المساعد الشخصي الرقمي

مشاهدة النسخة كاملة : أيهمــا أخطـــر الوحــدة أم الفـــراغ...


مزوني
05-09-2005, 10:05 AM
أيهمــا أخطـــر الوحــدة أم الفـــراغ...

--------------------------------------------------------------------------------

أيهما اخطر؟
أيهما يفزعنا أكثر؟
رجالا ونساء
الفراغ ام الوحده ...؟
الوحدة أن يكون حولك ألف انسان
فلا تحس منهم بأحد
ولا نصف أحد
والفراغ أن يكون حولك كل البشر
تراهم.. وتحس بهم..
لكن وجودهم كالعدم
كلاهما خطير اذا..
وكلاهما من الآخر أخطر؟
خطر الوحدة أن معظم الرجال وحيدون
كمعظم النساء.. وحيدات
حولهن الأزواج والابناء
ويبقين وحيدات
فالوحدة إحساس.. لا انسان هنا أو هناك
الفراغ كالوحدة ايضا.. مجرد إحساس
لكنه إحساس يرتبط بالآخر
يرتبط دائما بغياب الآخر
عندما يكون مجرد شيء يتحرك..
يبكي ويضحك..
بلا مشاعر أو إحساس
فيبقى جسدا.. كباقي الاجساد
شيء من بشر.. وشيء من حجر..
وشيء من فتات
هو قدرنا


اخواني شاركونا الحوار فلاتبخلوا علينا فكلنا معرض للوحده او الفراغ
الوفي
06-09-2005, 07:31 AM
عزيزي مزوني
اشكرك على تلك السطور
واحب ان اناقشك انتا اول شي ربطت بين الموضوعين
ونسيت انو الوحده ممكن تكون من غير فراغ ودي قصه براها وكذلك الفراغ ممكن يكون موجود من غير الوحده وده فراخ براهو وانتا ربطت بينها من حيث المشاعر الوحيده وفراغ احاسيسنا وده التفسير الوحيد حتى لو قلبتو بيجاي وبيجاي.في الحقيقه عزيزي مزوني الفراغ ممكن نتجاوزو شويه لانو في رأي اذا كان عندك صديق عزيز على القلب سيحبك وسيهتم بيك ويقيف معاك ولكن مازلت تشكو من الوحده وهنا المصيبه وهنا الخطوره انو مافي شي بلم ليك الإتنين واعتقد انت عارف شنو الممكن يلمهم انتى تركتا الباب مفتوح للنقاش انا كذلك حترك الباب مفتوح عشان بريدك وبهتم بيك يا جميل في نهايه حديثي انا وحيـــــــــــــــــد ولكن سعيـــــــــــــــــــــــــــد كيف حوريك في نقاش تاني

اخوك العابر الوفي
مصباحيه
13-09-2005, 01:06 AM
ما عارفه ولكن فى اعتقادى ان الفراغ يولد الوحده الشخص كل ما كان ماعندوى عمل او موضوع معين يقوم بيه بشعر بالفراغ وبالتالى بشعر بانه وحيد ولكن اذا كنت فى عمللك او مدرستك او جامعتك ووقتك ملان باصدقاء وزملاء وغيروا ما اظن انك حتشعر بالوحده
مزوني
13-09-2005, 06:43 AM
الوفي ونهله
لكم جزيل الشكر على مروركم ومشاركتكم معي في هذا الموضوع وربنا يديكم الصحه والعافيه
ولوية
15-09-2005, 11:59 PM
lموضوع جميل لاني بظن اي انسان بجيهو لحظات بشعر فيها بالفراغ والوحدة وانا بشارك نهلة في رايها انو الفراغ هو البولد الوحدة وكمثال شخصي انا لمن اكون في الجامعة بكون حاسة بسعادة عارمة وحوليني صديقاتي واصدقائي من كل مكان لكن لمن تجي الاجازة ومابكون عندي موضوع بشعر بطول اليوم وفراغ غير طبيعي وملل وفي النهاية دة بخليني بشعر اني وحيدة وحزينة لي درجة بعيدة لمن بخاف لكن بعداك بستعيذ من الشيطان الرجيم لانو في اللحظة ديك بكون لقا سكتو ليك وبحاول اشغل وقتي بي اي شي وبذكر نفسي باصدقائي الدايما معاي يعني مستحيل اكون وحيدة عشان كدا للتغلب علي الشعور بالوحدة يجب التغلب علي الفراغ لانو الفراغ دة افة خطيييييييييييييرة لكن مافي مانع المرءاشعر بيهو من مرة لي مرة اخري لكن كمان مايصل لي درجة انو تاثر علي صحتو النفسية ولكن مرات برضو الضغط النفسي الكبير من قراية وغيرو يؤدي للشعور بالوحدة ايضا لكن المهم في النهاية انو الشعور دة مايتملك الانسان لانو قاتل اكتر من الشعور بالفراغ وربنا احمينا جميعا.والمهم لمن اي زول اشعر باي شعور سواء كان فراغ او وحدة اشوف شي اعملا ادعو ربو اصلي اقرا قران اطلع اتامل في الطبيعة بالمناسبة التامل دة اكتر شي يشفي هذه العلة واريح القلب .
مزوني
17-09-2005, 01:47 PM
تسلمي يا ولويه وربنا يديك الصحه والعافيه