المساعد الشخصي الرقمي

مشاهدة النسخة كاملة : مدناوي خارج الحدود



ياسر يوسف احمد
01-01-2006, 11:29 PM
اخوكم ياسر يوسف احمد باباكر من ابناء مدينة ودمدني العامرة وانا كتبت اسمي بالكامل علشان هنالك من كان زميل دراسة او شقيق او معرفة .. لم تحين لى الظروف ان اكون فى المدينة الحالمة فان مغترب منذ عام 1988 خارج مدني
واشتاق اليك يا مدني مع كل صباح يطل وانا اتذكر نواصيك وشوارعك وارضك التى ضمت اسرتي الكريمة وجذور جذور اسرتي الكريمة .. فان مدناوي متعطش اتمني واناشد كل حد موجود فى مدني ان يعيشنا فى الصورة مش الاخبار تمام وبس لا .ز نحن هنا فى الخارج نتعطش لمعرفة دقائق الوصف فى مدني ( يعني فى شارع جديد بسفلتو فيهو.. الدكان الفلاني فى الشارع الفلاني قلبوه مخبز ... الخ.. تفاصيل دقيقة امس كان يوم مفتوح فى حديقة كدا ... موقف المواصلات امس فى زحمة .. فتحو محل جديد بتاع فول فى الشارع الفلاني .. بسبوسة الشانزليزية .. سينما امير... السوق الجديد.. جزيرة الفيل .. شارع الدباغة.. مجمع بانت... حى الهوارة... الثورة .. المدينين .. جبرونا.. بانت... المزاد .. مدرسة السني الثانوية ..جامعة الجزيرة............مشتاق الى كل شبر فى مدني اشركوني ادق التفاصيل وزي انا كتير كتير محتاجين نعرف كل حدث فى مدينتنا الجميلة .. معليش اصلي طولت شديد ... وتحياتي

أبوريلان
02-01-2006, 12:53 AM
الأخ ياسر يوسف

سلالالالاماااااات

كل سنة وانت طيب والسنة الجاية إنشاء الله تنزل إجازة وتشوف مدنى على الطبيعة ما كلام ساكت ، قووووووول آآآآآآآآآآآمين ، وبعدين أنت مشتاااااااااااااااااااق قدر كده قاعد الفترة الطويلة دى ليه ؟ ما تنزل تشوفها وتبل شوقك ،
ألف مرحب بيك فى بيتك ووسط أهلك وأخوانك وأخواتك .

ياسر يوسف احمد
02-01-2006, 02:23 AM
العزيز ميرلان

ياسر يوسف احمد
02-01-2006, 02:29 AM
العزيز الغالي ميرلان
انا بنزل اجازات لكن انا ما بشبع من مدني وداير اكون لحظة بلحظة لانو ظروف العمل هى التى بعدتني من مدني
وانا بشوف البلد بعيونكم الان ...

تحياتي

aborawan
02-01-2006, 04:24 AM
ألف مرحب بيك فى بيتك ووسط أهلك وأخوانك وأخواتك .

التيمان
03-01-2006, 05:58 AM
الاخ ياسر يوسف احمد


اهلا بك فى بيتك ووسط اهلك

انشاء الله ترجع بلدك

بلادك حلوه ارجع ليها


على العمووم الايميلات فى التوقيع

اعمل اضافه لو حبيت وانا اوصفها ليك زقااااق زقاااف

وشكرا

كاظم
03-01-2006, 02:42 PM
حبابك ياسر ... وصلت تب .. هنا بتلقى مدني وناسها وبيوتها واسواقها .. حتلقى دفعتك واساتذتك واعمامك .. ولو صبرت شوية حتلقى ذكرياتك البتفتش ليها برضو .. وكان كلمناك لى بعد بكرة عن مدني ما اظن تبل شوقك يمكن لانو السر انو مدني البتخليهو جوة الواحد اصعب من انو يتوصف بمجرد كلمات ...
على العموم انت ما غريب وشوية شوية حتتعود على الناس الجميلين القاعدين هنا .. ابقي طيب يا ياسر وحبابك اضافة لموقع مدني ومنتظرنك ..
كمل قهوتك ما تبرد وبنتم الونسة ...

مزوني
04-01-2006, 12:28 AM
حببك حبيبي ياسر ومنور علينا
لكن يا ريت لو تبقى تورينا حيك عشان نبقى نوريك دكاكينكم عديييييييييييل
وانشاءالله حنبقى متابعين معك يا حبيبي
وأرحب بيك للمره التانيه
وانشاءالله بتلقى كل البتدورو

خالد هاشم علي
04-01-2006, 09:09 AM
الغالي ياسر يوسف...
لك التحية وانت تبث اشواقك لهذة الرائعة مدني...
وانا مابستغرب منك هذة العواطف العميقة وهذة المشاعر الفياضة لانك فنان ورائع روعة اهل مدني...
كما لا يفوتني ان ارحب بك في الموقع واقول ليك ( ابقي لي جوا...)