طرائف الزواج....احتمالات ونسبة مئوية

[elmuez]

سلامات يا شباب...

وانا امر علي بعض المواقع وجدت من الطرائف ما ساقني لعرضه عليكم...
والظريف في الموضوع انه متعلق بالزواج وما يشوبه من مشاكل..ذكر احدهم ان الفتاة دون الخامسة والعشرين تكون دائما مطلوبة وما ان اقترب العمر من الثلاثين فتنقلب الامور وتصبح...طالبة اي هي من يسعي لايجاد الزوج المناسب وذهب بعضهم الي معايير النسبة المئوية لاحتمال حصول الفتاة علي زوج حيث اورد انا الفتاة في عمر العشرين الي قبيل الثلاثين بقليل تكون نسبة حصولها علي زوج هي 100 مطروحا منها عمرها الفعلي اي اذا كانت في عمر الثالث والعشرين تكون نسبة حصولها لي زوج هي 77% واما بلغت الثلاثين فان نسبة زواجها تكون هي عمرها الفعلي اي 30% فقط.....
هل هذا هو الواقع الحقيقي يا شباب ام ان الناس من شدة الكرب تروح علي انفسها......

ولله في خلقه شئووووووون...



كل الود..


المعز:D :D :)

[rasheed]

والله يا عزو إحتمالاتك والنسبة والتناسب في الموضوع ده حلوة شديد ،، لكن يا أخوي أنا بعرف أنو الزمن ده بعد الجامعة والتحضير سن الزواج دفر قدام شوية (( بعدين ياخي كل حاجة ما شه في زيادة إلا سن الزواج دي الما بتزيد والله حرام علينا )) ،، يعني ممكن نحسب النسبة دي بداية من سن 25 أو 26 سنة ،، وخاصة الزمن المادي ده أصبح الواحد كان لقى ليه واحدة متخرجة من الجامعة وشغالة في وضع جيد وحتساهم شوية في مصاريف البيت ،، على أقل تقدير تمسك خشمها منك ويدها من جيبك وكلمة جيب معاك وأنا عاوزة ،، بتكون ممتازة وبالتأكيد حتزيد نسبة القبول بالنسبة للعريس ،، بغض النظر عن البوكسنق ((عمرها )) ،، بس المحيرني يا معز أنو أهلنا الكبار الزمان ديلك 00 بقولوا الشجر الكبار فيه الصمغ 00 لكن عمرنا ما شفنا واحد منهم عرس في كبرو وعرس ليه شجرة فيها صمغ ،، بس واقعين ليك الصير الصغار ده وشجر الزينة والورود وخاصة كان الواحد عندو الإمكانية المادية (( يا بنت عشرين والأيام مقبلة ماذا تريدين من موعود ستين ))،، (( أمونة بت الشيخ حمد ،، أبوها راجل مزواج كتير 00 ألخ القصيدة )) 0 عشان كده مرات بقول ناسنا الكبار ديل 00 دجالين ،، وبقولوا حاجة وبعملوا حاجة تانية مخالفة ومجانبة للبقولوه ،، والله يستر علينا نحنا ،، أهو ماشين في طريقهم ،، وفي الختام برجع وأقول يا ملك أنو الموضوع فيه عدة جوانب مكملة وأهما الجانب المادي والبقية تأتي ،، مع تحياتي وسلام ،، الرشيد ،،،،

[elmuez]

يديك العافية يا رشيد...
كلامك سليم والله يا حبيبنا لكن تقول شنو بس وتعرف يا رشيد بناتنا ديل الله يكون في عونن والله الواحدة سااااارحة والزمن عييييييك فرتق...وبرضو نرجع ونقول لسة في جوانب كتيرة ما مكتملة المشهد ....والزولة الممكن تكون مؤهلة وعندها من الدرجات ما يؤهلها لي وظيفة بتكون اكييييد عايزة وعايزة والكلام دة طبعا بيطفش الما يطفش ...والبورة تحصل هسي يا رشيد البنات ماسكن جن اسمو العرس وعادي بيتنازلن من الشروط الصعبة الا نرجع ونقول الظروف وما ادراك....عندنا جارتن لينا كانت عندها لستة شرووووووط ولما ما لقت النصيب بدت تتنازل من كل شرط مرة لحدي ما وصلت شرررررط واحد بس ان يكون ذكرا وربك يكضب الشينة....

شكرا علي المرور والتعليق الاجمل...


المعز