إستقــــــــــــــــــــالتي...

[sandra]

احبتي واخواني أعضاء منتدى ودمدني.. تحياتي...


أود ان اهنئكم بالعيد المبارك أعاده الله علينا وعليكم بالخير دائما..


وأود ان اودعكم واشكركم على حسن الإستضافه وحسن المعامله والفائده الكبيره التي استفدتها من منتداكم العامر..

ولكن.. كثر الجدل والحديث حول أشياء لا أرى لها أهمية..

لذا .. أود أن اقدم لكم استقالتي وكلي أسف على هذه الخطوة التي أخطوها..

وأعرف كم سأشتاق للمشاركة والبقاء بينكم.. ولكني كنت منذ فترة ققرت عدم المشاركه والإكتفاء بالردود فقط.. أما الآن فمن الافضل أن انسحب من هذا المنتدى الذي كان نافذة رائعة للثقافة والأدب والترفيه..

أحبتي.. طاب لي المقام.. وأود ان اعتذر لاي عضو كنت قد اسأت له أو غلطت عليه..

تحياتي لكم ودمتم..

أختكم دوما..

ســـــــــــــــاندرا...

[So-Br]

السلام عليكم ورحمة الله وبركاته

دي ما طريقة لحل مشكلة حصلت ليكي بأنك تتهربي منها بإستقالتك

المفروض تواجهيها وبعدين وضحي اسبابك عشان نتنقاش ونصل في النهاية لحل يرضي الطرفين


لم نعهدك ضعيفة وبعدين زي ما بيقولوا

طولى بالك لجل عيون تكرم مدينة

وشكرا..............

[sandra]

أشكرك يا أخي.. بس ده ماهرب من الموضوع لاني رديت على الاخت كاتبة الموضوع ووضحت ليها وجهة نظري واتمنى انو الجميع يفهم وجهة نظري..

[saly]

شنو يا حبيبه الزعل

استقالتك مرفوضه مرفوضه مرفوضه

وشرطناها ورميناها بالشباك

يلا بدون نقاش

وانا وضحت وجه نظري تحت في موضوع الي ساندرا والوفي

[اللمسة الساحرة]

اختي وصديقتي ساندرا ...
نعم كثر النقاش والجدال في ما لا فائدة منه ولا ثمرة من ذكره سوى خلق البغض بين الاعضاء،،، ولكني ساندرا ارى انو من واجبي لاني انا الدعيتك للمنتدى انو اقول ليك شي:
انا عارفة رؤيتك لي ناس المنتدى الان اتضحت بعد هذا الرفض لاستقالتك الا ترين ان من وجه لك الانتقادات في هذه المرة ليس من اعضاء المنتدى القدامى فقد اتضح جليا سبب اشتراكهم في المنتدى فالاخت تقول بصريييح العبارة (انا اشتركت في المنتدى عشان ارد على هذه الساندرا الجميلة) فهي ليست من اعضاء المنتدى اصلا ولم تشترك فيه بغرض حبها لي مدينتنا الجميلة او للفائدة،،، فما ذنبنا نحن اعضاء المنتدى الذين احببناك حتى الوله ولا نستطيع تخيل المنتدى بدون ان تزينه كتاباتك الرايعة...
حبيبتي :( كلام بيني وبينك) علشاااااااااااااااااني ماتستقيلي... انا الدعيتك للمنتدى بليييييييز ماتستقيلي...

[shashi]

الاخوة والاخوات الاعزاء كل عام والجميع بخير من العائدين وكل سنة وانتوا جميعا طيبين وبألف خير
نرجع للمقولة المشهورة ( الإختلاف في الرأي لا يفسد للود قضية )
ونحن في مجتمعنا كاخوة في بيت واحد يحصل الاختلاف بكل درجاته ولكن الحمد لله مافي واحد بيستقيل من الاسرة
نحن في المنتدى كذلك اخوة ( فالقلوب جنود مجندة ما تعارف منها إإتلف وما تنافر منها اختلف ) وهذه طبيعة الحياة
( والمؤمن الذي يخالط الناس ويتحمل ازاهم ويصبر خير من المؤمن الذي يعتزل الناس ) في معنى حديث للرسول صلى الله عليه وسلم .. اختي ساندرا بس انتي حساسة شوية ودايما القلوب الحساسة يؤثر فيها الأذى اكثر من القلوب الأخرى
وانا متأكد من انه الاخوات لا يقصدوا انه يضايقوكي لدرجة انك تقدمي استقالتك .. ماذا استفدنا فوجودنا مع بعض قوة لنا ونحن في النهاية اخوة ( اوجد لأخيك الف عذر ) وانا بعتذر بالانابة عن الاخوات فارجو ان يكون اعتذار اخوك مقبول
مع تحياتي لك ولك اعضاء المنتدى
اخوك ابو احمد

[saly]

اها يا ساندرا تاني بكتب ليك عشان اثنيك علي قرارك دي و ياريت تتراجعي عنو

وبعدين انت ليه تهربي من اول موقف ؟؟؟؟؟؟؟؟؟؟؟؟

كدي اصمدي شويه و نحنا كلنا اعضاء المنتدي بدون فرز بنقيف معاك وما عاوزين نخسرك


فبليز كدي ردي رد يفرحنا

[yara]

الأخت العزيزة ساندرا ..
رجاء تراجعي عن استقالتك ..
فهناك عشرات المواضيع تنتظرك لتلطيشها ..
وهناك عشرات المصفقين والمطبلين الذين لا يردعون الظالم بل يشجعونه ..
رجاء .. اسحبي استقالتك ..
حرصا على ذبح الأمانة ..
وقتل الصدق ..
وإخفاء الحقيقة ..
وإهدار حقوق الآخرين ..
لا تستقيلي يا عزيزتي ..
فكلمة " نسيت " تداوي أي اشكالية ..
وكلمة " بسيطة " تداري أي سرقة ..
وكلمة " معلهش " تطمس أي شمس ..
لا تستقيلي ..
فشجرة الكذب لم تكتمل بعد ..
ولوحة النشل لا زالت في بدايتها ..
وعشرات المواسير تنتظر عشرات اللصوص لينقضوا على عرق الآخرين وأقلام الآخرين ..
وها هي قرينتك تعترف بسطوها على عشرات الموضوعات دون الإشارة إلى صاحبها ..
ما أغربك يا عالم الأنترنت .. اللصوص يعترفون ..
ولا أحد يحاسبهم ..

[الوفي]

بسم الله الرحمن الرحيم
السلام عليكم يا عباد الله الذين اصحت الدنيا كل همكم
اصبحت المشاكل هدفكم اصبحت ا :mad: لدنيا ضيقه عليكم لدرجه التقصير في حق اخ ليكم
اول انا حرد رد ما يقدر زول يمنعني ليهو ابدا وكلي احترام لشخصكم الطيب
اولا
الأخوات الذين نبشو اختي وصديقتي ساندرا اشــــــــــــكركم جزيل الشكر لانكم عرفتو كيف تعالجو الموضوع بدل ما تصلحوه خربتوه نعم خربتوه بمقصد منكم انكم عاوزين الصــــــــــــــــــــــــــراحه :mad: وعاوزين عدم الخش وعاوزين انو الناس تظل حقوقهم محفوظه وده شي انا ما امنعكم عليه ولكن ما بالطريقه دي
انتم نبشتم شخصيه فريده موجوده بينا شخصيه بنحترمها جدا وهي ساندرا
انا عاوز اقوليكم شي يا شابات

ساندرا ما غلطانه في شي ابدا وحتى لو كونها نست انا اظــــــــــل اشكرها لانو من غيرها ما حكون قريت الموضوع اصلا لو ما اهتمامها انو نحنا كلنا نستفيد ما كان كتبت او نقلت وانا متاكد انو ساندرا ما تستاهل تلك المعامله الي انتو عاملتوها بيها ولو كنتم عاوزين توضحو نقطه وضحوها بطريقه جميله طريقه يستفيد منها الناس كلهم يعني تعالو هنا انتو هسي في واحده منكم ناقله كلام ونزلتو هنا وعامله روحها بتوبخ فينا نحنا وبتورينا انو السرقه حرام وانو حقوق الحفظ وماعارف شنو يا اخوانا نحنا اكبر من كدى :D
وكان ترضو ولا تابو انا ما برضى في ساندرا الكلام ده عارفين ليه لانها انسانه ما شفنا منها سوى الخير
انسانه ما شفنا منها سوى ا :eek: لمحبه والتفهم والفايده التي تعم على الجميع
نقلت ما نقلت كتبت ما كتبت ان شاء الله شنو انا البهمني منو الوصلني للفايده منو الأبدع في اختيار الموضوع عشان يوصلي لي ولأخواني
ونحنا هنا دايما كنا حريصين على انو مواضيعنا حتى لو منقوله بنذكر الشي ده واذا ما ذكرناهو في زول بنبهنا ولكن ما بالطريقه البايخه دي
عموما في نهايه حديثي بشكركم على اسلوبكم الجميل الذي انا متاكد انو جرح ناس كتير اكتر من ساندرا وانا اولهم
اما ثانيا

عزيزتي ساندرا :)
ارجــــــــــــــــــوك ولأول مره اترجاء ان تبقى هنا معنا لك حبي واحترامي
ساندرا ان كان في خاطرك شي جميل قدرنا نزرعو فيك عشانو وتقديرا ليهو ابقى معنا واسحبي استقالتك لاني انا اول زول رافضها عشان الموقف ده وما بهمني لانك في النهايه تاج راس مهما قالو ومهما حصل

اخووووووووووو :o ووووووووووووووووكم الوفي
العابر الوفي
قال ابكي بس قال

[ودأبكرش]

استقالتك مرفوضه مرفوضه مرفوضه

ما عهدنا اعضاء منتدانا ضعيفين لهذه الدرجة

هذه احدى فوائد المنتدى المواجهه في ابسط المواقف

[اللمسة الساحرة]

الى الغالية يارا:
التحية لك فقد ابهرتينا بروعة تعبيرك وبراعتك في ربط الكلمات وحبك الجمل لكنني اختي ارى ان من واجبي ان انصحكي حتى لاتضيع مثل هذه الفموهبة الابداعية في الكتابة سدى فانتي اختي ينقصك ادراك جوهر الامور قبل الحكم عليها بالظاهر فقط فيا حبذا لو امتزجت قدرتك الرائعة على الكتابة مع الفهم المتفتح والادراك الثاقب ... لا يااختي انا لم اقل هذا الكلام من فراغ انتي في البداية استخدمي مهاراتك الكتابية في الاساءة لي ولساندرا بدون اي وجه حق الا ترين عزيزتي انك في البداية القيتي على ساندرا تهمة السارقة الظالمة دون دراية او علم بما زينت به ساندرا هذا المنتدى من مواضيع منها ماهو لها ومنها المنقول وكانت لاتغفل عن تذيييل اخر مثل هذه المواضيع بكلمة منقول ،،، ثم تجرأتي علي وقلتي باني اايد السرقة الانترنتية هذا مااشرت اليه في اول كلامي بانك تكتبين بلا دراية او علم كتبتي عن ساندرا ولم تقراي مواضيعا ثم كتبتي عني ول متقراي ردي او انك قرأته ولم تفهمي معناه ،،،،، في النهاية ارجو لك اختي التوفيق فانتي عملة نادرة من فتيات النت ذوات الابداع الكتابي فياليت تكون كتاباتك في الفائدة...
واتمنى اشوف قريب واحد من مواضيعك في المنتدى وعايز ة اقوليكي زي ماقلت لي فاتن" اختلاف الرأي لايفسد للود قضية"
وانا ايضا _ مع نعتك لي بكل ماقلت_ اكن لك كل الود والاحترام واتمنى ان يزين احد مواضيعك منتدانا عما قريييييييييب


مع تحياتي:
اختك :اللمســـــــــــــــــــــــ روان ـــــة الساحرة


وانا بترجاكي ساندرا للمرة التانية انك تتراجعي عشاني ياساندرا بلييييييز.

[خالد هاشم علي]

احبتي ...
كل سنة وانتو طيبين....
ده كلام شنو ده؟؟؟؟ ليه التراشق والتجريح؟؟؟كل المني ان نبتعد عن المهاترات وان نلتفت لما يفيد اهل المنتدي وان ننتقد الغير باسلوب راقي دون اساءات حتي تعم الفائدة...

اللمسة الساحرة.... لك التحية علي فهمك الرائع...
ساندرا... اختلاف الراي لا يفسد للود قضية وتقبلي النقد حتي لو جرحك وتعودي ان تثبتي وجودك بكتاباتك ومواضيعك الجادة... والمنتدي ملك للجميع وبيت للجميع.
يارا... انا مافاهم حاجة.... وسوف اراسلك لافهم منك الموضوع حتي يتسني لي الرد... مع امنياتي ان تخففي من هذة اللهجة مهما كانت الاسباب والمسببات فنحن وانتم والجميع في هذا المنتدي ( أخوة) يضمنا كيان واحد. واذا عندك نقد او تعقيب علي اي شي فياريت يكون بصورة اجمل من كده...

ختاما احبتي كل سنة وانتوا طيبين ويلا افتحوا صفحة جديدة بيضاء بمناسبة العيد وهذا مايسرنا ويدخل البهجة في نفوسنا...ولندع مالا يفيد الي مايفيد

أخوكم الكبير...
ابوهاشم...
إنابة عن اسرة الإشراف

[yara]

الموضوع ينتهي تماما إذا اعترفت الزميلة بأنها لطشت الموضوع لتكسب الاعجاب والتصفيق ..
والزميلة فاتن عندما أثارت القضية تكلمت بكل عقلانية ..
ولكن " ريا وسكينة " كابرتا وأخذتهما العزة بالإثم ورفضتا الاعتراف باللطش والهبش .. بل وتريدان حجب اشعة الشمس وإقناعنا بأن كتابة المواضيع دون الإشارة إلى مصدرها إنما هو نصب مشروع ولصوصية مباحة في عالم النت ..
عشر سنوات مع المنتديات أول مرة أسمع فيها أن نقل الموضوعات وإبداعات الآخرين مباح دون الاشارة إلى أصحابها ..
يا سيدتي .. إذا لم تعرفي كاتب الموضوع على الأقل اكتبي : منقول ، ملطوش ، مسروق ، ملهوف ، مهبوش ، أي كلمة تدل على أنه ليس من نسيج عبقريتك وحياكة قريحتك ..
استقالة ..!!
إنه الهروب من الحقيقة ..
والهروب من فضيلة الاعتراف بالخطأ ..
ولله في خلقه شؤون ..

[sandra]

يارا.. (( وادع إلى سبيل ربك بالحكمة والموعظة الحسنه وجادلهم بالتي هي أحسن... الآيه))

دي الايه إذا عايزه تنصحي زول غلطان.. وأنا ما غلطانه ياستي..

ثم.. مين أصلا الي طلب منك رأيك أو سألك عنو.. انا وضحت وجهة نظري وفهموها ناس المنتدى "الناس الراقيه على حد تعبير فاتن"..


ثم ده شنو الأسلوب الي بتتكلمي بيه ده.. إتعلمتيه وين؟؟ ده حصاد العشر سنين في النت؟؟ خسارة الفواتير والله!!

بصراحه ماكنت أود إني أرد عليكي بالأسلوب ده بس لقيتو بيشبهك..

وعذرا للقراء..

ســـــــــاندرا,,

[اللمسة الساحرة]

انا في البداية افتكرت انك انسانة عاقلة لكن بعد القلتيهو " ريا وسكينة" اتضح لي العكس تماما عشان كدة ماحارد عليك وبقول ساندرا :
" دعي الكلاب تنبح والقافلة تسير"

[yara]

كان من الصعوبة أن نترك الكلاب تنبح ..
لأنها كلاب ضالة ..
ولا يوجد قافلة إلا من اللصوص الذين يريدون اقناعنا أن اللصوصية حلال والنشل جائز ..

[saly]

ههههههههههههههههههههه والله العظيم كلام عجيب يضحك بس

مع اني كان قررت عدم الرد في المهاترات والكلام التافه الما بيستحق اردو عليهو وما بيستاهل اصلا الواحد يقراهو

فبرد عشان بس اعتزر بالنيابه عن اعضاء منتدي ودمدني

للاخت ساندرا
والاخت اللمسه الساحره

عن اي كلام بدر في حقهم و لمس شخصياتكم ويا حبايب العارف نفسو وعزو مستريح وبعدين احنا زاتنا بنعرف ما بنتغشه و بنعرف اذا الموضوع كتبتوه انتم ولا لا وردنا ليكم دائما عن جوده اختياركم للموضوع بغض النظر عن الكاتبو منو

وبعدين يا يارا ارد ليك علي كلامك فوق ( ما تشوفيني كده ما بستحمل زول يغلط فيني حتي ولو بحرف )

(وها هي قرينتك تعترف بسطوها على عشرات الموضوعات دون الإشارة إلى صاحبها ..ما أغربك يا عالم الأنترنت .. اللصوص يعترفون ..ولا أحد يحاسبهم .)

طبعا قاصداني انا عددددددددددددددددددديل لاني اشرت اني بنقل مواضيع واها عشان ازيد الطينه بله انا كلمه منقول دي بالتحديد بمسحها حتي اذا اتنقلت مع الموضوع . وده اعتراف صريح يالحبيبه وما دسيت اني بنقلها لان الواضيع عجبتني و نقلتها عشان البقيه يستفيدو منها و صدقيني ما حيجي اليوم الحتلقي اني كاتبه منقول ( بس ما عاوزه اكتر )
وبعدين منو البحاسبنا انت ولا صاحبتك ولا منو هوووووووووووووووووووووووووي فتحي عينيك و ختي مخك ده في راسك عشان تعرفي خلاصك . انا ما يحاسبني الا رب العباد لاني ما بعمل في غلط . وكان صاحب الموضوع النقلتو ظهر واعترض ده يبقي كلام تاني




وعارفين بتزكروني بمنو بقارئ الشخصيات

[الوفي]

عجيــــــــــــــــــــــــــــــــــــــب والله عجيـــــــــــــــــــــــــــــب
الرجاء من الأخــــــــــــــــــــــــــوات والأخوه الواقفين في الصف زي الضهب ديل الرجوع في حق من غلطنا عليهم
ونسيان الموضوع على الأقل اكراما لباقي الأعضاء الذين نحترمهم ونكن لهم الحب


شمار<<<>>>>>>>>>>>>>>>>>>>>>>>>>>>>>>>>( )

[اللمسة الساحرة]

اخواتي يارا وفاتن :
انا اعتذر ليكم _ مع اني ما اعتقد انو بدر مني اي شي_ رغم تطاولكم علينا فياريت تقبلو اعتذاري واعتذار ساندرا " طبعا انا بعتذر بالنيابة عنها" انتو اعضاء جدد ولاشك ان حبكم لي ود مدني هة الي جابكم المنتدى ...
كلنا يجمعنا الحب لها فلماذا لا نتصافى ونكون عباد الله اخوانا ؟
اخواتي ارجوك اقبلو اعتذاري خصوصا اني مسافرة وماعايزة امشي وفي خاطر انسان اي شي تجاهي...
ودمتم،،،

[مزوني]

بعد التحيه والسلام
الأخت ساندر انتي والله العظيم أكبر من حتت انو تفارقي المنتدى
هو صحيح أنا معاك انو دي الحمله التانيه اللي بتتشنه عليك
لكن أبدا ما عهدتك كدا انتي اختنا وبنتنا وما حنخليك تفارقينا بي الساهل وزي ما قالت ليك سالي
العارف عز نفسو مستريح وبعدين وانت أكبر من انك تفارقي المنتدى عشان حبة مهاترات وكلامات
ومن منو ناس جات الليله ولا امبارح والقدام اللي هم يهموك هم عارفينك انتي شنو وكتاباتك شنو ولا شنو؟؟؟
عشان كدا يا أختي استهدي بالله وارجعي من كلامك وانشاءالله حتكوني زي ما كنتي وأحسن كمان
وبعديم للأخوات أو بالأصح الأخت يارا انا شايفك جايه واقعه بي تقلك منن البدايه
وبعدين يا بنت الحلال انت عضوه جديده ودي لفته ما حلوه منك لو انك مفتكره انك تلفتي بيها النظر
اها والناس كلها بقت شانه عليك وانا واحد من الناس زعلتني ردودك جدا جدا يعني كان حيحصل ليك شنو
لو رسلت ليها من البدايه في الخاص مثلا كان حتحترمك وتقدرك وتكسبي ليك اخت وصديقه لأان ما كل الناس تقبل الصراحه وبالذات في العلن واحنا في النهايه بشر والناس كلها معرضه للغلط والنسيان وبعديم زي ما قالت سالي
المواضيع المنقوله ظااااااااااااااهره أكتر من الشمس وفي النهايه احنا بتهمنا الفايده أكتر من الأسم
والتانيه فاتن الله يسامحها ويهديها جات عملت زعزعه في المنتدى وشعللت النار ومشت وانتي كدا يا ساندر بتدي فرصه لي عدوك انهم يشمتو فيك وانا والله متأكد انك اقوى من كدا بي كتير وعلى العموم معليش للاطاله
وأتمنى أسمع عنك كل الخير يا غاليه
أخوكم دايما وأبدا :-
مازن

[yara]

وجهت دعوة لكاتب الموضوع الأصلي الأستاذ سمير مرتضى للمشاركة برأيه في مسأله السطو على نصه " قال : هيا اركبي قالت : كم ستدفع " ..
وحسب كلامه فقد سجل في المنتدى منذ عدة أيام ولكن لم يصله حتى الآن ما يفيد بالموافقة على عضويته ..؟؟!!
وقد بعث لي برسالة طلب نشرها هنا .. وهي كالتالي :

" إلى وقت قريب كنت أطارد من يسطو على كتاباتي .. الآن بات مستحيلا أن أفعل هذا .. وخاصة مع نص " قال هيا اركبي " لأنه انتشر في أكثر من ( 500 ) منتدى .. فهل سأطارد خمسمائة شخصا مطالبا بحقي الأدبي ..؟

http://www.arabia.msn.com/netmsn/se...%af%d9%81%d8%b9


لهذا أقول إن ديننا الإسلامي الحنيف يحث على الأمانة .. وذكر اسم الكاتب الأصلي لأي موضوع أو على الأقل الإشارة إلى أنه " منقول " يأتي من باب " الأمانة " وخلاف ذلك هو من باب الخيانة ..وهي صفة من صفات المنافقين والعياذ بالله ..
وإنني التمس العذر لكل من " نسي " الإشارة إلى أنه منقول وأقر بذلك ..
ولكن ماذا نفعل مع من يكابر ويجادل وينسب الموضوع لنفسه ..
وعندي كلمة لإدارة المنتدى :
جميع المنتديات تضع شروطا للإنتساب من بينها الإشارة إلى أي موضوع منقول بأنه " منقول " بل وبعضها يطالب بإسم الكاتب لتعم الفائدة ..
إنها مسألة حفظ حقوق أدبية ..والمنتدى الذي يقف متفرجا على سرقات تتم جهارا نهارا بين أروقته لا يستحق الكتابة فيه .. ولا حتى الخوض في نقاش ومجادلة على صفحاته ..
ومن المؤسف أن بعض المنتديات يهمها المحافظة على " العضو " قبل أن تحافظ على الأمانة وهذا تشجيع مبطن على السطو والسرقة .. بدلا من تشجيعه على أن يحاول الكتابة بقلمه وموهبته ومشاعره ..
شكرا لمن وجه لي الدعوة .. وشكرا لكل من قال كلمة حق أراد بها وجه الله تعالى ..

[بابكر]

ياناس وحدوا الله وباركوها00 الحكايات دى دخيله على المنتدى ومافى داعى للحاجات دى

[اميمه عشريه]

السلام عليكم ,, يا اقلام يا واعده لدينا الكثير لنكتب عنه وفيه ولدينا من الموضوعات ايضا التي يفيض عن قدرتنا لذلك ان كان ولا بد وان كانت هناك طاقات ابداعيه لا بد من تفجيرها لماذا لا تكون في وجهها الصحيح وبطريقه مثلي بدل ان نعطي انطباع اننا جئنا هنا ( لنردح ) وبشكل سطحي ونتجني ونتظلم ونهاتر دعونا اكبر من كل تلك السفاسف ولنترفع بانفسنا الى سماء ادبي جميل مشرق يليق ببنت السودان وبعقليه ابت الا ان تخرج الي النور وتثبت زاتها ارجوكم دعونا نثمر كفايه علينا نييييييييييم

[ودأبكرش]

هههههههههههههههههههههههههههههههههههههههههههههههههه هههههههههههههه
هههههههههههههههههههههههههههههههههههههههههههههههههه هههه
ههههههههههههههههههههههههههههههههههههههه
ههههههههههههههههههههههههههههه
هههههههههههههههههه
هههههههههههه
ههههههه
هههه
هه
ه

[sandra]

والله يا ود ابكرش ضحكتك دي مافهمنا منها أي حاجه...

بس على العموم الحمدلله الموضوع ده اتخطيناه ونسيناه ولاإستقاله سحبناها..

ولكم تحياتي..

ســــــــاندرا..

[اللمسة الساحرة]

كلى ثقة ياساندرا في رزانة تفكيرك اكيد انتي قيمتي الموضوع بعقلانية ولقيتي انو مابستاهل الانسحاب
اهنيكي على قرارك ...
وكوني كما عهدتك قوية عند المحن وواصلي ابداعك ربنا يوفقكك

[حسن على]

حمدله علي السلامه الاخت ساندرا

[sandra]

مشكورين جميعا يا إخواني على وقفتكم الرائعه..

مشكوره يا اللمسه الساحره...

مشكور جدا اخوي حسن علي..

وتحياتي لجميع الأعضاء..

[madaniboy]

الاخت ساندرا هناك الكثيرين المعجبين بك وبي مواضيعك فلاجل خاطرهموخاطر المنتدى ارجعي للمنتدى وبدون اي تردد
اخووك حماده
فاقد حنان

[دموع القمر]

اولا السلام عليكم وكل سنة وانتم طيبين رغم تنها جت متاخرة بس لاني طولت من المنتدي عموما لفت نظري في الموضوع دا اول مافتحت المنتدي العنوان وهو استقالتي بصراحة اثار فضولي عشان اقراة واكتشفت بعد ماقريت الكلام والردود من الزملاء انة موضوع قام منلاشي يعني ممكن تكون االاخت ساندرا غلطت وماذكرت اسم كاتب النص الحقيقي بس دا يعني ماسبب كافي لنعتها بالسارقة والعديد من العبارات الي اتقالت يعني جل من لايسهو وماجريمة عظيمة وبعدين نحن في المنتدي بنكتب المواضيع الي عجبتنا بغرض مشاركة اعجابها مع الجميع بس برضو يااخت ساندرا كان ممكن تنهي الموضوع بعبارة اسفة وخلاص ينتهي الموضوع انا عارفة انو اكيد العبارات الي اتقالت استفزتك وخلتك تطولي في الموضوع وتستقيلي بس معليش(والكاظمين الغيظ والعافين عن الناس),اما بالنسبة للاخت يارا يعنيك كان ممكن ترسلس لساندرا علي ايميلها الشخصي رسالة تقولي لها فيهو كل الي عايزاة وتكتبي موضوع في المنتدي عن النقل الادبي بدون الاشارة الي كاتب النص الاصلي وتنتقدي الموضوع بشكل عام ,وبعدين حتي لوكنتي ناوية تردي علي ساندرا كان ممكن بدون تجريح واساءة وعبارة(ريا وسكينة)الي قلتيها.ياجماعة احنا داخلين المنتدي ههنا عشان نتعرف علي بعض ونستفيد ويكون بالنسبة ليناالواحة الظليلة الي بنستظل بيها من حر وجفاف غربتنا مش عشان المهاترات والتجريح والنقاش العقيم.............زللجميع تحياتي