صرخة شوق

[ابراهيم]

عارفه كيف شوقك بيعمل..
في المسامات
والرؤي..؟
ما اظن تتخيلي
كيف هواجس المغترب
يوم يطول بيه النوى
ما بين شجون واحتمالات لقيا ..
كيف بهيج فيهو الالم ...
غربه وسفر ...
متّكي فيهم يوت بهاتي
كيف الرجوع
ومتين دروبي تسوقني ليك ...
وانا في السفر والطايرة بتعانق السحب
كان شوقي بعزف اغنيات !!
طول الطريق
شادي الوتر ..
كنا بنغني الامنيات .. بالرجعة ليك...؟
ايقاع حنين ..
آه يا سفر ..
فجأة الدميعات تنهمر ..
نزلن مطر
اسألي النجم البيشبه بسمتك
كيفن غرق وسط الدموع...
كيف كان حزين
يوم فرقتك ...
يا ويلي يوم اتذكرك لحظة وداعك
والحزن مطبوع علي خديك دموع
والالم جواي صرخ ...
كيف بس افارق سكتك ..
كيف اسيب الشوق
يجرح عينيكى
ويرهقك
وانا لسا جنبك مشتهيك ..
باكر بجيك
مهما السنين طالت بجيك
شايل معاي وعدي القبيل
بالحب اضمك احتويك


ابراهيم

[الزمن المريح]

المبدع ابراهومة ،، ياسلام عليك يا مرهف الاحساس ،، بالجد قصيد رايعة و تستحق الاشادة ،،،


مهما السنين طالت بجيك
شايل معاي وعدي القبيل
بالحب اضمك احتويك

[نيازى كشك]

الزول
ابرهومة
انها فعلا صرخة صرخة شوق

انها وجع الاشواق المتراكمة عبر الزمن
والسنين والغربة المؤلمة
والحلم بالعودة والوفاة بالعهود
هذا هو المربط ياترى اين انت الان عزيزى
والشعر ياسرنا بعزب كلماتة

[خالد حمد موسى]

مشكور ياابراهومة يارائع دايما

اختياراتك جميله لك الود والتقدير عزيزي....

[ابراهيم]

الغائب الحاضر في الدواخل

هكذا مرورك يثلج الصدر

نفتقدك كثيراً

اين انت أيها المريح

[ابراهيم]

الفتى الحالم .... لو تسمح لي بهذا اللقب


لك ودي وشوقي

وشكري على كلماتك الرقيقة

حتماً الحلم بالعودة والوفاء بالعهود هو الترياق
فالحياة بلا اوطان ضياع
في متاهات الجمود

اما انا فتقتلني الاشواق القاهرة يوم تلو الآخر
في ارض سموها بالقاهرة فاصابوا

[ابراهيم]

العزيز الغالي .... ابو الخلد


يا بهي الطلة ...

اسعدني مرورك اللطيف

لك تحياتي واشواقي