.... بحبك ....

[عمار بيلي]

عارفه كيف نورك
مبعزق..

في المسامات

والرؤي..؟

ما شفتي كيف

انت وهواجسك

واحتمالات اللقا ..

فاتحين علي

ريده وسهاد ...

غربه وبعاد ...

شارع علي بابهم .. انا

ولا ما عارفه وين

تلقي الدروب ...

الفيها كم خليت

اتر !!

غنيت علي طول الطريق

شديت وتر ..

اسألي الخطوات

كانن معاي ...

شاهدات علي ..

غنوا المطر ..

اسألي النجمات

عارفات هواي...

شافن عيونك

جوه عيني ساعه ..

سهر ..

ولو فاكره عيونك انت

تبارح مني مكانه ..؟

ولا زمانا الفات

روح بي زكرانا !!؟

امانه عليك امانه ..

تسألي كل الكان

في السكه معانا ..

اسألي دربك.. ودقه قلبك ..

عن معنانا.

في كل مكان باين عنوانه

ايوه بحبك ....

وحياه الجرح النازف مني

بحبك ....

وكل ما تذيدي علي قساك

بحبك ....

وكيف من حبك تلقاني

افوت ......

واتمشي براي

كيفن تبدا الخطوه دريبه

معاي ..؟

ايوه وحاتك لسه بحبك ...

مهما الغربه تذيدو شقاي

ولا تحاول تسرق مني هواي ..






بيلي

[سوباوي]

أمتعني النص أخي بيلي ...

مزيداً من الشفافية .. والإبداع لنصوص قادمة إنشاء الله ...

تحياتي ...

[ابراهيم]

المرهف الفنان

عمار بيلي

شكراً لهذه الصياغة الرقيقة والحس الراقي


ما شفتي كيف
انت وهواجسك
واحتمالات اللقا ..
فاتحين علي
ريده وسهاد ...
غربه وبعاد ...
شارع علي بابهم .. انا


حسيتها والله يا بيلي .. غنوة حزينة ولوحة حالمة
ويبقى الأمل بالعودة الى مرافيء الأحلام
وضفاف الاماني العذبة

[عمار بيلي]

الاخ / سوباوي

لك التحيه وانت تستشف الكلمات .. حتي تصيبك
المتعه .. إنه احساسك عزيزي
وليست القصيده
تحياتي

[عمار بيلي]

الصديق / إبراهيم
تلش كما يحلو للجميع
منكم نأخد وجد الكلمات .. وشفافشيه التعبير
وفيكم إرتأينا كيف تبدو الاشياء المرهفه ..
ومعكم كل يوم نري لوناً من الرومانسيه
تحياتي لك وانت عليك ما عليك من وحشة الغربه
والاشياء ..

[التيمان]

حلوه حلوه حلوه حلوه حلوووووووووووووووووووووووووووووووووووووه


موت والله يابيلى موت

[عمار بيلي]

التيمان .. ليكم التحيه وانتم تعبرون هذه الارض الجديده
وتعبَرون كما الفراش .. حلوين إنتو

[التيمان]

يديك العافيه يابيلى