masa
21-04-2004, 07:11 AM
بسم الله الرحمن الرحيم
سلام ... يا أهل السلام .... أحييكم جميعاً :
لا يراودني ادني شك في أن اي سوداني يحلم بالسلام ، مهما كان توجهه السياسي ، أو الديني ، أو حتى القبلي ....
وقد سرحت بخيالي لأرسم لوحة هلامية للسودان بعد السلام ... فوجدتها تفوح اشراقاً وضياء ... صغت هذه اللوحة كلامة .. قد يكون غير مرتب .. ولكني ارى فيه سودان الحب والسلام .
هلا حلمتم معي .. بالغد المشرق ... وحاولنا جميعاً ان نسعى للسلام .. ونبحث عن الحلقة الضايعة ...
لو تمينا الحلقة الناقصة ....
وربطنا أواصر الحب ....
واتجمعنا شمال وجنوب ....
ونسينا ضغاينا الماضية ....
وحفظنا ارواح اولادنا الباقية ....
اتعلمنا قوانين السلم ...
وعم الحب في القرى والمدن النائية ....
وولدت ميري عشوشة وآمونة ...
وفطومة خطيبة جون ....
وأدروب عرس كلتومة ....
وأبكر وعبير على شارع النيل . ..
****************************اتخيلت معاي الوضع *****************
لو جربنا الحب الصادق ....
وسمعنا تغاريد الطير ....
بدل ما كل صباح صوت نار وبنادق ....
لو حفرنا الأرض الغرة ..
عشان ما نزرع فيها قمح ....
بدل ما نحفرها خنادق ....
وبدل ما نعلم أطفالنا ثقافة الحرب ....
لي ما نزرع في قلوبهم حب الوطن الواحد ....
حب الوطن الأم .... حب الأرض الطاهرة ...
حب النيل الجاري ... والأشجار الباهرة ....
كان الحب بقى منهاج ....
ورواكيبنا بقت في نظرنا فنادق .....
**************************رسمت معاي اللوحة *********************
آه .. انا صاحي وحلمان بالفجر المشرق ....
بس متأمل وراجي اليوم الواعد ....
يوم تختانا الناس الحاسدة ...
ويخلونا انحن برانا .. نفتش حل ...
حنلاقي اكيد الخياط الواصل لنهاية الشق ...
وحنصفي أكيد الموية العكرة بكلمة حق ....
لو وسواس الباطل راح .. بي كلمة معليش قوبنا ترق ..
يوم تختانا شياطين الغرب وبالواضح امريكا ...
حيكون يوم الفرح الموعود...
ويكون عيد السلم المشهود ....
وافتح عيني واكون مسعود ....
لأن اكيد الحلم اتحقق ....
وعلم السودان في السما اتبرق ...
**************************حلمت معاي بالفرحة **********************
شوف بعدين حنعمل كيف ....
حانمشي جوبا سياحة في إجازة الصيف ...
وحانزوح جبل مرة كل ربيع وخريف ...
وحايتوفر لشبابنا القاعد ابواب رزق !
والمسكين حايلاقي رغيف...
والجاهل يتعلم ويمحى الأمية ...
والمتغرب زي حالتنا ..
يفكر في الرجعة الأبدية ...
ويفتح سودانا الصفحة الناصعة ....
وتظهر بداية القصة الرايعة ....
قصة اجيالنا الجاية ...
*******************شوف من وين حا تبدا القصة ****************
القصة حاتبدا باولادنا ...
الحا يعيشوا بإذن الله من غير حرب ...
والحا يكونوا اخوان ...
شمال وجنوب ... وشرق وغرب ..
وينشروا في ارض الميلون ميل ..
ثقافة جديدة .. ثقافة رقيقة .. ثقافة الحب ...
ونخلص من كابوس الحرب ...
ونسطر في تاريخ الأرض .. بأكبر خط ...
عاش السودان الواحد ... عاش السودان الرحب ...
( نحن روحان حللنا بدنا ... منقو قل لا عاش من فرقنا)
مع تحياتي MASA
سلام ... يا أهل السلام .... أحييكم جميعاً :
لا يراودني ادني شك في أن اي سوداني يحلم بالسلام ، مهما كان توجهه السياسي ، أو الديني ، أو حتى القبلي ....
وقد سرحت بخيالي لأرسم لوحة هلامية للسودان بعد السلام ... فوجدتها تفوح اشراقاً وضياء ... صغت هذه اللوحة كلامة .. قد يكون غير مرتب .. ولكني ارى فيه سودان الحب والسلام .
هلا حلمتم معي .. بالغد المشرق ... وحاولنا جميعاً ان نسعى للسلام .. ونبحث عن الحلقة الضايعة ...
لو تمينا الحلقة الناقصة ....
وربطنا أواصر الحب ....
واتجمعنا شمال وجنوب ....
ونسينا ضغاينا الماضية ....
وحفظنا ارواح اولادنا الباقية ....
اتعلمنا قوانين السلم ...
وعم الحب في القرى والمدن النائية ....
وولدت ميري عشوشة وآمونة ...
وفطومة خطيبة جون ....
وأدروب عرس كلتومة ....
وأبكر وعبير على شارع النيل . ..
****************************اتخيلت معاي الوضع *****************
لو جربنا الحب الصادق ....
وسمعنا تغاريد الطير ....
بدل ما كل صباح صوت نار وبنادق ....
لو حفرنا الأرض الغرة ..
عشان ما نزرع فيها قمح ....
بدل ما نحفرها خنادق ....
وبدل ما نعلم أطفالنا ثقافة الحرب ....
لي ما نزرع في قلوبهم حب الوطن الواحد ....
حب الوطن الأم .... حب الأرض الطاهرة ...
حب النيل الجاري ... والأشجار الباهرة ....
كان الحب بقى منهاج ....
ورواكيبنا بقت في نظرنا فنادق .....
**************************رسمت معاي اللوحة *********************
آه .. انا صاحي وحلمان بالفجر المشرق ....
بس متأمل وراجي اليوم الواعد ....
يوم تختانا الناس الحاسدة ...
ويخلونا انحن برانا .. نفتش حل ...
حنلاقي اكيد الخياط الواصل لنهاية الشق ...
وحنصفي أكيد الموية العكرة بكلمة حق ....
لو وسواس الباطل راح .. بي كلمة معليش قوبنا ترق ..
يوم تختانا شياطين الغرب وبالواضح امريكا ...
حيكون يوم الفرح الموعود...
ويكون عيد السلم المشهود ....
وافتح عيني واكون مسعود ....
لأن اكيد الحلم اتحقق ....
وعلم السودان في السما اتبرق ...
**************************حلمت معاي بالفرحة **********************
شوف بعدين حنعمل كيف ....
حانمشي جوبا سياحة في إجازة الصيف ...
وحانزوح جبل مرة كل ربيع وخريف ...
وحايتوفر لشبابنا القاعد ابواب رزق !
والمسكين حايلاقي رغيف...
والجاهل يتعلم ويمحى الأمية ...
والمتغرب زي حالتنا ..
يفكر في الرجعة الأبدية ...
ويفتح سودانا الصفحة الناصعة ....
وتظهر بداية القصة الرايعة ....
قصة اجيالنا الجاية ...
*******************شوف من وين حا تبدا القصة ****************
القصة حاتبدا باولادنا ...
الحا يعيشوا بإذن الله من غير حرب ...
والحا يكونوا اخوان ...
شمال وجنوب ... وشرق وغرب ..
وينشروا في ارض الميلون ميل ..
ثقافة جديدة .. ثقافة رقيقة .. ثقافة الحب ...
ونخلص من كابوس الحرب ...
ونسطر في تاريخ الأرض .. بأكبر خط ...
عاش السودان الواحد ... عاش السودان الرحب ...
( نحن روحان حللنا بدنا ... منقو قل لا عاش من فرقنا)
مع تحياتي MASA