المساعد الشخصي الرقمي

مشاهدة النسخة كاملة : أغنية من جديد .. رائعة خالد الصحافة ..إهداء خاص جداً



sambaaa
22-01-2006, 10:06 AM
http://sudanson.com/OmeR4eVeR/Men-Jaded-khaled-alshafa-OmeR4eVeR.rm
http://graphics.hotmail.com/i.p.emlove.gif http://graphics.hotmail.com/i.p.emlove.gif http://graphics.hotmail.com/i.p.emlove.gif
من جديد
مدني يوسف النخلي



*******

من جديد جيت تانى تكسر

صمتى .. بالنظرة الخجولة

يا أمل عمرى القبيل ..

ويا سنين عامرات فصولة

ما قدرت أنساك من زمان

بس ضاعت أحلام الطفولة

********
الحنين الجيتنى بيهو

جانى فى لحظات ندم

فى زمان ضيع صبانا

وكل اشتات العشم

من جديد جيت تانى كيف

تبنى فينى الإنهدم

وما قدرت أنساك من زمان

بس ضاعت أحلام الطفولة

*********
ما بفيد انا لو ألملم

من عيونك .. ذكريات

أو أصحى الماضى فيهن

وأنسى حزن الأمسيات

برضو زمن البهجة عدّى

وعمرى فات فيهو الفوات

ما قدرت انسك من زمان

بس ضاعت احلام الطفولة



***********
http://graphics.hotmail.com/i.p.emlove.gifhttp://graphics.hotmail.com/i.p.emlove.gifhttp://graphics.hotmail.com/i.p.emlove.gif



SAMBA :)
[/CENTER]

sambaaa
22-01-2006, 01:04 PM
بكل ما هو رائع وجميل في هذه الكلمات ..

من شجن .. ووله بالحبيب ..

اهدي لحن الاستاذ / خالد

لكل رواد هذا الملتقى ..


SAMBA :)

التيمان
22-01-2006, 01:58 PM
تسلم ياعجيييييييييب


والله هديه مبالغه

sambaaa
22-01-2006, 03:14 PM
المبالغة جد .. توقيعكم المميز دائماً ... وحضوركم المشرف ... تسلموووو

غفران
22-01-2006, 11:43 PM
ما بعرف اقول ليك شنو اخي سامبا يعجز التعبير عن شكري ليك انت فعلا انسان بمعني الكلمه يعني مهما قلت ما بقدر اعبر ليك عن مدي احترامي وشكري ليك بالجد الاغنيه دي بحبها شديد وعشان كده طلبتها منك وربنا اديك الصحه نفزت طلبي وما قصرت معاي وزي ما قالوا اخواني التيمان هديه مبالغه وانا مش بشوفها انها هي مبالغه وبس بالعكس بالجد فعلا هديه معناها كبير جدا بالنسبه لي وشكرا ليك مره تانيه اخي وابن بلدي سامبا وبتمني ليك التوفيق من قلبي والله لانك بالجد اخو عزيز علي وما عدمناك يا سامبا

الشريف الهندي
23-01-2006, 01:00 AM
بسم الله الرحمن الرحيم
الأخ العزيز ،الغالي ، الرائع، المبدع سامبــــــــــــــــــــــــــــا
ألف تحيه واحترام وتقدير ليك ياغالي
والشكر الجزيل ليك ياغالي على الاغنيه الرائعه بالجد

وفعلا من جديد جيت تاااااااااااااااااني تكسر صمتى ياسامبا بالنظره الخجوله

تحيه جميله بجمال روحك الطاهره

أخوك الشريف الهندي

sambaaa
23-01-2006, 07:30 AM
..

التيمان ... غفران ... الشريف الهندي ... بكل صدق سعادتكم تساوي الدنيا وما فيها ..

.. سلمتو ..فأنتم الجمال اينما كان ... وهذا عهدي بكم ..

samba :)

esmat
23-01-2006, 11:03 AM
والله يا سامبا انت رائع رائع جداً واختيارك موفق دائماً اطربتنا كثيراً وننتظر المزيد "بنطمع طبعاً" انك تطربنا أكثر وأكثر
اخوك عصمت حيدر

sambaaa
24-01-2006, 04:39 AM
والله يا سامبا انت رائع رائع جداً واختيارك موفق دائماً اطربتنا كثيراً وننتظر المزيد "بنطمع طبعاً" انك تطربنا أكثر وأكثر
اخوك عصمت حيدر

***************

طلباتك اوامر يا غالي .. تشجيعك سبب كبير في البحث عن الروائع ... وتقديمها للأخوان رواد المنتدى .

كلنا نشكر لمشرفين المنتدى الثقافي تعاونهم الثر .. واتاحة الفرصة لتواصلنا ... شكرا ليك عصمت ...
SAMBA :)

فوزيه
27-03-2006, 09:45 PM
الاخ سامبا

رجعتني اقول ليك كم

8 او9 سنين لوراء لمن طلع خالد الصحافه البومو ده وكان عامل ضجه

sambaaa
28-03-2006, 04:39 PM
الاخ سامبا

رجعتني اقول ليك كم

8 او9 سنين لوراء لمن طلع خالد الصحافه البومو ده وكان عامل ضجه
خالد محجوب من اجمل الاصوات للأغنية الشبابية .. ظهر بقوة على الساحة الغنائية
لتميز ادآئه .. وفي نفس فترة ظهوره كانت لي زكريات جميلة جداً ..
شكرا ليك يا فوزية لمرورك .. لأنه يحمل نفس الضجة الجميلة ..:)

جنفر
04-04-2006, 08:47 AM
سامبا صراحه الواحد ماقادر يعبر عن .....................
ولا في طريقه يشارك زاتو[size=6]

sambaaa
04-04-2006, 12:51 PM
جنيفر ..

وانا كمان برضو سعيد جدا بتوقيعك الاجمل هنا ..

لكي مني كل الود يا غالية

اكرم
26-04-2006, 05:53 AM
اشكرك على هذا الذوق الرفيع......ارجو منك لو كان هناك موقع للفنان خالد ان تبادرني به ولك جزيل الشكر

zoolfrda
03-05-2006, 09:26 AM
عجيب يا سامباا العجيب

مشكوووووور يا حلو

الله يديك ألف عافية

رهيب
12-05-2006, 09:09 AM
سامبا يارائع هديه مقبوله منك ياغالي
بس زكرتني ايااااااااام كانت روعه زيك
مليون تحيه لشخصك الرفيع
مع كل التحيه والتقدير والاحترام لك ياحبيب الكل

sambaaa
16-05-2006, 01:38 PM
نجوم الملتقى ..

اكرم
الفردة
رهيب

شكري لكم لا يحده حدود ..
وفرحي بكم اكبر من حروف اسطرها لكم ..
سلمتم يا حلووووووووين ..

سواااح
28-09-2006, 03:01 AM
سامبا ...

من جديد
تفتح لنا نوافذ الامل
تمنحنا الوعد
بان الغد اجمل ..

دمـــــــــــــت ،،

محمد مصطفي
05-10-2006, 09:28 AM
تسلم يا راقي


كبك

ودكبوشيه
12-10-2006, 03:32 AM
سامبا ...

من جديد
تفتح لنا نوافذ الامل
تمنحنا الوعد
بان الغد اجمل ..

دمـــــــــــــت ،،
مشكووووووووووووووووووووووور اخي ودمت لنا

sambaaa
04-12-2007, 01:10 PM
سواااااح
محمد
ود كبوشية

من جديد .. جيتكم تاااااني .. سلاماااات كتيرة .. وأشواااق أكتر من حبات المطر ...