سؤال شغل بالي

[مرافئ الابداع]

سالت ابي يوما فقلت له : ياابي انت تمنحنا الحريه لكي نسالك فهل ياابي اجبتني عن سؤال شغل بالي فقال: تفضلي ياصغيرتي.
ياابي انت تقول لي لا امانع ان تدخلي في الانترنت شريطه ان تخبريني عن اي شئ تدخلين فيه.
فقلت: ياابي تصفحت فعرفت ان الفنان ايهاب توفيق, واصاله, وزينب العسكري, اخيرا كاظم الساهر . جميعهم قد زاروا السودان وقد تم استقبالهم عدد كبير من الحشود والصحفيين والاعلاميين وبحفاوة وياااااااااااااالها من حفاوة واعلام وياااااااااااااااااااله من اعلام ووزير اعلام ووزراء ثقافيين وثقافه وياااااااااااااالها من ثقافه تحيط بتلك الفنانين ياللعجب.
ولكن ياابي ماذا تم عندما وصل الاديب الذي تم تكريمه من قبل العالم ( مش العالم ) بل اقولها ياابي العالم الا وهو الذي يمكن ان تقول انه معجزه ( حفظه الله ورعاه) الاستاذ الاديب المبدع( الطيب صالح) السوداني فمن قام باستقباله من تلك الوزراء والصحفيين ووزراء الثقافه الذين رأو انفسهم امام ثقافه اخرى عندما ياتي واحد من تلك الفنانين.
فقال لي: ياصغيرتي هذا هو السودان
فقلت : ياابي اشرح لي فقال سوف يكون بعد الان.............................
امل من يهمه امر كل مبدع في السودان ان يشاااااااااااااااااااركني في ذلك
ودمتم في حفظ الله
اختكم: مرافئ الابداع:(

[HAMADTO]

موضوع اكثر من رائع .... حقا هذا هو السودان
وعندنا في السودان لا يكرم المبدع إلا بعد وفاته ...

[ابراهيم]

الاخت مرافيء شكراً لهذا الموضوع الابداع



فقال لي: ياصغيرتي هذا هو السودان

فعلاً هذا هو السودان قمة في التفاني والكرم ونكران الذات

خلى كاظم المساجين الصينيين المحكومين بالاعمال الشاقة يجو يشتغلو في السودان يلاقو كل الاحترام والتقدير والكرم من كافة الجهات ما لا يلاقوه المبدعون من ابناء الوطن سواء كان بداخل الوطن او خارجه أمثال الاديب المبدع (الطيب صالح) بينما يستقبل ايهاب توفيق بكل حفاوة وفرح وفخر .. ايهاب توفيق الذي يغني :

خير اللهم اجعله خير .... قلبي مرفرف زي الطير

نحن السودانيين طيبين بصراحة .. ودي مشكلتنا

كاظم الساهر حفلتو في القاهرة بي 50 جنيه وهي تعادل بالسوداني 15 الف تقريباً .. اشمعنا في السودان بـ300 الف وبعد دا كلو الناس ما مصدقة .. منبهرين .. ليه عشان نحن السودانيين نعاني من الضعف الاعلامي .. ما قادرين نوصل ثقافتنا للناس رغم انو اكثر شعب مثقف الشعب السوداني .. كيف نكون عاصمة للثقافة العربية اذا اصلاً نحن ثقافتنا مجهولة من قبل العرب نفسهم ..

اشعر بالاحباط لما اشاهد التلفزيون لا اري للسودان سوى مشكلة دارفور كثيرون لم يعرفوا عن السودان شيء إلا بعد اشكالية دارفور حيث ارتبط اسم السودان بدارفور ونزاعات السلطة وكلو من جنون العظمة ووباء السلطة المتملك قيادات السودان ..

يا مرافي حينما قال والد (هذا هو السودان) لا شك إنه قالها بحسرة
لما يعانيه السودان منذ الاستغلال وحتى الآن و عبارة (هذا هو السودان) تحمل الكثير الكثير المؤلم ..

تحياتي

[madaniboy]

يسلمووو مرفا على الموضووع والله في قمة الرووعه موضوعك ونتظر المزيد
فاقد حنان

[مرافئ الابداع]

شكرا ليك ياحمدتوا وابراهيم ويافاقد على المرور
وانا في انتظار المزيد من الاراء حول هذا الموضوع المهم
يعني صحي ياابراهيم والله نحن بنعظم الفنانين والشغالين على قولك في السودان عظمه عند اهلهم مابيلاقوها
وقت بنعظم الغرباء ديل لي مانعظم واحد يستاهل بجد زي المبدع الطيب صالح
غايتوا الله يكون في العون

[هناد]

ههههههههههههه
والله موضوع جميل والظاهر عليك انت بنت فاهمه شديد

لكن دا حال الناس دايرين المشاهير البيشوفوهم في التلفزيون والقنوات الفضائيه

ما دايرين زول ما اكون ظاهر
واسي احتمال كبير اكون في ناس ما عارفين (الطيب صالح )دا منو



مشكووووووووووره علي الملاحظه القةيه دي

[ودأبكرش]

فعلا ده السودان بلد المثقفين
ولا يكرم فيه الا المثقفين من اي دوله او اي جنسيه
شكرا على الموضوع الجميل

[مــ سواح ــازن]

في هذا السودان العظيم
لا يكرم العالم إلا بعد مماته
هذا الكلام يعرفه الجميع هنا
وموضوعك جد هزاني لكن ما باليد حيله
وربنا يقدم السودان
ويهتموا بالمبدعين
الذين شرفونا في العالم
وبهذا السبب
لا تبرز إبداعاتنا
تسلميييييييييييييييييييييي مرافئ

[مرافئ الابداع]

شكرا ليكم اخوتي هناد وود ابكرش ومازن سواح
على المرور واليكم اخر اخبار المبدع الطيب صالح سوف تجدوها انشاء الله
نازله على النتدى
تابعونا ولكم الف شكر على المتابعه