المساعد الشخصي الرقمي

مشاهدة النسخة كاملة : ما معقول ياشباب



مايو نص
24-04-2004, 12:45 PM
الاخوه الاعزاء بالمنتدى اداره واعضاء
حقيقه اخوتى الموقع ينتعش كل يوم ويزداد عدد الاعضاء حتى اظنو انو الاخ 114 فتر من السلام الكتير
بس ياخوانا ونحن نعانى الامرين فى الغربه نحتاج لمواضيع من صلب مدنى يعنى مننا وفينا
لانو النت مليان بى اى حاجه بس مدنى هنا ونحن دايرين الواحد لما يدخل النت يحس انو فى السوق الصغير والله فى الملجه او فى المستشفى
قصدى يا اعضاء اتمنى انو نكتب ونتناقش عن مدنى الظواهر الايجابيه والسالبه فى شتى ضروب الحياه
ويا اداره لماذا لايكون هناك موضوع اسبوعى لابداء الراى او الاستفتاء لمعرفه راى الاعضاء فيه
اى موضوع بس يكون من مدنى انشاء الله نناقش ظاهره انتشار محلات مديده البلح باللبن مش كده يا اداره
ووفق الله الجميع لما يحبه ويرضاه

HAMADTO
25-04-2004, 04:22 AM
بسم الله الرحمن الرحيم

السلام عليكم ورحمة الله تعالى وبركاته

كلامك جميل يا مايو نص والله كلنا بنبحث عن اي خبر متعلق بمدني انشاء الله كارو دقش عجلة ......لكن ولا يخفى على الجميع ان كل ناس المنتدى مقيمين في الخارج ولو ما كلهم 90% منهم ......... يعني كلنا بعدين عن مسرح الاحداث *** وفاقد الشئ لا يعطيه ***............. عشان كده عاوزين الشباب الموجودين في مدني يرفعوا ايدهم ..............

بالمناسبه عربة الكارو اختفت مع ظهور الدفارات ولى لسه ؟؟

بعدين المديده كانت جنب استديو الساعه بس حسي بقت في اي شارع ولى شنو ؟؟؟

يا مايو نص نحن في انتظارك لطرح مواضيع للناقش ...... لان المنتدى ده كل اعضاءه في الإدارة

http://a3rak.jeeran.com/mubmubm-1068145754.gif

rasheed
26-04-2004, 07:54 AM
الأخ الكاتب العزيز متيم مدني - الإدارة
سلام من الله عليكم ورحمة منه وبركاته ولكم مني أجمل التحايا العطرات ممزوجة بريحة مدني الزكية دائما والتي تبعث فينا الروح من جديد في غربتنا .. ردها الله علينا جميعاً .
وتعقيباً على كلام العزيز متيم مدني واللي كان زي مديدة البلح باللبن وأحسب أنه أراد أن يقول بالليقيمات وكده . وما أحلاها في مدينتنا الجميلة التي نحتت زكرياتها في العقول ولكل الأعمار ولكل جيل من أجيالها .
أثني بشدة على هذا الموضوع وأود أن أضيف أن تقوم الإدارة بفتح الحوار في مواضيع شتي مثلاً مكان للرياضة وآخر لتجميل مدني وأخر للتبرعات وأخر لمناقشة أوضاع المغتربين وكيفية الحلول والمتابعة ..ألخ .
أرجو أن أكون قد ساهمت بقدر بسيط في إثراء هذا الموضوع ولكم مني التحية والتجلة والتقدير .

114
26-04-2004, 08:10 AM
يا مايو نص، كلامك صاح 100% ، رايكم شنو في موضوع انشاء مركز مغتربين في مدني، وده بالفعل قريتو في الجريدة، تفتكروا حيغني ناس مدني من بهدلة الخرطوم ؟

HAMADTO
28-04-2004, 08:20 AM
بسم الله الرحمن الرحيم

السلام عليكم ورحمة الله تعالى وبركاته

مرحبا بك ياشباب .....

مايو نص : شنو يا زول ما ظهرت تاني احنا في انتظار مواضيعك الهادفه لرفعة مدينتنا الحبيبة مدني.....

الرشيد : مرحبا بك عضوا جديدا بالمنتدى ونتمنى لك وقت ممتع انشاء الله تعالى وشكرا على مساهمتك الرائعة وانشاء الله بهمتكم معنا نصل بمدني الى ارفع الدرجات.......

114 : الموضوع جد جميل ونتمنى من الجميع المشاركة في مناقشة هذا الموضوع بشكل جاد جداً وفعلا بنرتاح كتير ......

مااايونص
01-05-2004, 05:02 AM
الاخوه فى الاداره لى تلاته يوم ماقادر اخش اباسمى القديم مايو نص اضطريت ختيت ليه االفين وبقيت عضو حجديد تانى بالله ماحرام من نقيب لى شاويش مره واحده

admin
01-05-2004, 09:18 PM
ومالوا اسمك القديم .. اكيد عندك مشكلة في الكوكيز يا مايونص

مااايونص
02-05-2004, 10:47 PM
هههههههههههههههههههه ادمين
طبعا ما فهمت حاجه لانو والله خبرتى فى الكمبيوتر زى خبره بوش بنواقض الوضوء
لكن على العموم كانت عندى مشكله وحليتها زى ماقلت بالف زياده
انشاء الله الاسعار ماتزيد والمره الجايه تيبقى بى تلاته الفهههههههههههههههههههه ادمين هههههههههههههههههههه ادمين :eek: :eek: