هل تقبل الزواج من فتاة تكتب بالمنتديات...؟؟؟

[saly]

حبيت اشوف رايكم في هذه القضية

جات الام الي البت ووشها فرحان وقالت ليها :

بتي لقد جاء فلان وابنه عشان يخطبوك

طبعا البت فرحت حتي لسانها إتخرس ونطقت عيناها ببريق السرور والأمل :

الآن حلمي بتحقق أبني بيت من السعادة وأربي جيل يكون قطعة ً مني

أربيه على مراي من عيوني يكون عون لي في الدنيا وذخر لي في الآخرة

ابت تنوم البت في الليلة دي فهي لاتحتاج النوم بعد أن تحولت أحلام نومها

الى حقائق تداعب يقضتها.........................

وافق ابوها على الخطبة وتمت الرؤيه الشرعية

العريس طبعا طااااار من الفرح وبرضو العروسه

وبدا الجميع يوزعون الدعوات بتاعت العرس ليلة الفرح الموعودة

ذهب العريس إلى عمله أخبر بعض أصحابه بأنه سيتزوج ابنة فلان

بارك له الجميع

وفي اليوم التاني لاقاهو أحد اصحابو وقال ليهو :

الله الله أنت ستتزوج الكاتبة الفلانيه

التي تكتب في المنتدى الفلاني نظر العريس إلى زميله متعجباً

انت عن منو بتتكلم والكلام ده شنو؟؟؟؟؟؟؟

قال : زميله خطيبتك كاتبه في المنتدى الفلاني بالاسم الفلاني ؟

قال ليهو : وانت عرفت كيف والقال ليك منو ؟

قال : أختي بتعرفها وهي كلمتها ؟

وهي تكتب باسم مستعار (( .............))

لو عاوز تتاكد تعال نفتح المنتدي واوريك المواضيع المشتركه بيها خطيبتك ؟

قال : العريس وهو يتصبب عرقاً وليه لا تعال نفتحو ؟

فتح الزميل المنتدى استخرج بالبحث جميع مواضيعها

ثم بدأ الاتنين في التصفح

فها هي ترد على فلان وتشكر فلان وتتناقش مع فلان

وتضحك من نكتت فلان

وهذا فلان يمدح ما تكتب ويثني على ماتقدم

وهي ترد عليه بالثناء والشكر

خجل طبعا الخطيب ووشو بقي احمر وخرج من المكتب محموق

واتصل ببيت خطيبته

وقال لامها :

هل تسمحين لي أن أكلم خطيبتي قالت : امها لامانع

شالت البنت السماعه

وقلبها يخفق ويداها ترتجفان تخشى من سماع الكلام المعسول

أو أن لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد :

هل أنتِ الكاتبة الفلانية في المنتدى الفلاني ؟؟؟؟؟؟؟

قالت : نعم أنا هي

قاطع حديثها وقال آسف أنا لا أتزوج فتاة انتر نت

خت السماعة وقفل الخط

اها اسع سؤالي ليكم:

هل تقبل الزواج من فتاة تكتب بالمنتديات...؟؟؟

هل الانترنت حكرا على الرجال فقط دون النساء ؟؟؟؟

ارجوا من الجميع المشاركه والاجابه على السؤال حسب رايك الشخصي

[أبوريلان]

هههههههههههههههههههههههههههههه

[الشريف الهندي]

بسم الله الرحمن الرحيم
الحقيقه كلامك غريب وعجيب وكل زول عندو حكم على الشاب العريس ده لكن غايتو الله يعقله
انا شخصيا لا امانه في ان اتزوج من عضوه في منتدى حتى لو كانت مشرفه كمان موش عضوه بس

[كاظم]

الاخت سالي سلامات ..
الموضوع حقيقي مهم والله ولاحظت انو كمية من الرجال ما بثقوا اصلا في بت بتكتب في المنتديات ولا بتخش النت حتى ..
لو رأيي الشخصي النموذج بتاع الشاب الطرحتيهو في القصة نموذج متخلف جدا .. ووالله البت بختها الما وقعت فيهو
تسلمي على الموضوع يا ستي

[شبندر]

التحية لك الأخت سالي وانت تثيري هذا الموضوع وهذه أول مشاركة لي بالمنتدى ولكن كل شئ قناعة تتعدد الطرق التي يقابل بها أي شخص شريكة حياته ولكن في النهاية لا يوجد أحد يتزوج غير قسمته وبغض النظر لو عرفها من المنتدى أو من الجامعة أو كانت زميله له في العمل وفي النهاية الزواج قسمة ونصيب ولا يوجد شخص يعرف قسمته وين هذا من ناحية عامة .
أما من الناحية الخاصة يوجد فتيات يكتبون في المنتديات ويوجد أخريات صحفيات ولا يوجد مانع من الشخص أن يتزوجهن ما دام البنت تعرف الصاح من الخطأ وتعرف تستقل الإنترنت بطريقه مثلى والإستفادة منه

[مزوني]

بالله يا سالي متزوجه؟؟؟؟؟؟؟؟؟؟
ماشاءالله تبارك الله
انا شخصيا ما امانع لأنو زولة الانترنت ما زي الزوله البرا
ما هي بتكتب وتشارك لا شايفه زول لا زول شايفا
لكن في رجال عندهم وجهات نظر تانيه والله اعلم
وربنا يديك الصحه والعافيه يا سالي

[ابراهيم]

زي ما بقولوا الزواج قسمة ونصيب

وبرضو الفنان محمد احمد عوض الله يرحمو قال والله القسمة ما معروفة

يعني يمكن تكون في الانترنت ، الجامعة ، في واحد اتزوج واحدة وسبب المعرفة بيناتهم مهاتفة تلفونية عن طريق الخطأ يعني ما كان قاصد يتصل ودة مثال بس عشان يدي بعد لمعني انو القسمة ما معروفة وين.

والمنتديات مجتمع مثلها مثل المجتمعات العادية فيها الصالح والطالح وانا ما شايف فى شي يمنع الزواج من زولة بتكتب في منتدى طالما هي انسانة ملتزمة

مشكورة اخت سالي على الموضوع والزول دة زي ما قال كاظم نموذج متخلف

[Mr Lonely]

كلاااااااااااااااام يا عوض دكااااااااااااااام

[saly]

طب كويس تاري عقول السودانين متفتحه انا قايلاهم متخلفين وبقابلو الموضوع ده بحساسيه شديده
واراهم سليمه بس برضو في جزء لازم يخالف وانا عارفه ما كتب اجابتو بس اكتفي بالقراءة
اها عاوزه اشوف اكبر كميه من الاراء في الموضوع ده

مشكورين اخواني
ابوريلان مع انو ما فهمنا شي من ضحكتك دي الظاهر انو عندك راي بس ما عاوز تقولو خلي روحك رياضيه و اكتب. بقولو بتختلف الاراء بس القضيه واحده وكل واحد ليهو وجه نظرو

الشريف الهندي
كاظم
شبندر
مزوني
ابراهيم
مستر وحيد

علي مشاركتكم

[lamis]

سالي موضوعك شيق
لكن اقول ليك شي
الزول الداير اعرس دا مفروض اكون مقتنع بي عروسو تماما
و ما اشان اقله شي اسيبا الزول دا قليل عقل.

بعدين فتاه المنتديات دي انسانه و مهما اتعرفت على اخوان و اصحاب اكيد حتكون حذره في تعاملا معاهم

غيتو عاداتنا و تقاليدنا فيها حاجات كتيره غلط وبتمنا انها تتغير مع الزمن.


تحياتي

[saly]

شكرا لميس علي مرورك ورايك

[مان من السودان]

مراحب بى سالى وموضوعها وحمدلله على العوده...............

اول حاجة الانسان الما عندوا ثقة فى اى انسانة مايستاهلا

والانسان دة على الاغلب بيكون ما متعلم ...

يعنى معقد شويه.......



وكدا احسن ليها لانوا كان حيقرفها فى حياتها ماتضحكى مع ده ولى
قاعدة مع ود عمك كدة وماتمشى لى فلانة لانى مابرتاخ لى يها او لى اخوها....الخ,,,,,,,,,,

[saly]

مشكره يارجل
علي مرورك

[التيمان]

والله موضوع جميل وشيق

مزونى سالى قالت متزوجه وزوجها عارفها بتكتب فى المنتديات

تدفع لينا انا مزونى

هع هع هع هع هع هع

معاى يامزونى

[saly]

والله موضوع جميل وشيق

مزونى سالى قالت متزوجه وزوجها عارفها بتكتب فى المنتديات

تدفع لينا انا مزونى

هع هع هع هع هع هع

معاى يامزونى


هههههههههههههههههههههههههه بدون تعليق طبعا

[التيمان]

بدون تعليق الحساب


ولاشنو مزونى

[محمد احمد]

موضوعك بجد اخت سالي مثير للاهتمام ولك الشكر علي زالك،الزواج السليم يبني علي اسس من التفاهم الراسخ وازا وجدت هزه الصفه المشتركه لايهم بعد زالك ازا كانت الفتاة جامعيه اومدرسه اوعضوه في منتدي اوغير زالك واعلم الكثير من الاصدقاء في بلاد المهجر تمت زيجاتهم بفضل الانترنت وعائشين في ثبات ونبات ومخلفين كمان صبيان وبنات وكل شي جائز في زمن العولمه

[اللمسة الساحرة]

اولا التحية للجميع فردا فردا وفعلا بختها البت الماوقعت في الزي دة ،،، انا عارفة انو في النت في من يكونون علاقات غرامية من الفتيات لكن قطعا مش في المنتدى ،،، يعني لو الاخ العريس كان عندو ادنى فهم وكان بفرق بين المنتدى والشات ماكان اتصرف تصرفو الابله دة واهو طلع من صالح البت .... المنتدى بخلاف الشات مكان للتعبير عن الاراء بصورة جادة واذا لم تستطع الفتاة ان تعبر عن رائيها في المنتدى فاين ستعبر عنه
فتاة المنتـــــــــــــــــــــــــــــــــــــــــــــ ـــدى
فتاة المنتدى فتاة جادة ومثقفة فهي ليست كفتاة الشات المائلة للعلاقات في النت وهي كذلك ليست كالفتاة التي لابترمي ولا بتجيب الحجار ،،، هاانا ذا لي في المنتدى مايقارب ال8 اشهر لم ارى ولم افكر انا ارى احدا من اعضاء المنتدى وعلاقاتي معا كل من في المنتدى علاقة اخوة،،، ودة كمان مابمنع انو في كتير من العلاقات خلال الشبكة العنكبوتية كانت ناجحة واثمرت بالزواج...كان الله في عون الفتاة العربية وهي تواجه امثال هذا العريس المتخلف.


مع تحياتي
اللمســـــــــــــــــــــــــــــــــــــــــــــ ـــــــــــــــــــة الساحرة

[التيمان]

والله انت سحر عديل


ده الكلام اتعلموا



يابت الكلام الكبير ده شنو
هع هع هع هع

[ودأبكرش]

الا تكون مشرفه...........

حتن افكر
ههههههههههههههههههههه
لكن كلامك كبير وحساس

[saly]

محمد احمد
اللمسه الساحره
التيمان
ودابكرش

شكرا علي رايكم ومشاركتكم لي في موضوعي

[قاري الشخصيات]

ههههههههههههههههههههههه

[saly]

يا قاري الشخصيات ما شفنا رايك يعني ما كتبتو
وما فهمنا شي من ضحكك وبليز وضح رايك

[لواء]

العلاقه عبر النت علاقه شايكه،، بحكم انك بتتخاطب مع انسانه ممنوعه من الصرف (الرؤيه ) لكن يمكن للانسان ان يحس و يشعر من على البُعد ،،، انا شخصياً عايشت موقف من جنس النوع (يعنى نفس الملامح والشبه ) وبتمنى التوفيق ،، طال ما انا شاعر بالجديه والسعى الدؤب فى الموضوع ده ،، نجحت انى اقدر اكسر الحواجز النفسيه ،،بالرغم من الرغيب الداخلى،،، الانسانه اللى بتكتب فى النت هى انسانه مبدعه ورائعه،، بحكم ان لها رؤيه وفلسفه واضحه،،، اللجوء للكتابه فى النت نتجت لوجود موانع اجتماعيه وشرقيه فى المقام الاول ،،، لذلك قليل من التنفيس عن بنات حواء ،،،، بالمعنى الصريح انا لا اعارض المبدأ ،، طال ما انا عايش فى نفس المعمعه
الى ان تتضح عكس الرؤى اللى شايفا انا ،،، ما بالضروره انجح ،،، وما بالضروره تكون التجربه هى ذات التجارب ،،، والله يستر من الفشل ،،،، مشكوووره يا سالى ،،، انك طرقتى الباب من مكمن الوجع ودمتى

[saly]

مشكور اخ لواء علي وجه نظرك المتفتحه
وتسلم

[waheeb]

بسم الله الرحمن الرحيم...
أولاً رمضان كريم،،،
ثانياً : أختي سالى طرحك للموضوع جيد ويستحق النقاش... الفتاة بصوره عامه تكون تحت المجهر في كثير من تصرفاتها سواء كانت في النت او في علاقلتها الاجتماعيه المختلفه.. فان كانت ملتزمه بأدب الاسلام وعادات وتقاليد اهلنا السمحه فهي من تسر العين ... وطبعا كتابتها في المنتدي لا تجعلها عرضه للرفض ومن يفعل ذلك فهذا ينظر الي الامور بزاويه واحده ...
الدين والخلق والتربيه الصحيحه هي من يحكم تصرفات البنت والولد علي حد السواء فمتى ما توفرت في البنت كانت جديره بالتقدير سواء كانت تكتب في المنتديات او لا...
تحياتي مره اخري .

[saly]

مشكور وهيب علي وجه نظرك

[فوزيه]

الاخت سالي

هو موضوع فعلا يختلف الراي فيهو ... من شخص لشخص

والكلام فيهو كتير

لكن اعتقد السؤال ده موجهه للاولاد .. ما موجه لبت .. هل تتزوج بفتاه تكتب بالمنتديات

ارجو من الاولاد الافاده ويورونا رايهم

[majid mohd]

انا شخصيا بوافق لانى واثق من نفسى وحاضع ثقتى فى البنت اللى بختارها واكيد ما حايحصل خطأ وما غلط او عيب انو البنت تكتب فى المنتدى

[زهرة الشمس]

لابد أن نقر ونعترف نحن معشر النساء بأنه مهما تفتحت العقول وتوسعت المجتمعات وتوالت الألفيات في سباق الزمن الرهيب إلا أن هناك دوماً حد فاصل لا يمكن تجاوزه أو تخطيه وهي شرقية الرجل رغم انه في كثير من الأحيان تتوه تلك الشرقية وسط مفاهيم خاطئة لا تمت إلى الشرقية بصلة إلا أنها تندرج من ضمن الاسم دون المعنى أو المضمون وهذا على وجه العموم...
(مع العلم بأني أطالب بشرقية للمرأة مثلما هناك شرقية للرجل تماماً ولكن بمعنى ومضمون)
أما على وجه الخصوص وفيما يتعلق بهذا الثنائي (العريس والعروس) فهناك عدة جوانب اطرحها من وجهة نظري :
الجانب الأول:
هذا العريس متخلف جداً جداً جداً وبكل ما تحمله الكلمة من معنى .... فما الفرق بين صحفية أو كاتبة أو محامية أو طبيبة أو مذيعة؟؟؟؟ وهل عند اختيار شريك الحياة ننظر إلى الوراء؟؟؟ فإن كان مشرفاً ابتسمنا وإن كان مخيبا للآمال نحطم حياة بكاملها؟؟؟؟ وأي وراء هذا ؟؟؟ حرية فكر وإبداع !!! وهل من العدل أن ننقب في أمور ليس لها أي بـُــعد وسط زخم العمر وضجيج الحياة مع بيت ومسؤولية وأولاد ؟؟؟
الجانب الثاني:
أحد مفاهيم الشرقية الخاطئة وهو موقف صديق البين ذاك .. فقد أعلم عريسنا بأن عروسه المنتظرة كاتبة في المنتدى بطريقة مستفزة جداً وجارحة لكيانه وشعوره باعتباره رجل شرقي .. فالشرقي لا يرضى إلا بدور من أدوار البطولة كما رددت سعاد الصباح حينما ناجته وقالت له (كن صديقي)!!
الجانب الثالث:
هناك احتمالية أن عروسنا المصدومة (كانت مزوداها شوية) يعنى المشاركة مطلوبة خاصة في نواحي الفكر والإبداع المتعددة ولكن التمادي لا يفيد صاحبه .. وهنا وجب أن أنوه أن الحذر يجب أن يلاحق الفتاة في كل خطوة.... دراسة كانت أو عملا أو حتى عند التعامل مع بعض أفراد العائلة والأقارب رغم المعرفة الجيدة والعلاقة التي تربطنا بهم ... ولكن هذه هي الحياة فكل أنثى عرضة للإلتهام.
أخيراً .. هذه ليست دعوة بأن نرجع إلى (عصر الحريم)
وأيضاً ليست دعوة لتأسيس حزب لنساء يشن حرباً ساخنة على الرجل و يتوعدن وينددن ويهددن بأن هدفهن في الحياة بحث وسائل انقراض الرجل .. فالرجل أب فاضل وأخ صدوق وزوج مخلص وابن بار .. وكذلك ليست دعوة للتحرر ألا نهائي أو التبجح بالآراء والأفكار الهدامة أو السفور والإبتذال في عرض المواضيع التي تناقش وتنتقص من قدر الاحترام المتبادل بين الجنسين والتي تكون ضد العـُــرف والأصول والعادات والقيم المتعارف عليها في المجتمع الذي نحن نصفه الآخر...
ولكن محاولة لمعرفة متطلبات العصر ومدى ملائمة هذه المتطلبات مع حقوقنا و واجباتنا في حدود معادلة بسيطة تتمثل في اللجوء والاستنجاد بالتوافق الشرعي المتمثل في القرآن الكريم والسنة النبوية الشريفة.. فالحياة ميزان والعدل هو أن تكون كفة للرجل وكفة للمرأة....

[زهرة الشمس]

الووووووووووووووو
سالى
اشكرك على الموضوع الجميل وايضا اشكرك على ما بدر من اهتمام لديك بخصوص طلبي.....

[رامى طلبه]

والله انا فى رائى انو العريس ده متخلف لا اكثر

[رامى طلبه]

والله لمستك للموضوع اعطته سحر غريب

[dream]

اهلا بيك ،،،،
انا شايف مافي مانع مدام في الثقة والاخلاص
والاحترام المتبادل

شكراً سالي
ودمتم

[نور العيون]

:o :o والله يا اخت سالي موضوعك مثير للاهتمام
و المنتديات دي مافيها حاجه غير النقاشات الفعاله و التي تجعل الناس انو يستثمروا اوقاتم في اشياء مفيده.
يعني :
زي ما الناس بتمشي المنتديات الثقافيه في المراكز الثقافيه فالمنتديات د في البيوت و في متناول يد الجميع .
و د شيء مابخلينا نخجل من الشخص الذي يشترك في المنتديات بل بالعكس د زول مثقفو بشغل وقتو في شيء مفيد بدل الشات على الكلام الفارغ و كونو انو زول يرفض الزواج من انسانه او انسان يستخدم النت في شيء ذات قيمه فهو انسان سطحي جدا و غير كفؤ لتحمل اي مسؤليات.
و د ما مقياس عشان تعرف انو د انسان صالح و البت لو ما كانت كويسه هو ما كان مشى واتقدم وطلب يدها .
و الكلام الحصل كل شغل حساده ليس الا ، لانو مرات بيكونحاول يتقرب و هي ما ادت مجال.
ارجو انا اكون خفيفة ظل بردي كليكم والعتبى اذا اخطأت و كل زول حسب وجهة نظره. :p

[دكتورة صغيرة]

ســــــــلام اخت سالي .. موضــــــــــوعك حلو .. وأنا رايي انـــــــــــــه الكتابة في المنتديــــــــــــات ماعيب لو كانت في حدود الاحترام المتبادل بـــــــــــــــــين أفراد المنتدى ..واهم شئ في العلاقة بين اتنين الثـــــــقة يعني لو كـــــــــــان واثق فيها ماكان اتخلى عنـــــــــها والحمد لله انه خلاها ..
ربنــــــــا يعوضها بواحد فاهم يقدرهــــــــا ويثق فيـــــــها ..

[salwa]

والله يا سالي كلامك ده واقعي ميه في الميه وما فيه اي خلاف وفعلا نظرة الناس للمراة عموما وخاصة المجتمع السوداني والعربي بشكل خاص ان المراة دي مكانه البيت والاولاد لا تقبل شمال لا يمين والبنت من المدرسه والجامعه الى البيت برضوا لا تقبل شمال لا يمين ...المهم هذه عاداتنا ولا يمكن الرجوع عنها ولكن في حالة النت فهو للبنت يكون تحت اشراف الاهل اغلب الاوقات وللمراة المتزوجه زوجها يكون على علم انها بتقعد ترفه عن نفسها مع الاصدقاء والصديقات وخاصة لو كانت من النوع المخنوووووووووووق بالحبسه ما عندها مفر الا الكمبيوتر في البيت كمان على العموم هذه هي عاداتنا ولا يمكن ان نغيرها الا بالاقناع والتريه الصحيحه لابناءنا لكي يسلكوا السلوك السليم في التعامل مع هذه الاشياء ...وشكرا ليك يا سالي

[راسكال]

مشكوووووور اخوي علي الموضوع الجميل


ولاكن فتلت النت


راى الشخصي


عادى لانو لو كان النت عيب أو حرام


كان الولد برضو جاو طرف الصوط


وبل العكس أنا بتكيف للبيت المثقفه


المتعلمة المتطورة


والبقول دى بيت نيت بقول عليو راجل متخلف


غير حضاري وتفكيرو ضيق

وبشكراك تانى علي الموضوع الجميل و الحساس