المساعد الشخصي الرقمي

مشاهدة النسخة كاملة : جراح الغربة


ابو الرجال
31-05-2005, 12:57 AM
بسم اللة الرحمن الرحيم
احبتي عشاق منتديات ودمدني الغربة مناخ خصب لتمكين الالام فلي تجربتي اود ان اشارككم بها
خايف اجيك
خايف اجيك بعد الغياب القاكي تهتي مع الزمن
وانا المهاجر شان اطولك رغم المصائب والمحن
طفت بيك كل المدن لايئست لا صابني الوهن
حدثتة بيك كل النجوم الشاهدن سهري وبكن
اخجلتة بيك ضو القمر مابين عيونك والوجن
حملت ليك اعظم غرام مع انة كان غالي التمن
جروح هواك ياغالية فيني اتغرقن
ياغالية ماوقف نزيفن مابرن
وسنين عمري الربيع من الحنين اتيبسن
خافن صدودك بسرعة شاخن وعجزن
مسكين انا في هواك كم لاقيت محن
لمتين انا ادمع عيوني بي اناملك اتمحن
ولمتين بتعرفي انو جد همسك شجن
وعيني في خيال عينيك بنومن وبحلمن
وايدي مع ايديك سوي بالحرير اتلفلفن
ومن عبق عطر الخمر بتريحن
يابنية ماكفاياك عزابي
خايف اتوة خايف اضيع خايف اجن
خايف اموت وبكون سعيد لو كان هواك قربي اندفن
اباهي بيه دنيا الحواري البسحرن
واسكن هواك ارض الخلود تلقية في جنة عدن
حايف اتوة خايف اموت خايف اجن
باسم الدولية
31-05-2005, 06:03 AM
وبكرة نغني لك مع الحبيبة :

عاد الحبيب المنتظر عاد عودا حميدا مستطاب يالهوي ياللشباب يالدعاء المستجاب .
أبوبكرحامد
01-06-2005, 01:21 AM
كاتب الرسالة الأصلية باسم الدولية
وبكرة نغني لك مع الحبيبة :

عاد الحبيب المنتظر عاد عودا حميدا مستطاب يالهوي ياللشباب يالدعاء المستجاب .

ربنا ارد غربة الجميع ونعود لوطن يسعنا ويستوعب اختلافاتنا الفكرية والسياسية والعقائدية والأثنية.
فدوى الحسن
02-06-2005, 08:59 AM
كاتب الرسالة الأصلية أبوبكرحامد


ربنا ارد غربة الجميع ونعود لوطن يسعنا ويستوعب اختلافاتنا الفكرية والسياسية والعقائدية والأثنية.
امينو
02-06-2005, 10:31 AM
يا رب رد غربة اهلنا البرا كلهم واجمعنا بيهم تحت سماء السودان
ومشكوووووووور على الكلمات الرائعة يا ابو الرجال
So-Br
03-06-2005, 11:14 AM
كاتب الرسالة الأصلية امينو
يا رب رد غربة اهلنا البرا كلهم واجمعنا بيهم تحت سماء السودان
ومشكوووووووور على الكلمات الرائعة يا ابو الرجال
محمد محيسى
20-06-2005, 11:19 PM
ربنا يرد غربتنا جميعا ،،،،،
ويجمعنا بيك فى ساعة خير
انا افتقدك لانى اعرفك انسان حساس ومرهف
وماتحرمنا من كتاباتك
نيازى كشك
24-06-2005, 10:20 AM
الزول الرائع

ابو الرجال

خايف اجيك بعد الغياب القاكي تهتي مع الزمن
وانا المهاجر شان اطولك رغم المصائب والمحن


لقد اخزتنى الى عالمك واحزنتنى قليلا
عبر حروفك الانيقة التى يلفها القلق
والخوف الى تلك المحبوبة التى تكن ليها
كل الرقة والحب

ولا تخف عزيزى الزمن لا يتوه فية اصيل رغم المحن
وانشاء اللى تنال مرادك
وتحيا حياة سعيدة
انشاء اللة يارب
ابو الرجال
24-06-2005, 12:35 PM
اشكرك اخي الحبيب نيازي علي التعابير الجميلة والمرور الرائع واتمني ليك دوام العافية
وكل الاخوة الكرام محيسي لك التحية ولكل من شارك في الرد عل النص.