vivid
21-12-2005, 02:30 AM
الجرادة جوه السروال ما بتسوي شيء لكن قعادة ما حلو
دا مثل شعبي دارفوري . . نابعة أصوله من دارفور الحبيبة . . مفاده أنك مهما شعرت بالقوة و المنعة فيمكن لأشياء مهما بدت لك بسيطة أن تحرمك من راحة البال و أن تقلق عليك منامك . . دا توضيح للمثل بس . . ما يقوم يجني واحد اشتر . . و عامل فيها أنو عربي . . و من المحافظين على الأخلاق العربية . . يقعد يزرزر فيني و يقول لي . . هو زاتو الجرادة بت الحرام دي الدخلها جوة سروال الفوراوي دا شنو . . عندها شنو هناك . . و لي شنو اختارت السروال دون غيره عشان تخش فيهو . . الموضوع دا فيهو إن . . و إن كبيرة خلاس . . متل كبر الجرادة الدخلوها ناس دارفور في السروال . . الحكاية دايرة ليها لجنة تحقيق . . و سين و جيم . . و زرزرا . . و المثل المأفون دا لازمن ينحذف من قاموس اللهجة العامية السودانية . . الكلام دا منافي لي أخلاقنا العربية . . عرب شنو و جراد شنو . . ياخي هي جرادة . . حشرة يعني يا مستعرب . . عملت ليك شنو؟؟؟ . . و زنبها شنو؟؟؟ . . عشان تشحططا كدي . . يمكن الجرادة دي وكتا الدخلت فيهو السروال . . كانت ضهبانة و الا غلطانة . . و الا عوراء و شترة زيك كدي . . دخلت في سروال واحد من أهالي دارفور و حس بما لم تحسه أنت . . فقام بإبتكار هذا المثل الرائع . . نحنا شن خبرنا . . و ما تسألني أنا و ما تحقق معاي . . أسأل بتاعين دارفور . . يمكن يفيدوك . . قول ليهم يا ناس دارفور مصيبتكم دي اخترتو ليها السروال لي شنو . . كان تشوفو غيرو . . دحين يا ناس دارفور . . كان قلتو الجرادة تحت العراقي ما بتسوي شيء . . ما كان يكون أحسن؟؟؟ . . و تكونوا حافظتوا لينا على أخلاقنا العربية . . هسع لو قامو واحد مغضوب و أمو متبرية منو . . غلط و قال المثل دا في تلفزيون أم درمان و الا في واحدة من الجرايد . . نحنا نودي وشنا وين من حريمنا و بناتنا؟؟؟ . . و العرب تقول عننا شنو؟؟؟ و جامعة الدول العربية نودي وشنا منها وين . . شفتو عليكم الله جنس المحن دي؟؟؟ . . شتارة زي دي قابلتكم قبل كدا؟؟؟ . . دا كلو فوق جرادة بس . . طيب يا الأشتر المستعرب . . أنا معاك و أضم صوتي لصوتك بتدمير الفضائية السودانية تدميراً شاملاً و كاملاً . . نعمنو نحنا عمرنا دا كلو ندفع ليها في الضرايب و الرسوم . . و عمر الجزلي و الراجل أبو اضنين داك لسه قاعدين و يصرفوا في رواتبن . . كما أضم صوتي إلى صوتك بتدمير هذا المثل الدارفوري تدميراً كاملاً و شاملاً حفاظاً على بناتنا و نساءنا و ما ملكت إيماننا . . (ما ملكت ايماننا دي هن بنات الليل من تخافون عليهن و اللاتي امتلأت بهن الخرطوم على بكرة أبيها حتى أصبحت الدول العربية يضعون صورة السوداني بجواره جمجمة ترقد على عظمتين متخالفتين و تحتها لفظ معاً للقضاء على الإيدز) . . هسع عليكن الله لو العرب ديل قالوا معاً للقضاء على المستعرب السوداني ما كان أرحم ليهن . . كان ارتاحوا و ريحونا . . كلمة (يا خال) دي شقّوا بيها اضنينا . . يجي بعد دا كلو . . واحد أشتر . . و دقنو دقن تيس . . و بارم شنبو . . و عامل فيها عربي . . و يتحدث عن الأخلاق العربية . . و يقول ليك . . لي شنو ناس دارفور دخلوا الجرادة جوة السروال.
دا مثل شعبي دارفوري . . نابعة أصوله من دارفور الحبيبة . . مفاده أنك مهما شعرت بالقوة و المنعة فيمكن لأشياء مهما بدت لك بسيطة أن تحرمك من راحة البال و أن تقلق عليك منامك . . دا توضيح للمثل بس . . ما يقوم يجني واحد اشتر . . و عامل فيها أنو عربي . . و من المحافظين على الأخلاق العربية . . يقعد يزرزر فيني و يقول لي . . هو زاتو الجرادة بت الحرام دي الدخلها جوة سروال الفوراوي دا شنو . . عندها شنو هناك . . و لي شنو اختارت السروال دون غيره عشان تخش فيهو . . الموضوع دا فيهو إن . . و إن كبيرة خلاس . . متل كبر الجرادة الدخلوها ناس دارفور في السروال . . الحكاية دايرة ليها لجنة تحقيق . . و سين و جيم . . و زرزرا . . و المثل المأفون دا لازمن ينحذف من قاموس اللهجة العامية السودانية . . الكلام دا منافي لي أخلاقنا العربية . . عرب شنو و جراد شنو . . ياخي هي جرادة . . حشرة يعني يا مستعرب . . عملت ليك شنو؟؟؟ . . و زنبها شنو؟؟؟ . . عشان تشحططا كدي . . يمكن الجرادة دي وكتا الدخلت فيهو السروال . . كانت ضهبانة و الا غلطانة . . و الا عوراء و شترة زيك كدي . . دخلت في سروال واحد من أهالي دارفور و حس بما لم تحسه أنت . . فقام بإبتكار هذا المثل الرائع . . نحنا شن خبرنا . . و ما تسألني أنا و ما تحقق معاي . . أسأل بتاعين دارفور . . يمكن يفيدوك . . قول ليهم يا ناس دارفور مصيبتكم دي اخترتو ليها السروال لي شنو . . كان تشوفو غيرو . . دحين يا ناس دارفور . . كان قلتو الجرادة تحت العراقي ما بتسوي شيء . . ما كان يكون أحسن؟؟؟ . . و تكونوا حافظتوا لينا على أخلاقنا العربية . . هسع لو قامو واحد مغضوب و أمو متبرية منو . . غلط و قال المثل دا في تلفزيون أم درمان و الا في واحدة من الجرايد . . نحنا نودي وشنا وين من حريمنا و بناتنا؟؟؟ . . و العرب تقول عننا شنو؟؟؟ و جامعة الدول العربية نودي وشنا منها وين . . شفتو عليكم الله جنس المحن دي؟؟؟ . . شتارة زي دي قابلتكم قبل كدا؟؟؟ . . دا كلو فوق جرادة بس . . طيب يا الأشتر المستعرب . . أنا معاك و أضم صوتي لصوتك بتدمير الفضائية السودانية تدميراً شاملاً و كاملاً . . نعمنو نحنا عمرنا دا كلو ندفع ليها في الضرايب و الرسوم . . و عمر الجزلي و الراجل أبو اضنين داك لسه قاعدين و يصرفوا في رواتبن . . كما أضم صوتي إلى صوتك بتدمير هذا المثل الدارفوري تدميراً كاملاً و شاملاً حفاظاً على بناتنا و نساءنا و ما ملكت إيماننا . . (ما ملكت ايماننا دي هن بنات الليل من تخافون عليهن و اللاتي امتلأت بهن الخرطوم على بكرة أبيها حتى أصبحت الدول العربية يضعون صورة السوداني بجواره جمجمة ترقد على عظمتين متخالفتين و تحتها لفظ معاً للقضاء على الإيدز) . . هسع عليكن الله لو العرب ديل قالوا معاً للقضاء على المستعرب السوداني ما كان أرحم ليهن . . كان ارتاحوا و ريحونا . . كلمة (يا خال) دي شقّوا بيها اضنينا . . يجي بعد دا كلو . . واحد أشتر . . و دقنو دقن تيس . . و بارم شنبو . . و عامل فيها عربي . . و يتحدث عن الأخلاق العربية . . و يقول ليك . . لي شنو ناس دارفور دخلوا الجرادة جوة السروال.