مشاهدة النسخة كاملة : خواجيه تفتيحه
Jamal Elmahi
09-05-2005, 04:46 PM
خواجيه تفتيحه
زوجها بخيل شحيح..من الذين يكنزون الذهب و الفضه و لا ينفقونها في سبيل الله ولا في اي سبيل ..تدهورت حالته الصحيه و لكن الموت اهون عليه من ان يصرف دولارا واحدا لعلاجه...
اشتد مرضه فنادي زوجته و تضرع اليها و استحلفها باغلي ما عندها بان تدفن فلوسه معه عند موته.. اشاحت بوجهها مستغربة لطلبه....اصر والح في طلبه حتي عاهدته ان تدفن فلوسه معه...
مات الزوج غير ماسوفا علي شبابه,,,و من عاداتهم وداع الميت بان يوضع في التابوت متشيكا باحلي الملابس و اغلي الساعات ولا ادري علي اي توقيت تظبط,,توقيت الدنيا ام الاخرة؟؟..
عندما ارادو قفل التابوت صاحت الزوجه بان لديها امانه يجب ان تدفن مع زوجها واعطتهم صندوق الفلوس الذي دفن معه وسط دهشة الجميع الذين يعرفون قصة وعدها لزوجها,,,,غضب البعض و فرك الاخرون اعينهم غير مصدقين ..اتهمها البعض بالجنون فكيف تدفن الفلوس التي حرمت منها طيلة تلك السنين العجاف,,,وسالها البعض في حينها هل فقدت عقلها لماذا تدفن الفلوس وهي في اشد الحاجة اليها...اجابت ببرود انها ابرت بوعدها و ان وعد الخواجه دين عليه..و ان مسيحيتها تلزمها ان تبر بوعدها...قامت اعز صديقاتها و هي اكثر الجميع حرقة فسالتها و الدموع تبلل كتفيها لماذا حرمتي نفسك و اولادك من هذه الفلوس؟؟؟
فاجابتها لم احرم نفسي واولادي من الفلوس,,,لقد اودعت كل المبلغ في حسابي بالبنك و حررت لزوجي شيكا بكامل فلوسه علي دائر المليم و دفن معه فان استطاع ان يصرفه فليستمتع بفلوسه....
جمال الماحي
عزيز عيسى
09-05-2005, 05:27 PM
انت عارف يا جيمي الخواجية دي لو ما تفتيحة كنت عايز اقوليك نمشي نشتري لينا كوريك وازمه وطورية لزوم الحفر ونشوف قبر الخواجه المرحوم ده وين ونطلع القروش نتقاسمها.. لكن معليش أهي فرصة وضاعت.
وتشكرات كثير على الموضوع الظريف،
عزيز
أبوبكرحامد
10-05-2005, 12:10 AM
أدهشتنى ياجيمى قدرتك الفائقة فى السرد وروعة التصوير فشكراً لك يارائع وشكراً لصديقك عزو ولكل أهل هيوستن.
ود الماذون
امير عبدالباقي
10-05-2005, 08:22 AM
الاخ جمال
مشكور ياغالي علي القصه لكن ده بخل مبالغ فيه ...................
كنت فاكره غبيانه لكن الخواجيه طلعت تفتيحه شديد ؛
زيكو منيب
10-05-2005, 09:24 AM
كاتب الرسالة الأصلية azizeisa
انت عارف يا جيمي الخواجية دي لو ما تفتيحة كنت عايز اقوليك نمشي نشتري لينا كوريك وازمه وطورية لزوم الحفر ونشوف قبر الخواجه المرحوم ده وين ونطلع القروش نتقاسمها.. لكن معليش أهي فرصة وضاعت.
وتشكرات كثير على الموضوع الظريف،
عزيز
و الله ما تنسوا تسوقوني معاكم ;)
Jamal Elmahi
10-05-2005, 09:45 AM
الاخ عزيز....وزيكو كمان..
اخي عزيز جهز الطوريه والكوريق....
وانا بجيب العزمه لزوم التغريق...
وكدنكه وبرابندي وكمان ابريق...
الخواخه ساعتو اغلي ساعه في الفريق...
قوم دغش وزيكو معانا و في قبر الخواجه نفك الريق....
جمال الماحي
فادي الماحي
10-05-2005, 11:34 AM
طيب يا جمال لو انت وعزيز مشيتوا وحفرتو وشلتوا الشيك ما بتخلو خشمها ملح ملح ؟؟
بس ما تنسو حساب المنتدي ؟؟؟
وبعدها
سلام عليك :p
Jamal Elmahi
10-05-2005, 11:47 AM
ألآخ ود الماذون...
ابو بكر يا ودالماذون ....
كلامك دوام موزون ...
نحتاجك اخي لشجرة منتدانا مازون ...
نعمل عرس جماعي للعذابه وكل من له سنون...
ستراً للحال من المساكنه والعرفي والمستخبي المكنون...
جمال الماحي
ابو المهتــدي
10-05-2005, 12:12 PM
بسم الله الرحمن الرحيم
تسالم اخي جمال 0 بالمناسب من خلا ل العنوان واول سطر قراتة كنت متوقع ان الحاجة سوف تحرر له شيك بالمبلغ 0 بس بيني وبينك المعلم دقس 0
Jamal Elmahi
10-05-2005, 02:01 PM
الاخ العزيز ابو المهتدي
ابو المهتدي يا تفتيحه و شايل مفاتيحه....
بتفهما طايره وتنقشا ع الريحه...
بعد دا حا اكتب من القصه سطر و تمو الباقي قريحه...
جمال الماحي
Jamal Elmahi
10-05-2005, 03:29 PM
الاخ امير عبد الباقي ...
امير عبد الباقي يا ظريف يا راقي...
لو فاكرني نسيتك تنكسر كراعي....
انت الخير والبركه والراعي واعي...
جمال الماحي
الزمن المريح
10-05-2005, 08:23 PM
تسلم جمال ،، و حقيقة القصة رائعة و السرد ممتاز ،، و الخواجية تفتيحة ونص ،،
و صاحبنا الا عاوز يرحم حى ولا ميت ،، لقى جزاه ،، و المعروف عن الناس ديل ( الخواجيات) كلهم ،، تفتيحات ،، و الغريبة انهم مخلصين ،،، و لا يكذبوا ،، بس بتصرفوا ،،،
لك الشكر ،، و التحايا اخ جمال ،،،،
خالد هاشم علي
11-05-2005, 12:31 AM
أخي جمال...
أول حاجة مرحب بيك كتير ونورتنا جداً ...
القصة جميلة ولذيذة وملعوبة لكن الأجمل منها
إنك شاعر ماساهل من خلال ردودك للأخوة، ياربي إنت أصلك شاعر ولا دي مغسة الغربة.؟؟؟؟
مرحب بيك تاني وتالت ورابع وبي ناس الجنيد كلهم..
بالمناسبة أنا من مواليد تمبول وكنا بنجي مع السواق ونسرق القصب ونشتت. يعني بكون خسرت مصنع الجنيد كم شوال سكر... عليكم الله ياناس الجنيد أعفوا لي..
tahaa
11-05-2005, 12:51 AM
كاتب الرسالة الأصلية خالد هاشم علي
أخي جمال...
أول حاجة مرحب بيك كتير ونورتنا جداً ...
القصة جميلة ولذيذة وملعوبة لكن الأجمل منها
إنك شاعر ماساهل من خلال ردودك للأخوة، ياربي إنت أصلك شاعر ولا دي مغسة الغربة.؟؟؟؟
مرحب بيك تاني وتالت ورابع وبي ناس الجنيد كلهم..
بالمناسبة أنا من مواليد تمبول وكنا بنجي مع السواق ونسرق القصب ونشتت. يعني بكون خسرت مصنع الجنيد كم شوال سكر... عليكم الله ياناس الجنيد أعفوا لي..
Jamal Elmahi
11-05-2005, 10:56 AM
الاخ الحبوب خالد هاشم علي...
لا بد ان تعوضنا عن قصب السكر باثر رجعي...
و يا حبذا كبدة ابل و ام فتفت مع الاتتي...
ولو قلته مراره لا بد يكون فيها ابغازيه....
وبدل المريسه لزوم الالتزام نشرب كركدي...
وندوبي للصباح والما معانا كر عليه..
جمال الماحي
Jamal Elmahi
11-05-2005, 11:04 AM
الزمن المريح
اين انت يا زمن يا مريح...
انت في احداق عيون الناس ولا في المريخ....
كيف اجدك لاستريح واستبدل همومي بفسيخ...
واشكو لك الزمن المسيخ فهل لديك متسع من الوقت فسيح؟؟؟؟
جمال الماحي
عزيز عيسى
11-05-2005, 11:39 AM
الله الله.. يا جمال انت بقيت شاعر وانحنا ما شاعرين بيك؟
وكمان حلمنتيشي!
ودي،
الخواجة.. الخواجة الحي،
Jamal Elmahi
11-05-2005, 12:56 PM
الخواجه عزيز.....
يا خواجه انت فاضي لينا من حفلات الحبش....
قالوا في نص الحفله شغال رقيص تش...
وفاتح لينا وكاتل في يدنا الدش...
وكراع البقر جيابه والعضلات تبش...
جمال الماحي
صالح ابوشوارب
23-04-2006, 12:52 AM
وينك يا الحبيب والله خليت قلبى طار تعال تعال خلينا قراب
بابكر
23-04-2006, 01:07 PM
يعنى ياجمال شفت ليك خواجيه ما تفتيحه00!!!؟؟؟
امل حياتى
23-04-2006, 09:06 PM
والله قصة جميلة جدا" ودىزكية جدا" تصرفت صح مشكور اخوى
والله احيها على ذكائها
دي مثال للمرأه الذكيه
Jamal Elmahi
26-04-2006, 10:29 AM
وينك يا الحبيب والله خليت قلبى طار تعال تعال خلينا قراب
يا الشيخ حسن يا ود حسونه دافرني موديني وين....؟؟؟
كان طوّلتو لي بالكم ورقتو ...أنا بوصّف الشفتو....
بس أنت يابوشوارب ما توصّف لينا أيّ حاجه....أصلو وصفك بجيب الهبايب...والهبايب كان جات أنا بطقها بشتتا...أصلو أخوك عندو انفلات
أمني وما بحب الكتمه ..بتهيّج عليّ الدبس وبتذيد لي خمة النفس....وكلّك نظر أأأبوي....
ود الماحي
Jamal Elmahi
26-04-2006, 10:38 AM
يعنى ياجمال شفت ليك خواجيه ما تفتيحه00!!!؟؟؟
حباب ود الصول...والله صدقته ...الخواجيات العويره فيهن تسدها وتقدها....والخواجيه كان ما تفتيحه الموضوع دا قلّع من وين؟؟
والعجب كان الخواجيه سبّلت ليك عويناتا وكتلت ليك حسها ...ما خلاص حصاحيصا وغرقت ...والله يكضّب الشينه أأأبوي...
ود الماحي
Jamal Elmahi
26-04-2006, 01:54 PM
والله قصة جميلة جدا" ودىزكية جدا" تصرفت صح مشكور اخوى
حباب أمل حياتي...
أب خيراَ كتير ااتي
يغطيك الله من العين والبعّاتي
ود الماحي
Jamal Elmahi
26-04-2006, 01:57 PM
والله احيها على ذكائها
دي مثال للمرأه الذكيه
جينفر ياختي انتي ذاتك ما خواجيّه...ما هو باين في العيون...أقصد في الاسم...
ود الماحي
سواااح
27-04-2006, 08:24 AM
والله يا جمال دي مش تفتيحة بس
دي مقدداها عديييييييييييل كده
تسلم يا غالي ..
دمـــــــــــــــــت ،،
bakri
27-04-2006, 10:35 AM
فاكهه المنتدى حقيقه القصه رائعه
بس الاروع ردودك
وانا من المعجبين جدا بى كتاباتك
Jamal Elmahi
28-04-2006, 02:31 AM
والله يا جمال دي مش تفتيحة بس
دي مقدداها عديييييييييييل كده
تسلم يا غالي ..
دمـــــــــــــــــت ،،
مرحب حباب سواح...
زين الشباب في ضلامنا صباح...
يا ضل الدليب فيك ننجم كتير نرتاح...
ود الماحي
Jamal Elmahi
28-04-2006, 02:44 AM
فاكهه المنتدى حقيقه القصه رائعه
بس الاروع ردودك
وانا من المعجبين جدا بى كتاباتك
حباب بكري ..حباب الدخري..
الفاكهه أأبوي خشم بيوت...شي دوم وشي تفاح...شي لالوب وشي فراوله...شي نبق وشي أناناس...شي قنقليس وشي كرز...
والحشاش يملا شبكتو...
مشاققه...
كان بالحيل بتدور ونسة العجائز...أغشانا أأأبوي في دكان ود الصول...وانا ها دا دربي عليو...كان وصلته قبالي أأأبوي زح لي العنقريب من الشمش وخت لي جمبو الابريق...
ود الماحي
ابراهيم
28-06-2009, 04:38 PM
حباب أمل حياتي...
أب خيراَ كتير ااتي
يغطيك الله من العين والبعّاتي
ود الماحي
والله يا ود الماحي مشتاقين
:d:d:d
ابوخالد
28-06-2009, 06:08 PM
لاكن ياأخوى كدى تعال لى بى جاى
الخواجيايه خبرناها مقدداها
لاكن حكاية ( المساكنه ) دى كيفنها ....
دى على وزن ( المساككه ) والا شنو ....
ودالماحى يا أرقى القوافى
يالطلتك بالحيل ... تشفى و تعافى
خليك دوام مواصل لا تبقى جافى
حاتم مرزوق
28-06-2009, 11:43 PM
الذ ناس بتاعين فخر المنتديات .. قصصكم جميلة
الخواجة دا ياود الماحي كان عندنا في السودان كنا ملينا ليهو الصندوق اقاشي من بتاع الهوساوي و الشيك زاتو ما كان لمه فيهو.
واقاشي الهوساوي دا اسأل منو استاذنا ابو شوارب.
محمود (أبو وضاح)
29-06-2009, 09:36 PM
العجيب جدا أن هؤلاء القوم ورغم كفرهم إلا أن هناك مبادئ لا يفارقونها ، يتميزون بالصدق فى التعامل ، لا يكذبون ، يحترمون الوقت والوعد لأنه جوهر التعامل مع الآخرين ، يتأثرون بالحالات الانسانية ولهذا تجد أكثرهم فى منظمات مدنية طوعية يسافرون على حسابهم لبلدان كثيرة للوقوف على الحالات الانسانية ومعالجة الازمات والوقوف مع ضحاياها .
معاشرتهم تختلف وللأسف عن العلاقات الانسانية بين المسلم وأخاه المسلم ، سبحان الله.
عزيز عيسى
30-06-2009, 05:50 AM
والله يا ود الماحي مشتاقين
:d:d:d
لا حولا يا إبراهيم (نكت) البوست دا من وين؟
بمناسبة المرحوم الخواجة..
مرة كنت راجع من العمل وفجأة توقفت حركة المرور في الطريق
وحصلت زحمة سيارات.. فتحت زجاج السيارة وطلعت راسي أتاوق
أشوف الحاصل شنو؟.. شاهدت مجموعة من الخواجات واقفين..
بدأت الحركة تسير ببطء ولما وصلت بالقرب منهم وجدت أسرة
بأطفالها وكانوا كلهم يبكون.. قلت إن شاء الله ما يكون الخواجات
ديل مات ليهم أحد..
عرفت إنهم كانوا يبكون على (جرو) كلب صغير كان ضائع
منهم وصدمته سيارة ومات.. شفت الناس ديل حنينين كيف حتى
على الجيروات.. وطبعا بيكون الجيرو عملوا ليهو مراسم دفن
ومأتم كارب.. على طول تذكرت جيرواتنا في السودان وقلت
السعيد فيهم لو ما مات بطلقة بكون رموا عليه ستين حجر
ومعاها قولة (جر)..
مدنيّة
30-06-2009, 09:02 AM
والله ياابراهيم فيك الخير
انا جيت جري لما لقيت بوست باسم ود امي
هيياود امي
النبي فيك الفي لينا فرقة في زمنك
ان شاء الله يوم × الاسبوع
Jamal Elmahi
30-06-2009, 10:40 AM
والله ياابراهيم فيك الخير
انا جيت جري لما لقيت بوست باسم ود امي
هيياود امي
النبي فيك الفي لينا فرقة في زمنك
ان شاء الله يوم × الاسبوع
آآآآي بديت من الآخر ...مش علي كيفي ...عند الخواجات الزوق النساء أولاَ ..Ladies first ..يا شباب روقو المنقه خلوني أقالد بت أمي دي ...مدنيه حبابك ...حباب ست البنات ...الشوق شاشوق ...ياالكلّك زوق ...
غاليه والطلب رخيص ...ونحن لاقينكم وين يانور العين ....
تحياتي للاسره الكريمه ...
خال جمال
Jamal Elmahi
30-06-2009, 10:50 AM
والله يا ود الماحي مشتاقين
:d:d:d
أبراهيم كندا ...حبابك ...
طبعاَ اليومين ديل الجو عندكم جو فول ...آآآي فول ...حتقول لي الفول برّه المقرر بغالطك لي باكر ...
مشاققه ...
الخواجه قال لي نسيت سكينه والسخينه والبترينه وسادّي دي بي طينه دي بي عجينه..
ود الماحي
Jamal Elmahi
30-06-2009, 10:53 AM
لاكن ياأخوى كدى تعال لى بى جاى
الخواجيايه خبرناها مقدداها
لاكن حكاية ( المساكنه ) دى كيفنها ....
دى على وزن ( المساككه ) والا شنو ....
ودالماحى يا أرقى القوافى
يالطلتك بالحيل ... تشفى و تعافى
خليك دوام مواصل لا تبقى جافى
حباب أبو خالد حباب الخزين الشوفتو تملي العين ...
حباب الارباب يسدها ويقدها من حلفا للضعين ...
ود الماحي
Jamal Elmahi
30-06-2009, 10:59 AM
الذ ناس بتاعين فخر المنتديات .. قصصكم جميلة
الخواجة دا ياود الماحي كان عندنا في السودان كنا ملينا ليهو الصندوق اقاشي من بتاع الهوساوي و الشيك زاتو ما كان لمه فيهو.
واقاشي الهوساوي دا اسأل منو استاذنا ابو شوارب.
ود مرزوق ياالكلّك زوق في زوق
الماقري قصة الجنيد ركبو الخازوق..
أها ألاقيك في دردق ولاّ شندي فوق ...
ونغيّر الاقاشيه لكوارع عشان يحوق ...
ود الماحي
Jamal Elmahi
30-06-2009, 11:03 AM
العجيب جدا أن هؤلاء القوم ورغم كفرهم إلا أن هناك مبادئ لا يفارقونها ، يتميزون بالصدق فى التعامل ، لا يكذبون ، يحترمون الوقت والوعد لأنه جوهر التعامل مع الآخرين ، يتأثرون بالحالات الانسانية ولهذا تجد أكثرهم فى منظمات مدنية طوعية يسافرون على حسابهم لبلدان كثيرة للوقوف على الحالات الانسانية ومعالجة الازمات والوقوف مع ضحاياها .
معاشرتهم تختلف وللأسف عن العلاقات الانسانية بين المسلم وأخاه المسلم ، سبحان الله.
حباب زين الشباب حباب أبو وضاح ...
حباب الشوفتو تتمنّي ليل وصباح...
قرّب ماتبتعد عشان القليب يرتاح ...
ود الماحي
ود حنتوب
30-06-2009, 11:05 AM
بصراحة تصرف جميل جدا من الخواجية
واهى لم تخن الوعد وقد ابرت به
زى ما التزامها بالمسيحية
الولية دى لازم كانت فى الجيش
وعلموها حسن التصرف
Jamal Elmahi
30-06-2009, 11:07 AM
لا حولا يا إبراهيم (نكت) البوست دا من وين؟
بمناسبة المرحوم الخواجة..
مرة كنت راجع من العمل وفجأة توقفت حركة المرور في الطريق
وحصلت زحمة سيارات.. فتحت زجاج السيارة وطلعت راسي أتاوق
أشوف الحاصل شنو؟.. شاهدت مجموعة من الخواجات واقفين..
بدأت الحركة تسير ببطء ولما وصلت بالقرب منهم وجدت أسرة
بأطفالها وكانوا كلهم يبكون.. قلت إن شاء الله ما يكون الخواجات
ديل مات ليهم أحد..
عرفت إنهم كانوا يبكون على (جرو) كلب صغير كان ضائع
منهم وصدمته سيارة ومات.. شفت الناس ديل حنينين كيف حتى
على الجيروات.. وطبعا بيكون الجيرو عملوا ليهو مراسم دفن
ومأتم كارب.. على طول تذكرت جيرواتنا في السودان وقلت
السعيد فيهم لو ما مات بطلقة بكون رموا عليه ستين حجر
ومعاها قولة (جر)..
حباب الخواجه حبابو ..
الحلوفو راح وخبر ما جابو ...
نادينا ابشوارب والله جابو ...
وود الماذون شايل جرابو ...
الليله حي مايو وااااخرابو ...
Jamal Elmahi
30-06-2009, 05:29 PM
بصراحة تصرف جميل جدا من الخواجية
واهى لم تخن الوعد وقد ابرت به
زى ما التزامها بالمسيحية
الولية دى لازم كانت فى الجيش
وعلموها حسن التصرف
ود حنتوب حبابك ...الاصيل أصالة العمّه والتوب حبابك ...
ما تغيب آآآعشاي وسلم لينا علي عمك تنقو ...
بجيك صاد ...
ابوخالد
30-06-2009, 06:08 PM
حباب أبو خالد حباب الخزين الشوفتو تملي العين ...
حباب الارباب يسدها ويقدها من حلفا للضعين ...
ود الماحي
ــــــــــــــــــــــــــــــــــــــ
قولك سمح بالحيل يشفى السقيم وعليل
دحين ياخوى نرجع لى حديثنا ( المساكنه دى شنو .. على وزن المساككه )
نزار حسن محمد
01-07-2009, 12:44 AM
يسلام على روائع الزمن الجميل
---------
تعرف ياجيمى ذكرتنى ونحن طلبه فى روسيا
طبعا الخوجات بجيبو فرقه عشان تعزف للميت
آها يازول قاعدين والوقت صباح قمنا سمعنا بالمزيكه تدق
وكان معنا طالب برلوم قال يخونا تعالووو شوفه الخوجات
الليله عندهم صبحيه فى الحى؟؟؟؟
Jamal Elmahi
02-07-2009, 07:38 AM
حباب أبو خالد حباب الخزين الشوفتو تملي العين ...
حباب الارباب يسدها ويقدها من حلفا للضعين ...
ود الماحي
ــــــــــــــــــــــــــــــــــــــ
قولك سمح بالحيل يشفى السقيم وعليل
دحين ياخوى نرجع لى حديثنا ( المساكنه دى شنو .. على وزن المساككه )
أبو خالد حبابك ...
المساكنه آآآآعشاي الجابه مع الخواجات شنو ...أنا عشان خاطرك ياغالي قريت موضوعي تاني مع الردود عشان أكوس المساكنه دي أنا كتبتها وين تب ما لقيتا ...وكان أختلط عليك الاختساس ولقطتها من موضوع تاني يكون جهجهته أخوك ...
بيّن ..إفصح ...وضّح....
وبجيك صاد ...
Jamal Elmahi
02-07-2009, 07:41 AM
يسلام على روائع الزمن الجميل
---------
تعرف ياجيمى ذكرتنى ونحن طلبه فى روسيا
طبعا الخوجات بجيبو فرقه عشان تعزف للميت
آها يازول قاعدين والوقت صباح قمنا سمعنا بالمزيكه تدق
وكان معنا طالب برلوم قال يخونا تعالووو شوفه الخوجات
الليله عندهم صبحيه فى الحى؟؟؟؟
أبو النسب الماخمج ...
كان بديت ليك في قفشات الخواجات علاّ كان يوقفني الجليل الرحيم ...وقبال ما ينفرط حبل الامن وتنزلق الحماره وينجلغ الدقيق أخير أتخارج ....
ابراهيم
02-07-2009, 03:05 PM
أبراهيم كندا ...حبابك ...
طبعاَ اليومين ديل الجو عندكم جو فول ...آآآي فول ...حتقول لي الفول برّه المقرر بغالطك لي باكر ...
مشاققه ...
الخواجه قال لي نسيت سكينه والسخينه والبترينه وسادّي دي بي طينه دي بي عجينه..
ود الماحي
والله يا ود الماحي جنس فوول ... وين برة المقرر يا حبة
والله اساسي ...
سكينة يا ود الماحي اتدلعت وقررت اتزوج صينية
بالميت تعلمنا كاراتيه
Jamal Elmahi
02-07-2009, 04:25 PM
والله يا ود الماحي جنس فوول ... وين برة المقرر يا حبة
والله اساسي ...
سكينة يا ود الماحي اتدلعت وقررت اتزوج صينية
بالميت تعلمنا كاراتيه
إبراهومه آآآعشاي ما تدقس وخليك مع الزمن أبدأ مع الصينيه بالمساكنه ثم مسيار ثم عرفي والزواج خليهو لي ناس سكينه وأخواتها ...
مشاققه ...
وفّرته علينا جلابية العقد البيضاء مكويه والعمّه التوتل أبوغزالتين مع العراقي الساكوبيس..
ابوخالد
02-07-2009, 05:35 PM
ألآخ ود الماذون...
ابو بكر يا ودالماذون ....
كلامك دوام موزون ...
نحتاجك اخي لشجرة منتدانا مازون ...
نعمل عرس جماعي للعذابه وكل من له سنون...
ستراً للحال من المساكنه والعرفي والمستخبي المكنون...
جمال الماحي
ها زول يارائع بتدور تطلعنى مخرف والا شنو ......
هسى الكلام الفوق ده الليل منو ..... الظاهر الخواجات ديل هدو فيكم
وبقيتو تتبلو على الناس بالفيهم والما فيهم ...
تحياتى لجميع السوادنه الهناك ,, وخاصه إبن عمى / هشام الذين على صالح(مايو )
وإبن عمتى / مرتضى نصر الدين العطا (الباشا )دردق وصديقى الحبيب / د. عادل حسن سليمان (ود البيان )
ولك ايها الرائع كل الود والإحترام
لحظة ..........
أخى وصديقى ونسيبى وجارى / الأستاذ. أبوبكر حامد الأمين .. لك كل الشوق
Jamal Elmahi
03-07-2009, 04:56 AM
ها زول يارائع بتدور تطلعنى مخرف والا شنو ......
هسى الكلام الفوق ده الليل منو ..... الظاهر الخواجات ديل هدو فيكم
وبقيتو تتبلو على الناس بالفيهم والما فيهم ...
تحياتى لجميع السوادنه الهناك ,, وخاصه إبن عمى / هشام الذين على صالح(مايو )
وإبن عمتى / مرتضى نصر الدين العطا (الباشا )دردق وصديقى الحبيب / د. عادل حسن سليمان (ود البيان )
ولك ايها الرائع كل الود والإحترام
لحظة ..........
أخى وصديقى ونسيبى وجارى / الأستاذ. أبوبكر حامد الأمين .. لك كل الشوق
حباب أبو خالد ...حباب الدخري
الخرف آآآبوي يفوتني يمشي وين...أخوك بقرأ سطر وبفط سطر ...والفهم مرات بجي الساعه إتناشر بالليل ...
أها نجي للمساكنه ...المساكنه زي ام زغيفيته ...ولاّ إنفلونزا الخنازير ..لمّت في الشباب قرضتن قرض التاباك ...والعرس بقي للعاملين عليها وفي الرقاب والغارمين وإبن السبيل وناس قريعتي راحت ..أما المرطبين مساكنه بس عكس مساسكه ...
أها قصرته معاك ...!!!
عمران حسن
03-07-2009, 10:45 AM
خواجيه تفتيحه
زوجها بخيل شحيح..من الذين يكنزون الذهب و الفضه و لا ينفقونها في سبيل الله ولا في اي سبيل ..تدهورت حالته الصحيه و لكن الموت اهون عليه من ان يصرف دولارا واحدا لعلاجه...
اشتد مرضه فنادي زوجته و تضرع اليها و استحلفها باغلي ما عندها بان تدفن فلوسه معه عند موته.. اشاحت بوجهها مستغربة لطلبه....اصر والح في طلبه حتي عاهدته ان تدفن فلوسه معه...
مات الزوج غير ماسوفا علي شبابه,,,و من عاداتهم وداع الميت بان يوضع في التابوت متشيكا باحلي الملابس و اغلي الساعات ولا ادري علي اي توقيت تظبط,,توقيت الدنيا ام الاخرة؟؟..
عندما ارادو قفل التابوت صاحت الزوجه بان لديها امانه يجب ان تدفن مع زوجها واعطتهم صندوق الفلوس الذي دفن معه وسط دهشة الجميع الذين يعرفون قصة وعدها لزوجها,,,,غضب البعض و فرك الاخرون اعينهم غير مصدقين ..اتهمها البعض بالجنون فكيف تدفن الفلوس التي حرمت منها طيلة تلك السنين العجاف,,,وسالها البعض في حينها هل فقدت عقلها لماذا تدفن الفلوس وهي في اشد الحاجة اليها...اجابت ببرود انها ابرت بوعدها و ان وعد الخواجه دين عليه..و ان مسيحيتها تلزمها ان تبر بوعدها...قامت اعز صديقاتها و هي اكثر الجميع حرقة فسالتها و الدموع تبلل كتفيها لماذا حرمتي نفسك و اولادك من هذه الفلوس؟؟؟
فاجابتها لم احرم نفسي واولادي من الفلوس,,,لقد اودعت كل المبلغ في حسابي بالبنك و حررت لزوجي شيكا بكامل فلوسه علي دائر المليم و دفن معه فان استطاع ان يصرفه فليستمتع بفلوسه....
جمال الماحي
حلوه منك اخي جمال
fatima isam
03-07-2009, 10:50 AM
لكن موبالغة تفتيحة ساااي؟؟
Jamal Elmahi
07-07-2009, 09:39 AM
حلوه منك اخي جمال
مرحبتين حباب عمران
حباب أخونا عظيم الشان
حباب الدغري مو سكران ..
Jamal Elmahi
07-07-2009, 09:45 AM
لكن موبالغة تفتيحة ساااي؟؟
فطينه حبابك ..حباب بت القطينه ...
حباب الحسينه ورزينه ماها إضينه ...
حباب الزينه و ديمه ضاويه رتينه ...
مشاققه ...
أحكي ليك قصتا التانيه عشان تآمني ...
moh_alnour
07-07-2009, 03:25 PM
حباب ود الماحي المسخوت
تعرف يا ود الماحي أنا كان عندي مشاركة في البوست دا لكن الظاهر لما حصاحيصا غرقت
المشاركة غرقت و طلعوها في الجنيد
ود الماحي و الله قريت البوست تاني من بدايتو و ضحكت من جوووووه قلبي كيتا ً على الغربة دي
مشاققة : الخواجية دي شكلها مولودة في مستشفى العيون تفتيحة و شايلا مفاتيح الصندوق
همسة : ود الماحي ياخي نظرة من قُصاد الطاقة إن شاء الله يوم في الأسبوع على قول أختك أم جمال
ابراهيم
07-07-2009, 03:31 PM
إبراهومه آآآعشاي ما تدقس وخليك مع الزمن أبدأ مع الصينيه بالمساكنه ثم مسيار ثم عرفي والزواج خليهو لي ناس سكينه وأخواتها ...
مشاققه ...
وفّرته علينا جلابية العقد البيضاء مكويه والعمّه التوتل أبوغزالتين مع العراقي الساكوبيس..
ود الماحي
يعني مساكنة ومسيار وعرفي
حتى بعد كدة الزواج
يمين دي جاكي شان ما يعملا
وبعد المراحل الثلاثية دي سكينة بتكون لحقت أمات طه
وانا بي قفاها:d
Jamal Elmahi
07-07-2009, 05:27 PM
حباب ود الماحي المسخوت
تعرف يا ود الماحي أنا كان عندي مشاركة في البوست دا لكن الظاهر لما حصاحيصا غرقت
المشاركة غرقت و طلعوها في الجنيد
ود الماحي و الله قريت البوست تاني من بدايتو و ضحكت من جوووووه قلبي كيتا ً على الغربة دي
مشاققة : الخواجية دي شكلها مولودة في مستشفى العيون تفتيحة و شايلا مفاتيح الصندوق
همسة : ود الماحي ياخي نظرة من قُصاد الطاقة إن شاء الله يوم في الأسبوع على قول أختك أم جمال
ود النور حبابك ...حباب الخزين العربيتو ملانه بنزين ...
Jamal Elmahi
07-07-2009, 05:32 PM
ود الماحي
يعني مساكنة ومسيار وعرفي
حتى بعد كدة الزواج
يمين دي جاكي شان ما يعملا
وبعد المراحل الثلاثية دي سكينة بتكون لحقت أمات طه
وانا بي قفاها:d
إبراهومه حبابك ...
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir