المساعد الشخصي الرقمي

مشاهدة النسخة كاملة : يا جماعة ود الماذون وين؟


ابراهيم
12-07-2005, 11:01 AM
كنت معانا

وكان الشوق في الكرسي الفاضى

وطعم الحتة حزين

ولون القلب بنفسج

كانو جميعاً بسألوا عنك

وين الزول اشجار الصندل؟

وين منقاية الروح وثمار المشتل؟

وانت لأنك كنت ومافي

كان الشاي بس ناقص سكر
ابو المهتــدي
12-07-2005, 11:50 AM
بسم الله الرحمن الرحيم
الغالي الحبيب ابراهيم 0 انها نكه نفتقدها وجب السوال متعك الله بالصحة عسي المناع خير نتمني الاطلالة بسرعة لك التحية
عزيز عيسى
12-07-2005, 12:14 PM
والله يا ابراهيم سبقتني.. أنا والله ناوي اتصل عليه وأسأل عنه.. صحي الراجل ده اختفى مالو.. انشاء الله المانع خير.

يا نور العين
انت وينك وين

وبرضو أنا بسأل عن الناس المسجلين غياب امثال:

مهيرة
عمك تنقو
ادروب
ضياء

عزيز
اميمه عشريه
12-07-2005, 02:36 PM
وريني كيف اصل الغمام
شان ابقي للمطر الرزاز .... لامن اطوف انا في العيون وانجم في حضن الملاذ
تلقاني لوليت الحزن ومحورتو نقطة ارتكاز ... يمكن الاقي خيوط عشم تجمعني بالناس العزاز

املي ان تكونوا جميعا بالف خير ,,,,,,,,,,,
الزمن المريح
12-07-2005, 08:30 PM
كاتب الرسالة الأصلية ابراهيم
كنت معانا

وكان الشوق في الكرسي الفاضى

وطعم الحتة حزين

ولون القلب بنفسج

كانو جميعاً بسألوا عنك

وين الزول اشجار الصندل؟

وين منقاية الروح وثمار المشتل؟

وانت لأنك كنت ومافي

كان الشاي بس ناقص سكر

دوما سباق اخ ابراهيم الله يديك العافية ،،

و ايضا نسأل عن الاعزاء زينة المنتدى ،،

مهيرة ،، ضياء الدين ،، فدوى الحسن ،، و مجموعة جامعة الجزيرة،، و ناس فاقد حنان ،،

الله يعدى الامتحانات على خير للممتحنين و امانينا لهم بالنجاح ،، و الزواج ايضا امتحان (ضياء الدين) و الله يتم على خير
امير عبدالباقي
12-07-2005, 09:04 PM
الاخ ابراهيم
ماقصرت وانت تسال عن اخوانك
لكن ودالماذون انا اتصلت عليه كم مره مابرد عسي المانع خير
الشباب المختفيه هيا اظهرو عليكم الامان
صالح ابوشوارب
13-07-2005, 12:53 AM
الاخ العزيز ود الماذون

وين يا عريس

عملتها ولا ايه

اظهر ولك الامان
أبوريلان
13-07-2005, 01:04 AM
الاخ العزيز ود الماذون

وين يا عريس

عملتها ولا ايه

اظهر وبان وليك الأمان

الأخ أبراهيم ( برهوته ) شكرا لسؤالك عن الأخوة الأعضاء وتفقدهم جميعا وربنا يديك الصحة والعافية .
أبوبكرحامد
17-07-2005, 11:45 AM
كاتب الرسالة الأصلية ابراهيم
كنت معانا

وكان الشوق في الكرسي الفاضى

وطعم الحتة حزين

ولون القلب بنفسج

كانو جميعاً بسألوا عنك

وين الزول اشجار الصندل؟

وين منقاية الروح وثمار المشتل؟

وانت لأنك كنت ومافي

كان الشاي بس ناقص سكر

تشكر أبو خليل يارائع وياريتنا نكون قدر الكلام الجميل ده أو قريبين منه ، واجهتنى بعض الإشكاليات فى العمل فقدمت استقالتى وبين البحث عن عمل بديل وفكرة العودة النهائية للسودان ابتعدت قليلاً عن الموقع وإن كنتم دوماً فى البال والمنى فلك ولكل الرائعين أعضاء المنتدى أشواقى وانتم دائماً زادى وسندى فلكم محبتى ولاعدمناكم.