مشاهدة النسخة كاملة : صامد في الغربة
كندشة
02-11-2005, 03:40 AM
;)
قريبا ان شاء الله ;)
:) :) :)
ابراهيم
02-11-2005, 10:35 AM
الغالي ..... w4mee
كل عام وانت بخير
شحتفنا والله
نحن منتظرين
aborawan
05-11-2005, 09:07 PM
w4mee
نحن منتظرين
اصلك عاوز تكتب شنو ورينا الفكره يمكن نساعدك ادينا خيط ما كل مره نفتح نلقاهو فاضي
كندشة
07-11-2005, 02:06 AM
ابراهيم
أبوروان
سالي
كل عام وكل الاماني المستحيلة ثصبح حقيقة
وكل عام كل الامور المحزنة يبعد طريفة
وكل الحياة تصبح أمل وكل عام وانتم بخير
واسف جدا على الشحتففة بس قصدي التشويق
بالاضافة الى اني كل مرة بنسى القصيدة في البيت
وللاسف انا ما حافظها
لكن وعد مني حأكتب واتمنى انها تكون على قدر التشويق
وتدوني فيها رايكم بصراحة
ياسالي اشكرك جدا على العرض بتاعك
والمرة الجاية ما حتلقيهو فاضي
بس ما تزهجي مني
انا ما بقدر على زهجكم
بثنفسك.. لحظة زفيرك .. شهقتي
وبتحسسك ... في حتة جواك حقتي
رأيك شنو؟ أكتب عليك:
ممنوع دخولك .. ومرقتي
وأقفل عليك كل السكك !
يا سكتك ... يا سكتي...
وانتظروني قريبا في صامد في الغربة
بثنفسك.. لحظة زفيرك .. شهقتي
وبتخسسك ... في ختة جواك حقتي
رأيك شنو؟ أكتب عليك:
ممنوع دخولك .. ومرقتي
وأقفل عليك كل السكك !
يا سكتك ... يا سكتي...
الله عليك كلام حلو الله وخصوصا اكتب عليك دي
ويلا المره الجايه خت القصيده في جيبك عشان ما تنساها تاني
كندشة
11-11-2005, 11:45 PM
حزنك ساكن في نو ر عينك
وألم الغربة مضوي جبينك
لافرحان
بغربة وطنك
لا زعلان على صبر سنينك
..وجعك
...جرحك
....ألمك
.....تعبك
دمعة عين كاتماها جفونك
دايما في نظراتك بسمة
ونظرة حنينة على شفتينك
وحالك دايما شايل هم
.... لكن ما همك
وتمسح جرح مسربل دم
.... ونازف دمك
ياإنسان يا روعة وقامة
يا مرسوم في جبينك هامة
رغم البرد وقساوة الفرقة
وصوت الخوف وازيز الطلقة
..... والمجهول
ونكهة شوق لريحة الجبنة
تدغدغ في اوتار الغربة
وريحة الضحكة مع الاصحاب
دعاش المطرة الشايلة سراب
... ولمة ونسة
ودقة زول في خشم الباب
...................
وعايشة معاك الدنيا الواعرة
يوم تديك رشفات من فرحة
وباقي سنينك اه وعذاب
.... لكن مصبر
وشايل الذكرى زوادة
ورامي همومك في السجادة
وألمك تحتك خاتي وسادة
وعشمك بكرة....
أكيد الضلمة وراها النور
و اخر السكة فرح وزهور
ونهاية الشارع
أول لفة يمين..
جمب الجامع ...
أول بيت قدامو حديقة
البيت البعدو .. تالت بيت
تدق الباب ..
حتلقى الدنيا هناك راجياك
وفاتحة الحب أحضان
... وتضحك ليك
وتسمع منك قصة صبرك
وتمسح عنك غصة همك
...وتبعد ألمك
وتقول في سرك
.. يا الله...
وتمرق اخر زفرة وجعة
وتطلع من عينيك الدمعة
كندشة
12-11-2005, 12:37 AM
رايك شنو في القصيدة يا سالي
ورايك شنو اكتب عليك ممنوع دخلك ومرقتي
وافتح ليك كل السكك
وكل الود
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir