ارجوكم ادخلو هنا وشوفو المصيبة قدر كيف

[غابةالابنوس]

ماللذي يخطر في بالك اذا سمعت هذه الكلمه !!! (http://wadmadani.com/vb/showthread.php?t=7771)

ألحقوووووووونييي 000 النجددددددددداااااااا؟؟؟؟؟ (http://wadmadani.com/vb/showthread.php?t=7772)

مسطول يشرح لزوجته معنى الليل (http://wadmadani.com/vb/showthread.php?t=7500)

&&<<<عدم الدخول لغير العمرو 21 >>>&& (http://wadmadani.com/vb/showthread.php?t=7510)
دة نموذج من كتابات الشباب .. جيل الغد

وقبلهم كتبت فدوي ايضاً مشكورة موضوع تواصل الأجيال... (http://wadmadani.com/vb/showthread.php?t=7609)

رايكم شنو يا حلوين
مع العلم بانو كتير كتبو عن الارتقاء بالمنتدى ونموذج ليهم اختنا توتا
لكن كأنهم بأذنو في مالطة
شوفو لينا حل يا اولادي
الناس البيكتبو هجرو المنتدى بسبب السفاسف الزي دي والمواضيع الهابطة
هل يمكن يكون منتدانا واجهة لمدني .. مدني المشهود ليها بالثقافة في السودان عموم .. المنتدى في هاوية

[ابراهيم]

كلامك في محلو والله


هل يمكن يكون منتدانا واجهة لمدني .. مدني المشهود ليها بالثقافة في السودان عموم

انا اقول لاء

ويا ريت الناس تدي البوست دة طلة ويدو رايهم

لك احترامي

[aborawan]

احييك اخي الكريم وانت تحمل داخلك كل هذا الحب للمنتدى واحيييك لاهتمامك بالارتقاء بالمنتدى ومن هنا اناشد كل الاعضاء يختو يد فوق يد من اجل الارتقاء بالمنتدى

[مزوني]

بعد التحيه والسلام
أولا أحيك يا غابة الابنوس على روحك الناجمه لي حب مدني
وعلى ما أظن ان الحتة دي ما عندك برااااااااك كلنا بنحداك فيها
وبعدين عندي ليك تعليق بحكم اني عندي موضوع من المواضيع اللي انت ذاكرها
الواحد يا ضناي ما يبقى مستعجل ويندفع طواااااااااالي بدون تفكير أو أو أو
لو حابي تفتش للشهره في حتات تانيه وممكن على ما أظن تدخلا بإسمك الحقيقي
أما لو حتة فهم وعرفه الناس بتتفاوت وبعدين على أنا يا حبيب شفت صورتك
وانا والله كنت قايلك راجل كبييييييييير لكن طلعت لسه كما في العشرات
في بداية وأول العشرينات عشان كدا يا ضناي ما تبقى مندفع لأن الحاجه دي ضيعت ناس كتير قبلك
دي حاجه اما تاني شي على ما أظن ان المنتدى الموجوده في المواضيع اللي انت ذكرتها
قسم الكمبيوتر والالعاب مع اني عندي حبة تحفظ في انهم مجموعين مع بعض لكن انا حاليا اللبهمني
كلمة ألعاب --------------->" داير الالعاب تكون كوره فيفا 2000 ولا سباق عربات ولا حرب عصابات "
ولا نفهما شنو ممكن تقول رايك في الحته دي يعني القسم دا يا غالي حق ترويح عن النفس بأي شكل كان
كان ألعاب كان مواضيع مضحكه أو أو أو وانت شكلك داير المواضيع الجاده تلقاها في العام و ودمدنيات
وما أظن انك عميان منها لأني ما أظن " حسب رأي شخصي الضعيف " انو الحياه بتستمر جااااااااااااااااااااده لا ضحك لا هزار ......
وبعدين يا ولدي انت لسه العمر قدامك وانت بي طريقتك دي بتخسر الناس أكتر مما تكسبهم عشان كدا حاول صلح
أسلوبك ويا ليت لو يكون في الخاص بي طريقه حلوه ما زي اسلوبك الناشف دا
المهم يا ليت لو تقبل الكلام دا من واحد زي أبوك ولا أخوك الكبير وتفكر في كويس وتخلي اندفاعك واستعجالك
وربنا يسمعنا عنك كل الخير
وربنا يديك الصحه والعافيه

[فدوى الحسن]

الاخ غابة الابنوس كلامك صاح 100% وانا معاك فيهو اهو انا اكبر دليل بقيت ما بدخل المنتدى لانو ما بقى زي الاول الناس كان بتدخل عشان تستفيد منو لكن حسي مع احترامي للجميع بقى ما بوابة نفتخر بيها لمدني بل العكس بقى متدهور والمستوى عمال انزل...................


:( :confused:

[التيمان]

******************