المساعد الشخصي الرقمي

مشاهدة النسخة كاملة : تعال واختار واهدي وارسل ....رسائل تجنن



saly
10-10-2005, 12:42 AM
طبعا دي رسائل جاتني في الموبايل
و عاوزه اي واحد عندو رسايل حلوه برضو يكتبها طبعا في مشرف قبل كده كتب عن الموضوع ده بس حبيت افتحو من تاني
وبهدي لكل اعضاء منتدي ودمدني


أصلي سارح في عيونك وناوي أسرح للنهاية
ولو قيس صبح مجنون أصلو شال مني البداية
القصة ما قصة جنون أصلو الجنون علاجو آية
القصة قصة زول عشق فيك المحاسن و السجايا

*************************************************
عاوز أرسل رسايل الحب إليك، أقيس قصايد الشوق عليك
واتمنى لو كل السبل بتودي ليك ...
بوضوح شديد ... اشتقت ليك...

*************************************************
أقول أنساك ، ألاقي الريد متيم بيك، أشوف الشوق يشابي عليك
أعاين للحروف جواي تكتب ليك مع نبض الكلمات ( مشتاقين ومحال ننساك)

*************************************************
ممكن الزول ينسى امسو وينسى يومو الطالعة شمسو..
وينسى ناسو وليهو ينسو بس كيف ينساك انت و انت نفسك ياها نفسو... يا نسو

*************************************************
القلوب الوفيه ما تنسي ساكنيها
وقلبي بالمحبه بسلم علي اغلي من سكن فيها

************************************************** **
اكيد لو بينا الف محيط بشوف الفرق بينا بسيط
ولو يفصلنا مليون ميل اكيد مشواري يبقي جميل
ولو غطتنا ظلمه ليل اكيد احساسنا اقوي دليل

************************************************** **
لو عرفت غلاوه صوتك عندنا كنت ما قصرت فينا
نلقي راس كل ثانيه ناقي اسمك بينا ادينا
تفرح الشاشه و تنور تعزف النغمه الحنينه
ويرجف الجوال ويكتب هم ديل اتصلو بينا

************************************************** **
لو خلاص الفرقه طالت .... برضو باقي الزكري فينا
ولو ظروف اللقيا صعبت تكفي اشواقنا الدفينه
ويكون عشمنا حروف رسالتك تمسح الهم العلينا

************************************************** *****
غيابك يزيدك......غلا
وغلاك يزيدك ....حلا
وحلاك يزيدك.. ..دلال
وكلهم بيزيدني عذاب

************************************************** ******
لما العيون تشتاق لناسها انت اول خاطره تبدر
ولما نفرح ولا نحزن انت ديمه في بالنا تخطر

************************************************** *****
بالرغم من بعادنا ما بنقول في لحظه ننسي
ولو مراكب شوقنا تاهت بكره بالافراح بترسي
وتبقي واحه لي دروبنا الطايله مرسي
انت دائما في خيالنا... وفي زكرانا اسه

************************************************** *
اشيلك جوه في عيوني.. اخاف من رمشه تقسي عليك
ولو خايف من عيوني و شايف قلبي احسن ليك
اشيلك جوه في قلبي و الدقات ترحب بيك

**************************************************
نظرت الي البحر فلم اجد ليه نهايه ( فذاك حبي لك )
وذقت مائه فوجدته مالحا ( فذاك عمري بدونك)
فاقتربت من امواجه فوجدتها مضطربه ( فذاك قلبي الهايم لرؤياك)
واخيرا حاولت الغوص فيه فوجدته غدارا ( و هذا ما لم اجده فيك )
************************************************** ****
بهديك حروف كان الحروف تقدر تشوف جوه الضمير مكترب شنو
وداخل الفؤاد مكتوب منو
بهديك حروف زولا كتوم طاعنو الاسي وجارحو الزمن
يا اغلي زول سكن الفؤاد وانا قلبي يوم ما ببدلو

************************************************** **
اسالمك في عيون الناس
واشوف كل العيون عينيك
لانك انت كل الناس

************************************************** **
خلي بالك مني فيك ومن قلب خايف عليك
اي سكه تمر بيها اقرا ياسين في مشيك
انت لو ما مشتاق تشوفنا نحنا بارواحنا بنجيك

**************************************************
امنحي العزر ان قصرت في وصلك
وان طالت الايام ولم اسمع بها صوتك
وان بعدت خطاي عن دربك
تاكد يا ((اروع الاحباب ))ان القلب في زكرك

************************************************
عادي جدا انت تقسي
وعادي جدا احنا ننسي
ولو ضميرك مره حسه بالجفا
العايشنو اسه
انت برضو تكون حبيبنا
ولينا تاني معاك جلسه

************************************************** *
اجمل حاجه تكون متعزب بي انسان متعزب بيك
تقاسي الزمن القاسي عشانو و وبرضو يقاسي زمانو عليك
تكون بتفتش عليهو وتسال وبرضو يكون بفتش فيك
تبقي الريده عزاب متواصل تشتاق ليهو ويشتاق ليك

************************************************
افكر كيف احوش الشوق الاقي الشوق يزيد اكتر
اغالب شوقي بالحرمان يزيد وهمي العلي واصبر
اجرب انسي يوم ميعاد اخاف ولو لحظه تنساني
عزاي انك موالفني وعارف سر هواك فيني
اقول اسال انا المشتاق تقوم اشواقي تسالني
وارجع تاني اتزكر

*******************************************
نحن اصلنا ناس محبه زول نعزو و زول نريدو زي عيونا
وزول نديهو اكتر من نصيبو
الا انت نحن زاتنا عليك ما كفايه
قدر ما نديك تلقي روحنا يتديك من البدايه
اصلو انت غالي علينا
لا ليك اول ولا نهايه

***********************************************
بعزك ما كلام مني ولا ريق العشم جفه
ولا في لحظه طلع مني الكلام صدفه
بعزك عن وعي واصرار و عن تقدير وعن عرفه

************************************************
الزمن لو جار وفرق اصلو اكيد الدنيا تجمع
والقلوب ساكنه الموده ويبقي ليها الصدق منبع
والزمن لو سل سيفو وللعمار البينا يقطع
مستحيل يقطع جزورنا نحن اسما وانتو ارفع

********************************************
أقول أهديك رسالة شوق أخاف الكلمة تخذلني
أحاول أربط الكلمات تقوم اللهفة تشغلني..
أجيب الميم تطير الشين،أشيل التاءواخت الهمزة بالقوة تضيع القاف..
وأتمنى مع الكلمات~واشيلك في القلب همسة
وارجع من جديد اكتب .

************************************************** ***
تبقى كل الدنيا سمحة لما بس هاتفك يواصل
ترحل احزاني العميقة و يستقر فرحي المسافر
أصلو شوقك فيني راسي منتظر عينيك تراسل
أبقى واصل ما العيون الفي انتظارك
شوقها زي مطر الفواصل

************************************************** ****
عارف غيابي كتر عليك عارف كمان مر انتظارك
لما اوعد و ما اجيك فتش معاي انت العذر
ناسيك ؟؟؟ محال ، جافيك ؟؟؟ لأ
البينا اكبر من تلومني و أعتذر ليك

************************************************** ****
أقطع وريد يدي اليمين لو كنت زي باقي الخلق
يرموك تطلع للسما تقع النجوم منك تحت
لا جاذبية و لا انجذاب قانوناً فيك يطلع كذب

************************************************** ******

welly
10-10-2005, 12:53 AM
مشكوره اخت سالي
رسايلك تجنن
معانيها كلماتها تعابيرها كلها علي بعضها جمييله
يسلمووووووو
وانا كمان بهديها لكل اعضاء ومشرفين وضيوف المنتدي

مزوني
10-10-2005, 10:24 AM
بهديك انتي أول وحده يا سالي
ولكل أعضاء وحبايبنا في المنتدى
أنا طبعا موبايلي انسرق قبل لا أجي ودا التالت اللي ينسرق مني
عشان كدا حردتا الموبايل خير شر
ونسيت حاجه اسمها مسجات لكن أوعدك لي قدام بشارك معاك

seeka
10-10-2005, 11:52 AM
والله ياأخت سالي فكرتك حقيقي رائعة
علشان كدى بهديك وكل الاصدقاء الرسالة هذي
بستاذنك انسج حوفك واحفظك
جوه الدواخل وفي العيون وفي كل حاجة بتشبهك
في طلعةالنور والصباح عشمان اقابلك والمحك
واكتب وبالخط العريض مشتاق كتــــــــــــــــــير
طلتـــــــــــــــــــك

seeka
10-10-2005, 11:56 AM
والله ياأخت سالي فكرتك حقيقي رائعة
علشان كدى بهديك وكل الاصدقاء الرسالة هذي
بستاذنك انسج حوفك واحفظك
جوه الدواخل وفي العيون وفي كل حاجة بتشبهك
في طلعةالنور والصباح عشمان اقابلك والمحك
واكتب وبالخط العريض مشتاق كتــــــــــــــــــير
طلتـــــــــــــــــــك

saly
10-10-2005, 08:23 PM
مشكورين
ولي
مزوني ( معقوله بس ماعندك موبايل في الزمن ده ضروري تامن بالله الموبايل عندي اهم من المويه البشربها)
سيكا
وااااااها بهديكم اخر 3رسائل وصلتني طااااازه امس بالليل
** ديل ابيات شعريه بلسان شاعر هندي بهديها لجميع الاعضاء
إنت مايشوف أنا أنا في يموت.... قهر
إنت لو ينسي أنا أنا في يبكي ....مطر
إنت مايكلم أنا في مسكين......... نفر
إنت في نوم كتير وأنا في كتير .سهر

************************************************** ***
ادسك كيف من الايام من الدنيا البقت..... جانيه
اقول مرات اهاجر بيك نسافر لبلاد .........تانيه
بلاد ما فيها ناس ظالمين موشحه بالظلال حانيه
ونمشي نوقف الساعات عشان نتقاسم... الثانيه
ياريت نتقاسم الانفاس عشان الدنيا ....ما دايمه

************************************************** **
لمحتك نجمه ضوايا
كتمتك فرحه جوايا
غرامك موجه بتعاند
تمرجح زي سفن جايه

saly
10-10-2005, 11:40 PM
اها جيتكم تاني التقول مركز الرسائل عندي
اها اخر الرسائل الجديده

بشتري ضحكة شفايفك بالف دمعة من عيوني
وبحتوي همك وغمك لو تضيع احلى سنيني

************************************************** **************
اصلو العناد من غير سبب ما ظنيتو يشبه رقتك
ما الطلة منك لينا عيد وياعيدنا طالت وقفتك
الناس بتسال وين تكونوالناس بكت يوم شوفتك
الحالة عرفوك من بعيد كيف القريب من الفتك

***********************************************
لو أعيش في دنيا غيرك .... ويبقى حكم الريدة قاسي..
كنت بطمع يوم اجيك ... القى في ريدك مراسي ...
اصلو من لحظة فراقك عايش في المآسي ...
العشم كان كلمة منك .... بيها عهد الريد يدوم .....
لا قدرت معاك اواصل ولا الخيال فارقني يوم ...

************************************************** *******
العاشقان الصادقان مثل الشفتين
قد يفترقا بكلمه ولكنهما سرعان مايعودان

************************************************** *
قدر ما اقول اسيب الشوق
الاقي الشوق ما بالايد...
واقول اقطع خطاوي الشوق
الاقي خطايا ماشة بعيد .....
احاول احبس احساسي
الاقي قليبي برضو عنيد وعنيد.....
اشوف كلماتي كلها ليك
والاقي الشوق يزيد ويزيد.....
************************************************** *********
يارسالة أرفعيهم
وفي المروحة علقيهم
وعلى واحد دوريهم ..
لو متزكرننا نزليهم
ولو ناسيننا دوخيهم

************************************************** *********

seeka
12-10-2005, 09:45 AM
الاخت سالي: ههههههههههههههههههههه
والله رسايلك البتعلق في المروحة دي ما شفنا زيها

التيمان
14-10-2005, 04:45 AM
الطله منك لينا عيد
ياعيدنا طالت وقفتك والناس يتسال
وين تكون والناس بكت يوم
شافتك
والحاله عرفوك من بعيد كيف القريب
من الفتك..
.................................................. ........
ارجوا التجربه....
افتح رساله جديده
وغطى الشاشه بيدك
وادخل الشفره
2662888
جربوا وردوا على
..................................
الاخيره مكتوبه فى التوقيع
الى رحابــــــــــــــــــــــــــــــك

saly
16-10-2005, 11:03 PM
ما قسينا
ولا نسينا
ولا تغينا
ولا عنكم سهينا
لكن غلبتنا المتاعب
والرصيد المافي
لكن الحاجه الاكيده
قلوبنا ديمه في ريده
وربنا بزيدها

************************************************** ****
لما الحنين يتوسد القلب الوفي
ولما اشتياقنا يسيل دموع يا سيد هوانا المختفي
ولما العيون بي حرقه تبكي كأي زول صادق وفي
تلقاك في جوف الوريد فارد شراع البسمه
تهمس انو جوانا ريدك لسه في

seeka
17-10-2005, 02:24 AM
( تخيل )



اني اختفيت؛

( تخيل )

معي

لو دورتني وما لقيتني




% وناديتني وما رديت %




!! وقالو ليك اني اتوفيت !!



" اني من الدنيا اتمحيت "



واخذتك الذكرى وبكيت


بعدها ايش تكتب ؟؟؟؟؟؟؟

saly
17-10-2005, 09:12 PM
( تخيل )



اني اختفيت؛

( تخيل )

معي

لو دورتني وما لقيتني




% وناديتني وما رديت %




!! وقالو ليك اني اتوفيت !!



" اني من الدنيا اتمحيت "



واخذتك الذكرى وبكيت


بعدها ايش تكتب ؟؟؟؟؟؟؟


بكتب الله يرحمك ويدخلك فسيح جناته
وبنزل عزاك في الجريده الصفحه الاولي

seeka
18-10-2005, 02:14 AM
شكرا وما قصرتي

Mr Lonely
16-11-2005, 09:03 PM
مشكوووووووووووووور وما قصرتي

saly
18-11-2005, 08:15 AM
مشكوووووووووووووور وما قصرتي


تسلم علي المرور يا راقي