين أمرين ، الأمران أحلاهما مر . إما أن تبعدي عن حبيب القلب والذي تعلقت به وهو رجل متدين ؟ أو أن تتزوجي عرفياً ما هو إختيارك ؟
عفواً الظاهر الكرسي بدأ يسخن ولا مش كده ؟
الاخ طه
لك وافر التحايا
ليس من انصار تعدد الزوجات واني ارى انه ليس ضروري ان يتزوج الرجل باكثر من واحده اذا ما توفرت له كل اسباب الراحه وانعم الله عليه بالبنين والبنات والمراه تقوم بكل واجباتها . ولكن اذا شعر الرجل بنقص او اي اسباب فعلا تستدعي ان يتزوج مره اخرى فله العذر واويده .
اما سوالك الثاني اذا كان هو رجل دين كيف يرضى ان يتزوج عرفي واذا عرض لي هذا سوف اختار البعد عنه لانه يكون منافق لان الزواج العرفي ليس في الشرع
خالد هاشم علي
26-04-2005, 02:45 AM
الأخت نانا...
سلام وتحية...
وماشاء الله عليك ردودك كلها في محلهاوعجبتني شديد.
سؤالي :
رايك شنو في الأحداث الأخيرة التي حدثت بالجامعة ، فقد سمعنا الكثير ولا نعلم اين الحقيقة.
وأنت طالبة سابقة بالجامعة وتتطلعي لنيل الماجستير ، فهل أنتي مع مطالب الطلبة التي تقدموا بها أم ضد.؟؟؟؟؟
وهل ستفتح الجامعة في القريب أم أنها أغلقت إلي أجل غير مسمي؟؟؟؟
مع رجائي إعطائنا صورة حقيقة عن الذي يحدث بهذا الصرح الشامخ.
طلب أخير....
عندي بنت عمتي موظفة معاكم بقسم المكتبات إسمها ( وفاق عباس مكي ) فرجائي أن تبلغيها تحياتي وأن تكلميها عن منتديات ودمدني وتدعيها للمشاركة في المنتدي.
مع أمنياتي لك بالتوفيق...
أخيراً:
شكراً ليك كتير علي المرور علي موضوع تكوين رابطة موقع ومنتديات ودمدني وشكر خاص لتسجيلك بالرابطة وربنا يساعد ويقرب البعيد.
ودمتي....
ابومرام
26-04-2005, 08:34 AM
اختي نانا لكي التحية وانتي تصمدين صمود الجبال ربنا يقدرك
1 - سؤال قد يلاحقني كثيرا من البعض اهل مدني بالاخص لهم التحيز و الحب لمدينتهم قد يكون لدرجة الادمان هل ترين في ذلك من سلبيات وماهي وجهت نظرك في هذا التصور 0
2- [ مدني ذاك الاسم اللامع في سمائنا وكلمة نقف عند ذكرها اجلالا ماهي توقعاتك لها في المستقبل ونصيحه عبرك لكل قطاع 00
اللمسة الساحرة
26-04-2005, 02:56 PM
اختي وحبيبتي الغالية نانا بتشكرك جدا على ردكعلى اسالتي ، وبهني ابو روان على الفكرة الحلوة بتاعت الكرسي الساخن وطبعا انا حاجزة الكرسي بعد نانا
ههههههههههههههههههههههههههههههه
بس طبعا يانانا عرفت انك بتشتغلي في كلية الطب وانا برضو بدرس في كلية الطب وزي ما انتي عارفة الجامعة مقفلة وانا مافي السودان وعايزة اعرف لو الجامعة حتطوول يعني، وحتفتح متين؟؟؟
ويديك الف عافية
مع تحياتي:
صاحبتك: اللمســـــــــــــــــــــــــــــــــــــــــــــ ـــــــــــــــــــــــــــة الساحرة
ابراهيم
26-04-2005, 06:40 PM
العزيزة صباح .. سلامي .... وعذرا على التاخير في المشاركة في هذا الكرسي الساخن والملتهب بردودك .... ماشاء الله موسوعة .... وعيني باردة عليك .... هناك تساؤلات في الخاطر ، هي كثيرة ولكني أختصرها في:
1- في ظل العولمة والتسارع التكنولوجي في شتى المجالات ما هي رؤيتك المستقبلية وتنبؤاتك بمصير الآتي:
أ/ ودمدني
ب/ الثقافة
ج/ القرقريبة
2-المرأة فى منتدى ود مدني ..رايك فيها بصراحة بمختلف تواجداتها..الرومانسية /العملية/المبدعة/الطموحة/التقليدية ...الخ
3- شنو السؤال الكنت متوقعه وما جاك .. وياريت الاجابه علي؟
4- آخر سؤال عليك الله عم ابو عركش وصلاح بشارة واستاذ فقير كيف؟
وأخيراً تحياتي اليك والى جزيرة الفيل تلك التي أعتصر لها في الدواخل حنيناً جبار تلك الارض الطيبة التي ارضعتنا الكثير ..
ولك مني كل تقدير
الاخ خالد
لك عاطر التحايا
النزاع بين الطلاب وادارة الجامعة في تشكيل اتحاد طلاب جامعة الجزيرة والجامعة رافضه لهذا وقالت تكتفي بالروابط فقط . والطلاب مصرين على تشكيل الاتحاد وانا مع الطلاب لانه حق من حقوقهم . ويحفظ حقوق الطالب .
انشاء الله سوف تفتح قريب احتمال كبير على حسب الاقوال شهر 6 /2005 .
وفاق الايام دي في قطر وهي بالف خير .
الاخ ابراهيم
تحيه مباركه
اني اتوقع لمدني مستقبل زاهر في كل النواحي الاقتصادية والثقافية والعلمية والعمرانيه وباذن الله سوف تكون في تقدم ملحوظ .
الثقافه : سوف تكون ودمدني مركز ثقافة السودان
القرقريبة : سوف تتلاشى
المراه متواجده في الموضوعات
لم اضع سوال في راسي بعينه
عم ابوعركش وصلاح وفقيري جميعهم بخير وصحة تامه
الاخ ابو مرام
تحية طيبة
وليس سلبياً ان يكون اهل مدني متحيزون لها ويحبونها بل اري انه شي ايجابي لكي يمدوها بجميع افكارهم وطاقاتهم والي الامام دائماً
اني اتوقع لمدني تقدم وتطور في جميع النواحي
واني اطلب من كل القطاعات في الوقوف لتطوير مدني بجهدهم ومالهم وتقدم كل ما هو مفيد لها لتزحف الي الامام وتنطلق بقوه اكثر بسواعد بنيها .
اختي اللمسه الساحره
سلم من عند الله مبارك
على حسب سمعي سوف تفتح قريب انشاء الله ويحتمل ان تكون شهر 6/2005 باذن الله ونتمني لك التوفيق
عزيز عيسى
27-04-2005, 12:16 PM
الاخت العزيزة نانا،
معليش انا برضو جيتك متأخر.. وعندى ليك سؤال بيختلف في مضمونه عن الاسئلة اللى سألوك ليها الشباب بس مضايقني شوية ..
رجعت السودان عام 2000 بعد غياب دام 13 سنة.. وطبعا زرت مدني.. منزلنا بالقرب من جامعة الجزيرة مش بعيد حوالى كيلو متر.. يعني الواحد لو قال عوووك ناس الجامعة كلهم يسمعوه..
ونظرا لاني كنت مشتاق لمدني طلبت من اخواني اننا نتمشي بأرجلنا لغاية السوق علشان احاول اشوف المعالم القديمة واتذكرها.. على العموم مرينا من امام جامعة الجزيرة لاني ما شاهدتها من قبل واثناء سيرنا شاهدت مناظر الاوساخ وأكياس النايلون حولين حائط سور الجامعة.. والله مناظر تشمئز لها النفوس.. ولا تليق بمستوى الجامعة وسمعتها.!!
وسؤالي هنا.. طلما أن المسؤولين في الصحة وادارة الجامعة ضاربين طناش وما مهتمين بالموضوع.. لماذ لم يقم الطلبة انفسهم بعمليات النظافة خاصة في منطقة مدخل الجامعة الذي يمثل الواجه.. هل اي من الطلبة طرح موضوع النظافة داخل الجامعة.. الان مضت خمسة سنوات بس انشاء الله الحال اتحسن.. والقمامة اتلمت والنظافة حلت محلها؟!!
معليش نسبة لضيق وقت زيارتي بس ما قدرت اوصل الملاحظة لادارة الجامعة..
أمل ان لا اكون قد ضايقتك بهذا السؤال..
وتسلمي،
عزيز
الاخ عزيز
السلام عليكم ورحمة الله
فعلا هذا كان منظر قبيح تشمئز منه النفوس واني اري جامعة الجزيرة بدات تهتم بهذا الموضوع وعملت سور جديد والحمدالله. وانشاء دوما الي الامام
أحمدالجاك
12-05-2005, 04:13 AM
سلام اهل السودان ومدنى وخصوصا جزيرة الفيل بصراحة حاجة تفتح النفس اول مره أدخل على المنتدى الله يبارك فى العمله ويخليه لاهله انتو كيف يا اخوانا واختنا نانا من وين فى جزيرة الفيل خليتى الواحد يتذكر ايامه الحلوه فى الجزيرة انا بالمناسبة من جزيرة الفيل فريق العرب .. ويديكم العافيه
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir