المساعد الشخصي الرقمي

مشاهدة النسخة كاملة : الباب بدق



عملاق العشق
03-05-2004, 03:40 AM
دق الباب زي ضجة شديدة تصحي كل الناس النائمة جواي
عارف انو البقرع طبل الحب ما راعى هواي …
قصباً عني شال الدهشة من عيني وقال الفرحة الفي جواي كتيرة عليَ
يا درويش الطبل الزائف كيف بكون الحب من غير دهشة ؟
يوم ما أسرى المولى بعبده كان الدهشة سر الرحلة
يا داقة الباب المزعج أدخلي اقيفي قاصد الحزن البينك وبيني
الرحلة بتبدأ بين الألم الواقف وبين عينيكِ
وطيبة الروح الفيك بتغرز وجع الرحلة في جواي
لكن الباب بدق قومي شوفي مين الجاي
ملعون الباب من يوم شوفتِك ما بطل يدق
يوم أفراح ... يوم أحزان ... مرات ساي
قصة بابنا والحزن الواقف في عينيكِ رفضت تبحر من مرساي
ولسه البــاب بدق ……………

aborawan
03-05-2004, 05:16 AM
اذا احب الله عبدا ابتلاه عشان كده عليك بالصبر واحمد الله فى كل حالات الفرح والترح ولا اراك الله مكروها



بعدين دقة الباب حلوة وربنا يقدرك على فعل الخير :D :D :D :D :p :p