المساعد الشخصي الرقمي

مشاهدة النسخة كاملة : ردا على بصراحه بصراحه



ود الدبلوماسي
09-06-2005, 04:56 AM
في البداية التحية لكل الاعضاء بدون فرز وابدأ بتحية اهل الاسلام السلام عليكم ورحمة الله وبركاته

اصبح من الواضح في المنتدى كثرة المواضيع التي لا يستفيد منها القارئ اي فائدة ولا توجد اي اسباب او دوافع توجب وجودها في المنتدى لاننا في منتديات ودمدني اجتمعنا من اجل الفائدة العامة ( نفيد ونستفيد ) سواء كانت هذه الفائدة ثقافية او اجتماعية ولا يخفى على الجميع انا منتديات ودمدني من اجمل المنتديات من حيث الترابط بين الاعضاء واحترام الذات وعدم المهاترات الخ الخ وبسم الله ماشاء الله عشان ما نسحر روحنا على العموم عشان ما اتفلسف كتير انا حااسجل ملاحظتين انا عن نفسي لاحظتهم في المنتدى واتمنى من كل عضو يطلع على الموضوع ان يسجل ملاحظاته سواء كان من المؤيدين لكلامي او المعارضين واختلاف الرأي لا يفسد للود قضية

ملاحظاتي :
1 / تجد للعضو 6 او 7 مواضيع جديدة في اليوم الواحد وكلها تكون مواضيع لا تفيدنا باي شئ ( كيف دي بس )

2 / بعض المواضيع تكون منسوخة من المواقع الخليجية وباللهجة الخليجية المطلقة وممكن الواحد يقرا الموضوع ما يفهم شئ غير اسم كاتب الموضوع او ناسخ الموضوع (( طبعاً ما في اشكالية من النسخ يشهد كلنا بننسخ )) لكن لابد من مراعاة الاختيار الجيد للموضوع المنسوخ من اجل الفائدة لكل المتلقين وساعدونا باللهجة السودانية الحلوة او العربية الفصحى عشان نقدر نفهم محتوى المشاركة او الموضوع

ختاماً ان اصبت فهو من عند الله وان اخطات فهو من عندي


في النهاية كلنا مبدعون وكلنا متميزون وكلنا حبايب


وفوق فوق مدني فووق




.................................................. .................................................. ............................................

اولا السلام عليكم

اولا / بالنسبة للمواضيع انا كنت مندفعا في اضافة المواضيع وليس كما قلت ( زيادة كوم)
بل كنت احسب ان هذه المواضيع تهم المنتدى ولكن عرفت نوع المواضيع المراد اضافتها ونعدكم بعدم تكرر مثل هذا التصرف

ثانيا / بالنسبة ليك يا استاذ ابو روان اذا كنت شايف نفسك ما مستفيد من المواضيع ما تقراها ولن تقلل او تزيد منك شيء ولكن رأئيك يعتبر رأي فرد


ثالثا / بالنسبه للهجة صحيح انا ما غيرت اللهجة لكن ده ما بغير في طبيعة الموضوع حاجه لكن اان في المرات القادمه حأهتم بتغير اللهجة .


رابعا/ في بعض الأعضاء بيستخدموا الفاظ ما حلوة في التعبير عن أراءهم نرجو منهم الإهتمام بألفاظهم .

وفي الختام انا واعوذ بالله من كلمت انا اعتذر في اي كلمه بذرت مني خطأ
وكما قال ( إختلاف الرأي لا يفسد للود قضية)

القناص فوزي
09-06-2005, 05:08 AM
أصبت يــــــــــــــــــاود الدبلوماسي
وأنـــــــــا أضيف صوتي معك لمناشدة الجميع بالمواضيع الهادفة
التي يستفيد منها المتلقي
وفقني الله وجميع الأخوان بالمنتدى على ذلك ,,
ولك تحياتــــــــــــــي
أخوك
القناص فوزي

aborawan
09-06-2005, 06:30 AM
مشكور اخوي ود الدبلوماسي على كلامك وحبيت اوضح ليك بعد النقاط

1 / اولا / بالنسبة للمواضيع انا كنت مندفعا في اضافة المواضيع وليس كما قلت ( زيادة كوم)
اولا انا ما وجهتا كلامي لي ( ود الدبلوماسي ) والموضوع كان للجميع
وانا كعضو من الاعضاء صعب علي جدا اني اتابع 10 مواضيع لعضو واحد حتى لو كانت كلها مفيدة اقرا شنو واخلي شنو وارد على شنو واخلي شنو خليها جرعة جرعة بتكون احلى ولا شنو رايك

2 / ثانيا / بالنسبة ليك يا استاذ ابو روان اذا كنت شايف نفسك ما مستفيد من المواضيع ما تقراها ولن تقلل او تزيد منك شيء ولكن رأئيك يعتبر رأي فرد

عزيزي اول حاجة يبدو انك فهمتا الموضوع غلط واخدتو بحرارة قلب اكتر من اللزوم وانا كل كلمة كتبتها هنا كانت راي مشترك لعدد ضخم من الاعضاء المسجلين والمشاركين في المنتدى

تاني مرة بكرر شكري اخوي الدبلوماسي

ود الدبلوماسي
09-06-2005, 06:48 AM
كلامك تمام بس يعني كنا مندفعين حبتين لكن كنت داخل على المنتدى متحمس لأني مشترك جديد;) داير ثبت وجوده ولم اقصد سوى الفائدة للجميع