المساعد الشخصي الرقمي

مشاهدة النسخة كاملة : احساس في الغربه



lamis
21-07-2005, 09:43 AM
ضاع مني الامل فقدت الاهل و كل احساس جميل
ضاعت علامات الفرح واختفى الزمن الجميل
الحزن مافي منو مصير صيطر علي وخلى حياتي جحيم

نيازى كشك
21-07-2005, 11:57 AM
ضاع مني الامل فقدت الاهل و كل احساس جميل
ضاعت علامات الفرح واختفى الزمن الجميل
الحزن مافي منو مصير سيطر علي وخلى حياتي
000000000000000000000000000
0000000000000000000000000

غريبة مع انك مرفق وردة جميلة

وين ما تترك نفسك تلاقيها

ابو المهتــدي
22-07-2005, 12:43 PM
بسم الله الرحمن الرحيم
الاخوة الكرام 0 نعم الغربة تعيشها اجسادنا وهي سجينة 0فيها 00 ام غيرتلك الاجساد 0 فهي رهينة الديار حتي احلامنا يقظة ام مناما في رينة الديار لا نستمد من غيرها 0 مازال الامل عشق الرجوع 00 نتمني ان نعيشا فيم بعد تاريخا 00

عماد الصادق
22-07-2005, 10:20 PM
الإبنة لميس ..

أهلاً ومرحاً بك .. وأتمنى أن يكون المنتدى رفيق حنين

وأتمنى من الله الكريم أن يرد غربتنا جميعاً

وما بعد الصبر .... إلا الفوز ...فليكن لكل منا هدف .. ويسعى ..

ولك التحية

aborawan
23-07-2005, 02:28 AM
رد الله غربتنا وغربتك

أبوريلان
23-07-2005, 04:20 AM
على الرغم من الالم النفسي الناجم عن الابتعاد عن الارض والاهل والبيئة الاجتماعية كانت الاحلام الوردية ترافقنا في التواصل مع الوطن الام الذي يضم الاهل والاحبة وتخفف من آلام الغربة ، عموما يا أخت لميس كلنا رد الله غربتنا وكل منا يتخوف من المجهول نتيجة لدخوله عالما جديدا و الشوق والحنين للوطن الام واللغة والتي هي التعبير المباشر والتواصل مع الآخرين و اختلاف بعض العادات والتقاليد لان كل مجتمع له خصوصيته و صعوبة العيش في المراحل الاولى من رحلة الاغتراب وكذلك الخوف والقلق والخجل من مجرد التفكير بالعودة للوطن قبل ان يحقق الهدف الذي دفعه للهجرة وخاصة تحسين الوضع الاقتصادي او زوال الدافع الذي دفعه للاغتراب ، رد الله غربتك سالمه غانمة .

lamis
23-07-2005, 12:48 PM
السلام عليكم اهلي الطيبين
شكرا على ردكم لي, لما كتبت الكلام دا كنت محروقه لي حاجات حصلت لي في الغربه. في لحظات بتمر على الواحد في الدنيا بكره فيها نفسو بحاول افضفض واخلي الناس اشاركو ني مشاكلي . انا الغربه مؤلماني كتير لانها جد صعبه, وامكن لاني ما طولت فيها.
غايتو الله اصبرنا عليها واقصر ايامنا فيها

في مدني
25-07-2005, 09:15 AM
الاخت لميس شكرا للتعبير عن كافة المغتربين في تلك الكلمات االقلايل ذات المعاني القيمه.

lamis
29-07-2005, 08:07 AM
اخي الشاعراشكرك على تعليقك

الوفي
01-08-2005, 11:25 PM
الأخت العزيزة لميس أشكرك على التعبير عن الغربه رغم انا اعترف انها أثرت فينا بالكثير وكان ليها أثر نفسي علينا وكذلك أثر في تصرفاتنا وفي كل شي رغم انو نحن عايشين في اكثر من غربه اذا فكرتي كويس حتعرف انو الفاقدنو ما بسيط وحتعرفي الفرق وحتعرفي انا قصدت شنو وليك مني التحية وشكرا ليك والسلام عليكم .:o

elshaigi
03-08-2005, 02:13 PM
والله هرب من الموضوع اكثر من مرة ولكن ................
اخت لميس رد الله غربتنا جميعاً والله بكلماتك هذه حففتي علينا شوية
طبعاً قد يتساءل البعض كيف كذلك التخفيف ولكن اقول لهم عندما يري الانسان مصيبة غيرة تهون عليه مصيبنه.......... اكرر ردي الله غربتنا جميعاً الي ارض الوطن الحبيب
انشاء الله ...
الشايقي

خطاب العبيد
04-08-2005, 12:04 PM
الاخت العزيزة لميس رد الله غربتك ومش إنتى لوحدك بتعانى من الالام فى الغربةكلنا والله بنعانى الامرين وزى ماقلتى الواحد ماصدق يلقى حته يفضفض فيها ويلقى ناس تحس بيه وتكون كلها أذان صاغية غير المنتدى والاعضاء الرايعين ديل ونحنا فايتنك بالصبر لو ماكده كان الواحد وقف فى نص الطريق وأطلق لصوته العنان وخله الدموع مطر .بس قدر الله وماشاء فعل .

المهم يعنى ربنا يصبرنا على الغربة وألامها

اخوك الزول الشين

رندويه
04-08-2005, 06:04 PM
شكرا اخت لميس

ورد الله غربه كل الطيور المهاجره

الي وطنها سالمه غانمه

وتقبلي تحياتي.....

lamis
15-10-2005, 10:11 AM
الاخوان الاعزاء
الف شكر على مشاركتكم
والله اصبرنا على الغربه واجمعنا بي اهلنا قريب

تحياتي

ابراهيم
15-10-2005, 11:01 AM
وانا هربت من الموضوع حالي حال الشايقي

لأنو حالنا حالك بنعاني برضو لكن نعمل شنو قدام المعطيات البتفرض علينا حاجاتها قسراً

فيا اختى لميس لا تقتلي أحلامك فالانسان دون حلم وهم .. الليل مهما بقى طويل اكيدة بجي بعدو صباح وكلماتك هذه ورغم ما تحمله حزن وعتمة .. الا انها تجسد شفافية العاطفة الجامحة والحنين القاتل للوطن والأهل حال كل المغتربين من خلال كلماتك .. ودة احساس جميل بعكس روح شفافة فافرحي فما كعب انو الواحد يكتشف ويحدد هواجسو واحاسيسو في الغربة .. فغداً نعود إلى الاهل والوطن نلهو بترابه ونستنشق نسائمه وتغرد لنا بلابله احتفاء بالعودة.

تحياتي

ابو الزعيم
16-10-2005, 12:56 AM
لك التحية ... لميس
نسأل الله ان يرد غربتك وجميع ابناء الوطن سالمين غانمين
ولك الود ....

saly
16-10-2005, 08:41 PM
غايتو يالميس الخوان فوق وفو وكفو
بس الغربه تظل غربه لحين ان نرجع لبلدنا
وما عارفين احنا حنقعد بره لمتين بس مرات الظروف هي البتحكمنا و بتجبرنا
اننا نصبر بس لحدي ما يفرجها الله و نعود سالمين لاعلنا ولديارنا و حبايبنا

حنيني إليك وليل الغربه اضاني ....... وفعلا ليل الغربه مضني وغاتم
بس نسوي شنو للضروره احكام

saly
16-10-2005, 09:31 PM
الغربه ما بعد المسافه
ولا السفر اخر مطافا
الغربه فى الزول البعاند
وفى السحاب الطشا جافا
الغربه فى المطر البتنزل
تطرد الناس من ضفافا
الغربه فى الزول التريدو
تلقا فى ابعد مسافا

من قلب الجزيرة
17-10-2005, 10:51 PM
الأخت لميس ...

حال المساكين الحيارى أصبح حالنا أشتاتا أشتاتا في كل بقاع الدنيا ندنو حينا ونبتعد أحيانا ... دوما يغلبنا الحنين ... ولكـــــــــــن لا بد مما ليس منه بد ... لكن لابد ان ياتي يوما تلتئم فيه الجراح ويجتمع الشمل ولعله يكون قريبا قريبا قريبا قريبا ... على هزا الامل نحيا ...

وبعد تعلق روحى ...
بروح الاسى..
واحتياجات الهوى ..
فى جميع الموانى ..
واحتجاز الهوى ...
فى جميع الموانى...
تنفست صوتك حين..
اطلّ الصباح دفيئــاً..
وردد اغنية الشمس..
حين تحاصر صمت..
هذا النعاس الصديق ..
تنفست صوتك كأنى ..
ارى اصدقائى بعينيك ...
يحيون حيناً ...
وحيناً اراهم يبكون
بحثاً عن المستحيل
الذى لا يجئ..


لك كل المودة