المساعد الشخصي الرقمي

مشاهدة النسخة كاملة : عبدالرحيم أرقي ( عافية منك ) أهـــــــــداااء لكل الأحبة



خالد حمد موسى
05-02-2006, 07:16 AM
<param name="BACKGROUNDCOLOR" value="#000000"><embed src="http://www.bayanit.com/upload/protected/3afia_menk.wma" align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true">
<br>


عافية منك


عافيـة منـك وراضيـة عنـك سـو رضـايـا

مـا بيخيـب الرضـى والدتـو يــا جنـايـا

أنت من يا دوب صغير مـن زمـان دائمـا معايـا

أنت ديمة أمامـي سايـر مـا بخليـك بـي قفايـا

ما بتغيب من عيني لحظة ولا حصل سبتـك ورايـا

لامن الله يشيل أمانتو أنا ببقـى خصـاك بالرعايـا

يرعـاك البيرعـى وليـا بيـل يبـرد حشـايـا

أصلك انت هديـة منـو بيـك اجـزل عطايـا

انت واحد مالو تانـي رحمـة فـي آخـر صبايـا

أنت لما خلاص كبرت داير تسيبني أعيـش برايـا

داير تفارقنـي تهاجـر والحـزن يصبـح جزايـا

كيف تهون لك تحزن أمك عشان تحقق ليك غايـة

كان مهاجر عشان علاجي بلقى في شوفتك دوايـا

لو كان عشان تسقينا مالك نحن بي حنـك روايـا

لو عشان كرعينا راحل نحـن بـي بعـدك حفايـا

لو كان مهاجر عشان تعرس خير أبوك مالي التكايـا

خيرو وافر أبوك يحمدو مراحـو مليـان بالسعايـا

وبالقروش الجيب مجكن و لسه برضو الجايـه جايـا

أصلي منـك مـا بقصـر بحفـر أديـك المعايـا

إن كان دا كلو كمان شوية بتلقى في دهبي الكفايـة

أصلي من سويتها نادرها تبقـى لـي أيـام قسايـا

داخرها لزمن البعاكـس لسعادتـك يـا حشايـا

انت من شبيت صغير راسي مـا بتحتـاج وصايـا

ما حصل خيبت ظنـي ومـا فشـل بيـن غنايـا

لا تسيـب أمـك تهاجـر يمـه محتاجـة الحمايـة

لا تسيبني وراك ترحل انت ياهـو ضلـي ضرايـا

انت فوق الحوبة مقنع أنـت للمكشـوف قطايـا

دايـرك تبقـى جنبـي فـي فـرحـي وبـلايـا

إن كان كحيـت اتبنـك وأقسـم لـك قطايـا

داير أقضي عميري جنبك أصلـو قـارب للنهايـة

خايفه كان تسافر ترجع تلقى فاضي البيـت بلايـا

حينها ما تنفع قروشك وما تجيب لـك أم سوايـا

ماني عارفه سبب رحيل يا وليدي شنـو الحكايـا

إلا تبقى براك شايف فـي فـراق الوالـدة غايـة

ما بعاتبك ما بلومك ولو رحلت بلقى في قساك عزايا

على حجر دايماً قليبك وقلبي كلو عليـك جنايـا

عافـي منـك راضـي عنـك ســو رضـايـا




تحياتي لكم

ابو زخل
05-02-2006, 05:00 PM
كلام جميل والله وانا كايس ليها من زمان والحمد لله لقيتها
وياريت تجيب لينا المزيد والمزيد كمااااااااااااااااااااااااان
تسلم والله لا حرمنا من جديدك

يعني جديدك للشوايقة مفهوم
ارقي وباقي الشلة

خالد حمد موسى
07-02-2006, 06:19 AM
مشكورة ابوزخل علي الاطلاله


لك خالص ودي وتقديري .

نسرين
07-02-2006, 07:27 AM
أنت لما خلاص كبرت داير تسيبني أعيـش برايـا

داير تفارقنـي تهاجـر والحـزن يصبـح جزايـا

كيف تهون لك تحزن أمك عشان تحقق ليك غايـة

كان مهاجر عشان علاجي بلقى في شوفتك دوايـا

لو كان عشان تسقينا مالك نحن بي حنـك روايـا

لو عشان كرعينا راحل نحـن بـي بعـدك حفايـا

لو كان مهاجر عشان تعرس خير أبوك مالي التكايـا

خيرو وافر أبوك يحمدو مراحـو مليـان بالسعايـا

وبالقروش الجيب مجكن و لسه برضو الجايـه جايـا

أصلي منـك مـا بقصـر بحفـر أديـك المعايـا

إن كان دا كلو كمان شوية بتلقى في دهبي الكفايـة

أصلي من سويتها نادرها تبقـى لـي أيـام قسايـا

داخرها لزمن البعاكـس لسعادتـك يـا حشايـا

انت من شبيت صغير راسي مـا بتحتـاج وصايـا

ما حصل خيبت ظنـي ومـا فشـل بيـن غنايـا

لا تسيـب أمـك تهاجـر يمـه محتاجـة الحمايـة





خالد يارائع اوفيت اوكفيت

اوماقصرتة معانا خالص وانا لي زمن بفتش ليها

تسلم اناملك ياراقي والف شكر ليك

tahaa
07-03-2006, 08:02 AM
لك ألف شكر يا أستاذ يا رائع
أبدعت عيل كده
وربنا ما يحرمنا منك ومن إبداعاتك]

سواااح
07-03-2006, 11:20 AM
ما اجمله قلب الام واعطفه .

مشكور استاذ خالد ..

دمـــــــــت ..

حسن على
19-03-2006, 06:39 AM
لك ألف شكر يا أستاذ يا رائع
أبدعت عيل كده
وربنا ما يحرمنا منك ومن إبداعاتك

ابوضراع
19-03-2006, 09:22 AM
لك التحية اخى وصديقى الاخ خالد حمد موسى والله اتحفتنا وا سلجت صدورنا والله الواحد فى بلاد الغربة كثيرا ما يسمع الاغانى التى تمتاز با الحنين سوا الى الوطن او الى الوالدين ولكم التحية والتجلاء الى كل من ساهم فقى ترقية هذا المنتدى الرائع الجمبل وانا والله من مدمنى منتداكم العامر
منى ومن كل الجالية السودانية با الجماهرية الليبية بقولكم ها ناسات البلد الغالى سلام
ها نا سات البلد الغادى سلام ادونى سلام وانا يانى وليدكم واقبلو منى ومن المعايا مليون سلام


الاسم\ نصرالدين يوسف الامين ابوضراع



الجماهرية الليبية

المنطقة الشرقية بنغازى


وعبركم احى كل الاهل بقريتى الجميلة المتواضعة


قرية الدبيبة عبد الله ربفى العيلق

عبدالبارىالحجاج
08-01-2007, 08:54 AM
خالد والله العظيم انا بكيت والان ابكى
فى هزه اللحظا ت
انا نفسى ارجع السودان
عشا ن اخد امى با لاحضا ن وابكى وابكى وابكى
فى حضنك يا اعز الحبا يب
يا امى
ومن خلا لكم بقو ل الى الحا جه والدتى الحا جه \زهراء حمد النيل يوسف ابو عا قله
ما شى فى طريق من غير صحا ب
نهارى وليلى كلو عزاب
يما والله بكيت ولا اشتكيت
فى الغربه ضاع منى الشبا ب
يا يا مه فى الغربه ضا ع منى الشبا ب
عبد البارى الحجا ج \مصرى وسودانى
للمراسله
www.alkaldy20062006@yahoo.com

محمد مصطفي
09-01-2007, 06:19 AM
احنا ناس واحلي ناس


مشكور

IT_man
13-01-2007, 11:52 PM
ما أجمل و أروع كلمات وأغاني وألحان أهلي الشايقية...


مشكور يا مشرفنا....