المساعد الشخصي الرقمي

مشاهدة النسخة كاملة : بحبك جد



كندشة
07-11-2005, 02:20 AM
بحبك جد
برغم الحاجز الممتد
ورغم الخوف من المجهول
وغصبا عن قساوة السد

بحبك ما عشان فيك الجمال اية
ولا حبا عشان عينيك ضواية
بحبك سر سكن أعماقي جوايا
وملك احساسي فات الحد
لقيتك فجأة دون ميعاد
و بيك عرفتا معنى الفرحة والاعياد
وقي قلبي الحنين يزداد
وفي كل يوم غلاوتك عندي تتجدد
لأنك أغلى من الماس
و مثلك ما في بين الناس
وفيك الروعة ما بتنقاس
وعشقك فيني بتمدد

كندشة
07-11-2005, 02:27 AM
تحياتي مفدما لاول من يزور هذا الموضوع
وهذه الأبيات كتبها في الانسانة الوحيدة التي احببتها
وهي من زهرات مدني
وهي سبب حبي لمدينة مدني
لكن ابى النصيب ان يجمعنا سويا
فزواجها من شخص غيري
سوف يكون غدا سادس ايام عيد الفطر
ادعو لي بالصبر
وغنو معي في الليلة ديك لا هان عليا
ارضى واسامح ولا هان علي اعتب عليك

كندشة
11-11-2005, 11:52 PM
الحاص شنو ما في أي مواساة
كل الدنيا بقت قاسية علي؟
مكتوب علي احزن براي

saly
12-11-2005, 01:58 AM
لا والله ياددددددددددددوب شفت المشاركه دي

بس جد ابيات حلوه وتدل علي انسان رقيق حساس

يا سيدي الله يعينك و القسمه ما معروفه وما عندك نصيب معاها و لخير ما تحزن

واسفين علي تاخير الرد

اميمه عشريه
12-11-2005, 03:49 PM
ما تشيل هم بكره الليالي تنسيك افرح ليها وادعي ربنا يوفقها وعشان قلبك الطيب تلاقي نصيبك يوم باذن الله ما تحزن

شبندر
12-11-2005, 10:02 PM
عارفنه حبيبي .. إسماعيل حسن

عارفنه حبيبي عارفني بحبه
ده حرام عليكم تقيفه في دربه
حارمني ليه ليه والله بحبه
وين درب السعادة يا الباكيين لحالي
دلوني عليها أنا ساهر الليالي
حتى لو بعمري لو بالروح ومالي
ما شايفين حبيبي يحرق في شبابه
ده حرام عليكم عافين حبي ليه
شايفنو بريدني والشوق في عينيه
ليل الوحدة قاسي وانا خايف عليه
يوم تتخلو عنه ياما تقولو فيه
يا الناسين ضميركم وما خايفين عذابه
يوم الحق هناك يوم واقفين في بابه
يوم يسألكم الله ياالناسيين حسابه
حارمني ليه ليه والله بحبه

salah
13-11-2005, 10:20 AM
متي وكيف تستعيد حبيبتك في الذاكرة ساجيبك انا لاحقا؟ ولكن كن محبا.
من ذا يعيرك عينه تبكي بها
ارايت عينا للبكاء تعار

Mr Lonely
15-11-2005, 02:36 AM
لا والله ياددددددددددددوب شفت المشاركه دي

بس جد ابيات حلوه وتدل علي انسان رقيق حساس

يا سيدي الله يعينك و القسمه ما معروفه وما عندك نصيب معاها و لخير ما تحزن

واسفين علي تاخير الرد


كلمات جميله ورائعه منك
وزي ما قالت اخت سالي القسمه ما معرفوفه
ولخير يا مان


Mr Lonely

aborawan
18-11-2005, 03:44 AM
فى الليلة ديك.. والناس تشارك فرحتك..حسيت بأنى غريب هناك وغريبة انتى فى دنيتك..حسيت معانى الفرقة حسيت بالوجود شايل سواد من حنتك..شفت الدموع خلف الرموش..مكبوتة بى حسرة وضياع ..مقرونه بى نظرة وداع جابه القدر فى سكتك..

عش حياتك ولا تدع مجالاً لليأس بالدخول في حياتك ولا تدع الذكرى تنغص عليك عيشك

كن مبتسماً وتفائل ادعو للمحبوبة بالتوفيق في زواجها

تحياتي

الشريف الهندي
20-11-2005, 10:40 PM
الدايم الله
وماتشيل هم أبدا كل انسان في الدنيا بيأخذ نصيبه وانت من تملك كل المشاعر الجياشه والحساسه والرقيقه التي صاغت تلك الكلمات الرائعه لمن احببت في حياتك تلك النجمه التي اتمنى ان يكون قد أفل ضيائها في سمائك ولا تيأس ابدا وانظر الى الامام
فذفرة المحب حين تولد لا تعرف الماكان لا ولا الزمان
فانها ارادة تحطم الجبال
واتمنى لك ان تولد في دواخلك تلك الذفرات فتحب من جديد وتحطم بها وتقطع بها حبال امتدت من المشاعر نحو محبوبه كانت في الماضي ليست من نصيبك
اخوك الشريف الهندي
الذي مضى عليه الزمن والايام كما مضت عليك ياعزيزي الغالي

كندشة
21-11-2005, 02:06 AM
سالي
اميمة
شبندر
صلاح
مستر لونلي
ابوروان
الشريف الهندي
كل الشكر وعاطر التحايا
مع امنياتي بدوام التواصل

مصباحيه
04-12-2005, 02:26 AM
الله يصبرك لكن ما عارفه موش يمكن لخير فى بعض الامور نحن فى البدايه بنحزن عليها شديد ونقول ياريت لو ما حصلت بالشكل ده ولكن بمرور الايام نلقى نفسنا غلطانيين ويكون القدر الحرمنا هو اللريحنا اسال الله يديك احسن وتلتقى بالنسابه البفهموا ريدك ويقدروك طبعا ردى متاخر جدا معليش والله ياداب قريتها

انت يالابيض ضميرك صافى زى قلب الرضيع

خلى قلبك ابيض وانشا الله حياتك كلها بياض

سوباوي
04-12-2005, 02:48 AM
العزيز w4mee

على لساني أقول لك جبر الله كسركم ..

وعلى لسان عثمان بشرى أقو لك

الآن لا أبكي

ولكني أحدد قدرتي في الاتساع

على مدى عينينك ...

ورب طريقة أخرى

تحملني الأمانة وفق إيماني بها

وفظاعتي في العشق ...

تحياتي يا رجل وأبقى راكز ...

waheeb
04-12-2005, 09:23 PM
عزيزي ان شاء الله ربنا يسعدها ويديك بت الحلال .. تأكد ان كل شي مسطر والانسانه المربوط مصيرك بيها أكيد موجوده,, امسح الهم بالفرح ولا تدع الاحساس بمراره الفرقه ينسيك طعم الفرح.. اكيد الغد اكثر اشراقا فقط كن متفاءل ...

كندشة
20-12-2005, 09:14 AM
نهلة سوباوي وهيب
خالص الشكر والتقدير

دراكولا
20-12-2005, 10:10 AM
اتعلمنا من ريدة نحب الدنيا ونريدة
ونرحل في عيون الناس نشيل لكل زول ريدة
لما لقينا عينيها لقينا الدنيا وافراحا
للامال فتحنا دروب للاحلام كم ساحة
غريبة الدنيا جمعتنا وبقولوا عليها رواحا
وجانا الريد يعلمنا
نعيش الدنيا بالاحساس
نسامح بقليب طيب
نشيل الريد لكل الناس
عرفنا الريدة في الطيبة
وحلاوة الريدة في الاخلاص
ياريت كل زول تايه يلاقي الريدة في دربوا
عشان الناس تحب الناس وزي عينينا يتحبوا
ما اصلوا البزوروا الريد حب الناس بزور قلبوا


حبك كان صادق وطاهر ومعبر وجاءت كلماتك من داخل اعماقك تعبر عن قوة الحب عندك
وطالما زارك الريد حبك ليها حيدوم وكمان حب الناس بزور قلبك
اتمنا ليها الخير والبركة والسعادة وعشان انت نبيل وطاهر وصادق في مشاعرك
ربنا سوف يهديك اميرة ملاك قمر اربعتاشر اللهم امين

114
27-12-2005, 06:25 AM
النفس ما حملتها تتحمل وللدهر أيام تجور وتعدل
وعاقبة الصبر الجميل جميلة وأفضل أخلاق الأنام التجمل


وقد قلتها في توقيعك.. وهذا يكفي تعليقاً على محنتك

والقصيدة أكثر من رائعة، وتنم عن موهبة عملاقة، وقد صاغتها المحنة وصقلتها فأصبحت كالذهب المجمر

وأقدم اعتذاري لعدم الدخول مبكراً، ولكني أشاركك مصابك الجلل، وأتمنى لك السلوان عاجلاً
وأقول لك كما قال الشريف:
اخوك الشريف الهندي
الذي مضى عليه الزمن والايام كما مضت عليك ياعزيزي الغالي فأخوكم ذاق الذي ذقتما:

اشتدت العواصف الهوجاء تقتلع كل شئ؛ أعجاز النخل، شجيرات الكتر، أعمدة مصابيح الكهرباء، ما تبقى من أعمدة الهاتف، الورد والياسمين والقرنفل والليلاك، الصبر والصبار والأراك، والحب والغزل وورثة بني عذرة. وطار الحمام والقمري والأوز البري والعصافير الملونة وطير الجنة وهاجر لما وراء القارة، وحلقت في السماء أسراب الغربان والجوارح والبوم والعقاب والذباب. <?xml:namespace prefix = o ns = "urn:schemas-microsoft-com:office:office" /><o:p></o:p>

<o:p> </o:p>

114
27-12-2005, 06:27 AM
ثم :

- لم يبق في أجسادنا شبر إلا وفيه طعنة رمح او ضربة سيف ، لماذا لا نرفع الراية البيضاء؟

قالت هي، أما أنا فلم اقل شيئا، إذ كان لساني أيضا مجروحا، كما هو حال قلبي وكبدي وعضدي.

لم نستطع أن نطاطئ رأسينا للريح، لأن رؤوسنا خلقت هكذا مرفوعة، لذا دخلت السفاية عيوننا، وملأت الكتاحة أنوفنا، وخنقتنا العبره، فماتت الأحلام والآمال والحاضر والمستقبل، وماتت الأحاسيس والمشاعر والقلوب.. وحطم زلزال (مسّينا) تمثال افروديت…

114
27-12-2005, 06:35 AM
وأخيراً:

لقد مات الرمز ، وجرف الطوفان الحطام، وقهقه الشيطان لانتصاره، وهتف أعوانه له، وانتحب العشاق في أقاصي الأرض، وساد الكون ظلام دامس، ولم تعد تشرق الشمس.
؟
؟
ومرت سنة كبيسة
وأخرى حبيسة
ثم مر عقد ثقيل
فدهر طويل

وحين احتفل العالم بليلة الألفية الثالثة، ظهرت في سمائي نجيمات بعيدة،

ثم طلعت نجمة الصباح،
وأخيراً .. لاح ضوء الفجر ..

هذه مقتطفات من قصتي "Aphrodite" المنشورة في جريدة الخرطوم، وفي كتابي: (حكاية الزول الأكل اضنينو) والمنشور في منتديات ودمدني وغيرها من المنتديات.. أرجو أن تكون بلسماً شافياً لقلبك الجريح ولكل قلب جريح..

وأحيي فيك تلك الروح الرياضية، فأنت (ملدوغ) من مدني، مع ذلك تحس بالحب تجاه تلك المدينة، وتدخل في منتدياتها وتشارك فيها.. التحية لك ولكل محب لهذه المدينة العملاقة

التيمان
28-12-2005, 02:15 PM
مديت يمينى بلا كلام وماقدرته قدامك اقيف

وفضلت حابس ادموعى فى الليله ديك

فى الليله ديك والناس تشارك فرحتى

حسيت انى غريب هناك وانت غريبه فى دنيتك

حسيت معانى الفرقه حسيت بالوجود ماياه الظلا من حنتك

شفت الدموع خلف الرموش مكبوته بيه حسره وضياع

ورعشه الكف الخضيع مقرونه بيه نظره وداع جابو القدر فى سكتك

فى الليله ديك


فى الليله ديك


ولا فى الليله جداده
خيره فى غيره

bakri
31-12-2005, 11:42 PM
اشتقت ليك و
كتبت ليك قدر
المسافه البينا
والشوق والحنين
اشتقت ليك .......
راجى القدر اجمعنى
بيك يطوى المسافات
والسنين اشتقت ليك
عايش على امل اللقاء
بعد الشقاء فى دنيا
مابتعرف تلين

ياولدنا ماتشيل هم انشاء الله لخيييييير

sambaaa
04-01-2006, 02:53 AM
احبك و لكن المسافة بعيدة جدا..
أحبك و العين مشتاقة لرؤياك..
أحبك والقلب ينبض لفراقك..
أحبك و همساتك تخترق أذني ..
أحبك و ذكراك في عقلي..
أحبك ويدك تلامس يدي ..
أحبك عندما التقت عيني بعينك..
أحبك و الغيرة عليك تقتلني ..
أحبك و نبضات قلبك عند قلبي..
أحبك يا من اعطاني الحب كله ..
أحبك يا سر سروري و بهجتي..
أحبك و القلب يسكن لقربك..
أحبك أرددها ألف مرة..
فمهما طالت المسافات ..
فالقلبان قريبان جدا ..
أحبك و سابقى أردد أحبك أحبك..

كندشة
01-02-2006, 07:26 AM
اخجلتني تعليقاتكم
واسعدتني مشاركاتاكم
وافرحني للغاية حسن اهتمامكم
لكم جميعا خالص الشكر
واعجز عن التعبير لابين لكم مقدار الطمأنينة
التي وهبتها لي كلماتكم
وادام الله التواصل بيننا
الأخ 114 قبل ان ان تخبرني فانا قد قمت مسبقا بزيارة
موقعك
واعجبتني جدا كتاباتك
واتمنى ان يستمر بيننا التواصل
لاستفيد من خبرتك الثرة وكلماتك الرائعة
و شكرا جميلا كمثل جمالكم