مفاجأه للأعضاء

[So-Br]

احب ان اهدى اعضاء هذا المنتدى واقدم اليكم هذا الموضوع

وهو عباره على فكره بسيطه

وهى : على كل عضو كتابه تاريخ ميلاده في هذا الموضوع

لكىيقوم باقى الاعضاء بالتهنئه الهدف من الموضوع تذكر بعضنا البعض

ولى زيادة قوى الترابط بيننا وشكرا...


وهذا هو تاريخ ميلادى : 6\8\1985


استنى الهدايا ههههههههههههههههه.

ما تنسو الردود .

[aborawan]

الفكرة ممتازة اخوي خالد وبتمتن العلاقات ما بين الاعضاء واحييك عليها كتير

وهديتك انشاء الله تصلك وين ما تكون لانك حا تضطر ترجعا لي بعد 4 ايام من ما تصلك :):)

انا
10 / 8 / 1977م يعني ممكن هديتك ما تصلك يحين موعد هديتي اها حا تتصرف كيف



شكرا خالد على الفكره ويلا يا عجائز ما تلاوزو

[فدوى الحسن]

تسلم يا أبو الخلد على الموضوع المميز ده لانو احنا محتاجين للفكرة ده ...
من حظي اني اول المشاركات من البنات
وتارخ ميلادي يوم: 24/3/1978م
هو معليش فات لكن بستنى منكم الهدية السنة الجاية.

[So-Br]

شكرا على مروركم كل من ابو روان و فدوى الحسن

وين باقى الاعضاء

[امينو]

اخي وزميلي العزيز جدا جدا جدا خالد تسلم على الموضوع الاكثر من رائع ودمت للمنتدى عضوا
فعالا وبانتظار المزيد منك

انا ميلادي 18/6/1985

وما بيناتنا الهدايا بس الكلمة السمحة كفاية ;)

[أبوريلان]

يا خالد أزيك وانا جاهز أرسل ليك الهدايا بس ورينا العنوان ، لكن أنا هديتى مواعيدها راحت بس مافى مشكلة ننتظر شوية ، لكن بينى وبينك خليها مستورة .

[ابومرام]

تسلم حبيبي خالد على الفكرة لكن في داعي للفضائح دي معليش مطرين نقول بس هديتي ليك انت عمري لو يكون كفاية عليك00

10/10/1976م
وين العجايز ما ظهروا خلينا نشوفكم

[So-Br]

وين باقي الاعضاء ولا كل زول خايف يسحروا على عمره

ولا امكن على قولكم العجايز خايفين من الفضائح

يا جماعه انا عاوز جرأه والعمر ما عيب طول ما الاخلاق كويسه والجوهر

وبعدين كان خايفين من الفضائح طيب فكروا في الهدايا ههههههههههههه

ملاحظه:

الخايف ما ليهو هديه خخخخخخخخخخخخخ

وشكرا على مروركم ..


نتوقع المزيد

[مرافئ الابداع]

الف شكر ليكم على المشاركة والروح الرياضيه
على العموم انا تاريخي
16\1\1987
ولكم الف شكر ومانتسوني من الهدايا معاكم

[So-Br]

شكرا اخت مرافئ الابداع على المرور وما حننسى هديتك انشاء الله

[قمر الزمان]

الف شكر ليك اخوى ابراهيم
والله فكرتك حلوة لكن خلت العجايز يهربو .....

تاريخ ميلادى 11/11/1987 م

وان شاء الله الهدايا تصلكم ..
ودمتم

[So-Br]

معليش اخت قمر الزمان انا اسمى خالد عثمان محمد الحسن

وشكرا على مرورك قمر الزمان

[قمر الزمان]

آسفة والله اخى خالد ما اخدت بالى من الاسم
ولك العتبى حتى ترضى

[So-Br]

شكرا على مرورك اختى قمر الزمان

ما في داعي للاعتذار

[welly]

هى الحكاية ما دايرة جرأة يا عزيزى الا لل...................
المهم الفكرة ممتازة وانشاءالله يكون فى تواصل مع الجميع .

تاريخ ميلادى : 8/5/1978

ولــــــــــــــــــــــــــــى

[So-Br]

شكرا على مرورك اخوي ولـــــــــــــــي

انا مستغرب من باقى الاعضاء ما في زول داير هديه ولا شنو

ههههههههههه

[So-Br]

انا كنت متوقع انو الفكره حتكون جميله لكن ما لقيت تفاعل من اعضاء المنتدى

على العموم شكرا للاخوان على المرور

[عزيز عيسى]

يلا وخروا يا وليدات.. أها واحد من العجايز جاااااااااااكم..
ومفروض تكون الهدايا حسب الاسبقية في العمر..
لانه قربنا نخرف..
ويلا يا باقي العجايز امرقوا جاي..

1/11/1957

وفي انتظار هديتكم..

جدكم عزيز

[So-Br]

شكرا اخوي azizeisa قصدى جدي azizeisa
على المرور

[ابراهيم]

مشكور أخونا So-Br على الفكرة الروعة

15/1/1978م

[خالد حمد موسى]

مشكور أخونا So-Br على الفكرة الروعة

27/1/1980

[medoyassin]

الفكرة حلووووووووووة جد ولكن تكون أحلى لو خليناها بدون كتابة السنة عشان مشاركة الجنس الناعم تكون أكثر وبرضو عشــــــــان ما بعض الناس ينضارو بالحيط أو يضطروا يفكوها فينا.................... وبالمناسبة تاريخ ميلادي 18/ديسمبر.......... وأحلى سلام لأحلى ناس .......

[So-Br]

شكرا اخوانى خالد وابراهيم و medoyassin على المرور

ماشرط الواحد يكتب السنه نكتفى با ليوم والشهر ولو قدر ويكتب لينا الساعه نكون شاكر ين هههههههههههههه


شكرا مره تانيه

[saly]

شكرا ياولد علي الموضوع ده مع انو الناس بتخاف تقول عمرها الحقيقي لكن يلا اغمض عيوني و اكتب انا مواليد 1/2/1980 اصلا هديتي اني انا مشتركه معاكم في المنتدي ده كفايه.

يادنيا ياما فيكي ناس بتقابل الريد بالجفا و اتعودت قل الوفا

[So-Br]

شكرا اخت saly على المرور

واحنا سعيدين بوجودك معانا في المنتدى

[So-Br]

مالكم يااعضاء المندى ما في زول عاوز يشارك ولا شنو ؟؟؟؟؟؟؟؟؟؟؟

:confused:

معقوله دا كل خوف ملازوين مالكم اكتبوا اليوم والشهر خلينا السنه

:mad:

[rodinaa]

شكرا جدا أخ خالد علي الفكرة الرائعه دي
وانا عيد ميلادي
13/12/1986
الساعه 6 صباحا
هاهاهاهاها
ماتنسي هديتي
;)

[So-Br]

شكرا اخت rodinaa على المرور

لكن الساعه 6 ما بدري ولا رايك شنو

..........................ودمتم

[الربيع]

اشكرك اخوى خالد على الموضوع وحقيقة الفكرة حلوه مره وشكلى حا اكون ثانى اكبر واحد يشارك لكن مافى مشكلة بس ما تنسونا من الهديا وهديتنا بس انو نخطر فى بالكم

19/09/1973

[نيازى كشك]

هههههههههههههههههههههههها
هههههههههههههههههههههههههههههههههههها
الهديه شنو الاول

5 / 11 / 1976

بس ما تعملو نايمين على الهدايا

[So-Br]

السلام عليكم

بعد التحيه

ما تنسوا عيد ميلاد اخي وزميلي امينو

يوم 18\6

والف مبروك يا امين على دخولك العقد الثالث من العمر

[rasheed]

الربيع كضباً كاضب أنت ما تاني أكبر واحد لأنو أنا جيت ويا خالد أنت أفكارك دي ما بتخليها دائماً موكر الناس ،، ليك التحية وحمد لله على سلامة الحاجة مع تحياتي ليها وللوالد والأخوان والأخوات ، وطلب زيارة أبو فاطمة وتبليغ سلامي وشوقي ،، (( طال شوقي طال بي الهيام ،، للروضة والنور والمقام ،، إن شاء الله كل البيك هام ،، يسعد ويزورك يا نبينا ،، )
أها نجي لموضوع العمر ،، وتاريخ الميلاد :: بعد عصر الأربعاء 31/8/1966م ،، ما قلت ليك كضباً كاضب يا الربيع ،، وطبعاً قرب يا خالد ما تقولي مشيت إجازة وكده ،، لكن بقبل هديتي أنك تبلغ سلامي لأبو فاطمة ،، ومقبولة من كل من في المدينة ،، أما ناس المنطقة الغربية دعوات في الحرم ربنا يرد غربتنا ،، قصرت معاكم ،، بس ناس حاتم يوسف (( سحابة صيف)) هديتهم عاوزين الشوفة وكاتلانا شديد الشوفة مطلوب زيارتهم للرياض ،، وناس الرياض يشوفوا لينا مكيف لجنس صيفهم العجيب ده ،، وسلامي مربع للجدعان الما ظهروا ناس ود المأذون وواحد أول حرف من أسمو صالح أبو شوارب ( والعهدة على الراوي) والبقية ،، مع خالص تحياتي ليك يا خالد وللدكتور الصغير والكبير ،،،

[madaniboy]

فاقد
انا 1984/0/0
ماتنسو الهدايا<------- بس دا همك

[ruby]

ههههههههههههههههههه
خلاص لازم الهديه دي ولا بزعل
دا تاريخ ميلادي
24\4\1990م

[madaniboy]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه
سبحان الله

[So-Br]

اشكر الاخوان على المرور و ما تنسوا هديه امينو الليله عيد ميلاده

ودمتم........................

[عبير برى]

بسم الله الرحمن الرحيم
انا شخصيا بفتكر انو الاقتراح جاء مخصوص عشانى ولذلك اشكر صاحب الاقتراح شكر حار وكثير والسبب انو كلها كم يوم ويكون عيد ميلادى يعنى يوم 22يونيو 1975 وده بالنسبه لى ميلاد مميز لانو جاء فى ظروف رهيبه انا بمر بيها ولانه عيدى الثلاثين والثلاثين لها عندى معنى جميل وفهم اجمل واتمنى احتفل بالتلاتين القادمه وانا بينكم
عبير

[امينو]

مشكووووور يا حبيبنا خلود على الاهتمام بي عيد ميلادي وكدا انا بكون عملتا 20 سنة والحمد لله ونشكر اجميع الاخوة اللي ما قصروا ورسلو رسايل.

ويا اختنا عبير كل سنة وانتي طيبة مقدما ويديكي طولة العمر يا رب

[محمد محيسى]

انا مولود يوم الاثنين / الساعة الرابعة صباحا فى يوم 20/10/1977

كبرنا ولسة ماعرسنا وربك يهون ،،،،،،

[اميمه عشريه]

ياااااااااااخي خساره مواعيد هديتي فاتت الشهر الفات معليش لكن الجايات اكتر
انا رايت الشمس بتاريخ 10/6/1972
اها بالله احترموا اختكم الكبيره ام صلاح الدين

[الزبير محمد عبدالفضيل]

الفكره جيده وتقوي الصله بين الجميع



ربي زدني علما

[ولوية]

سلام أخ خالد سبحان الله أنا اليلة شفتا الموضوع واليلة صادف يوم 6 يعني حنقول ليك كل سنة وانتا طيب في الوكت الصاح واعدك اني حعمل كيكة اليلة واكلا :) وانشاء الله عقبال مية شمعة وبالصحة والعافية والسعادة طول العمر وانا تاريخ ميلادي يوم 7/5/1986

[مزوني]

وسوري على التأخير يا شباب
وفكرة ولا أحلى يا خلووووووووووووووووووودي
وكل سنة وانت طيب
ومعليش أنها جات متأخرة
أما أنا فميلادي هو
30/8/1982
11/11/1402
من يوم الاثنين
الساعة 9 صباحا
بالعربي والهجري
قصرنا معاكم
وربنا يديك الصحة والعافية

[rasheed]

العزيز مزوني ،،، كل عام وأنت بخير ،، وطبعاً ما في واحد عبرك وأنا كذلك والجماعة ديل طلع كلامهم فشوش ،، وكنا راجين الهدايا لكن ما وصلت ،، عقبال خمسة وسبعين سنة عشان ما تتعب أولادك ،، لأنو الظاهر خرفك حيكون صعب ، وما عارفين خرف جيل الإنترنت والكمبيوتر والعولمة والأسامي الكتيرة دي حيكون كيف ،، يعني بعدين بدل تقول لأولادك وأحفادك يا ولد أقعد ساكت ويا ولد ما تلعب تكون كلامك كلو البوست ما وصل ومستني رسالة من حبوبتكم ومستني إي ميل ومنتظر النت وما قادر أدخل على النت وكده 0
كل عام وأنت بخير والجميع بخير ،، وطبعاً أنا بعدك بيوم واحد بس يعني يوم 31/8/ مع فرق السنين الستة عشر ،، لك التحية ،،
قلت أعرف الفرق بين العمر الهجري بتاعك والعمر الميلادي ولقيت مقارنة جميلة أرجو أن تبحر فيها وتطلع لينا منا بمعلومات وفيرة ،، فمثلاً عمرك الهجري 22 سنة وتسعة شهور وكم يوم تقريباً ، وعمرك الميلادي 23 سنة يعني في فرق ثلاثة شهور وكم يوم بين سنين عمرك الـ 22 ،، ولما تقسم 22 على 3.16 شهر تقريباً يطلع الناتج ،، كده بالله ورينا ،،،

[مزوني]

العزيز رشيد
تسلم يا غالي وانت برضو كل سنة وانت طيب جعلها لك الله أيام كلها فرح وسعاده
ومالك دايرني اتسدى وأقول ليك عقبال 59 شمعة بس
هههههههههههههههههههههههههههههههههههههههههههههههههه ههههههههه
ربنا يديك طولة العمر انشاءالله
أما بالنسبة للأعمار انت عكستها
انا بالهجري اكبر من الميلادي وما البالميلادي اكبر من الهجري
يعني حتى حاولت اني أعرف السر دا والله غلبني انا طبعا في السعودية كنت بعرف الميلادي كبرت شوية قريت الهجري تقريبا الكلام دا في سنه خامسه حسبت لقيت في فرق فعلا طبعا الحكاية بقت لي كيف كيف سألت أمي وأبوي والأساتذه في المدرسة
وما لاقي جواب وافي والماقصر داك خلااااااااااااااااااااص ونضم معاي بيقول لي انت مجنون كيف يعني تكون بالهجري اكبر من الميلادي ما كلو يوم واحد
(.. طبعا نظام تصريفة وكدا ..) والله في النهاية غلبتني يعني حتى جبت أعمار أخواني
ولقيتهم برضو نفس الحكاية برضو في فرق ويا ليت لو كل واحد يسعى يعرف عمروا بالهجري والميلادي ويشوف الناتج ولو وصل لي حل يا ليت لو يبقة يورينا
تسلموا وربنا يديكم الصحه والعافية

[عزت الهادي]

مشكور أخونا So-Br على الفكرة الروعة

25/11/1982

[الشريف الهندي]

الحقيق نهائيا ما قاعد اكشف ن ميلادي الحقيقي في اي ممناسبه حتى كمان في جوازي ميلادي غللط لكن حاصدق مع اخواني واجدادي انتم
انا مواليد الخرطوم مستشفى الخرطوم يوم 28/9/1976م لكن بعتبر ميلادي يوم عرفتكم واصبحت من اعضاء منتداكم
تحياتي الشريف الهندي وبالمناسبه عيد ميلادي قرب شديد اعملو حسابكمعيد ميلادي قرب شديد عيد ميلادي قرب شديد

[madaniboy]

25/7/1984م
ويالله بس خلاص راحت
http://www.wa3d.net/up1/uploads/a4421ec176.jpg

[So-Br]

السلام عليكم ورحمة الله وبركاته

يا جماعه خسارة مواضيع بالشكل دا تدخل الأرشيف

مواضيع بتمتن العلاقة بين الأعضاء

انا اتمنى من ادارة الموقع التثبيت

وأرجو من الجميع التفاعل

[خالد أحمد الصول]

شكرا أخي فهذا عنوان التواصل و الحميمية
وبرغم أن الاحتفال بعيد الميلاد بدعه
فإنه يوم سبعتاشر يونيو

[الزبير محمد عبدالفضيل]

]الفكره جميله جدا جدا وفعلا بتربط بين جميع الاعضاء


((((( السفيررر ))))))) 24 / 4/62 19[/SIZE]

[حسن على]

الف شكر ليك اخوى خالد عثمان
والله فكرتك حلوة لكن خلت العجايز يهربو .....

تاريخ ميلادى 29/4/1983
وان شاء الله الهدايا تصلكم ..
ودمتم

[المكاشفى]

الفكرة جميلة اخوى خالد..........
نحن هينين الكلام الجماعه البدسدسو فى اعمارهم....
وبدأت الكبكبه اختنا قمرالزمان.. :p :p :p

[المكاشفى]

يااخونا معليش ماتحسبوها زوغه..
20/5/1975

[So-Br]

الأخ حسن على والأخ المكاشفى

شكرا على مروركم

وبعدين الناس دي هاربين ليه انا ما عارف رغم انو في هدايا

في زول بخلي حقو في الزمن دا ههههههههه

الله يديكم طولة العمر ويديكم العافية

[ااسمر]

الفكرة جميلة لاكن زي ما قالت اختنا الناس العجاز شردوا
انا تاريخ ميلادي 12/10/1976

[So-Br]

معليش سا ااسمر عيد ميلادك فات كان جيت من بدري

لكن ما مشكلة

كل سنة وانت طيب والعمر كله انشاء الله

[HaSsOoN]

انا ياجماعه 15\3\1984

وكترو من الهدايا عليكم الله ونحنا ما بنقصر معاكم..................وويين اعمامنا الكبار ناس ود الماحي ونزار وابوعلا ماتعملوا نايمين..........وياخطاب العبيد برضوا ماتزوغ ورينا عمرك الحقيقي خخخخخخخخخخخخخخخخخخخخ

[So-Br]

شكرا على المرور اخوي Hassoon

ما بنقصر معاك بالهدايا وربنا يديك العافية

والعمر كله إنشاء الله

[reeem]

تسلم على الموضوع والله يديك العافية وانا يوم ميلادي...............




25/2/1988 م

[محمد حسين (المميز)]

أمـّــا أنا تاريـخ ميــلادي
11/01/1981م
http://x88x.Com/uploads/f0ef4dc3cc.gif (http://x88x.Com/)
صغـيــّــر مش كده!!

***********

[سوار الياسمين]

حركة حلوة منك يا SO-BR

وان راجيا الهدايا منكم يوم

6/2/1984


ما تتاخرو

[نور العيون]

و انا يوم ميلادي
29/4/1981

[So-Br]

reeem,المميز,سوار الياسمين,نور العيون

لكم الشكر والتقدير على المرور

وكل سنة وانتو طيبين مقدما

[So-Br]

السلام عليكم ورحمة الله وبركاته

الليلة جمعت ليكم كل التواريخ الخاصة بالأعضاء لسهولة معرفتها بدل من التنقل بين الصفحات
وهي مكتوبة بترتيب تسجيل الاعضاء لتواريخهم في هذا الموضوع

نبدأ

So-Br 6/8/1985
Aborawan 10/8/1977
فدوى الحسن 24/3/1978
أمينو 18/6/1985
أبو مرام 10/10/1976
مرافئ الابداع 16/1/1987
قمر الزمان 11/11/1987
Welly 8/5/1978
عزيز عيسى 1/11/1957
إبراهيم 15/1/1978
خالد حمد موسى 27/1/1980
Medoyassin 18/12/-----
Saly 1/2/1980
Rodinaa 13/12/1986
الربيع 19/9/1973
نيازي كشك 5/11/1976
Rasheed 31/8/66
فاقد حنان 25/7/1984
Ruby 24/4/1990
عبير بري 22/6/1975
محمد محيسي 20/10/1977
أميمة عشرية 10/6/1972
ولوية 7/5/1986
مزوني30/8/1980
عزت الهادي 25/11/1982
الشريف الهندي 28/9/1976
صول السودان 17/6 /----
السفير 24/4/1962
حسن علي 29/4/1983
المكاشفي 20/5/1975
اسمر 12/10/1976
Hassoon 15/3/1984
Reeem 25/2/1988
المميز11/1/1981
سوار الياسمين 6/2/1984
نور العيون 29/4/1981

[المكاشفى]

يا محيسى شنو .......
نحن مادفعه ...اكلتنا فى سنتين
وكمان متجرس من عدم العرس
الجماعه قلبوك .. معاذ-شمسو-حمدالزين -مقامس -وانا قريبآ
:confused: :eek: :confused:

[So-Br]

يا ناس يا عالم وينكم

وين باقي الاعضاء

[So-Br]

قمر الزمان 11/11/1987

يا جماعة بكرى انشاء الله عيد ميلاد اختنا قمر الزمان ارجو من جميع الاعضاء ارسال التهاني لها على ايميلها

وكل سنة وانتي طيبة قمر وعقبال الشمعة المية

والعمر كله انشاء الله

[خطاب العبيد]

اما انا اكبر واحد فيكم وماتفضحونا ياجماعة عليكم الله

27/12/1976
ياحسون ازوغ ليه الحمدلله على كل حال وناس موديل 80 - 81 -82 -...الخ ديل بفضلو قاعدين فوق ولابنزلو .

المهم على كل اتزكرو تاريخ الميلاد ده لانو عيدميلادى قرب ومابعزر زول مش تهانى الهداية قبل التهانى ومافى زول يزوق صندوق البريد موجود؛؛؛اى بقى ساهل الزمن ده يلا ورونا همتكم

[فتاة مالي]

حرام عليكم مافي عجايز في المنتدي
بعدين الشيب وقار وهيبه
والكذب في العمر حرام
ومن اسباب كذب الناس في اعمارهم الى بيتمهزا صح.
انا 16/6/1982
وشكرا so-br
لى الفكره الحلوه هذي

[So-Br]

أخوي خطاب وأخيرا ظهرت

شكرا على المرور أختي فتاة مالي

ويلا الباقين وين

[نزار حسن محمد]

ياشباب والله انا اول يوم ادخل على هذا البوست...
وحكمت الله انا ود الماذون ودالماحى وابراهيم وابوعلاء وابوشوارب وبابكر وعمكم تنقو وابو المهتدى
ود عيسى وعوض صقير والفاتح الادمن وناس تانين كدا..كلنا كدى بصمت خشمنا مولدين فى ساعه واحده ..حكمته بالغه..ويوم واحد 1/1/1989 يعنى الحمدالله سبعتاشر بالظبط

[So-Br]

العمر كله اخو نزار

لكن سبحان الله دي صورة واحد عمره 17

انا بديك اصغر من كدا

العمر كله قدامك

[So-Br]

السلام عليكم

انا شايف انو كل يوم في مشتركين جدد والحمد لله لكن ما شايف مشاركتهم لنا في هذا الموضوع

ارجو من الجميع التفاعل وارحب بولد الخالة محمد السر ومستنين مشاركتك

[راسكال]

تسلم على الموضوع والله يديك العافية

وانا 9/11/1881

[خالد حمدتو]

اهنيك اخى خالد ولا اقول ليك ياسمى
الفكرة رايعة جدا وخاصة للجماعة المشغوليييين
تاريخ ميلادى 10/6/1984
وهديتى منك هى الفكرة الحلوة دى

[خالد حمدتو]

الفكرة فى غاية الروعة دمت اخى خالد
ولا اقول ليك ياسمى
10/6/1984
كيف معاك......

[So-Br]

المميز 11\1\1981
مرافئ الابداع 16/1/1987
إبراهيم 15/1/1978

الناس اعياد ميلادها قربت نرجو منهم كتابة ايميلاتهم للمعايدة

وكل سنة وانتو طيبين وعقبال الشمعة المية وعقبال ما تطفوا شموع اولادكم انشاء الله

[محمد مصطفي]

مشكور اخونا سوبر

وانا طلعت علي الدنيا يوم




13/9/1986

[راسكال]

9/11/1980


جهزو الهدايه ساى


فكره روعه

[So-Br]

كبك , راسكال

كل سنة وانتو طيبين والعمر كله انشاء الله

شكرا على المرور

[So-Br]

نظرا لإشتراك عدد من الاعضاء الجدد في المنتدى حبيت ارفع الموضوع من الارشيف عشان

يشاركوا في الموضوع و زي ما عارفين ماشرط يكتبوا السنة في ناس بتحسس

نكتفي باليوم والشهر

واللي ما عاوز حيروح عليهو هديتو

[عاشق الريف]

فكرة رائعة جدا
تسلم على الافكار الجميلة
تاريخ ميلادى هو:17/1/1977

[So-Br]

معليش يا عاشق الريف جيت متاخر كم شهر لكن ما مشكلة

كل سنة وانت طيب وعقبال المية انشاء الله

راحت عليك اهدية السنة دي لكن استنى السنة الجاية

[الطويل]

تسلم يا ولدى على الفكره الرائعه دى بس لو كان كل المعلومات يعنى الاسم والعمر وكدى يعنى ...... الخ

المهم أنا من مواليد يوم 24 شهر 7 سنة 1981 .
24/07/1981 م

[So-Br]

شكرا على المرور الجميل ابو رانيا

كلها شهرين انشاء الله وتصلك الهدية لكن كان ما وصلت ما تلومني

[الطويل]

شكرا على المرور الجميل ابو رانيا

كلها شهرين انشاء الله وتصلك الهدية لكن كان ما وصلت ما تلومني




أنا فى انتظار الهديه يا ولدى

مافرقت شهرين والا الليله ممكن ترسلها الليله
ما تقول كان وصلتك ما تلومنى :D :D