المساعد الشخصي الرقمي

مشاهدة النسخة كاملة : رحلة عُمُر


saleh farah
28-08-2005, 01:24 AM
وسط الغيوم الهايمه
فى عز المطر
مهدت ليك اسمع غناك
دوزنت ليك الريد وتر
ردد غناك سرب الفراش
بين الدعاش
والاندهاش
لمحت فوق عينيك بحر
امواج حنان
شايلات درر
صفقت ليك
غنيت معاك
بددت خوفك والخجل
هجر الغمام صمت المسا
واتناسى قلبك كيف نسا
ابواب حنانك المسه
وافرد شراعات الغرام
لى زول هواها وقدسه
صدح الوتر جواك كلام
لملم نجيمات المسا
شهدن معاي
انك قمر
مهما الغيوم غطت سماك
لحظة صفاك
رحلة عمر
نيازى كشك
28-08-2005, 09:23 AM
تسلم ياروعة
على هذة الابيات المريحة
للفكر للخاطر


وشكلها غناية انت بتصقف وبتغنى معاها


وتسلم واللة يوفقك
saleh farah
28-08-2005, 06:43 PM
تسلم يانيازى وبالجد ضحكتنى لما قلت انها غنايه ، كدى فتش شويه اكيد حاتعرف المقصوده منه
امير عبدالباقي
28-08-2005, 09:58 PM
ود فرح
متعك الله بالفرح يامدخل البهجه والفرح في نفوسنا
مزوني
01-09-2005, 08:44 AM
تسلم يا أبو الصلح
وربنا يديك الصحة والعافية
طارق التوم
04-09-2005, 10:00 PM
سلامات ابو الفرح غبت دهرا ونطقت درا حقا انت رائع ودوما انت مبدع ودوما ننتظر اللقاء الذى ابى ان يكون فيا توام الروح ويا اعز الناس لا تحرمنا اكثر من ذلك ولو على النت او على عروس كل المدائن
لك كل الود والاشتياق
saleh farah
04-09-2005, 11:37 PM
الاخوان عبدالباقى ومزونى والتوأم ود التوم
لكم كل الود
طبعا ياطارق انت بتسميها عروس كل المداين وانا بسميها ام المدن وفى النهايه هى امنا .
الوفي
06-09-2005, 08:12 AM
انتا خرافي
أشـــــــــــــــــــــــــــــــــــــــــكرك أشـــــــــــــــــــــــــــــــــــــــــكرك أشـــــــــــــــــــــــــــــــــــــــــكرك أشـــــــــــــــــــــــــــــــــــــــــكرك

من العماق اخوك العابر الوفي
اميمه عشريه
06-09-2005, 12:26 PM
شفت يا ابو الافراح انحنا اقل من كده زاتو ما عايزين .. والله لو صوتي فيهو شويه نور مجرور كده كنت لحنتها ليك لانها تنفع غنيه تدشدش سوق الاغاني اللي بقي ما علي قدر المستوي والله القصيده دي بتخيل هسه في ترباس لو قام كده دندن بيها حلوه خالص

اها هااااااااااااااات الوراها طوالي احنا محكرين قاعدين ومصنقرين
saleh farah
06-09-2005, 06:58 PM
اخى الوفى انت الخرافى والله ويكفى انك وفى
الاخت م. اميمه الغنا كتير والغنايين كتار لكن المبدعين الزيك شويه . عشان كده ماتحرمينا من ابداعاتك