للمبدع كـرومـــــه

[سمل الحلفاوى]

زيدني في هجراني
و في هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم

[أبوبكرحامد]

هذه إحدى روائع غنائنا السودانى ، تشكرات حبيبنا حلفاوى وووووووووو مسكاقنه

[سمل الحلفاوى]

هذه إحدى روائع غنائنا السودانى ، تشكرات حبيبنا حلفاوى وووووووووو مسكاقنه
تشكر عزيزى خالد لحضورك ههههههههههه مسكاقنه .. الحمد الله
http://www.indymedia.no/usermedia/audio/6/artist___line_in_track_07.mp3

[سمل الحلفاوى]

السمحة ام ولدي

دى السمحة ام ولدي بتشيل قفاي سندي
دى السمحة ام ولدي بتشيل قفاي سندي
بتعيش معاي راضية الله الله كان عندي وما عندي
دى السمحة ام ولدي
الحسيسة العشورى السامية في شعورى
الحسيسة العشورى السامية في شعورى
ماجابت ملامة الله الله وماقطعت الشورى
دى السمحة ام ولدي
الحسيسة الخدومة ماصارة قدومة
الحسيسة الخدومة ماصارة قدومة
ست بيت منجرية الله الله احماها مذمومة
دى الرايقة ام ولدي
راضية بالعيشة كان كسرة كان عيشة
راضية بالعيشة كان كسرة كان عيشة
وان مافي ماقالت الله الله ياناس د ماعيشا
دى السمحة ام ولدي
ما مرقت من جوى وماسوت العوى
مامرقت من جوى وماسوت العوى
ماليها بفلانة الله الله وفلان عمل سوى
دى السمحة ام ولدي
حكامة كان فتا رباية كان متا
حكامة كان فتا رباية كان متا
بتعيش وليداتا الله الله ماتجيهم الحتة
دى السمحة ام ولدي
كريمة يابنية كان جو ضيوف مية
كريمة يا بنية كان جو ضيوف مية
بالجود موجودة الله الله لو مافي بالنية
دى السمحة ام ولدي
ملساء ماغبشاء,ناعمة ماغبشاء,نايرة ما غبشاء
في راسي ماغدرت الله الله وما سوت الدوشة
دى السمحة ام ولدي
بتصلي صلواتا الخمسة في اوقاتا
بتصلي صلوتا الخمسة في اوقاتا
مانامت بعشاها الله الله لا يوم صبح فاتا
دى السمحة ام ولدي
دى الرايقة ام ولدي
الاصيلة ام ولدي
حامدة ما جاحدة الله الله كان عندي وما عندي
دى السمحة ام ولدي