المساعد الشخصي الرقمي

مشاهدة النسخة كاملة : نبض الشارع .. تحكيه ونسة نسوان ساكت ..


shashi
07-09-2005, 09:45 AM
نادية : ها يا اختي قالو جيش قرن جاء الخرطوم .. انتي تعالي الناس دي ما عاقلة ولا شنو ما كفاية الشفناه منهم امبارح
شادية : والله ما عارف بعد ده بقت العين قوية وعندهم جيش في قلب الخرطوم .. غايتو الله يسترها لقدام .. وكده جد بقى حاميها حراميها بالجد
صالحة : ما عارفة بالجد كده الحكاية دي من رأي قدام ما بتنفع .. غايتو ده حار وده ما بننكوي بيه .. لكن الحل شنو ؟؟
فوزية : هاااااااااااااي الجاي كتير انا سمعت قالو زي الحا يدوهم وزارة الطاقة .. بعد التعب ده كله ويا دوب كده لسع العافية ما شميناها عايزة الحكاية تتلخبط .. الله يستر
خديجة: غايو الوضع محير كده نصبر الستة دي ونشوف اللي يحصل شنو
نادية :اسع جون ده قالوا مات موت الله كده بس الدنيا اتقلبت بدون سبب وهاك يا كم ناس ماتو وهاك يا خراب وهاك يا دمار تقولوا يا اخونا ليه بيكرهونا نحن عملنا ليهم شنو بس ..
بثينة : والله ما عافة يا اختي زي الكانه اكلنا ورثتهم .. بس يمكن يتصلحو بعد الستة دي كدي نشوف
نواصل
امير عبدالباقي
07-09-2005, 09:16 PM
سعاد: والله كان تمت السته دي ومافي عوجه يكون خير انشاء بعد داك يغور وينفصلو
محاسن : والله المشكله مافي جيشم الجا الخرطوم المشكله في سكنهم العشوائي المحاوطنبيهو الخرطوم دي
ناديه : يعني حصار رصمي لوجات مشكله وجينا هربنا نضبح لو قعدنا في بيوتنا ضربونا رصاص بي جيشهم
سكينه : الخوف مامن كده الخوف من الشغالات في بيوتنا يقومو يعملو لينا شي في المويه ولا في الاكل
سعاد : وب علي انا الشغاله بتنوم معاي
فاطمه : كر عليك كان يوم لقيناك انتي واولادك مضبوحين
سعاد : سجمي خليت الاولاد معاها وانا قاعده اشرب في القهوه النجري اشوف الحاصل شنو
ناديه : هوي يانسوان احسن شي نطرد الشغالات الجنوبيات ديل قبل الفاس مايقع في الراس

الاخ شاشي حبيت اشارك معاك لانو عجبني الموضوع
مزوني
08-09-2005, 09:41 AM
هههههههههههههههههههه
والله ولا أحلى يا ابو أحمد وأبو ريان
وتسلمو وربنا يديكم الصحة والعافية
shashi
09-09-2005, 10:12 PM
مشكورين اخوي امير عبدالباقي .. واخوي مزوني يديكم الف عافية على مروركم وتعليقكم .. هي غايتو الساحة ساحة نسوان لكين تقول شنو لقافة بتاعت رجال لا اكتر ولا اقل

تهاني : هااااااااااي انتو خليكم من ده كلوا تقولوا الريس حا يخش شمال ويعرس ربيكا ... والله دي حكاية عايزة ليها قعدة
كلتوم : والله يا ناس غايتو يحلها الله من عندوا .. لأني سمعت ان اكثر الناس اتضرروا الناس اللي مشغلين جنوبيين في بيوتهم لانهم قاموا جابو جماعتهم وجوهم
حواء : غايتو حكاية غاية في التعقيد .. يعني اذا كان في تخطيط مفروض يرجعوهم كلهم الى الجنوب عشان يعمروه ما دي بلدهم منو الحا يبنيها ليهم
فاطمة : انتي قايلاهم بينستروا مع بعضهم المشكلة وجودنا بينهم ضروري جدا زي القش وسط القزاز
بتول : هيا خليكم من ده انا سمعت انه في 25 فصيل معارضين انو الرئاسة تكون للدينكا بس هو الجنوب ده فيه دينكا بس .. ؟؟؟
نواصل
shashi
12-09-2005, 06:44 AM
نهلة : ماسمعتو قالوا خلاص الجنوب انفتح على جارتنا واصبح الصايع موسفيني يدخل الجنوب بدون ازن حتى .. ودون مراعاة المواثيق والاعراف الدولية ولا نقدر نقول بقم لانه اصبح الجنوب ليه حاكم
نادية : سمعتو دي صرح واحد من الساسة الجنوبيين وقال انه حا يخلي الجنوب جازب للشماليين لدرجة ان الشماليين حا يقضوا الويك اند في الجنوب .. وناوين جد ينقولوا ثقافة الدانس والفري ماين لينا هنا
شادية : غايتو نقول تعيش كتير تشوف كتير
نواصل
shashi
13-09-2005, 08:16 PM
ندى: اصبحنا واصبح الملك لله قمنا امبار الساعة 3 ص على صوت عالي الحصل شنو يا ناس الناس اتلمت من كل مكان قالوا ولد ناس علوية امبارح اتشاكل مع جنوبين انتهت المشكلة وخلاص تابعوه ليكي من بعيد لحد ما وصل بيتو جاءوا بالليل نطوا عليهم اربعة مسلحين دقوه ليكي ودقوا الرجال وهم نائمين وربطوهم وهددوا النسوان .. وسرقوا ما خف حمله وغلا ثمنه بعد داك فتحوا الباب وقاموا جارين ركبوا عربية منتظراهم وكان الارض غطست وبلعتهم.
سعاد : والله خوفتينا نحن في السودان و لا في تكساس .. زمان الناس كانت بتسكت ليهم عشان حاجات كتيرة اولا خوفا من المشاكل وس وج وثانيا الناس الزمن ده ما فاضية للمشاكل ثالثا كنا نعتبرهم ناس ضعاف ونشفق عليهم واقلية ويعتبروا من المؤلفة قلوبهم لان اكثرهم لا دينيين ونحاول نستقطبهم حتى يكونوا مسلمين
بثينة : لكن بعد ده لا ظهر الحقد المدفون لينا منذ قرون ليه بسبب تربيتهم على نطاق انجليزي وبسبب اسباب الفرقة اللي زرعوها الانجليزي منذ الاستعمار وكذلك اسباب الفوارق الاجتماعية وفرق نوع الحياة والحسد الاعمى.
ثويبة : مافي كلام يجب التصدي ايه مشكلة تقوم تاني في الشارع ساكت نقيف مع بعض ونوصلها حدها سجن سجن غرامة غرامة
نواصل .. نواصل
shashi
14-09-2005, 10:24 PM
ابتهاج : يا اخواتي رايكم شنو تقولوا القضية دي في ليها حل يعني ممكن تتحلى ويصبح هناك اندماج كامل .. غايتو
إكرام : حلها قالو زمان التمازق العرقي يعني نعمل زي صدام الله يفك اسره ويقل عثرته .. نرحل ناس الجنوب للشمال ونودي ناس الشمال في الجنوب .. وتعرسوا منهم ويعرسوا منكم ودي اهم حاجة ..
نهى : اسع يعني انا لو اتقدم لي واحد منهم برضى ده حلم معلق فوق للنجوم
مريم الجعلية : والله عال ده شنو كمان دي فوضى بالكامل وده مستحيل يحصل حتى ولو طلعت الشمس من مغربها..
نواصل ..
الوفي
16-09-2005, 09:24 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه


لمن وقعت من الكرسي واتفصل النت واتكسرت الماوس والشاشه مالت من مكانها


اشكرك ولكن وانا قاعد اقرى اتبهدلتا شويه ههههههههههههههههه

اخوك المخلص ............................ الوفي
shashi
16-09-2005, 11:36 PM
اخوي الوفي الله يديك الف عافية فنحمد الله على ان استطعت ان ادخل السرور الى هذه الدرجة الى اخ لي في الله .. اهو والله فكرة جات للواحد وحب يوصلها لاخوانه بطريقة ما .. مشكور مرة اخرى على مرورك الذي اسعدني كثيرا .. جعل الله ايامك كلها بهجة وسرور
مع تحياتي ابو احمد
shashi
18-09-2005, 05:25 AM
بشرية : يا دي تقولي الجنوب ده فيه بترول لدرجة تخلينا نتمسك بيهم ولعاب عوض الجاز يسيل .. ويموت في سبيل ذلك الزبير الرجل الشعبي رحمه الله .. ويضحي ابراهيم شمس الدين رحمه الله من اجل ماذا كل هذا تقولي وراء القصة حكاية ما قادرين نقراها بوضوح.
ثريا : تعرفي من غرائب الزمن ان امريكيا عدوة الامس سعت لاقامة هذا السلام وتسعى لضم الصف الى الصف والكلمة الى الكلمة بالله مش دي عجيبة شديد.
بثينة : والله يا اختي كل واحد بيعلب صالح ورقه.
نواصل .. نواصل
سمل الحلفاوى
18-09-2005, 05:45 PM
أبدعت يا أخي قصة سياسية و في غاية الطرافة
بارك الله فيك و أكمل الباقي يا ظريف.
shashi
20-09-2005, 08:13 AM
يديك الف عافية اخوي سمل الحلفاوي على مرورك وتعليق الظريف سلمت اخي من كل بلية
آمنة : كدي يا اخواتي تعالوا نتخيل انه السودان ده كان بدون جنوب يا ربي كان حا يكون شكل البلد كيف يا ربي ممكن نكون زي اليابان كده لان كل المقومات عندنا وما باقي لينا الا الاستقرار ..
بدرية : من وين حا يجينا الاستقرار ده اذا كان كل عشرة عملوا ليهم حزب مسلح ودخلوا الغابة .. وكل من لا يحكم يريد ان يكون حاكما باي طريقة .. والكيكة كبيرة كل واحد عايز يا خذ نصيبه منها؟
نواصل .. نواصل
shashi
22-09-2005, 12:19 AM
سمية : تقولي يا دي انتي وزارة الطاقة دي لو مسكوها للجنوبيين مش كان احسن يمكن بترولنا ده يظهر لينا في صحتنا ويظهر فينا شوية على الاقل انهم لسع ما عرفوا اللف والدروان والمؤاكل ؟؟؟
كوثر : والله التجربة ما كعبة لانو قالوا البترول ده حتى ما ظاهرة حساباته في وزارة المالية يعني من بره لبره وما تقولي السعر زايد ودائما مصائب قوم عند قوم فوائد الله نكب امريكا عشان يستفيدوا المخضرمين عندنا ..!!
نواصل .. نواصل
shashi
22-10-2005, 12:12 AM
بشرية : تقولوا علاقاتنا حا تتصلح مع منو لما لام اكول بقى وزير الخارجية ..!!
نهى : والله يا اختي ما عارفه غايتو لكن امريكا زاكانة شديد وعايز باي شكل كان موضوع قدم .. اصلهم بيكتروا عند الطمع .. والكيكة حقتنا كبيرة بتكفيهم وتفيض !!
ربيعة : يا ربي ده ليه اثر على مشروعنا الحضاري اللي خلاص اتنازلنا عنه طواعية وبدون ضغوط..
نواصل ... نواصل
محمد صلاح
25-10-2005, 07:45 AM
والله ابـــــــــــــــــــــــــــــــداع

ضحكتنا والله لما عيونا دمعت...............
al zeer
26-10-2005, 02:14 AM
والله ابداعات الله اديكم العافيه
منقول من ارض الواقع
سمل الحلفاوى
29-10-2005, 03:10 PM
مااااااااااااااااااااااااااااافى جديد
shashi
31-10-2005, 10:43 AM
اخوتي الاعزاء مروركم على الموضوع اثرائكم بتعليقاتكم الظريفه هي الابداع الاكبر .. الاعزاء محمد صلاح _ الزير - سمل الحلفاوي
الله يديكم الف عافية وصحة .. ويسعدكم في الدنيا والآخرة ..
سنية : يا دي اشوف انه الخرطوم انضبطت اكتر ارتحنا من حاجات كده كانت بتعمل لينا قلق ..
بدرية : تقولي الجماعة ديل خلاص نسوا جبنة المتمة ولا شنو ؟؟
بثينة : تعرفي سمعت نكتة كده عجبتني قالو واحد كده من اخوانا الجنوبيين طلب يعرس من اهل بنات الريس واتوسط ليه سعادة النائب الاول الاستاذ علي عثمان محمد طه قام الريس قال ليه هووووووووووووووووووي يا علي اسمع شوف انت العملت السلام ده رحوا عرسوا ليه من الشوايقة حقنكم ديل .. ههههههههههههههههههههههههههههههه
سمل الحلفاوى
01-11-2005, 08:11 PM
كل سنة وانت طيب منتظرين منك المذيد هههههههههه http://www.arab3.com/upload/images/Oct05/4seasons_0ky5XY.gif
shashi
06-11-2005, 06:12 AM
عيد سعيد لجميع شباب وشابات المنتدى وكل عام والجميع بخير ، الله يحقق امانيكم كل حلم جميل وناعم يصبح حقيقة يا رب
اخي سمل الحلفاوي لك كل الشكر والتقدير على اهتمامك بالبوست ومتابعاتك الدقيقة هي زادي ووقودي ..،
عائشه : هوووووووووووي سمعتوا حكومة الجنوب فيها اربع حقائب وزارية للمرأة وحقيبتين في الحكومة القومية يعني ستة للمرأة يعني رأيكن شنو ... !!!
بدرية : غايتو ما عارفة لكن في بعض النسوان اللي حصلوا على حقائب ليهم نجاحات كثيرة في وزارات سابقة .. يلا خلونا نشوف المثل بيقول الموية بتكضب الغطاس
شامية : خليكم من ده انتو عارفة الشاغلني شنو انه صاح التنمية اتجهت للجنوب وشغل بالجد حا يخلي الجنوب دي مستقطب موجب لكل افريقيا طيب الضمان شنو بعد ما يقيفوا على رجليهم يقولوا عايزين ينفصلوا بعد ما تعبنا نحنا من حرب عشرين سنة وكمان ستة سنوات فترة انتقالية 26 سنة يضمنوا انهم شربوا حليبنا شراب صاح وبعداك تقرير مصير انفصال يعني نكون نحنوا الشماليين كما قال المثل ( ذهبت ام عمرو الى السوق لتشتري حماراً فلا عادت ام عمروا ولا عاد الحمار ) وتبقى خسارتنا متلتلة ومافي اي ضمان انه ده ما يحصل .. !!
درية : بالجد كده انا شايلني وسواس شديد وليه ما يدونا نحن الشماليين نقرر مصيرنا قبلهم ... ده اكيد في اراء ترى الانفصال ارحم وقد قريت مقالة قديمة في الصحافة تقول ان الجنوب سرطان يسري في جسد الامة .. والسرطان لا بد من بتره حتى يعيش باقي الجسد معافى الى ان يشاء الله ..!!
نواصل ..،
سمل الحلفاوى
08-11-2005, 04:01 PM
http://bgreetings.com/ecards/love/for_your_sweetheart/37.gif
منتظرين المذيد
al zeer
08-11-2005, 09:14 PM
سلام و كل عام وانتم بالف خير
مفتقدين دكان بت البصيره
و نقول ليهم وين العيدية بتاعتكم
shashi
20-01-2006, 11:00 PM
كل سنة والجميع بخير ، الله يحقق الأماني
قالت لها : هذا الايام بيسلخوا في جلد الأسد
ردت هي : ما عارف جابوا تصريح من وزارة حماية الحياة البرية ولا لا
قالت لها : ديل ما محتاجين لتصاريح وهم اللي بيحركوا كل المؤشرات السالبة والموجبة
ردت هي : حتى عندنا هنا في الجنوب شغالين بالرموت كنترول وربك يستر ويجيب العواقب سليمة
قالت لها : تقولي ناوين على شنو هذا الايام شايف اتجهوا شرقا ووجدوا الفيل كبير وممكن يسبب مشاكل لا قبل لهم بها قالوا احسن ينسحبوا بكرامة
ردت هي : وكمان الله فتح حنفية دم في مخ اعز احبابهم راجين المسألة ان تعم كل اعداء الدين آمين
نواصل بعد سنة تاني
shashi
24-01-2006, 09:43 PM
وداد : كل ما نلف ملف نقلى امريكا قاعدة منتظرانا وناصبة شراكة في اخره.
سارة : كل القارة الافريقية دولها زي السودان وما فرقت لو السودان بقى رئيس ولا غيره .. بالله شنو حجة امريكا للاعتراض على رئاسة السودان قالت حقوق الانسان ضروري العالم ده فيه حاجة ما راكبة عدها وعايزة تصليح تتجلى حقوق الانسان واضحة زي الشمس في ( غونتناموا - السجون السرية في اوربا - العراق - فيتنام - دولة الغدر والخيانة الصهيونية )
حليمة : منو بيقول البقلة في الابريق منو يقدر يقول بقم والعالم كله ينظر ولا يحرك ساكن والصمت عام في كل مكان والفساد يستشري والكل ينظر
نادية : هم زمان ما قالوا بس نحنا ما بنرجع وندرس التاريخ كويس قالو ما من مؤتمر ولا قمة ولا تجمع ولا معاهدة الا كانت لنا ايدي خفية تحركها يجب ان نعي الدرس ونعيد تصنيف انفسنا ومعرفة مواطن الضعف حتى نزداد قوة