المساعد الشخصي الرقمي

مشاهدة النسخة كاملة : سُمار هوانا



saleh farah
10-09-2005, 01:18 AM
سُمار هوانا

عايزين نكون قاعدين برانا
انتى وانا
وسمار هوانا
رعشة ايديك يوم لقانا
وكل آهه وبسمة
شهدت ملتقانا
لهفة الشوق والامانى
والخيال الكان بعانى
لما نسرح فى المعانى
وكل كلمة ريد نقوله
الحدايق والمناظر
وصفحة النيل المسافر
ضامى صورتك فيها ساهر
الزهور الاستعانت
بى جمالك وفيه عانت
لما شافت فوق خدودك
الشفق حاضن ورودك
والعبير الفات مداها
لمّ همسه على القمارى
الغنو ليك وقتين مرورك
الزمان الفيهو بنتى
والمكان الليهو سرتى
انتى وانا
وسمار هوانا

مزوني
10-09-2005, 11:56 AM
تسلم يا غالي وربنا يديك الصحه والعافيه

ابراهيم
09-10-2005, 03:54 PM
عايزين نكون قاعدين برانا
انتى وانا
وسمار هوانا
رعشة ايديك يوم لقانا
وكل آهه وبسمة
شهدت ملتقانا

ابدعت أخي صالح في هذه القعدة و(مهرجان) المشاعر المرسومة تنضح في حروف هذه الأبيات ..


لك تقديري

saleh farah
11-10-2005, 12:00 PM
الاخوان مزونى وابراهيم كل سنه وانتما طيبين وتصومو وتفطرو على خير ، اسف على تأخير الرد لكن زى مابقول المثل البيت بيتكم ومافى زول بنتظر الضيافه فى بيته ، اشكركم على المرور الكريم وكل سنه والجميع بخير

التيمان
14-10-2005, 01:57 PM
اسف على تأخير الرد لكن زى مابقول المثل البيت بيتكم ومافى زول بنتظر الضيافه فى بيته ، اشكركم على المرور الكريم وكل سنه والجميع بخير

saleh farah
15-10-2005, 11:45 AM
كده انا يادوب فهمت انت ليه خاشى باسم التيمان .