المساعد الشخصي الرقمي

مشاهدة النسخة كاملة : العملاق محمد وردي....



فدوى الحسن
10-09-2005, 09:51 AM
العملاق محمد وردي
على خطى المبدعين نسير وحتى يكون هذا المنبر الذي يحمل اسم هرم من أهرام الفن السوداني الأ صيل سنقوم بتكريم عملاق من عمالقة الفن السوداني ألا وهو
العملاق محمدد وردي :

الفنان الموسيقار الأستاذ محمد عثمان حسن وردي هذا الصرح السوداني الشامخ الذي عطر سماء الفن قرابة الخمسين عاما بأغانيه وألحانه الرائعة وبانتقائه أجمل الكلمات لشعراء كبار منهم رفيق دربه الشاعر اسماعيل حسن وايضا أمثال اسحاق الحلنقي و محجوب شريف ومحمد المكي ابراهيم وعمر الطيب الدوش وغيرهم من الشعراء الكبار ..
ولد الفنان محمد وردي في سنة 1932 في بلدة صواردة وقد توفي والده وهو في السنة الأولى وأمه بتول بدري أيضا توفيت عندما بلغ التاسعة من عمره فقد تيتم في سن مبكر ة فشق طريقه فعمل استاذا في شندي وجاء الى الخرطوم وفي سنة 1958 كان ميلاد امبراطور جديد الهب السودان بفنه حتى بات فنان افريقيا الأول ..
أنا ومن هذا المنبر ومعكم رواد هذا المنبر سأساهم في كتابة بعض أغاني هذا الصرح الشامخ حتى يستمتع بجمال كلماتها كل من يعشق الكلمة الجميلة


أبدؤها معكم بأغنية (قاسي قلبك) لاسماعيل حسن


غلطة/اسماعيل حسن
قاسي قلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه

مزوني
10-09-2005, 11:54 AM
الله عليك يا فدوى يا مبدعة
تسلمي يا غاليه
وربنا يديك الصحه والعافبه

فدوى الحسن
11-09-2005, 04:21 AM
لك الشكر اخي مزوني
وهاك الهديه دي مني

فدوى الحسن
11-09-2005, 04:23 AM
صدفة/اسماعيل حسن



صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني أسكر
قلبي فراشة حولك وانت شبابك أخضر
ياما بحبك وبعبد حبك علشان حبك روحي فداك

فدوى الحسن
13-09-2005, 03:43 AM
ولكل عشاق الكلمة الجميلة أهديكم هذه الأغنية


المستحيل/اسماعيل حسن

لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

أصلو حبي أقوى وأكبر من إرادتي
وانا حاسس في جحيم نارك سعادتي
والهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

فدوى الحسن
13-09-2005, 03:45 AM
نور العين/اسماعيل حسن




قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم ولمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والنغام والعود في ايدي
بحكيلو حكايتي ويعيد ترديدي
واشكيلو همسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين

فدوى الحسن
13-09-2005, 03:46 AM
بعد ايه/اسماعيل حسن


بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه

انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما بقسو عليك

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك

فدوى الحسن
13-09-2005, 03:50 AM
وا أسفاي الأغنية دي اتغن لمن كان الارتباط بالفنانين حاجة عيب يعني فنان يتقدم لي بت يقطعوهو معاو فقام الفنان وردي غنى الأغنية دي
إرادة المولى رادتني وبقيت غناي

وا أسفاي/اسماعيل حسن

وا أسفاي ..
وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي

بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي

محمد عمر
13-09-2005, 07:06 AM
قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين
تسلمي ومتعينا بمشاركاتك الجميله فدوي الحسن وانت تعودي الينا من جديد
ابو وعد

فدوى الحسن
14-09-2005, 04:44 AM
وتر مشدود / محجوب شريف


سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود

فدوى الحسن
14-09-2005, 04:46 AM
ذات الشامة/اسماعيل حسن


وحياة الأحلام القلبي سقاها
وحياة أجمل بسمة عرف معناها
وحياة سمر اللون وحاة محياها
وحياتك
وحياتي عندك
وحياة حبي
النهار صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النهار صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النهار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النهار صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النهار صدك

فدوى الحسن
14-09-2005, 04:47 AM
الود/عمرالطيب الدوش

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ


أغنية الود وزعت من قبل الموسيقار اليوناني اندريه والذي كان يوزع لأم كلثوم ومشاهير الفنانين .. وفعلا نصبت لها مقدمة موسيقية غاية في الابداع .. وفي مكالمة هاتفية مع الفنان وردي سألته لما ذا لم يتغنى بالود لماذا لم يعد تجديدها حيث لم نسمعها إلا في بتسجيل واحد فأجاب بأن مقدمتها الموسيقية ليست بالسهلة لتغنى بهذه السهولة ولكنه وعد بالعمل عليها ..

كم ترهبني هذه الأغنية

نبيل عبد الله
19-09-2005, 01:12 AM
واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام



من اين يا توا ومن اى باب يدخلون؟
وما زا يحرقون ازارودا ان يوقدوا نارا ليا كلو مايجلبون ؟
غير بقايا الشوك والكل ينظر فى جنون
احمق من قال مثل هؤلا لا يحسون