المساعد الشخصي الرقمي

مشاهدة النسخة كاملة : المــــــلف الثقــــــــــافي



ودالحوري
28-11-2003, 01:04 AM
المــــــلف الثقــــــــــافي

يا حليلــــــــك ..

قصيدة للشاعرة السودانية

جاة محمد إلياس



يا حليلك ويا حليلي .. لما حبك يبقى ثاني ..والقى فيه راحتي وضليلي

ولما عينيك تبقى مرفى .. للغلابة وللتعابى .. وللبحيك يا خليلي

ويا حليلك وياحليلي ..لما تبقالي الهوية .. وتبقى ريحتك هي .. هي

وتبقى عزة تلالي ليا .. صدق بي عمق القضية ..

وتبقى أنت ياكا أنت ..ونبقى نحنا يانا نحنا ..

شوقنا في حدق المآقي ..ولهفة لي يوم التلاقي ..

وليك بعود لو طال رحالي ..

ويا حليلك ويا حليلي .. لما حبك يبقى منفى .. وتسري في جوايا رجفة ..

كيف أحبك ?? وكيف بحبك ??

ياوطن تحنانو وقفة .. ويا عشق معناه ..

ويا حليلك وياحليلي ..

كيف مصير البكره راحل ?? لملم أشلاه الحزينة ..

وفارق الحب المدينة .. والصبية الفي عيونها باقة من أشواق حنينة

والبلاسم والمواسم ..والمشاعر الجد أمينة ..

وحليلك وياحليلي ..

يا حليل زولا بحبك ..كل مناه يسعد بقربك .. ياوطن مهرك دمانا ..

وجرتقك أجمل هوانا .. والضريرة مزيج وفانا ..

والحريره الريده ذاته .. والحنين خرزه في سمانا ..

والهلال الفي جبينك .. حبك أنت الفي حشانا ..

وعشقك أنت الفي حدانا ..

ياحليلك وياحليلي ..

يا حليل بلدي وهواها .. وياحليل أختي وصفاها .. وياحليل أمي ورضاها .. ويا حليلها سهير حليلها .. حليل سهير وحليل وفاها ..

أمدرمان / الفاتح (سبتمبر) 1989

حوا ر

حوار بين زوجة وزوجها مدمن مخدرات

كانت أسرة طيبة وفيها الفكر احتار وأصبحت اسرة( امسيبة ) وتشريد .. اصغار

واسمع نص الحوار

الزوجة

كيف معاك اندير

عمري فات اخسارة

فيك حار التدبير
وقلبي تشعل ناره

درنا فيك الخير

رديته مراره

عطيت رزقي للغير

تتعاطي واتجاره

ومهرب وخطير

تحاذي في السمساره

جابوني مقادير

وعشت حياة مرار

الزوج
اتفكيني من بلاك

ياسر, م التعزيز

لاإسامح باباك

طيحنى في زمير

وهم عياطك واك

مش عارف ما اندير

عائش هم امعاك

ودرتيني .. سكير

كان رضيتى هاك

نعطيك دنانير

من بيعك واشراك

تنقي ليل نهار

عليا من وصاك

عليك منهو دبار

الزوجة

ياترجع والتوب

وترى الاولاد

ماكانش محسوب

اللى درته ينعاد

ضيعت المكسوب

منك راح الزاد

طائح بيك هبوب

كيف زفيف الواد

في الحضرة مجدوب

فالح في الاوراد

وياما فيك اعيوب

طول عمرك فساد

وضالمنى المكتوب

انعيط نبكى عاد

صبرى ليه احدود

ادماغى منك فار

الزوج

أنا تائب لله

كان يتوب عليه

ولنسان خطياه

ياسر ماهى اشويه

اللى اديره يلقاه

في صحائف .... مرمية

الشيطان نعلناه

والنفس المدعية

وكل شيء .. تركناه

ارضى بس عليا

وها البيت بنيناه

والربوا الذرية

والماضى انسيناه

وغيرنا الافكار

ما سعير النسمة داعشة ..

ما سهير المطره راشه

ما سهير كل الأعاشة ..

في عويناتها إرتعاشه وصدق لحظاتي المعاشه ..

ويا حليلها ويا حليلي ..

شادة أوتاري وبهاجر .. والزمن من طبعوا غادر ..

والحنين ليك الهوية مهما طال البعد باكر ..

ياعروسه وياصبيه ..

فيكي ما أحلى الضفائر .. تهته في حبك وهمته ..

ضعته قالوا عليا شاعر ..

في عيونك يابلد وفي خدودك يا بشائر ..

وفي سماحتك يا عريسنا ياقمر سطاع وناير ..

وياوطن جوانا ممدد غالي إلو مالي آخر ..

وياعشق راجعالو باكر

HAMADTO
27-11-2004, 03:56 AM
تسلم يا ود الحوري .... وفي انتظار عودتك يا مبدع

http://www.asmilies.com/smiliespic/FAWASEL/001.GIF http://www.asmilies.com/smiliespic/FAWASEL/001.GIF

aborawan
27-11-2004, 08:49 PM
كاتب الرسالة الأصلية HAMADTO
تسلم يا ود الحوري .... وفي انتظار عودتك يا مبدع

http://www.asmilies.com/smiliespic/FAWASEL/001.GIF http://www.asmilies.com/smiliespic/FAWASEL/001.GIF

أبوريلان
27-11-2004, 09:33 PM
قمة فى الروعة ، أديك العافية ود الحورى

خالد حمد موسى
27-11-2004, 10:51 PM
راااااائع ياوالحوري اديك الف عافيه.........

زيكو منيب
03-12-2004, 07:04 AM
كاتب الرسالة الأصلية myrelan
قمة فى الروعة ، أديك العافية ود الحورى