بالضرا ياأبشرا ..ان شاء الله راجل مرة يا اب شرا»

[saly]

أغاني البنات دائما ما تحمل في مضمونها الواقع النفسي للفتاة وهي الطريقة الوحيدة التي تستطيع بها التعبير عن مشاعرها المكتومة... «جاياك يا اب شرا ... جايه افتو معاك يااب شرا» احدى تلك الاغاني التي حملت في داخلها العديد من المواضيع التي تمس الفتاة السودانية تقول الاغنية «جيبو لي بالعروق يا اب شرا» هل يمكن ان تستخدم فتاة اليوم «الفقرا» في جلب العريس..؟ وتقول «بالضرا ياأبشرا ..ان شاء الله راجل مرة يا اب شرا» ...؟ وقد توافق البنت بمن هو في سن والدها وقد تذهب الى ابعد من ذلك في طلباتها من «اب شرا» ان شاء الله راجل اختي يا اب شرا ...
وبرضو بتقول في الاغنيه لمتين بايره لي سنتين..مغص يا مغص يا لعزابه

ولو رجعنا شويه قبل جية أبو شرا بتلقى المغترب وتاجر الغرب.

[صالح ابوشوارب]

الاخت سالي

لك شكرى لتناولك هذا الموضوع ولكني سوف اتناوله

من زاوية اخرى

السؤال هو : ــ هل تعبير الفتاة لمشاعرها المكتومة

هو التصريح علنا الشرك بالله أو الجمع بين الأختين او اللجوء للشعوذة ؟؟؟؟؟

فعلا مغص ووجع يالعزابة اذا كان الفنان المبدع كمال ترباس يقول في احدى اغنياته ( البعبدا ) !!!

----------

أبو منار

[saly]

اخ ابوشوارب
طبعا من المحرم ان يجمع الواحد بين اختين في نفس الوقت الا الاولي تموت عشان يرتبط بالاخري و ده كتير بتلاقهو في مجتمعنا.

طبعا من قله الحيله في السودان و النسوان غلبهم اليسوه بعدما خلااااااااااااص تقدر تقول قنعو من الراجل بعد البوره الالمت بيهم اها بقو يتنفسو عبر الاغاني
وبعدين ياراجل دي امنيات هم بيتمنوها لدرجه انهم يقولو ليك انشاء راجل اختي لدرجه قنعو فيها من الرجال وبقو يتنمو اي شي.
والشعوزه برضو دي ما غريبه علينا وبيلجئو ليها غالبا النسوان العندهم مشاكل و اغلبيتهم مقتنعين تماما انو انهم حلالين عقد

وبعدين غنو

ما دايرين مغتربين الا من سنه سبعين يا ابشر
انا ما عارفه الفو الاغنيه دي متين او سنه كم لانو لو مغتربين من سنه سبعين طيب هم اتولدو سنه كم.

ولي عوده

[لواء]

الجميله / سالى

البُعد النفسى لاغانى ( البنات ) او الاعراس ، وكما اسلفتى ، يحمل الكثير من التداخلات فى العُمق النفسى والتكوين الإجتماعى ،، يجب علينا حينما نريد ان ندرس تلك الحاله ان نضع بين اعيننا ، الظرف الطبيعى لنشأة هذه المفرده ، فالاغنيه من حيث التأريخ قديمه نوعاً ما ،،، اما من حيث المفرده اللفظيه ، فهى تتجدد على حسب نوعية الظرف الاجتماعى والسياسى ،، وهى مسأءله لو تبحرنا بها طال الامر بنا فى هذه الدهاليز ،،، ابسط شرح ما غنته الاغنيه ( الرجال ماتوا فى الجنوب ) ،،،، حالة الحر ب والحاله الإقتصاديه ثم الإجتماعيه ،، لها اثر كبير على المفرده السودانيه وتداولها حتى داخل الاوساط الثقافيه ،،، لكِ الشكر على هذا الموضوع الحيوى سالى

[نيازى كشك]

السلام عليكم


فى اعتقادى انة من القليل ان تلجا فتاة الى الفقرا بغرض الزواج
لانة قسمة من اللة عز وجل

والاغانى اعتبر انها من اغانى البنات فى الاعراس
اغانى حماسية فقد لرفع الروح المعنوية ولمة البنات

[saly]

لواء
نيازي كشك

تسلمو علي المشاركه