المساعد الشخصي الرقمي

مشاهدة النسخة كاملة : حصة قدر ...


كاظم
19-10-2005, 10:26 AM
والي محسن خالد اهديت هذا النص ...

حد ما غناك .. أدى العصافير وجهتا
وشق المزامير بالنحيب
نديكا من فيض الاماني المفرطة
وهجعه من زمن المغنين الحبيب
نقسم معاك خبز الطريق
شمس الاماني الفالتة ..
والعرفة للزول الغريب
حنشتهي الحزن المعاك ..
وضحكة صافية نحتحتا ..
في صيف سنينك والمظنات القبيل ..
داخراكا من اخر شتا
ما نحن ذات المفلتين
من ليل سمين
ذات اللي كايسين الغتا
من ريح لعوب .. وسهام هبوب
جايانا ما عارفين ... متى
نحن اللي واقفينلك .... تعال
فالدنيا ما خاتالنا بال
عكس المشارق وجهتا
يا صاحي ما شالك خيال
ألحق بصيرتك وألفتا
على ضو نضيف
ما تمشي في الشارع الختا
وهزمت فيني الاحتمال ...
مشيت ..
شهيتني طعم الاغنيات ..
السافرت خلفك ... ترِح
واديتني من غيبتك سكات
زمن الكلام الما سمح
ما كنت يا صاحب تقول
او اقلو انك تقترح
سفرا مسافاتو بتطول
وانا راضي لو خطوك ملح
لكن براك .. غنيت بلاي
خليتني لى حزنا بضوقو ملح .. ملح
مشيت ..
لوحت مد القدرة ما شالت ايديك
رجعت نداءاتك ... أسف
ومتاح .. سبورة لى حصة قدر ..
أشرت لي كمين قطار ..
عندك المجهول .. وقف
ألكع .. وطوح في مداك ..
تحتك الموية وقفاك ..
سهم الهموم كايسك هدف
ألكع .. سماك ما حمل الغيوم ..
تتشابى لى محض الصدف
كان تستريح .. من حزنك الرامي الفسيح
ويسكت الجرح الفصيح
ويطيب غناك الكم .... نزف .
ابراهيم
21-10-2005, 09:36 AM
لن أندهش يوما لحرفك عزيزي كاظم
إنك تحتضن الحروف برأفة وتترك لها حرية التشكل
فتنساب لتكتب بلغة مرهفة بسيطة مكنوناتك
تجليات من فيوض أماني مفرطة
فترحل فينا هذه اللغة
وتعزف فينا لحوناً منفردة
لك ولرفيقك محسن رحيق الاماني
ولقياً بديعة تنتظركم انشاء الله

مع مودتي
ابو الزعيم
21-10-2005, 10:27 PM
قال قباني....

عندما يولد في الشرق القمر
فالسطوح البيض تغفو
تحت اكداس الزهر
يترك الناس الحوانيت
يمضون زمر
لملاقات القمر.....
**************
ونحن نترك ما بايدينا عندما نطالع كتاباتك
ايها الرائع انت قمر هذا المنتدى ... قمراً لا يعرف الافول
كن كذلك ... وارسل دوماً الينا من ذلك الضوء الذي ينبعث من كتاباتك
فنحن محوجين ضوء ...
لك والى محسن خالد كل الود
كاظم
04-11-2005, 02:05 AM
الرقيق الصديق ابوالزعيم ..
كل سنة وانت بالف خير ......... وليك ...
اجمل مافي العمر ..
واصدق ما فيني من الاحساس
ليك الريدة .. ودنيا مديدة..
وفرح الناس بالناس
اميمه عشريه
10-11-2005, 02:38 PM
اللللللللللللللللللللللللللللللللللللللللللللللللل لللللله لكن الله ......................................!
كاظم
13-11-2005, 06:32 AM
اميمة عشرية ...
صعدت الي اشيائها القصوى .. عيون الفجر ..
واقتسمت مع الليل المواعيد الجميلة ..

وصعدت الى روحي ذكرى احرف انيقة افتقدناها كثيرا كثيرا ..
ترى اي عالم احتواك ؟
اميمه عشريه
14-11-2005, 09:13 AM
كاظم ايها الانيق المهذب الفذ القلم لك الاماني .... انا في عالم لا اكسجين فيه لا اكسجين ................ (كأنما اصعد في السماء )
aborawan
18-11-2005, 03:49 AM
لله درك اخي كاظم

نتابع حروفك المنسابه وننسى اين نحن
اي عالم هذا الذي يحوي كل هذه الروعة
دمت عطراً فواحاً لهذا المنتدى

تحياتي
كاظم
21-11-2005, 12:33 AM
اميمة عشرية ....
يا بلاد النور ... وارهاص الخير
لابد يوم باكر ..
يبقى أخير
وتبقى الدنيا رايقة ذي خاطر طفل ... ووسيعة ذي احلام عصفورة عندها عش وفرخين صغار ... والاحزان شوية جدا وما بتكفي حتى لدمعة لوداع المسافرين ..
ابقي طيبة يا اخر الطيبين ..
كاظم
21-11-2005, 12:35 AM
ابوروان ... طلاتك على اي بوست صدقني بتديهو طعم تاني ..
الواحد مفكر جادي يستهدفك عشان تزورو يوماتي ...
ابقي طيب وسالم ومتعافي
ابراهيم
21-11-2005, 07:07 AM
سلامات أخوى كاظم واشواق


لن أندهش يوما لحرفك عزيزي كاظم
إنك تحتضن الحروف برأفة وتترك لها حرية التشكل
فتنساب لتكتب بلغة مرهفة بسيطة مكنوناتك
تجليات من فيوض أماني مفرطة
فترحل فينا هذه اللغة
وتعزف فينا لحوناً منفردة
لك ولرفيقك محسن رحيق الاماني
ولقياً بديعة تنتظركم انشاء الله

مع مودتي
كاظم
22-11-2005, 12:17 AM
ابراهيم ...
الامسيات من غير صديق ذي التقول ساكنها الجن .. ذي الحروف تصدق ؟ لما نتقاسمها بينا بتكون طاعمة وبتحس بيها فيها روح ... طيب ... نتفق .. نطرد الجن اول من امسياتنا وبعد داك نتقاسم الحروف .. انا جبت صحن حروفي وقاسمتك وطبعا مستني صحنك .. ممكن نعزم كم زول الحروف فيها البركة .. شوية منها بتكفي ناس كتار ..
مستنيك ...
saly
20-12-2005, 12:29 AM
زادو فى عتمِ الدروب
حزمة غُنا ودفقة حروف
مشدود على حرِِ الطريق.
ومن خلفو سكين الظروف....

الرائع كاظم صدقنى لا أقولها مجاملةً فحقيقى لا يوجد أبداع وتألق أكثر من هكذا عمل ، فأنت أيها المتفرد تعرف كيف تنتقى الأحرف والكلمات لتصوغها كلمات عشقٍ خلابةَ تأثر الوجدان المتعبةَ ،فإلى الأمام دوماً أيها القنديل المتوهج . ، لك ودى .
كاظم
20-12-2005, 02:40 AM
سالي العزيزة ...
رغم الليل و الضيق و العتمة .. واشباح تتقافز هنا وهناك .. قد تجد احيانا منفذا لضوء وان كان كليلا غير انه ربما اضاء شبرا واحدا تطعمه خطاك الجائعة ...
شكرا لنهر الضوء الذي تمنحنيه دائما ...
ابو الزعيم
20-12-2005, 02:46 AM
العزيز كاظم ...

ليك وحشة ... وطولنا من وجودك في هذا المنتدى ( الثقافي ) واعلم بان السبب انشغالك الاسابيع الماضيه بي الردود على اسئلة الكرسي الساخن ... والحمد لله اهو انتها بعد ده ما عندك عذر تتحجج بيه للغياب

نحن في انتظار ابداعاتك

لك مني كل الحب ...
التيمان
29-12-2005, 02:26 PM
--------------------------------------------------------------------------------

جيت غاشي الفريق قلتة النبل شوفي
وجرت مقنع الحشمة الحرقت جوفي
بنوت الفريق براك يامنضرت شوفي
سون لي طمامة وكترن عوفي
بنوت الفريق قالن علي انا خفتة
قشاش غبارن المن صباي ماهبتة
انا بي سيفي غير ملاقات الاسود شن شفتة
انا كم جب جمالن بعد مافوق سيادن طفتة
وانا كم جب مراحن للفريق شافنة
وكم جرس رجالاً علي اليتيم ماحنو
ياسيفي طيع قطع الشكرنة
ويا قلبي اصبر علي القالنو
ويابدر السماء ايامنا طالن وقصرت
وعيونا ملجلجات من التوسل فترت
وين الما حامت كبد الانادي وسكرت
وين الليلة رواق دمانا العكرت

تسلم حبيبنا كاظم
114
02-01-2006, 06:01 AM
رسم بالكلمات رائع
انور النور محمد
02-06-2012, 10:44 AM
اين انت ياجميل