ارفضوا رقصة العروس في حفلة الزفاف

[صالح ابوشوارب]

بالأمس كنت في زيارة لاحد الأصدقاء ويسكن مع ( عزابة ) ووجدتهم ملتفون حول التلفاز ويشاهدون زواج وكانت الحفلة المسجلة على الشريط يغنى فيها أحد الفنانين ببلاد الغربة
وكان الجميع مبسوطين وكانت التعليقات من هنا وهناك . حتى انتهت الحفلة وبدأ الفصل الأخير من الشريط وهو ( رقيص العروس )
دخلت العروس محتشمة وهى تلبس ثوب احمر اللون يخطف الأبصار من بريقه ومعها العريس ويبدو انه فرحان بعروسته . والحضور كلهم نساء ( الظاهر العريس كان حريص جدا من عدم حضور الرجال علما بان المصور كان رجلا )
وجلس العريس في الصف الأمامي وهو ( يفرك ) يديه .. أما العروس فاتجهت الى وسط الحلقة . ومع نغمات خاصة برقصة العروس بدأت العروسة بإزاحة الثوب الشفاف الذي كان عبئا عليها وهنا كانت الكارثة
كان الفستان ملتصق على جسدها لا أدرى كيف استطاعت الدخول فيه . كانها كاسية عارية أعوذ بالله
وبدأت العروسة الرقص فكانت متطرفة في رقصها فتذكرت المغنية روبى فقلت فى نفسي راح زمانك ياروبى
كانت تتلوى كالثعبان بجسمه وتهتز كالإوز بذيله وعلى مقربة منها جلس العريس كالديك نافش ريشه والذئاب تسرق النظرات من الخارج
اما ذاك الحقير الذي كان يحمل الكاميرا ويقوم بالتصوير كان يلتف حول العروس بكمرته مرة هو جالس وتارة يأخذ اللقطة من زاوية حادة ومرة لقطة من قدميها وكأنه يستعرض العروس كقناة العقارية عندما تستعرض إحدى الفلل المعروضة للبيع
والغريبة لم أشاهد أي هدف سجل فى هذه الرقصة والظاهر الاتفاق كان ( دروون )
ولذلك نصيحة لكل شاب أو شابة مقبلون على الزواج ان يرفضوا رقصة العروس خاصة فى زمان الهاتف ( أبو كاميرا ) والفيديو الذي يتجول بين البيوت وحتى لاتكون زوجتك سلعة توزع للفرجة وهى متبرجة تستعرض جسدها للكل. كيف تقبل ان تروج جسد زوجتك و على حسابك الخاص فارفض ثم ارفض و لتذهب العادات السيئة للجحيم

[aborawan]

تشكرات يا عمنا على الموضوع عشان نعمل حسابنا من هسه وما ندقس الدقسة دي :):)
الموضوع فعلاً حساس واكتر من حساس والله اذا نقول فلتذهب العادات السيئة للجحيم


تاني مرة شكرا يا عمنا

[شبندر]

الأستاذ أبو شارب الطامه الكبرى في أن هذه الشرائط تباع في السعودية بأسم زواج سوداني وانا شفت شريط C D لإحدى المزيعات السودانيات وهو الأن يباع في وسط البنقاله والهنود . وأقول للأخوان أي واحد دقس وصور رقيص العروس ما يدقس مره ثانية ويمشي ينسخه عند الهنود أو تحويله إلى C D
اللهم أهدي الجميع

[elshaigi]

مشكور جدا على هذا الموضوع الذي يعتبر بالفعل من المواضيع التي تستحق الوقوف والتفكير قليلا في عاداتنا التي بدأت تنسلب من بين ايدينا واتمني ان يقف الجميع وقفة تأني بين هذه الاسطر وربنا يكثر من امثالك

[صالح ابوشوارب]

الاخ ابو روان

والله وأنا اكتب هذا الموضوع الحساس والذي تختلف فيه الآراء كنت خايف من ردة فعل بعض الأعضاء وخاصة أنت والآدمن وكنت خايف تقولوا على أبو شوارب فقد المنطق
علما بأنني حذفت كثير من المشاهد في وصـف العروس وشـــكل العزابة ( وهم فاتحين أفواههم )
ولكن يا ود أخوى وأنت مقبل على الزفاف أوع ترضخ للحريم وقول ليهم ( على بالطلاق يا أنا يا رقيص العروس )

[صالح ابوشوارب]

حبيبنا شبندر

أنت دائما في المقدمة وخاصة المواضيع الحيوية التي نمر عليها مرور الكرام . فعلا كما قلت طامة كبرى و ياريت تهز الأعضاء ويبدون رأيهم ويكلمونا عن بعض مشاهداتهم والخسائر التي تنتج عن هذه الشرائط وكما ذكرت ( يا شباب أوع الدقسة )

[صالح ابوشوارب]

الاخ الشايقى

كم انا سعيد بمداخلتك وتوجيهك الأعضاء الى الوقوف قليلا وسط هذه السطور حتى لو كانت تقاليد وعادات فهى فعلا خرجت للملأ شكرا كتير

[مزوني]

فعلا وأصبحت دي كارثه من كوارث البلاد
وانا والله شفت كمييييييييييييييييه من صور الفيديو في موبايلات الشباب
تسألهم دي منو يقولوا ليك والله ماعارفينها لكن
أخدتها من فلان داك
يعني حتى والله بفى في ناس متخصصين حاجات زي دي
على العموم الله يستر
والمصيبه الأكبر والأكبر
تنبه العريس يقول ليك مادي ليلة العمر وهي مره وحده خلينا نفلها
!!!!!!!!!!!!!!!1
عجبا والله
وربنا يكتب الفيهو الخير
وتشكرات حبيبي صالح على التنبيه وربنا يديك الصحه والعافيه

[Jamal Elmahi]

اخونا طويل العمر والشوارب ابوشوارب....
ياخوي انت حاسد ولاّ بقران ولاّ الاتنين.....
في زمانّا زمن الرجال البيكسروا العناقريب....ويا حليل الرجال البيكسروا العناقريب....كانت العروس بترقص بالرحط بس...Topless وفي الشارع وممسحه ترقش ذي الكنكيج ابو دليكه...النفوس كانت طيبه وكاميرات الفيديو اطيب....فالتدهور عزيزي تدهور قيم ومثل وأخلاق....فيمكن المحافظه علي عاداتنا و تقاليدنا مع احتشام لبس العروس....وقبل احتشام العروس احتشام الشارع....والله يكضّب الشّينه....

جمال الماحي

[mohammed ahmed]

السلام عليكم ورحمة الله تعالي وبركاته
والله يا أخوانا ليس هذا فحسب هناك العديد من العادات التي يجب علينا التخلص منها في مجتمعاتنا إبتداءاً من ما يسمي بالمديح الموسيقي 000 ومروراً بزيارات ضرائح الموتي عليهم رحمة الله 00 وما يمارس بالمناسبات بمختلف أنواعها 00 وليس إنتهاءاً بما يوقع علي كواهل الأسر التي فقدت عزيزاً عليها ناسين أن ما يصرف في تلك المآتم أكل لمال اليتامي00 اللهم أحفظنا واحفظ مجتمعاتنا من الجهل والضلال0
محمد أحمد

[أبوريلان]

أبو شوارب يا رائع

سلالالالالالالامااااااااااااااااات

بقيت تشوف أشرطة الفيديو من ورانا ولا شنو طيب يا أبو شوارب

للأســف الشديد العادات عندنا فى الســـودان تحلف تقووول فروووووض من شــدة الإهتمااااام بتنفيذها

أهلنا زمااااااااااااااان لما كانوا بمارسو هذه العادات كانت النفوس طيبة كطيبتهم ولكن فى هذا الزماااان زمن كاميرات

الفيديو والجوالات والتكنلوجيا أصبحت الذئاب تترصد لكل منظر غير مختشم .

والأمر مافى فرق بين المتعلم والجاهل الكل متســـاوى فى هذه العادات السيئة .

[صالح ابوشوارب]

فعلا وأصبحت دي كارثه من كوارث البلاد
وانا والله شفت كمييييييييييييييييه من صور الفيديو في موبايلات الشباب
تسألهم دي منو يقولوا ليك والله ماعارفينها لكن
أخدتها من فلان داك
يعني حتى والله بفى في ناس متخصصين حاجات زي دي
على العموم الله يستر
والمصيبه الأكبر والأكبر
تنبه العريس يقول ليك مادي ليلة العمر وهي مره وحده خلينا نفلها
!!!!!!!!!!!!!!!1
عجبا والله
وربنا يكتب الفيهو الخير
وتشكرات حبيبي صالح على التنبيه وربنا يديك الصحه والعافيه


ابننا الحبيب مزوني

كيف اخبارك يا شقي
انت في الهند فى اى مدينة . وبعدين اوع تعمل لى فيها فيلم هندى فنحن فى انتظارك وانت راجع تحمل الشهادة . اوصيك بالدراسة . بالله لو لقيت شامى كابور سلم عليه وقول ليه يا حليل السينما الخواجة
اما موضوع رقيص العروس يازول لوحكيت ليك الشفتو كارثة وذى ما قلت في الجوالات مناظر أ خ خ خ خ خ

[صالح ابوشوارب]

اخونا طويل العمر والشوارب ابوشوارب....
ياخوي انت حاسد ولاّ بقران ولاّ الاتنين.....
في زمانّا زمن الرجال البيكسروا العناقريب....ويا حليل الرجال البيكسروا العناقريب....كانت العروس بترقص بالرحط بس...Topless وفي الشارع وممسحه ترقش ذي الكنكيج ابو دليكه...النفوس كانت طيبه وكاميرات الفيديو اطيب....فالتدهور عزيزي تدهور قيم ومثل وأخلاق....فيمكن المحافظه علي عاداتنا و تقاليدنا مع احتشام لبس العروس....وقبل احتشام العروس احتشام الشارع....والله يكضّب الشّينه....

جمال الماحي




يا ود الماحى

والله انت مشكلة . فعلا زمانك كان تكسير عناقريب ؟
القصة مصارعة ولا ايه يجازى محنك
وبعدين كان الرقيص تيوب ليس !!!!!!!!!!!!!!!!!!!
والنفوس طيبة وكاميرات الفيديو اطيب
الظاهر كاميراتكم كانت مطششة
يا ود الماحي ابعد جنك من جنى
الحقنا يا عزيز

[صالح ابوشوارب]

السلام عليكم ورحمة الله تعالي وبركاته
والله يا أخوانا ليس هذا فحسب هناك العديد من العادات التي يجب علينا التخلص منها في مجتمعاتنا إبتداءاً من ما يسمي بالمديح الموسيقي 000 ومروراً بزيارات ضرائح الموتي عليهم رحمة الله 00 وما يمارس بالمناسبات بمختلف أنواعها 00 وليس إنتهاءاً بما يوقع علي كواهل الأسر التي فقدت عزيزاً عليها ناسين أن ما يصرف في تلك المآتم أكل لمال اليتامي00 اللهم أحفظنا واحفظ مجتمعاتنا من الجهل والضلال0
محمد أحمد



اخونا محمد احمد


شكرا ليك للمشاركة وفعلا في حاجات كتيرة عايزة المراجعة

[صالح ابوشوارب]

أبو شوارب يا رائع

سلالالالالالالامااااااااااااااااات

بقيت تشوف أشرطة الفيديو من ورانا ولا شنو طيب يا أبو شوارب

للأســف الشديد العادات عندنا فى الســـودان تحلف تقووول فروووووض من شــدة الإهتمااااام بتنفيذها

أهلنا زمااااااااااااااان لما كانوا بمارسو هذه العادات كانت النفوس طيبة كطيبتهم ولكن فى هذا الزماااان زمن كاميرات

الفيديو والجوالات والتكنلوجيا أصبحت الذئاب تترصد لكل منظر غير مختشم .

والأمر مافى فرق بين المتعلم والجاهل الكل متســـاوى فى هذه العادات السيئة .




الاخ ياسر

يازول لو وصفت ليك الشريط تقول انت فى حصة الجغرافيا
خطوط الكنتور بالله بتذكر هذا الدرس
اما الفستان بس تقول كفوف طبية لابسها الدكتور .الله يستر
وبعدين في واحد صاحبنا قال لى في شريط العروس بترقص
بالردا ( الشورت ) انا غايتو منتظر الشريط وبعدين احكي ليكم
وانا خايف اروووووووح فيها

[التيمان]

والله كلامك ميه ميه


عقد وبس وفى الجامع

[al zeer]

السلام عليكم شباب ما قصرتوا بس اديكم زياده من الطامة
بسمع انوا رقيص العروس بتتاجر الصالات والنوادى ليهو
و خاصة صالت عفراء بكون من الضهر لاغايت انصاص الليالى و ما العروس بس
جو الصالة بكون العجب العجاب جو من وين ما بتعرف بس الواحد بتخيل انو نزلوا بى برشوت من الطيارت البتنزل فى المطار
و الله المستعان
و انحنا الفى ايدينا التغير و الاعتراض بس البعملوا كدى دى ما شباب و شابات البلد دى ولامن نجى انحنا دايرن اتبوبروا زيهم
و المشالك متشابكة
والله المستعان

[الزبير محمد عبدالفضيل]

فعلا وأصبحت دي كارثه من كوارث البلاد
وانا والله شفت كمييييييييييييييييه من صور الفيديو في موبايلات الشباب
تسألهم دي منو يقولوا ليك والله ماعارفينها لكن
أخدتها من فلان داك
يعني حتى والله بفى في ناس متخصصين حاجات زي دي
على العموم الله يستر
والمصيبه الأكبر والأكبر
تنبه العريس يقول ليك مادي ليلة العمر وهي مره وحده خلينا نفلها
!!!!!!!!!!!!!!!1
عجبا والله
وربنا يكتب الفيهو الخير
وتشكرات حبيبي صالح على التنبيه وربنا يديك الصحه والعافيه

[عزيز عيسى]

معليش يا صالح أنا جيت متأخر.. بعيد عنك كنت مشغول شوية.. والموضوع فعلا مهم وبيتطلب النقاش..
الواحد فينا ليه زمن طويل ماشاف رقصة عروس اكثر من عشرين سنة.. الاخلاقيات اختلفت كثير وما عارفين اللي بيحصل الآن شنو.. أنا في رأي عادات ممكن نحافظ عليها لو اتبعت بالطريقة الصحية زي ما بيفعلوا أهلنا زمان.. لكن الزمن دا مع مسألة ظهور الموبايل وكاميرات الفيديو الحكاية بالجد بتخوف.. حتى (ست الدلوكة) بقى عندها موبايل.. والناس اللي بتستغل فرص تصوير العروس وهي بترقص ديل ناس ما عندهم ضمائر أبدا وهدفهم تشويه سمعة السودانيين والقضاء علي كل عادات سمحة.. حبوباتنا رقصن رقصة العروس - قطع الرحط - (بالقرقاب).. والحمدلله مافي موبايل ولا يحزنون في الزمن داك..
ونصيحة للعزابة اللي عايزين يتزوجوا.. أعمل رقصة العروس بس علي شرط تخلي شخصين فقط يدخلوا.. المغنية وست الدلوكة.. وتقوم تفتشن الاتنين علشان تتأكد من انو ما عندهن موبايلات أو كاميرات خفية.. وتقوم تكتب لافتين واحدة في الخارج تقول فيها ممنوع الدخول بتاتا.. والاخرى داخل غرفة رقصة العروس خاصة بالمغنية وست الدلوكة تكتب عليها ممنوع التصوير والاقتراب.. وفكرة تانية.. ممكن تسمح للناس اللى عايزه تشاهد رقصة العروس كلها تدخل.. وبعد ما البنات يبتدن يغنن تقوم ترقص ليهن انت العريس بدل العروس وتسجل قون في نفسك وبي كدا تكون مقلبت الجماعة.. ويا دار ما دخلك شر..

ويا صالح جمال دا فعلا راجل كارثة.. تصدق في بلد الخواجات دي جيت لقيتو بجلد ليه في عنقريب كراب.. تقول في سوق الرواكيب.. قلت ليه دا شنو يا شقي الحال.. طيب عليك الله سوى لي بمبر..

[صالح ابوشوارب]

الاخوان التيمان شكرا للمرور
وذى ما قال الفنان ذكي
بالفاتحة ياناس ما حلال
حلال


الاخ الزير فعلا الله المستعان وكمان فيها قاعات لرقيص العروس


الاخ السفير شكرا للمكالمة وذلك بخصوص رقيص العروس وكل واحد يكلم صاحبه ما يدقس
بلا ام العروس ولا خالة العروس

[صالح ابوشوارب]

معليش يا صالح أنا جيت متأخر.. بعيد عنك كنت مشغول شوية.. والموضوع فعلا مهم وبيتطلب النقاش..
الواحد فينا ليه زمن طويل ماشاف رقصة عروس اكثر من عشرين سنة.. الاخلاقيات اختلفت كثير وما عارفين اللي بيحصل الآن شنو.. أنا في رأي عادات ممكن نحافظ عليها لو اتبعت بالطريقة الصحية زي ما بيفعلوا أهلنا زمان.. لكن الزمن دا مع مسألة ظهور الموبايل وكاميرات الفيديو الحكاية بالجد بتخوف.. حتى (ست الدلوكة) بقى عندها موبايل.. والناس اللي بتستغل فرص تصوير العروس وهي بترقص ديل ناس ما عندهم ضمائر أبدا وهدفهم تشويه سمعة السودانيين والقضاء علي كل عادات سمحة.. حبوباتنا رقصن رقصة العروس - قطع الرحط - (بالقرقاب).. والحمدلله مافي موبايل ولا يحزنون في الزمن داك..
ونصيحة للعزابة اللي عايزين يتزوجوا.. أعمل رقصة العروس بس علي شرط تخلي شخصين فقط يدخلوا.. المغنية وست الدلوكة.. وتقوم تفتشن الاتنين علشان تتأكد من انو ما عندهن موبايلات أو كاميرات خفية.. وتقوم تكتب لافتين واحدة في الخارج تقول فيها ممنوع الدخول بتاتا.. والاخرى داخل غرفة رقصة العروس خاصة بالمغنية وست الدلوكة تكتب عليها ممنوع التصوير والاقتراب.. وفكرة تانية.. ممكن تسمح للناس اللى عايزه تشاهد رقصة العروس كلها تدخل.. وبعد ما البنات يبتدن يغنن تقوم ترقص ليهن انت العريس بدل العروس وتسجل قون في نفسك وبي كدا تكون مقلبت الجماعة.. ويا دار ما دخلك شر..

ويا صالح جمال دا فعلا راجل كارثة.. تصدق في بلد الخواجات دي جيت لقيتو بجلد ليه في عنقريب كراب.. تقول في سوق الرواكيب.. قلت ليه دا شنو يا شقي الحال.. طيب عليك الله سوى لي بمبر..



الرفيق عزيز ابو عيسى

وين كنت مشغول أوع بتلعب شلعت
يا عزيز فاتك المولد عرس كارب وعروس عاملة ذى حرف الS المقلوب وعريس ديك عدة
يعنى زغنى بالشطة
وبعدين قصة صاحبك جمال دا شنو كل مرة شابكنا كسير عناقريب هو مناسب ود عم فاروق ولا شنو
والشيء الغريب بنات حواء عاملات نايمات تقول البرقص والبكشف دا راجل ؟؟؟؟؟؟؟

[نيازى كشك]

مشكور جدا على هذا الموضوع الذي يعتبر بالفعل من المواضيع التي تستحق الوقوف والتفكير قليلا في عاداتنا التي بدأت تنسلب من بين ايدينا واتمني ان يقف الجميع وقفة تأني بين هذه الاسطر وربنا يكثر من امثالك


لا ولا والف لا لرقص

واللة يعطيك الف عافية


اخى صلاح

[خالد هاشم علي]

الغالي صالح ...
لك التحية وانت تتناول المواضيع المهمة في حياتنا...
بس انا بختلف مع عزيز وجمال شوية ...
العادة بتاعت رقيص العروس هي عادة سيئة بمعني الكلمة سواء كانت في زمنا ده ولا في زمن حبوباتنا .. لانو المشكلة مش في التصوير بي الفيديو ولا بي كاميرا الجوال...
المشكلة في انه الناس تشوف زوجتك شبه عارية!!!!!!!!!!!!!!!!!!!!!!!!!!!!!!!!!!!
الحكاية عيب كبير من زمن حبوباتنا ولا في زمنا الحالي وعادة سيئة شديد وانا والله بستغرب لمن يحكوا لينا امهاتنا بي عاداتهم زمان والله العظيم فيها حاجات لو كتفوني مااعملها. وكمان في عادات كانت حلوة
فيااخوتي ...
الغلط ده غلط ومافي حاجة اصلو تخليهو يبقي صاح
والصاح ده صاح ومافي حاجة تخليهو يبقي غلط.
يعني انت ممكن ترضي علي الامهات في حاجات معينة لكن في حاجات مفروض تقيف فيها الف احححححححححححححححححمر.
مثلا حاجات زي الحنة والحلالة وقطع الرحط ( بالتوب) وحاجات مافيها كشف لعورة زوجتك.
لكن حاجات زي رقيص العروس .... فلا والف لا... وماتقولو لي العروس ترقص في حتة مقفولة ومافي رجال يدخلوا...برضه لا ..بعدين القال ليكم منو انو البنات كمان ماممكن يصوروا بالجوال وينشروا الصور حتي ولو كان بحسن نية.
بعدين ياخوانا سؤال..
ياخي العروس ترقص ليه؟؟؟؟؟؟؟؟؟؟؟؟؟؟؟؟؟؟؟؟؟
والله انا عن نفسي رفضت المسالة دي تماما وقلت للمدام ماداير اي نقاش في الموضوع ده ولو لحق واحد من اهلك فاتحني في الموضوع ده فاتحملي العواقب..
مش كده حتي زواج اخواني كنا بنرفض المسالة دي تماما لانه والله فيها ومعليش للفظ الحساس ده ( فيها عدم رجولة من الزوج) لانه ده عرضك كيف ترضي الناس تشوف زوجتك في الصورة دي؟؟؟ ياخي لو انت عاجبك الرقيص استني لغاية ماتمشي بيتك وجيب الدلوكة وغني ليها وخليها ترقص ليك... مافيها حاجة .
مرات ام العريس ذاتها تكون رافعة شعارات وتقول ليك الا العروس ترقص..
انا عن نفسي امي الله يديها الصحة والعافية كانت مصرة جدا علي موضوع الرقيص ده لدرجة انها قالت لي ماعافية منك كان ماخليت مرتك ترقص. قلت ليها والله ياحاجة انا طالب رضاك لكن طالما انتي اصريتي فانا موضوع العرس ده رفعت عنه نظر نهائي..
وقعدت احاول معاها واحاول لغاية مااقنعتها والحمد لله تمت كل حاجة زي ماانا عايز.
فيااخي عريس المستقبل...
لو العروس ولا امها قالوا ليك لازم العروس ترقص ودي عاداتنا............. حاول معاهم ولو اصروا علي رأيهم خلي ليهم العروس وارفع نظر عن الموضوع تماما وماتجامل في عرضك...

[Jamal Elmahi]

اخونا ابو شوارب..
الشاي كارب ...الفيوز ضارب...وفي رقيص العروس لك ماّرب...العريس شارب ..والعروس ام فكّو لابسه جوارب...

قف....
البيره مرّه...الجن أمرّه...ويابوشوارب زورنا مرّه....
عشان تأمن وتشوف البلاوي الشايفنها نحن هنا...في الشغل...في الشارع...في السوق...في الجامعه...
عروسنا الخليعه ديك بالنسبه ليهم محجبه وأسعل الخواجه عزيز..لغاية ما قلوبنا ماتت وبقينا ما بنشوف...قال رقيص عروس قال...
والله يكضّب الشينه...

جمال الماحي

[صالح ابوشوارب]

الاخ نيازى شكرا لمرورك ومشاركتك



العزيز ابو هاشم

احلى حاجة نقولها للشباب ( فيااخي عريس المستقبل... لو العروس ولا اهلها اصروا على الرقيص وقالوا ليك لا زم العروس ترقص ودى عاداتنا ...... خلى ليهم العروس )
بالله يابو هاشم اولاد الزمن ديل ممكن يخلوها ( ديل بكايين )



اخونا ود الماحي
الله يكون فى عونك
يعنى اذا جيت انت والخواجة عزيز
السودان وشفتو الرقيص دا حيكون حشمة
يعنى انت وعزيز تكونوا عايزين دفرة ومنفلة عشان تتحركوا
الله يستر

[madaniboy]

صح كلامك والله يديك العافيه

[Jamal Elmahi]

أخونا ابو شوارب
أنا أقول ليك القلب مات تقول لي منفلّه....اقولوا ليك تيس تقول يحلبو....!!!!
والله يا بوشوارب لمّا نزلته السودان كنته شايف السودان كلو محجّب ..قلته ياربي نحن في العهد العباسي ولاّ شنو..!!!
ولاّ انا نزلته غلط في ايران!!! وطبعاَ ما عليك مدسّه يابوشوارب اخوي عزيز الخواجه نزل السودان بالرداء وقال ياربي ناس السودان ديل جنّوا ولاّ
عضّاهم كلب لابسين الجلاليب والبناطلين في الحر القلايه دا!!! ولله في خلقه شئون....

جمال الماحي

[عزيز عيسى]

الرفيق عزيز ابو عيسى

وين كنت مشغول أوع بتلعب شلعت
يا عزيز فاتك المولد عرس كارب وعروس عاملة ذى حرف الS المقلوب وعريس ديك عدة
يعنى زغنى بالشطة
وبعدين قصة صاحبك جمال دا شنو كل مرة شابكنا كسير عناقريب هو مناسب ود عم فاروق ولا شنو
والشيء الغريب بنات حواء عاملات نايمات تقول البرقص والبكشف دا راجل ؟؟؟؟؟؟؟

الكموراد ود أبوشوارب،

الله يرحم ود عم فاروق.. أهو طلع لينا ودعم فاروق واحد تاني..
صحبك جمال شابكنا من عنقريب لي بمبر لي برش.. بس ناقص يشيل جرايد..
انت يا صالح أنا نسيت نقطة هامة.. شريط الفيديو اللي شاهدتو دا.. العريس أصلو ما فكر يغطى عروسو (بالفركة)..
والصفافير من العزابة الغلابة كانت شغالة كيف..
وبعدين بتقول العروس عاملة زي حرف الS يعني شنو؟.. نفهم من ذلك مثلا كانت مدنقره من الخجل..

[عزيز عيسى]

لو العروس ولا امها قالوا ليك لازم العروس ترقص ودي عاداتنا............. حاول معاهم ولو اصروا علي رأيهم خلي ليهم العروس وارفع نظر عن الموضوع تماما وماتجامل في عرضك...

ود هاشم،

في دي والله عجبتني جد.. العريس لازم يدق صدرو ويمشي قرارو لأنه هو الذي يملك الحق في أنو عروسو ترقص أم لا..
وزي ما قالوا الاخوان السودان فيهو حاجات كثير غلط وقد حان الآوان لتصحيح المجرى..
والجيل الجديد هو اللي ممكن يعدل الأخطاء التي وقع فيها الجيل القديم..
أنا ماعارف رد فعل العريس كيف اللي سمح بعرض فيديو رقيص عرستو في السوق للبيع علي جميع خلق الله..

[عزيز عيسى]

أخونا ابو شوارب
أنا أقول ليك القلب مات تقول لي منفلّه....اقولوا ليك تيس تقول يحلبو....!!!!
والله يا بوشوارب لمّا نزلته السودان كنته شايف السودان كلو محجّب ..قلته ياربي نحن في العهد العباسي ولاّ شنو..!!!
ولاّ انا نزلته غلط في ايران!!! وطبعاَ ما عليك مدسّه يابوشوارب اخوي عزيز الخواجه نزل السودان بالرداء وقال ياربي ناس السودان ديل جنّوا ولاّ
عضّاهم كلب لابسين الجلاليب والبناطلين في الحر القلايه دا!!! ولله في خلقه شئون....

جمال الماحي

أنا عشان البلاوي والبهدلة دي بطلت أنزل السودان.. يا جمال العادات تغيرت كثير.. حتى السلام باليد بقى مشكلة..
والله الواحد بقى يخاف حتى في امريكا يمد يده علي أي واحدة سودانية بيعرفها محجبة ولا ملفلفة علشان يسلم عليها..

[عماد الصادق]

والله الموضوع حااااار
ومع رأي أخونا خالد هاشم الصاح صاح
والغلط غلط .. وصراحة دي عادة جاهلية
جاهلية دي كيف معاك يا جمال الماحي
يابتاح العناقريب!!!
وكما قال الأخوان جزاهم الله خيراً
في حاجات كتيرة يجب مسحها..

وبعدين إنت بعد الشفتو ده كله يا اب شنب
تاني عاوز تمشي تشوف..

[حسن على]

مشكور جدا على هذا الموضوع الذي يعتبر بالفعل من المواضيع التي تستحق الوقوف والتفكير قليلا في عاداتنا التي بدأت تنسلب من بين ايدينا واتمني ان يقف الجميع وقفة تأني بين هذه الاسطر وربنا يكثر من امثالك
__________________

روحي ليه مشتهيه ودمدني

[خالد هاشم علي]

اخي صالح...
لك التحية...
لو ملاحظين يااخواني غياب المشاركة النسائية في هذا الموضوع
السؤال ليه ماسمعنا رأيهن حتي هذة اللحظة؟؟ وهن المعنيات بالامر..
ولا عندهن راي في الموضوع ؟؟؟؟
ياريت نسمع رايهن...
لانو التخلص من هذة العادة يحتاج لوقفتهن الجادة وحسم هذة الظاهرة من جانبهن حتي لا يحتاج الامر لشد وجذب مع العريس...
يعني لو البنت اعترضت علي الموضوع مع اهلها فهي بذلك توفر كثير من النقاش والكلام علي زوج المستقبل....
ولا ياربي عندكن راي تاني ؟؟ ومؤيدات للعادة القبيحة دي؟؟؟
ياريت نسمعه..
ونحن في انتظاركن وجاهزين للرد عليكن..

[صالح ابوشوارب]

عماد الصادق/ عزيز عيسى /خالد هاشم علي/ Jamal Elmahi

كانت لنا ايام لن ننسي ذكراها
سوف اعود للرد عليكم

[ودكمبال]

العزيز/ ابوشوارب
لك التحيه على هذا الطرح ويجب النظر فى العادات السيئة
قف
مزيدا من التقدم لكى تعم الفائده الكل
ود
ك
م
ب
ا
ل

[صديق بلال]

سؤال يطرح نفسه بنفسه للأخ الفاضل صالح أبو الشوارب...
ما الفائدة المرجاه من رقص العروس يوم عرسها؟
وكيف يرضى الشاب المسلم بأن تظهرعروسته بذلك المظهر الشبه عاري؟
ولك منا كل التحايا العطرة... إلى إثارتك هذا الموضوع الإجتماعي الهام... وخاصة الأيام هذه موسم الزواجات...

[ابوندى]

والله كلامك فى المليان ابو شوارب واذكر اننى قد حضرت شريط عرس الظاهر انو بالخرطوم وكانت حفلة ليلية عامة والله يا صالح لو شفتها ما اظن تتخيل رقيص العروس حيكون كيف ,قمة في الانحطاط والخلاعة , والعريس لو شاف شريطه دا ما عارف حيكون شعورو
شكراً لعرضك لهذه الظاهرة ونتمني من الله الكريم ان تندثر هذه الظاهرة الوخيمة العواقب ووصيتنا لاخواننا العزابة ان يتوخوا حذرهم ,,,,,,,,,,,,,,,,,,,,,ودمت

[خالد النور]

هذه الظاهرة يجب أن تحارب
والما عرس يفتح عينو

[صالح ابوشوارب]

لو ملاحظين يااخواني غياب المشاركة النسائية في هذا الموضوع
السؤال ليه ماسمعنا رأيهن حتي هذة اللحظة؟؟ وهن المعنيات بالامر..


الاخ العزيز / خالد هاشم شفاك الله
لازلنا ننتظر الرأى الآخر وهن المعنيات بالامر كما ذكرت

[نزار حسن محمد]

الراقى دوما ..ابوشوارب ...
اشهد الله لم اقراء المداخلات ..وجدته نفسى مباشرة ذهب لكى ارد عليك واقول لك ..
يحفظك لنا الله ..يا ابو الرجال ..وتسلم لنا من كل شر ...وصح لسانك ذى مابقولووو ناس الخليج
ياريت كل الشباب المقبلين على الزواج ...رفض ومقاطعة هذه العاده ..
لك كل الاحترام ..ابو الله جابو
مع تحياتى
ودحسن

[صالح ابوشوارب]

الاخوان الاعزاء
ود كمبال
صديق بلال
ابوندى
خالد النور
شكرا لكم
معا نحارب العادات السيئة
وننشر الصورة بالمنظار الحقيقى لهذه العادة

[طارق محمد الحسن]

الاخ الكريم ابوشوارب متعك اللة بالصحة والعافية واللة الزمن اتغير ورقصة العروس زاتة ماشة فى الانقراض والحمد للة انو الشباب بقى واعى وبورك فى شباب بلادى

[بدر الدين محمد]

الحمد لله عرسنا قبل اختراع الكاميرا..
نعم .. الكثير من اشرطة الاعراس يتم تداولها .. اؤيد بشدة محتوى اهدف البوست النبيل

[abomazeen]

بالأمس كنت في زيارة لاحد الأصدقاء ويسكن مع ( عزابة ) ووجدتهم ملتفون حول التلفاز ويشاهدون زواج وكانت الحفلة المسجلة على الشريط يغنى فيها أحد الفنانين


جزاك الله خير الجزاء وجعلها الله في ميزان حسناتك
وسدد بالخير خطاك وجعلك زخراً للإسلام والمسلمين
بارك الله فيك

يا مَن لا يُعجِزْهُ شيءٌ في الأَرضِ ولا في السَّماء ...
اللّهم ارزُق شبابَ المُسلمينَ عِفَّةَ يوسف عليه السلام .... آميييييييين
و بَناتَ المسلمينَ طهارةَ مريم عليها السلام .... آميييييييين
و احفظ نِساءَ المسلمين من شرِّ خَلقِكَ أجمَعين .... آميييييييين

[السريالي]

تحياتي للكل

لأجيال اليوم لازم تشرحوا ليهم حكاية الرحط دي . لأنو في شباب عاشوا في الغربة وما بعرفوا الرحط ولا شافوهو . يا شباب الرحط عبارة عن سيور جلدية مربوطة في حزام يربط في خصر العروس من غير ملابس داخلية والعياذ بالله .

اما رقيص العروس وحكاية تسجيل أقوان دي أنا شاهدتها مرة واحدة في حياتي والعروس كانت قريبتي ولمن تجي تنزل عشان تسجل قون في العريس لازم تنزل لتحت . المهم العروس نزلت ولم ينزل الفستان لسبب ما ما عارف كان شابك في شنو . المهم الحمد لله قريبتي كانت لابسة ملابس داخلية وبرضو المنظر كان مخجل . وشعرت بالحرج ومن يومها لم ولن أشاهد رقصة عروس حتى لو كانت لابسة عباية .