سيد اللبن

[عشوشه]

طبعاً غريبه انى اكتب عن سيد اللبن بس بالجد هو شخص مهم مؤثر فى حياتنا من كل النواحى اولها الغذائيه لانو مافى بيت يخلى من اللبن (انا من عشاق اللبن طبعاً) تانى الاجتماعيه لانو ناس الحله بعرفوا مستواك الاجتماعى من حلة لبنك بتشيل كم رطل وييييك وهلما جرا كدى نرجع لى سيد اللبن .
الشخص البكون اول الطارقين للباب من الصباح بتصبح بيه ست البيت من فتحت عينها من النوم بتقوم جاريه عليه بالحله ما تهتم بانها تلبس كويس وهو ما برفع عينو بعاين ليها لابسه شنو فى احترام متبادل فى صمت بيناتهم والغريبه الواحده منهم لو جاء راجل ماشى بكل عفويه بتقول ليه ( هى سجمى الراجل) وتروح قافله الباب عليه وبعرف تقريباً كل اخبار البيت العيان منو والابه عشاهو منو والماهيه اتصرفت ولا لسه فى تفاهم غريب بين ست البيت وسيد اللبن هو البحدد مزاج ست البيت يعنى لو نقص اللبن شويه تكون ست البيت زهجانه وصاره وشها وتلعن سيرته وتطير عيشتو ياخ زيد هو لبنك زاتو بتزيدو مويه عامل ليه بنسلين هنا تثور ثائرته ويخلف باغلظ الايمان انو لبنو صافى (وبيور) .
كل المهمن اطورت مع تتطور الحياه يعنى زمان كان بجى بالحمار ابو تنكتين وتانى اتطور شويه عملها عربه كارو فيها فتحه فى النص عشان الزباين كترو واسى فى الزمن العلينا بقى يجى بى بوكس ومرات بكون اخر موديل على الرغم من انو فى اللبان مبستره وعلبه وتجيك مفوره الا انو كل كل الاسره تحرص على اللبن الطبيعى المقنن ويشرب صباحاً ومساء .
يبقى سيد اللبن شخصيه اساسيه ومهمه فى حياتنا .

[أبوبكرحامد]

هنالك الكثير من المشاهد نمر عليها فى حياتنا مرور الكرام دون الإلتفات إليها ، فقط هم المبدعون لديهم القدرة على رصد وقراءة هذه المشاهد بحكم دقة فى الملاحظة وتملك رؤية جمالية تفسر لهم الأشياء على نحو يختلف عن تفسيرات عوام الناس ، فتجدهم يحتفون ببعض الشخصيات ويوفونها حقها ، بينما يلهث العوام وراء تسقط أخبار ذوى النفوذ والشهرة والثروة .
سيد اللبن عمل رائع وكاتبته عشوشة لاتقل عنه روعة.......... وفى انتظار المزيد
حاشية : يعيب البعض على عشوشة قلة المشاركات وعدم الرد على المتداخلين فى مشاركاتها ، ولست فى موقف إتهام لعشوشة ولست كذلك فى موقف الدفاع ، فقط أجهر بما أرى ، وأحيى عشوشة لروعة مشاركاتها رغم قلتها ولها العذر فندرة الذهب أحد أسباب قلته وغلاءه أليس كذلك؟؟؟؟؟؟؟؟؟؟

[ابراهيم]

مشكورة اختنا عشوشة لهذه اللفتة والموضوع الرائع ومداخلة ود الماذون الخفيفة الجميلة كما عودنا ..
مؤكد سيد اللبن سخسية اساسية وتلعب دور اساسي برضو بس مشكلتهم مزعجين يعني يدق الباب العصاية بتاعة الحمار لغاية ما الباب يقرب يتقلع .. اغرب حاجة تلقى النسوان يومي متشكلات مشاكل مع سيد اللبن لكن رغماً عنهن وعنه بكرة بجي عادي وكأنوا ما حصل حاجة ... وفي اغلب الاحيان سيد اللبن رجل طيب .. لكن سمعت مرة قالوا في مدام طلقت زوجها وعرست سيد اللبن ما عارف هو شمار جا خافس يكون صح ولا غلط والله اعلم .. لكن مع ذلك سيد اللبن لا يشكل خطورة زي بتاعين العدة "الحلب" انا ما عارف بودو الملابس وين؟ يبدلو البنطلون بي دستة كبابي القميص بي صينية شاي والعراقي ما تعرف بي حاجة من العدة والمشكلة النسوان ما بيعرفوا اهمية قميص او بنطلون او عراقي معين بالنسبة للرجال بس يشيلو ويبدلو وبعدين القيامة تقوم .. انا قبل كدة الحاجة بدلت لي بنطلون تاني يوم دكيت المدرسة وانتظرتو لانو الجبناء بجو بالصباح ... ما خليت بتاع عدة لافي في النهاية ما لقيتو كرضمت وشي وحردت الفطور والغداء .. وقلت انشاء الله سيد العدة دة العدة تقع منو وتتكسر حتة حتة ..
الفرق بين سيد اللبن وسيد العدة زي الفرق بين نافخ الكير وحامل المسك ...
ولكم تحياتي وتقديري

[عزيز عيسى]

يا عشوشة يا فرده.. ما فضل لينا إلا ننده ليك الشيخ (راجل كسلا) علشان يجيبك المنتدى..
سعدنا بطلتك بعد غيبة وما أروعك وانت تتطرقين لشخصية سيد اللبن الذي يعرف الجميع ويعرفه كل بيت في الحي..
الكل يحبه ويكون في انتظاره علي أحر من الجمر.. ويسعدون بلقائه والتحدث إليه عندما يأتي كل يوم في الصباح الباكر لتوزيع اللبن..
ولكن هنالك فئة معينة من الزبائن لا تطيقه ولا تريد مشاهدته وربما التهرب منه بعدم الوجود في المنزل عندما يحضر في أوقات غير الاوقات المعتاد عليها لتوزيع اللبن خاصة بعد الفطور طبعا لاستلام حق الدين أو (الجرورة) عند نهاية كل شهر..

عندما كنا صغار كان هنالك أغنية بنغنيها ونرددها دائما عندما نشاهد سيد اللبن.. بيقول مطلعها:

سيد اللبن جاء يا محاسن.. سيد اللبن جاء يا محاسن

نسيتها.. اللي حافظها يتمها..

قالوا زمن الانجليز كان توزيع اللبن أرقى.. كان اللبن بيحمل علي زجاجات أنيقة ويوزع بالموتر شبيه (للركشة).. توضع الزجاجات الفارغة علي حائط المنزل..
يأخذ بائع اللبن الزجاجات الفارغة ويضع بدلها زجاجات مملؤة باللبن الصافي (غير المزود بالماء).. ثم تأتي ست البيت وتأخذ الزجاجات المملؤة.. والحساب عند نهاية الشهر.
وبعد خروج الانجليز من السودان.. أهلنا قرروا إزالة كل الاساليب الانجليزية في توزيع اللبن وقاموا بإستبدال طريقة التوزيع - الله يكرمكم - (بالحمير)..
وزودوه موية.. علي ما أعتقد سيد اللبن الذي كنا نشاهده زمان في الآحياء إختفى الآن.. وبسأل عن ستات الروب.. هل مازلن يمارسن نشاطهن في بيع الروب.. (الروب رايب)..

ولك ودي،

عزيز

[عشوشه]

الاخ ود الماذون حمدلله بالسلامه وبركه الشفناك طيب
ود الماذون لا اكتب الا عندما استفز لذا تجدنى مقله اما قلة الردود فلكم العتبى حتى ترضو الا ان ضيق الوقت احياناً هو السبب .
الاخ ابراهيم عاش من شافك شتان ما بين سيد اللبن وسيد العده ما يجمعهم انهم ياتون صباحاً وقالو قديماً الجاتك فى بنطلونك سامحتك وتعيش وتاخد غيرها ..
الاخ عزيز عيسى عوداً حميداً طبعاً شرب اللبن جميل بس لو كان من غير اخر الشهر ؟
اما الاغنيه فعندما كنا صغاراص كنا بنقول
سيد اللبن جاء ادو حله
اما حكايه الموتر دى اول مره اسمعها يديك العافيه انك زكرتها طبعا انا ما حضرت زمن الانكليز وما شفت اللبن ابو قزايز ولا حضرت التحرمنى منك .
اما سؤالك عن ستات الروب الله يطراك بالخير اظنهم ما زالو يمارسو نشاطهم فى المدن الصغرى والاحياء الصغيره اتمنى انهم ما ينقرضو كالمهن الاخرى .
وصباحكم لبن

[مهيرة]

طبعاً يبقى سيد اللبن شخصيه اساسيه ومهمه فى حياتنا .

شكرا عشوشة للموضوع الحيوي والذي يمس واقعنا المعاش
وفغلا سيد اللبن أصبح من أساسيات الحياة
في بلد ينعم بالمراعي والطبيعة المؤهلة بأن تكون هناك مليون مصنع لبن
ويباع في تغليف منوع بدلا من دقة الباب التي اعتدنا عليها :
(( وشوفوا ده منو سيد اللبن جا )) :) :) :)

[الوفي]

معليش بس مع فائق الإحترام والتقدير والمحبه وكل شي حلو بيدي بس سيد اللبن ده انا بتحسس منو وما عارف ليه
لكن بتحس منو شديد
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه
تحياتي

[سواااح]

المهنة محتاجة للتقنيين حتي تكون سليمة 100 %

دمــــــــــــــــــتي ..

[راسكال]

يا عشوشة موضوعك مبالغة

وحمد الله علي السلامة

وين اراضيك

ومشكووووورة علي الموضوع الجميل دا

[تكنك مان]

يا عشوشة موضوعك مبالغة

وحمد الله علي السلامة

وين اراضيك

ومشكووووورة علي الموضوع الجميل دا

[الجندي المجهول]

يا عشوشة خلينا من سيد اللبن البلد قالوا جات فيها انفلونزا الطيور ودي مشكلة ولا رايكم شنو يا شباب لانو السودان ما حمل الكارثة دي ، هسع سيد اللبن وبكرة نفيسة ست البيت حا تفلس لانو البيض حا يبور ولا شنو يا ناس اخص بالذكر ناس شندي فوق ومايو وناس لا لا

[ابراهيم]

عندما كنا صغار كان هنالك أغنية بنغنيها ونرددها دائما عندما نشاهد سيد اللبن.. بيقول مطلعها:

سيد اللبن جاء يا محاسن.. سيد اللبن جاء يا محاسن

نسيتها.. اللي حافظها يتمها..



يا جماعة ماف زول حافظ الغنية دي ولا شنو؟

[الجندي المجهول]

يا ابراهومة انا اغايتو حاولت اجتهد ما لقيت الا الاغنية علي ما اعتقد بتاعت ترباس بتاعت اللبن ابو لي بي وياريت ما اكون غلطان **** انت عارف اجمل حاجة في سيد اللبن شنو لما يمون بشرب في موية ولا بيحاسب وخلا الحمار لوحده والواحد يقوك يركب فيهو والله كانت قمة المدعة لانو الحمار كان بيكون عندو سرج من نوع خاص طبعاً من الخشب وعليه مخدة ومكرب تمام وبديك في الوقت داك احساس بانك تمطتي صهوة جواد جامح وبانك عنترة بن شداد لكن المشكلة كان لما ينتهي من الحساب او غسيل التمنة " الماعون الذي يوضع به الللبن" لانو كان بيكون فيها شبه علقة لكن فيها نوع من الرحمة والرأفة بالصغار ويا حليل ايام زمان
ولكم ودي الجميل
****
مداخلة من صديق عزيز معي الان وقال لي الجيل الجديد القايم هسع حضر اللبن بيتباع بالبوكس وسلام سلاح للبكاسي الهايلوكس
ومن جانبي انا كذلك البيض وخطوط التلفون الجديدة والخضار وكلوا بالبوكس والله كلمة بوكس دي بقت تخوف وباااااااااااااااي

[esmat]

سيد اللبن وعلاقته بالأسرة السودانية
عشوشة موضوع جدا جميل

[haroun ahmed]

اخوتى اتيت متاخرا .....لكن معليش ما كا ن بجهاذى عربى الحمد لله حلت......اما موتر اللبن....وقزاز اللبن.......فكان موجود الى اخر السبعينات ...فانا اصلا مواليد النشيشيبة......فكانت بها 2 موتر...لتوزيع اللبن.....وايضا كان زجاج اللبن........وكانت تسمى...محطة الابحاث الانتاج الحيوانى بلنشيشينة............لكم جزيل شكرى.........هارون

[haroun ahmed]

اخوتى اتيت متاخرا .....لكن معليش ما كا ن بجهاذى عربى الحمد لله حلت......اما موتر اللبن....وقزاز اللبن.......فكان موجود الى اخر السبعينات ...فانا اصلا مواليد النشيشيبة......فكانت بها 2 موتر...لتوزيع اللبن.....وايضا كان زجاج اللبن........وكانت تسمى...محطة الابحاث الانتاج الحيوانى بلنشيشيبة............لكم جزيل شكرى.........هارون