قالوا فى المغتربين ......

[الزمن المريح]

امس هاتفت احد اصدقائى بالسودان ،،
و عرف اننى بالامارات و طوالى طلب ارسل ليهو موبايل الله يكون فى عوننا
و طبعا حاولت اعتزر لكن ما اعطانى اى فرصة و قال لى




قالوا فى المغتربين ،،

ليبيا و اليمن ضياع زمن
السعودية حالة نفسية
عمان امكن تمشى لقدام
قطر بتفط سطر

ابو ظبى تصيّرك صبى
و دبى الله لى ،،،

مع الاعتزار ،،، لكن برضوا ما حا ارسل ليهو الموبايل....

[عزيز عيسى]

امريكا.. رقيص ومزيكا

البس سروال طويل ابو تكا
امشي في السكا..
أرقص مع المزيكا
ولا حد يجيب خبريكا


معليش سامحه

الراجل صحبك.. ارسل ليه الموبايل وكمان قوليه انك حتدفع ليه فاتورة المكالمات.

[قمر الزمان]

عمان امكن تمشى لقدام

هههههههههههههههه

رسل الموبايل

[نيازى كشك]

اخى الزمن المريح

اذا انت مش عاوز ترسل لية الهاتف
ارسل لى عنوانة وانا حارسل لية واحد

وسامحة عليك اللة

[ابراهيم]

عصر يا اولاد مصر


الزمن المريح رسل الموبايل

[أبوريلان]

الزمن المريح بطل حركات ورسل الموبايل ، إنشاء الله حشرتين حشره .

[aborawan]

سيد جرسة كبا الزوغة :D:D

تاني كان كده اصلو ما نضرب ليك عشان بالطريقة دي لو ظهر ليك الرقم الخاص ما حا ترد علينا :):)

[مــ سواح ــازن]

تعيش السعوديه دى اللامه العواطليه
وإنت يالزمن المريح ضارب دبي
ودبي سمعتها موبايلات ساااي
قالوا هناك رخيصه
عشان كده قال ليك رسل موبايل
يعني سيك سيك معلق فيك

[مزوني]

كاتب الرسالة الأصلية مــ سواح ــازن
تعيش السعوديه دى اللامه العواطليه
وإنت يالزمن المريح ضارب دبي
ودبي سمعتها موبايلات ساااي
قالوا هناك رخيصه
عشان كده قال ليك رسل موبايل
يعني سيك سيك معلق فيك +

وبالمناسبة لو شفت لي معاك طريقة واحد تكون ماقصرت
انشاءالله حتى لو كان المدمر عادي ما عليك

[الزبير محمد عبدالفضيل]

ارسل ليه الموبايل كل ناس السودان معهم موبايل يعني خلي الراجل يفرح



سبحان الله العظيم وبحمده

[حكم الهادي]

والله بعد الفضايح دي كلها لو ما رسلتو ليه تبقى دي مصيبة وبالمناسبة ضياء الدين أحمد وداعة مسافر السودان قريب ممكن ترسلو معاه .

[الشريف الهندي]

والله ما بيخلصو وماعارفين الباقيه ساي

[الزمن المريح]

تسلموا يا شباب على المرور والنصائح

و استجابة لرغبة الاعزاء ،، عزيز ،، قمر الزمان ،، نيازى ،، ابراهيم ، ابوريلان ،، و ابو روان ،، مازن ،، و سواح ،، السفير ،، ود الهادى و الشريف الهندى

رسلنا الموبايل ،، و الله يديكم العافية و الله يتم الشهر ديه على خير ،،

[زيكو منيب]

السعودية حالة نفسية

و احتمال تؤدي الى جنون

[هناد]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههه
والله لكن جابا طبعا جيبا جد
لكن مالو ما خشي في بريطانيا وديل ولي ما بقدر ههههههههههههههههههههه
مشكور
لكن بيني وبينك دا كلو عشان تجيب ليه الموبايل









هناد

[ابو المهتــدي]

بسم الله الرحمن الرحيم
اخي الحبيب الزمن المريح 0 عتبي عليك لان المثل عندنا يقول والله يكرم القاري0 00
كيف تشري البربندي 0قبل الحمار 0 هنا اشرح لك
البربندي هو الوتد الذي يدق في الارض 0لكي يربط فية الحمار 0 صاح
والحمار هو الدابة التي تمتضي 0 جميل 0
هنا عليك شراء الشريحة لان بدونها لا يتم التحدث 0
فاصبح الموبايل في حكم البربندي 0والحمار في حكم الشريحة
هنا نقول لك ليس من المعقول
ان تشتري بربندي 0 بدون حمار 0
العقل يقول 0 يجب ان تشتري حمارا 0 ومعة البربندي 0 والله يعطيك العافية
مع تحياتي لك وللمشاركين 0 ونتمني ان يحظو بمثل تلفونك والله نساله الاجابة 0000؟؟؟