المساعد الشخصي الرقمي

مشاهدة النسخة كاملة : ياأعز عزيز


خالد هاشم علي
27-06-2005, 08:48 AM
عزيز عيسي.............

طول مفارق حيو..
ياأخوانا كيف وإزيو..
من يوم فراقو دكانا...
ماشفنازي زي زيو..

*********************************
ياشباب الراجل ده مختفي ليهو فترة طويلة... إنشاء الله عندكم أخباره... مافضل لينا إلا نعمل نشرة بي أوصافو..
المشكلة الصور اللي عندنا ليهو كلها من زمن الإنجليز..
الصورة الوحيدة الجديدة طلعت ماحقتو حقت ولدو..


أفيدونا عن هذا الرائع وسنخصص جائزة لمن يأتينا بأخباره ...


طبعا الجائزة حيسبقكم عليها أبوبكر الآدمن لأنو مصادرو خطيرة...


يلا يابكور أنكت لينا العزيز ده...
ابراهيم
28-06-2005, 09:13 AM
ليك الف تحية يا ابو هاشم

وبنقول لي الغالي عزيز

يا اعز عزيز في دنيانا

لو بتعرف يوم

في دنيا غيابك

بساوي سنين من دنيا هنانا

ونتمنى تكون الغيبة لخير
عزيز عيسى
29-06-2005, 09:45 AM
ودهاشم الحبيب الغالي.. يا أصيل،

يعجز اللسان عن شكرك وتفقدك لاخوانك.. لقد عودتنا دائما بأنك سباق في كل الامور الخيرة والسؤال عن الاخوان لمعرفة احوالهم اثناء غيابهم.. وهذا يدل على صفوة قلبك وصادق حبك للجميع.

أنا أسف لآني انقطعت في خلال الاسابيع الماضية لظروف خارجة عن ارادتي وهي بسبب الاجتماعات المتلاحقة في العمل وتدريب بعض الموظفين الجدد خاصة وان الشركة التي اعمل معها الان تمر بمرحلة اندماج Merging مع احدى الشركات الاخرى لتقوية شوكتها في سوق التنافس بين كبرى الشركات الامريكية.

لذلك ارجو المعذرة..

الشوق ليكم والله بدون حدود.. وبقول ليكم

جيناكم يا حبايبنا
بعد غربة وشوق
نغالب فيه ويغالبنا

مع خالص التحيا والمودة العطرة لك وللدكتورة ام هاشم واخوانك في جده،

ودمت لنا نعم الاخ ونعم الصديق.. مع دعواتي لك بالتوفيق في كل خطوة تخطوها.

اخوك عزيز
عزيز عيسى
29-06-2005, 10:08 AM
برهوته حبيب الكل.. يا زينة المنتدى،

لك اخي من الشكر اجزله.. ومن الحب اسماه وأصدقه.. وشوقي اليكم لاتحده حدود.. كشوقي وحنيني للوطن.. وسؤالك عني نابع من صميم قلبك ورقة شعورك واحساسك المرهف.

ظروف العمل كانت سببا في انقطاعي.. وها أنا أعود اليكم بعد غيبة وكلي شوق وحنين لألتقي بأخواني وأخواتي في منتدانا العملاق.

ولا ننسى أبدا:

الغريب عن وطنه مهما طال غيابه
مصيره يرجع تاني لأهله وصحابه

مع عاطر الحب والموده لشخصكم الغالي.

اخوك عزيز
خالد هاشم علي
29-06-2005, 09:40 PM
رجع البلد...
بعد السنين المرة...
يادوب العيون ماسهرن هجد...


الغالي عزيز عيسي...
غيب وتعال تلقانا نحن يانا نحن..
لا غيرتنا الظروف ولا هدتنا محنة..
ياجبابنا وياشبابنا ويارضابنا وياسمحنا..


والله بركة بالشوفة وحمد لله علي السلامة ... وحقيقي قلقنا عليك كتير لأنو مامن عوايدك تغيب كل الفترة دي...
وقد قام الأخ امير عبد الباقي بالإتصال بك 4 مرات ولم يحظ بلقياك وقد قابل الأولاد وترك لك وصية معهم...
المهم سلامتك فوق كل حرف نسطره... وياريت ...

ماتطولوا الغيبة...

وبنقول ليك...
ارجع لي تاني وعيد لي الأماني..
اضمك بي حناني وأشيلك فوق عينينا..

ربنا يوفقك ويسهل عليك...
مع تحياتنا لأفراد الأسرة
عزيز عيسى
30-06-2005, 03:47 AM
ودهاشم،

والله كلمتني بنتي الصغيرة وقالت انه واحد سوداني اتصل وبقول اسمه أمير عبدالباقي.. وعرفت انه اتصل بي في المكتب في وقت أنا كنت فيه غير موجود لكن ما ترك رسالة.. المهم تلفونه عندي.

الاخ أمير.. كثر خيرك يا أبو الشباب (يا أمير الطائف) ما قصرت في تفقدك لاخوانك.. والله كان الواحد مشتاق انه يسمع صوتك ويدردش معاك شويه.. لكن معليش ما ليناش نصيب..

وحتى عرفت انه الاخ بابكر ودالصول بحاول يتصل بي لكن يبدو انه ما رقم المفتاح الكامل..

على العموم أنا حأتصل بيكم عن قريب انشاء الله.. ولو غبت اعرفوا انه الجماعة ديل دعكونا في الشغل تاني.. طبعا المره دى ما حأطول.

وجييييييتكم.

مع تحياتي للجميع.

عزيز