مسادير فوق ودمدني

[الحساني]

جبته لي ابيات فوق ودمدني ادوني رايكم


ودمدني الحبيبهالعشنافيها شبابنا....

ياحليله الجميله الفيها ريحة أحبابنا....

فيك الخاله فيك العمه فيك أصحابنا...

فيك أمات وضيباً كابي فيكي عذابنا...


شنو ليكم ياأولاد طبعاً ودمدني تستاهل وده ماحقه بس معليش

[طير الورور]

في الغربة السجم اتقطعت اسبابنا

شايلين الهموم صابرين عليهو عذابنا

نزرع في الفرح والسم الرعاف تيرابنا

نتمنى العمر يرجع

ونرجع نشموا ترابنا

نحضن جنتك ونيلك ينادي حبابنا

[welly]

نيلك نيلك جري قدامك
******************
ايام وايام مضت ونحن لا ندري ماهيتها
تمضي من غير ان تكون لها نهاية
والمشكله انها ما زالت تمضي ونحن
نشعر بذلك ولكننا لا نحرك ساكنا

ماذا نفعل! ماذا نفعل ؟؟؟؟؟؟؟؟؟؟؟؟؟؟
اغيثونــــــــــــــــا!!

[ابراهيم]

احابابنا الحساني ، طير الورور ، ويلي

اول حاجة بشيد بالبرنامج وبهدى الابيات لكل الاهل والاحباب بمدني وكل من له علاقة بمدني .. ويسعدني اتدفق معاكم ..

محيطات شوقي هايجة
وحنيني ليك عاندني

حبك فيني ساكني
والغربة ما بعدتني

انا عارف ظلمتك
بس دي الظروف .. جبرتني


باكر مراكب الشوق
بتجيبني ليك يا مدني


شكراً على المساحة الجميلة والمشاركات الأجمل
تحياتي

[مزوني]

ةطبعا مشكلتي الوخيده اني ما حافظ شعر
هههههههههههههههههههههههههههه
لكن والله عندي كم شعر لي مدني
لكن خلوها مره تانيه انشاءالله
تسلم يا الحساني وربنا يديك الصحه والعافيه