قالوا حيعملوا فرع مغتربين في مدني

[114]

اذا كان الكلام ده صاح، فحيكون حاجة ظريفة، رايكم شنو يا ناس المنتدى؟ تفتكروا حيخفف علينا شويه، واللا حيكون تحصيل حاصل، واللا برضو حيقولوا لينا راجعوا جهاز المغتربين في مدني؟
والبوست ده انا عملتو بعدما قريت بوست اخونا مايو نص تحت عنوان (ما معقول يا شباب)

[aborawan]

والله حا يخفف علينا كتير اقلاها المشوار البتضربو لحدى الخرطوم عشان تراجع جهاز شؤون العاملين بالخارج يعني
زيتنا في بيتنا

[114]

وعلى الأقل حتكون فرصة ملاقاة زملاء الدراسة وأصدقاء الطفولة والجيران القدامي، أوسع، لأن المراجعين حيكونوا محصورين في ناس مدني، وناس الجزيره، أحسن من زحمة الخرطوم اللي فيها كل ناس السودان، وبعدين الواحد يوفر يوم كامل من اجازته اللي كان ممكن يقضيه في الخرطوم قصاد التأشيرة وتوابعها

[مايو نص]

اولا حمد لله على سلامتك وسلامة اولادك من حادث جده
ونتمنى اخى ان يحقق ربنا الامانى وان تنتهى معناة مغتربين مدنى بالجرى للخرطوم لاتمام الاجراءت
وعلى العموم ايضا بيكون مكسب لمواطنى سنار والقضارف والمناقل وكوستى
وعقبال المطار

[114]

واحتمال يا ما يو نص، مطار الخرطوم الجديد برضو يكون في الجزيرة، في الباقير، وبعد ده الخرطوم حقها راح من ناس مدني، ينزلو في الباقير وعلى مدني دوغري، واجراءاتهم تتم في مدني ويرجعوا تاني من الجزيرة للخارج