المساعد الشخصي الرقمي

مشاهدة النسخة كاملة : فتشت ليك


saleh farah
19-06-2005, 08:08 PM
فتشت ليك فى الدواخل
وفى المداخل
وفوق عيون انسان عزيز جانا داخل
اشتقت ليك
وندهت اسمك
جانى صوتك فيه غُصه
والف قصه
اتكيت فى آهه منك
وسرحت فى نبض المتاهه
صحتنى دمعه
شارده من واحات حزنا
لامست قلبى البريدك
فتشت ايدى
عشان اعاهدك
اقول بريدك
عارفه ردك مابايدك
حكمتى عقلك
وزدتى فضلك
ماعارفه قولك علا قدرك
وسابنى فى نص المسافه
ارجع واسيبك
مانى قادر
اتحدى ريدك
مابكابر
واسانى طيفك
قال نثابر
وسمى الغرام صدقة مواسم
فيهو الحبيب لليل بقاسم
اتوارى طيفك
وسابنى صابر
افتش ليك
فى الدواخل
وفى المداخل
وفوق عيون انسان عزيز
جانا داخل
waheeb
19-06-2005, 08:33 PM
اخي صلاح للحروف لون آخر عندما يخطها قلمك

لا تحرمنا من كلماتك العذبه..

نتظر منك المذيد..
rasheed
20-06-2005, 12:38 AM
روعة ،، العزيز ود فرح ،، معقول عضو جديد !!!!! ما مصدق طبعاً ، ياخي حبينا عشانك أنت وأبوبكر و114 وعيدروس وإنتصار المنتدى ،، فهل هذه الغيبة تقصير ولا تحضير ؟؟؟ طمنا عليك يا رائع زي روعة إنحناءة الأزرق على ود مدني ،،
امينو
20-06-2005, 04:01 AM
كاتب الرسالة الأصلية waheeb
اخي صلاح للحروف لون آخر عندما يخطها قلمك

لا تحرمنا من كلماتك العذبه..

نتظر منك المزيد..
saleh farah
21-06-2005, 01:27 AM
الاخوان الاعزاء
وهيب ورشيد وامينو لكم منى كل التحايا
بالجد مقصرين معاكم ولكن
الغربه زى تيار النيل يوم فوق ويوم تحت
ولنا عوده
امير عبدالباقي
21-06-2005, 01:38 AM
ود فرح
لك منا كل الود والشوق غيابك زادنا الما لاتبعد عننا فنحن نستمد من كلماتك املا وزادا في هذه الغربه فارجو الاتجعلنا عطشا وانت كل النبع
كلماتك اجمل من رائعه فمدنا بالمزيد فانت اهل الكرم
فدوى الحسن
21-06-2005, 05:44 AM
اخي صلاح للحروف لون آخر عندما يخطها قلمك

لا تحرمنا من كلماتك العذبه..

نتظر منك المذيد..
الزمن المريح
21-06-2005, 10:51 PM
تسلم اخ صالح فرح ،، والف مرحبا بعودتك و نتمنى ان لا تنقطع عنا ،،

ما اجمل ما نظمت ،، بساطة و عذوبه ،، توحى بعفوية المنبع و انطباعه
سلاسة تلامس شراشف النفس ،،

كل ما استطيع قوله انها قصيدة رائعة ،، و نرجوا منك مذيدا من المشاركات

لك منى كل الود و التحايا
saleh farah
22-06-2005, 12:11 AM
الاخوان الاعزاء
امير عبدالباقى وابوحنيفه والاخت العزيزه فدوى الحسن لكم منى ابلغ التحايا وربنا مايقطع الجميل عن بعض
لكم تحياتى
طارق التوم
25-06-2005, 07:51 AM
العزيز الرائع ود فرح زارع الفرع فى الدواخل طالت الغيبه وما احلى ان تعود الينا وانت محملا بالروائع ودوما عهدناك مملؤا بالروائع وعزر فانا اعتبر هذا استفزاز لنا حتى نعود واعتقد ان لنا موعد قريب مع الجديد امنياتى لك باجازه سعيده فى ربوع ودمدنى الجميله يا رائع
saleh farah
25-06-2005, 07:10 PM
عزيزى طارق
والله مشتاقين
شنو الحكايه نغيب تغيبو
نرجع تزيدونا اشواق
الحاصل شنو بالضبط ، ياليبت ايام الطفوله تعود لنتقابل يومياً
اتمنى ان تكون على وعدك وان نلتقى فى ربوع ودمدنى
بستناك
114
26-06-2005, 04:38 AM
صالح فرح

هليت وهل معاك الفرح
والناس بلهفة اتلقفت كلماتك الجميلة، بالله ما تحرمنا منك ولا من طلاتك البهية ولا من دررك الغاليه، يا غالي..


ياخي حبينا عشانك أنت وأبوبكر و114 وعيدروس وإنتصار المنتدى ،،

شكراً يا رشيد على الإطراء، وكلك ذوق.. وصالح يستاهل..
saleh farah
26-06-2005, 10:49 PM
الاخ العزيز عمر114
والله ليك وحشه ومشتاقين ليك قدر غبار الايام دى ، ومشتاقين لكل ماهو له صلة بودمدنى التى تتوارى فى دواخلك الجميله .
لك تحياتى
ابراهيم
27-06-2005, 10:54 AM
أخونا صالح

كلمات وبنكهة النعناع
بطعم دعاش جزيرة الفيل



اتكيت فى آهه منك
وسرحت فى نبض المتاهه

ونحن اتكينا في كلمة حلوة
وتهنا في نبض الحرف

لك مني كل التحايا والشوق المسافر
saleh farah
27-08-2005, 06:55 PM
الاخ العزيز ابراهيم خليل المنتدى
والاخوان الاعزاء ابناء ام المدن لكم تحياتى
بحييكم ولسه فى انفاسى رائحة ودمدنى وعبيرها الاخاذ الممزوج برائحة الطاعميه وفول كشك وزحمة الموقف ووجوه اهل مدنى الطيبين .
ولنا عوده انشاء الله
امير عبدالباقي
27-08-2005, 08:32 PM
الاخ / صالح صاحب الفرح والبهجه العمت نفوسنا
الف حمدلله علي السلامه ؛ وربنا يرد غربتنا
طبعا جاي مشبع بكل الاحاسيس الجميله وانت
واصل من ارض المحنه والوجوه الطيبه
بختك ياعم
منتظرين ابداعات والمشاعر التي لامست وجدانك وانت في ربوع الحنينه
saleh farah
28-08-2005, 01:19 AM
الاخ العزيز امير عبدالباقى
والله طلتك زى الختم على حلاوة الاجازة كيف لا وانت تتشبع بحلاوة ومعزة ودمدنى الحنينه والله يرد غربة الجميع غانمين سالمين
قولوا امين يامسلمين
اميمه عشريه
06-09-2005, 12:38 PM
فتشت ليك فى الدواخل
وفى المداخل
وفوق عيون انسان عزيز جانا داخل


علييييييييييييييييك الله يا فرح لقيتووووووووو؟
لو لقيتو تعال فتش معاي !!!!!
saleh farah
06-09-2005, 06:54 PM
العزيزه م.اميمه
لكى كل الود و التقدير وتصدقى مالقيتو لسه !
بس انشاء الله ماالقاه لانى لو لقيتو بفقد حلاوة اللهفة بس بتمنى ليك من كل قلبى ماتفتشى كتير ، خلينا النفتش نحن وانتى ابدعى لينا قدر التعب البنتعبه .

عايزين نكون قاعدين برانا
انتى وانا وسمار هوانا
رعشة الشوق يوم لقانا
وكل آهه وبسمة شهدت ملتقانا

لكى تحياتى
سودانيه
09-09-2005, 12:59 PM
افتش ليك
فى الدواخل
وفى المداخل
وفوق عيون انسان عزيز
جانا داخل


عارفو منـــو ...
الفـــرح

افتش فيك يا فرح..
الاقي الوجــع...
يرد بدلك يافرح...
ليه بس الفرح يرفض يجي ...
ويرسل وجع ...

ليه بس يا قلب انا ..حظك كــــدي ...




تسلم يا ود الفـــــــرح....
saleh farah
09-09-2005, 06:47 PM
افتش فيك يا فرح..
الاقي الوجــع...
يرد بدلك يافرح...
ليه بس الفرح يرفض يجي ...
ويرسل وجع ...

ليه بس يا قلب انا ..حظك كــــدي ...

ياسودانيه ده اسمه وجع الروح
ووجع الروح بقايا جروح
لابتداوى لابتروح
كل مانقول نسيناها
تظهر تانى فينا جروح

الله يديم الافراح ومرحب بيك فى بيتك