المساعد الشخصي الرقمي

مشاهدة النسخة كاملة : رائعة مصطفي سيد أحمد ( يامطر عز الحريق ) أهــــــداااء لكل الأحبة



خالد حمد موسى
11-10-2005, 06:55 PM
<param name="BACKGROUNDCOLOR" value="#000000"><embed src="http://tabatpeople.com/songs/sudan/mustafa/yamatar.ram" align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true">
<br>


يامطر عز الحريق

محمد الحسن سالم حميد

من الواسوق أبت تطلع !!
من الأبرول أبت تطلع !!
من الأقلام أبت تطلع !!
من المدفع طلع خازوق .. خوازيق البلد زادت
يفيض النيل نحيض نحنَ .. يظل حال البلد واقف
تقع محنه ولا النيل القديم ياهو … ولا يانا
نعاين في الجروف تنهد … ولا يانا
رقاب تمر الجدود تنقص … ولا يانا
متين إيد الغبش تتمد لا قدام … لا قدام
تتش عين الظلام بالضو .. تفرهد شتلة لا هدام ..
ولا فيضاً يفوت الحد .. عقب يانيل تكون ياك ..
ونكون أهل البلد بالجد ...
D D D D D
يا مطر عز الحريق ..
يا مصابيح الطريق ..
يا المراكبية البتجبد ..
من فك الموج الغريق ..
جينا ليك والشوق دفرنا ..
يا نشوق روحنا ودمرنا ..
يا المحطات الحنينة ..
القصرت مشوار سفرنا ..
D D D D D
يا ما شايلك فيني حايم .. لا اليالي المخملية
لا العمارات السوامق .. لا الأسامي الأجنبية
بتمحى من عيني ملامحك ..
وإنتِ جايهِ المغربيهِ .. داقسهِ دايشهِ المغربيهِ
وشك المكبوت مكندك .. سمصونايتك زمزميهِ
كون شبر طوريه منجل ..
سبحه فانوساً مدردح ..
قلتي بيهن لي زمانك ..
يا زمان الآهه حدك ..
يا زمان الحاجة عندك ..
لا تطي الوردة الصبيه ..

D D D D D

عبيد خالد صديق
12-10-2005, 01:34 PM
جينا ليك والشوق دفرنا ..
يا نشوق روحنا ودمرنا ..
يا المحطات الحنينة ..
القصرت مشوار سفرنا ..

للله درك يارائع اختيار جميل كلك زووق

الف شكر ليك واتحفنا دوما يارائع؟؟؟؟
D D D D D

خالد حمد موسى
12-10-2005, 03:32 PM
مشكور عزيزي عبيد علي المرور

الف شكر ليك ياغااالي,,,

lamis
13-10-2005, 10:22 AM
يا سلام عليك يا اخوي

كيفتني لكن

شكرا

تحياتي

التيمان
14-10-2005, 12:23 PM
عليك الله رسلها لى مع سنتر الخرطوم


ضرورى

واكون شاكر
ويسلموووووووووووووووووووووووووو

خالد حمد موسى
14-10-2005, 02:07 PM
مشكورين ياشباب علي المرور

lamis

التميان راجع رسايلك عبر المنتدي

سوف انزلم ليك الاثنين غااالي والطلب رخيص

الف شكر ليكم احبائي,,,,