النشاة التاريخية لمدينة ودمدني

[صلاح ودالطاهر]

النشاة التاريخية لمدينة ودمدني
كانت مدينة ودمدني مايذيد عن اربعة قرون قريه واقعة علي النيل الازرق تسمي قرية نسيم وهذا الاسم اطلقه عليها العرب الرعاة الذين يأتونها من بطن الجزيرة في وقت الصيف لوفرة الماء والكلا لبهائمهم وتميز جوها في هذا الفصل لهذا اطلق عليها اسم قرية نسيم امل في فصل الخريف وعندما يرتفع النيل يرحل العرب الي الداخل ومن هذه القبائل الكواهلة والقواسمة والشنابلة والجعليين وغيرهم .وفي هذه المنطقة في عام 1489م وفد اليها الشيخ محمد مدني السني بن القاضي دشين دفع الله المصوبن واستقر بها واقام خلاوي القران واصبحت المنطقة يتوافد اليها طلاب العلم واطلق علي الخلاوي خلاوي ودمدني ومنها صار اسم المدينة ومن الخطأ ان نقول وادمدني لان كلمة واد تعني وادي وهي الارض المنخفضة ولذلك الصحيح ان نقول ودمدني تيمناً بالشيخ ودمدني السني ....
اتمنني ان اكون قدمت معلومه فاذا وفقت فهذا من عندالله واذا قصرت فهذا مني والله ولي التوفيق ...................
طبعا الحمد لله هذا جزء من بحث تخرجي من جامعة الجزيرة

اخوكم وابن مدني /الاستاذ صلاح الدين الطاهر احمد عبد الكريم
العنوان / المملكة العربية السعودية الرياض

[عزيز عيسى]

الاستاذ صلاح،

شكرا على المعلومة،

أنا بقول ليه الواحد فينا دائما بيكون مشتاق لمدني.. أتاريه ده - النسيم - وانحنا ما جايبين خبر!!

وتسلم يا أخوى،

عزيز

[قمر الزمان]

يديك الف عافية يا استاذ صلاح ..

[خالد هاشم علي]

تسلم ياأستاذ صلاح ونطمح في المزيد المزيد عن هذة المعشوقة



ودمت.

[صلاح ودالطاهر]

تسلم ياأستاذ صلاح ونطمح في المزيد المزيد عن هذة المعشوقة



ودمت. ابوهاشم وينك الطال غيابك بان وليك الامان

[مرتضى يوسف العركي]

استاذنا ود الطاهر :
نقول هل امتلاءنا من معرفة ام المدائن فنقول لك هل من مزيد ارجو صادقا الابحار اكثر فيها فجميعنا يحتاج للمزيد من المعرفة بها .
اسأل الله لنا ولكم التوفيق
ــــــــــــــــــــــــــــــــــــــ
كلمة طيبة كغيث أصاب أرضا طيبة فأنبتت كلأ وعشبا كثيرا

[عماد السائح]

الاخ صلاح المعلومة جميلة الرجاء من الجميع ان يدلو بدلوهم من حيث وقف صلاح حتى نؤرخ لمدني
لليوم .كل في مجاله ويكون يوما" م اكتمال العقد الفريد.

إعتذار
افتقدتك
لما نار الدنيا لهبت في حشاي
وافتقدتك ,,,,, لما اظلم خاطر الوهج
المولع في جواي ,,,,,,,,,,,,,,,,
وافتقدتك يوم لقبتك ,,,,,,,
لا إنتي إنتي
ولا انا الزول الزمان.
ضاعت مراكب الريدة تاهت ياحنان ,,,,,,,,,,,
**********
مدني يا عز المدائن
يا فرح طفل الجنائن
كيف اشوفك كيف اجيلك
وكيف يكون بينا اللقاء ...
نفسي ادخل في جواك
ارجع الزمن اللكان ----
نسمة يانيل المدينة
من جناين ود شقدي .
نوبة ياقنديل تهدي
شدة الالم الجواي ,,,
يمه من شاطوط محاية
بكره داخل امتحان
واللا قولك -- بسمة من زولا بحبو
تكفي مليون امتحان....
عركي بالله غني لينا
عن حبيبتي بقلكم ...........
وعن أنين الغربة ينزف
بالإرادة *** بدون إرادة .
يدوزن اللحن الحزييييين
قيثارة الألم البكاء
بلا انيييين .
يا مجد عزة ماضي كان
يامدني يا احلى مكان.
حليل زمان وياحليل مكان .
*****************
القصيده الكان كتبتها ليك زمان
ضاعت....
ذي ماضاع مني الزمان
ذي ما ضاع مني الزمان
ذي ما ضاع مني الزمان

عماد حسين السائح 2006 ابريل

[mcreio]

شكرا استاذ صلاح

وياريت لو تزيدنا فى هذه السياحة التاريخية لنزداد معرفة بمدنى الحبيبة

شكران

[مصباحيه]

شكرا ليك يا ابو الصلح وتسلم على المعلومة الغالية معاك بنت الجيران مصباحية
انا حاقول ليكم بعد اذنك طبعا مداخله بسيطة لماذا سمى ود مدنى السنى بالسنى وطبعا هو اسموا ود مدنى دشين والسنى دا لقب
قالوا انو زمان كان هو فى ابوحراز مع الشيخ ( ) واستدعى لمدنى لسبب وما كان فى شوارع ذى حسى وكان البحر هو الفاصل فقيل له اى لودمدنى اقطع البحر بالمصلايه (الفروه) فقال ليهم بما معناه لو كان الرسول سنها كان عملتها فقيل له سنى يا السنى ومن اللحظه سمى السنى هذا ما سمعناه
والله اعلم

[صلاح ودالطاهر]

شكرا ليك يا ابو الصلح وتسلم على المعلومة الغالية معاك بنت الجيران مصباحية
انا حاقول ليكم بعد اذنك طبعا مداخله بسيطة لماذا سمى ود مدنى السنى بالسنى وطبعا هو اسموا ود مدنى دشين والسنى دا لقب
قالوا انو زمان كان هو فى ابوحراز مع الشيخ ( ) واستدعى لمدنى لسبب وما كان فى شوارع ذى حسى وكان البحر هو الفاصل فقيل له اى لودمدنى اقطع البحر بالمصلايه (الفروه) فقال ليهم بما معناه لو كان الرسول سنها كان عملتها فقيل له سنى يا السنى ومن اللحظه سمى السنى هذا ما سمعناه
والله اعلم
تسلم يابت الجيران وتحياتي للجميع وكتر الف خيرك

[ابوزيد محمد نور]

موضوع جميل جدا